Web edukia bistaratu Web edukia bistaratu

Jakinarazpen elektronikoa

Nola sartu jakinarazpen elektronikoen postontzian

Norberaren izenean

Jakinarazpen elektronikoen postontzian sartzeko, Online tramiteen eta zerbitzuen atarian - Gipuzkoatarian identifikatu behar da, sinadura elektronikoa erabilita. Sinadura elektronikoen motak:

Egoitza elektronikoan behin identifikatuta, ondorengo atalera jo behar duzu: "Hainbat departamenturen zerbitzu erkideak / Jakinarazpen elektronikoen postontzia".

Hirugarren pertsonen izenean

Hirugarren pertsonen jakinarazpen elektronikoetan sartzeko, beharrezkoa da sinadura elektronikoa erabiliz Egoitza elektronikoan geure burua identifikatzea eta ordezkatutako pertsonaren izenean jakinarazpen elektronikoen postontzian sartzea. Ordezkaritza motaren arabera, honela sar gaizteke jakinarazpen elektronikoetan:

  • Entitate baten edo pertsona desgaitu baten legezko ordezkari moduan sartzea. Adibide gisa, legezko ordezkariak dira hauek:
    • Pertsona juridikoen kasuan (merkataritza sozietateak, kooperatibak, fundazioak, elkarteak…): enpresen administratzaile bakar, solidario edo mankomunatuak, elkarte bateko lehendakariak…
    • Pertsona fisikoen kasuan: adingabeko seme-alaben guraso-agintea duten gurasoak; judizialki ezgaitutako pertsonari dagokion epaian izendatutako pertsona,…

Pertsona fisiko zein juridikoen legezko ordezkariak, legezko ordezkarien erroldan behar bezala inskribatuta badaude, beti sartu daitezken beren ordezkatuen jakinarazpen elektronikoetan. Horretarako, identifikatu egin behar dira aurreko atalean esandako eran. Era berean, helbide elektroniko bat altan emanda badute, jakinarazpen abisuak jasoko dituzte. Legezko ordezkaritzari buruzko informazioa zabaltzeko eta alta nola egin jakiteko, ikusi honako informazioa: Legezko ordezkarien errolda.

  • Pertsona edo enpresa baten zerga alorreko ordezkari moduan sartzea. Zerga alorreko ordezkaritzaren bitartez, pertsona bat baimendu daiteke hirugarrenentzako zerga gaietarako jakinarazpen elektronikoetan sartzeko. Zerga alorreko ordezkaritzari buruzko informazioa zabaltzeko eta alta nola egin jakiteko, sakatu esteka honetan: Zerga ordezkarien errolda.
    • Zerga alorreko ordezkaritzaren 3. edukiak ordezkariari baimena ematen dio ordezkatuari zuzendutako jakinarazpen elektronikoak jasotzeko, Ikustaritzako Zuzendariordetzaren aurrean eramaten diren espedienteak kenduta.
    • Zerga alorreko ordezkaritzaren 4. edukiak ordezkariari baimena ematen dio  ordezkatuari zuzendutako jakinarazpen elektronikoak eta postalak jasotzeko, baina bakarrik Ikustaritzako Zuzendariordetzaren aurrean eramaten diren espedienteetan.
    • Aipatutako edukiekin, ordezkaria baimendurik geratzen da ordezkatuari bidaltzen zaizkion jakinarazpenak ikusteko. Halaber, jakinarazpen abisuak posta elektronikoz jasoko ditu.
  • Pertsona fisiko eta juridikoen eta nortasun juridikorik gabeko entitateen ordezkari moduan sartzea. Ordezkaritza korporatiboaren bidez edozein pertsona baimendu daiteke hirugarrenen jakinarazpen elektronikoetarako sarbidea izan dezan ordezkaritza eman zaion gaiari dagokionez.
    Borondatezko ordezkaritzari buruzko informazioa zabaltzeko eta alta nola egin jakiteko, sakatu esteka honetan: Borondatezko ordezkarien errolda korporatiboa.