Sinadura-ziurtagiri kualifikatua

Definizioa

Gako publikoko ziurtagiri bat da, konfiantzazko zerbitzuen hornitzaile kualifikatu batek emana, eta 910/2014 (EB) Erregelamenduan ezarritako baldintzak betetzen dituena.

Ziurtagiri kualifikatuak “Ziurtapen zerbitzuen emaileen konfiantzazko zerrendan” sartutako zerbitzu emaile batek eginak dira. Identifikazio zerbitzuak ematen dituzten entitateak dira, besteak beste, Izenpe, Camerfirma eta Espainiako Moneta eta Tinbrearen Fabrika Nazionala (FNMT).

Ziurtagiri motak

Bi motatakoak izan daitezke ziurtagiri elektronikoak: pertsona fisikoarena (herritarrena) eta entitatearen ordezkariarena.

Nola lortu ziurtagiri kualifikatua

Ziurtagiri kualifikatua lortzeko, tramite jakin batzuk bete behar dira ziurtapen zerbitzuak ematen dituenaren aurrean. Zerbitzu emaile bakoitzak bere prozedura ezarria du ziurtagiria kualfikatuak emateko. Jarraian ageri diren esteketan ikus daiteke nola eta non lortu daitezkeen ziurtagiriak entitate bakoitzak emandako informazioaren arabera.

Izenpe

• Herritarren ziurtagiria (pertsona fisikoak)
• Entitatearen eta nortasun juridikorik gabeko entitatearen ordezkariaren ziurtagiria

Camerfirma

• Herritarren ziurtagiria kualifikatua (pertsona fisikoak) (gaztelaniaz)
• Ordezkariaren ziurtagiri kualifikatua (nortasun juridikoa duten edo ez duten entitateak)

FNMT

• Pertsona fisikoaren ziurtagiria (gaztelaniaz)
• Ordezkariaren ziurtagiria (nortasun juridikoa duten edo ez duten entitateak) (gaztelaniaz)

NAN elektronikoa

• NAN elektronikora lotura