BakQ: identifikazio elektronikoko bitartekoa, autentikatzeko eta sinatzeko  

Definizioa

BakQ pertsona fisikoei zuzendutako identifikazio elektronikoko bitarteko bat da, autentifikatzeko eta sinatzeko prestatua. Lotuta dago Izenpe entitate ziurtatzaileak emandako ziurtagiri kualifikatu batekin, eta, bertan sartzeko, faktore hauek erabiltzen dira: erabiltzailearen identifikazioa (NAN/AIZ), pasahitz bat eta 16 posizioko koordenada joko bat (edo itsasontzi joko bat).

BakQ sinaduraren lege eta segurtasun bermeak

Sinadura elektroniko aurreratuak honako beharkizun hauek betetzen ditu:

• Modu bakar batean lotuta dago sinatzailearekin.
• Sinatzailearen identifikazioa ahalbidetzen du.
• Hura sortzeko, sinadura elektronikoaren sorrerako datuak erabiltzen dira, sinatzailearentzat konfiantza maila handikoak direnak eta osorik bere kontrolpean daudenak.
• Sinatzaileak izenpetutako datuekin lotuta dago, ondoren egiten den edozein aldaketa antzemateko moduan.

Administrazioak ziurtagiri kualifikatu batean oinarritutako sinadura elektroniko aurreratua onartzen duenean, zerbitzu bat erabilia izateko, aitortu egin behar du Europar Batasuneko beste estatu kide batzuetako ziurtagiri mota horren erabilpena.

Zertarako balio BakQ sinadurak?

BakQ erabilita, honako hauekin jardun daiteke:

• Gipuzkoako Foru Aldundiko zerbitzu elektroniko guztiekin (Gipuzkoatariaren bidez).
• Euskal administrazio guztiekin. Organismo bakoitzaren webguneak kontsultatu daitezke, BakQ sinadura erabiltzeko aukera guztiak zehazki ezagutzeko.

Nola lortu daiteke BakQ?

• Modu telematikoan, IZENPEren herritarren ziurtagiri edo eDNI baten bidez. Izenpek aukera ematen dizu eskaera modu telematikoan burutzeko indarrean dagoen IZENPEren herritar ziurtagiri edo eDNI batekin sinatuz. (IZENPE: online eskaerak)
• Bulego edo arreta guneetako batera joan daiteke (ikus Bulegoak edo arreta guneak atala), eta eskaera aurkeztu.
  BaKQ eskatu ahal izango dute 16 urtetik gorako pertsona fisikoek bakarrik, eta ezinbestekoa izango da posta elektronikoko helbide bat eta telefono mugikor bat adieraztea.
  Horretaz gain, eskatzaileak nortasuna egiaztatu behar da, jatorrizko dokumentazio hau aurkeztuta, betiere indarrean dagoela:
  • Nazionalitate espainiarreko eskatzaileak: NANa, pasaportea edo gida baimena. 
  • Europar Batasuneko beste nazionalitatea duten eskatzaileak: IAZ edo, bestela, Europar Batasuneko herritarren erregistroko ziurtagiria eta sorterriko pasaportea edo NAN, betiere indarrean dagoena.
  • Batasunetik kanpoko nazionalitatea duten eskatzaileak: bizileku txartela (AIZ).
• Gaitutako puntuetara joateko aukerarik ez baduzu, notario aurrean legitima dezakezu eskaera. Eskaera-formularioa bete eta sinatu, zure NAN/AIZren kopia batekin batera; notario batek zure eskaera legitimatu behar du eta kopia kautotu. Ondoren, hona bidali:
  • Erref: BakQ bitartekoaren eskaera
    Izenpe
    Tomas Zumarraga Dohatsuaren kalea, 71.
    01008 Vitoria-Gasteiz.
• Hirugarren pertsona batek ezin du inola ere BakQ baten eskaera beste baten izenean izapidetu, ezta legezko, tutoretzako edo antzeko ordezkaritzaren kasuetan ere. Kasu horietan, ordezkariak BakQ eskatu beharko du, eta ordezkaritza lehen pertsonan gauzatu, dagokion zerbitzuaren aurrean.
• Mezu elektroniko bat jasoko da adierazitako helbidean, informazio hau izango duena:
  • Koordenatuak (edo itsasontzi jokoa), gorde beharko direnak.
  • BakQ eman eta aktibatzeko prozesura daraman lotura bat.
• Sinadura eman eta aktibatzeko prozesua Izenperen webgunetik osatu behar da (horretarako, aurreko puntuan aipatutako lotura erabiliko da). Lau pauso eman behar dira:
  1. SMS bat jasotzen da, eskaeran adierazitako mugikorrean. Horretan, pasahitz bat egongo da, segurtasuna dela-eta beste pasahitz batekin ordezkatu beharko dena.
  2. Datu pertsonalak egiaztatzen dira, eta BakQ erabiltzeko terminoak eta baldintzak onartzen dira.
  3. Lehen aldiz autentifikazio bat egiten da, hodeian sinadura elektronikoko ziurtagiria hodeian eman ahal izateko.
  4. BakQ prest egongo da, norbera autentifikatzeko eta erabakitzaileak nahi dituen on line harremanetan sinatzeko.​

Bulegoak edo arreta guneak

Izenpe-ren webgunean jasotako gainerako arreta gunez gain, Gipuzkoako Foru Aldundian eskaera tramitatu ahal izango da, bulego hauetako batean:

• Gobernantzako eta Gizartearekiko Komunikazioko Departamentua
  • Herritaren Informazio eta Arreta Bulego Zentrala. Foru Jauregia. Gipuzkoa plaza z.g. Donostia
• Gizarte Politikako Departamentua
  • Txara 2. Zarategi pasealekua, 99. Donostia
• Ogasun eta Finantza Departamentua
  • Departamentuko egoitza nagusia. Errotaburu pasealekua, 2. Donostia
  • Azpeitiko bulegoa. Julian Elortza kalea, 3. 
  • Bergarako bulegoa. Toki Eder, 5. 
  • Eibarko bulegoa. Arragueta 2, behea. 
  • Irungo bulegoa. Frantzisko de Gaintza kalea, 1. 
  • Okendoko bulegoa. Okendo, 20. Donostia
  • Tolosako bulegoa. San Frantzisko, 45.

Ohiko galderak

Kontsulta ezazu informazio gehiago Izenperen webgunean.