Erabilera profesionalerako banakako identifikazio elektronikoa: profesionalak hodeian (Izenpe)

Definizioa

Entitateetako langile diren pertsona fisikoentzako identifikazio eta sinadura elektronikoko sistema bat da. Pertsonala eta besterenezina da; digitalki identifikatzen du pertsona, eta erakunde bateko langile dela egiaztatzen du, baina ez du erakundearen izenean jarduteko gaitasunik ematen.

Izenpe erakunde ziurtatzaileak jaulki eta kudeatzen du.

Ez du gailu fisikorik behar, izan ere, hodeian dagoen ziurtagiri bat da, eta bere funtzionamendua erabilera bakarreko pasahitz bat bidaltzean oinarritzen da (OTP-one time password). Identifikazio elektronikorako bitarteko honek elementu hauek ditu:

• NAN
• Pasahitza
• Erabilera bakarreko pasahitza (OTP): posta elektronikora edo telefono mugikorrera SMS bidez bidaltzen dena
• Sinadura elektronikoaren ziurtagiria hodeian, profesionala kide den erakunde bakoitzerako.

Zertarako erabil daiteke?

• Ziurtagiriaren titularra kide den erakundearen sarerako eta aplikazio korporatiboen sistemarako sarbide gisa.
• Gipuzkoako Foru Aldundiaren "Online tramiteak" atarian dauden zerbitzu guztiak bideratzeko.
• Euskal administrazio guztiekin interakzio elektronikoa edukitzeko (kontsultatu erakunde bakoitzaren web-orriak ziurtagiri hau erabiltzeko aukerak zehatz-mehatz ezagutzeko).

Nola lortzen da?

Erakundeko langile diren pertsona fisikoek eskatu ahal izango dute, erakundeak ezarritako prozeduraren arabera. Erakunde bakoitzeko ordezkariak/arduradunak eskaera baimendu ondoren, haren jaulkipena BakQ ziurtagria jaulkitzearen oso antzekoa da.

Eskaerak egiteko bi modu daude:

• aurrez aurre emandako ziurtagiri baten bidez,
• erregistro korporatiboko bulego batean aurrez aurre identifikatuta.

Eskaera egin ondoren, igorpen-prozesuak eskatzaileak egin beharreko sei urrats ditu. Kontsultatu informazio gehiago “Profesionalak hodeian” atalean, Izenpeko webgunean.