USURBILGO UDALA

Iragarkia

Tokiko Gobernu Batzarrak, 2021eko abenduaren 23an egindako bilkuran, ekintzaileentzat Kabiene Elkarteak duen elkarlan-gunean egonaldirako diru-laguntzaren kopuruak behin betiko onartu zituen.  

Erabakia finkoa da eta amaiera eman dio administrazio bideari.

— Errekurtsoak:

Erabaki honen aurka auzitara jo aurretik, interesdunak, hala nahi izanez gero, erabakia berraztertzeko errekurtsoa aurkez dezake urriaren 1eko Administrazio Publikoen Administrazio Prozedura Erkidearen 39/2015 Legearen arabera Tokiko Gobernu Batzarraren aurrean. Eskatzaileak hilabeteko epea dauka horretarako: erabaki honen jakinarazpena jaso eta biharamunetik aurrerako hilabete osoa.

Bestela, erabaki hau berraztertzeko eskatu ordez, edo berraztertzeko errekurtsoaren erantzunaren aurka joko balu, zuzen zuzenean administrazioarekiko auzi-errekurtsoa aurkez dezake. Interesatuak bi hilabeteko epea dauka horretarako, erabaki honen jakinarazpena jaso eta biharamunetik hasita. Errekurtsoa aurkeztekotan Gipuzkoako Kontentzioso-Administratiboetarako Epaitegira jo behar da. Bestaldetik, birjarpen errekurtsoa erantzun gabe utziko balu Administrazioak, interesdunak edozein momentutan aurkeztu ahal izango du administrazioarekiko auzi-errekurtsoa, berariazko araudiaren arabera presuntziozko ekintza gertatu den biharamunetik aurrera.        

Usurbil, 2021eko abenduaren 23a.—Agurtzane Solaberrieta Mesa, alkatea.    (8355)

TOKIKO GOBERNU BATZARRAREN ERABAKIA
HASIZ HAZI BEKA

IKUSIRIK

2021eko apirilaren 7an argitaratu zen Gipuzkoako Aldizkari Ofizialean Hasiz Hazi diru-laguntza, ekintzaileentzat Kabiene Elkarteak duen elkarlan-gunean egonaldirako diru-laguntzaren oinarriak arautuz eta aurkezteko lehenengo epea, 2021eko maiatzaren 31 arte eta bigarrena berriz 2021eko irailaren 30 arte, emanez.

Diru-laguntza honen bitartez enpresa proiektu berri bat garatzen ari diren pertsonei edo JEZ alta emanda egon eta lan egiteko leku bat behar duten pertsonei urtebeteko egonaldia ordainduko zaio Kabiene Elkarteak duen elkarlan-gunean, lanerako espazio bat ez ezik, baliabideak eta esperientziak partekatzeko leku bat izan dezaten.

Lehenengo epean, hau da, maiatzaren 31 bitartean ez zen eskaerarik aurkeztu eta bigarrengoan, epea amaituta, hiru eskaera jaso dira.

Diru-laguntzen Batzorde Orokorrak 2021eko azaroaren 10an egindako bilkuran, ebazpen-proposamena egin zuen Hasiz Hazi beka diru-laguntzen inguruan.

Ebazpen proposamena azaroaren 29ko Gipuzkoako Aldizkari Ofizialean argitaratu zen, interesatuei hamar eguneko epea emanez alegazioak aurkezteko.

Bestalde, Udaleko iragarki taulan eta www.usurbil.eus web orrian ere behin behineko ebazpenaren berri eman da.       

Epe horretan ez da alegaziorik aurkeztu.

ETA KONTUAN HARTURIK

— Azaroaren 17ko 38/2003 Legea, diru-laguntzak arautzen dituena.

— Diru-laguntzak arautzeko udal ordenantza (Gipuzkoako Aldizkari Ofiziala, 2008/07/01).

— Usurbilgo Udaleko 2020-2022ko Diru-laguntzen Plan Estrategikoa.

— Hasiz Hazi beka, ekintzaileentzat Kabiene Elkarteak duen elkarlan-gunean egonaldirako diru-laguntzaren oinarriak (Gipuzkoako Aldizkari Ofiziala, 2021/04/07).

— Hasiz Hazi beka, ekintzaileentzat Kabiene Elkarteak duen elkarlan-gunean egonaldirako diru-laguntzaren behin behineko ebazpena (Gipuzkoako Aldizkari Ofiziala, 2021/11/29).

EBAZPENA

Lehenengoa: Ekintzaileentzat Kabiene Elkarteak duen elkarlan-gunean egonaldirako 1.089 € tako diru-laguntza ematea eskatzaile bakoitzari:

Diru-laguntzaren zenbatekoa, 12 hilabetetako alokairu gastua (75 €/hileko), eta honi dagokion % 21eko BEZ-a (15,75 €/hileko) izango da.

Bigarrena: Ordainketa bi zatitan egingo zaie % 80-a ebazpena ematen denean eta bigarrena % 20-a memoria eta Kabieneko egonaldiari dagokion faktura agiriak aurkeztu ondoren.       

Hirugarrena: Garapen ekonomiko diru-laguntza aurrekontu-partida honen kargura joango da: 1.5000.481.241.00.03 (A 2159/2021).

Laugarrena: Ebazpena Gipuzkoako Aldizkari Ofizialean argitaratuko da.

Bosgarrena: Udaleko iragarki taulan eta www.usurbil.eus web orrian behin betiko ebazpenaren berri emango da.       

Seigarrena: Kontu-hartzailetzari akordioaren berri ematea.