GIPUZKOAKO FORU ALDUNDIA

OGASUN ETA FINANTZA DEPARTAMENTUA

521/2020 Foru Agindua, abenduaren 23koa, TicketBAI softwarearen zehaztapen tekniko eta funtzionalak eta TicketBAI Softwarearen Erregistroan alta emateko aitorpena arautzen dituena.

Zerga iruzurra eragoztea helburu duten tresna teknologikoak erabiltzeko obligazioa ezartzen duen azaroaren 6ko 3/2020 Foru Araua dela medio –sozietateen gaineko zergaren, ez-egoiliarren errentaren gaineko zergaren eta pertsona fisikoen errentaren gaineko zergaren foru arauak aldatuz ezarri da obligazio hori–, zergadunak behartuta geratu dira fakturazio sistemetan neurri teknologiko aurreratuak erabiltzera tresna teknologiko berriak baliatuta, eta horrek jarduera ekonomikoak egiten dituzten pertsona fisikoen eta pertsona juridikoen tributazioa kontrolatzea ahalbidetuko du, haien tamaina edo eragiketa bolumena edozein dela ere.     

Bere artikuluetan zehar, aipatutako foru arauak hainbat gai uzten ditu erregelamenduz garatzeko, eta zeregin hori.aren 22ko 32/2020 Foru Dekretua dela medio gauzatu da. Dekretu horrek TicketBAI betebeharra garatzen duen Erregelamendua onesten du.            

Erregelamendu horretan ezartzen da TicketBAI softwareak bete behar dituen zehaztapen tekniko eta funtzionalak Ogasun eta Finantza Departamentuko foru diputatuak onetsiko dituela foru agindu bidez.       

Hori aintzat hartuta, foru agindu honen lehen sekzioan jasotzen dira TicketBAI softwarearen ezaugarriak eta haren zehaztapen tekniko eta funtzionalak. Haien edukia aginduari erantsitako bost eranskinetan zehar banatzen da, era honetan: I. eta II. eranskinetan TicketBAI altako eta baliogabetze fitxategien egitura eta balidazioak zehazten dira, hurrenez hurren; III. eranskinean TicketBAI fitxategien sinadura elektronikoaren zehaztapenak biltzen dira; IV. eranskinak TicketBAI fitxategiak bidaltzeko zehaztapen tekniko eta funtzionalak eta igorpenaren baldintzak ezartzen ditu; eta, azkenik, V. eranskinak ondasun entregen edo zerbitzu prestazioen faktura edo frogagirietan agertu behar duten identifikazio kodearen eta QR kodearen zehaztasunak ezartzen ditu.

Bigarren sekzioan, TicketBAI Erregistroan alta emateko aitorpenaren edukia eta hura aurkezteko modua ezartzen dira. Aurkezpena Gipuzkoako Foru Aldundiaren egoitza elektronikoaren bidez egingo da, bertan eskura jarriko den formularioa betez.

Bestalde, xedapen gehigarri bakarrak ezartzen du TicketBAI betebeharra betetzearekin lotutako tramite eta komunikazio guztietan baliabide elektronikoen bidez izan behar direla harremanak zerga Administrazioarekin.

Bukaeran, ezartzen da foru agindu hau Gipuzkoako Aldizkari Ofizialean argitaratu eta hurrengo egunean jarriko dela indarrean, 2022ko urtarrilaren 1etik aurrerako ondorioekin; dena den, TicketBAI betebeharra borondatez betetzea aukeratzen dutenen kasuan, agindu hau 2021eko urtarrilaren 1etik aurrera aplikatuko zaie.

TicketBAI betebeharra garatzen duen Erregelamenduan araututakoa betetze aldera, egoki da TicketBAI betebeharra garatzen duten zehaztapen tekniko eta funtzionalak onestea.

Horrenbestez, hau

XEDATZEN DUT

1. artikulua.    Xedea.

TicketBAI betebeharra garatzen duen Erregelamenduak, abenduaren 22ko 32/2020 Foru Dekretuaren bidez onetsiak, aipatzen duen TicketBAI softwareak eta haren fitxategiek bete behar dituzten ezaugarriak eta zehaztapen tekniko eta funtzionalak zehaztea da foru agindu honen xedea.

Orobat, foru agindu honen bitartez, erregelamendu horretako VI. artikuluan aipatzen den TicketBAI Softwarearen Erregistroan alta emateko aitorpenaren edukia eta aurkezpen modua ezartzen dira.

2. artikulua.    Definizioak.

1.    Foru agindu honetan erabiltzen diren terminoak TicketBAI betebeharra garatzen duen Erregelamenduak, abenduaren 22ko 32/2020 Foru Dekretuaren bidez onetsiak, 3. artikuluan jasotzen dituen definizioekin bat ulertuko dira.

2.    Gainera, foru agindu honen ondorioetarako, kontzeptu hauek bereiziko dira:

a)    Sinaduraren ziurtagiria: TicketBAI fitxategia sinatzen duenaren identitatea egiaztatzeko balio duen agiri elektronikoa, Ziurtapen Agintaritza batek emana.

b)    Igorpenaren ziurtagiria: TicketBAI fitxategia bidaltzen duenaren identitatea egiaztatzeko balio duen agiri elektronikoa, Ziurtapen Agintaritza batek emana.

Lehen sekzioa.  ‑TicketBAI softwarearen zehaztapen tekniko eta funtzionalak

3. artikulua.    TicketBAI altako fitxategia.

TicketBAI altako fitxategiak TicketBAI betebeharra garatzen duen Erregelamenduak, abenduaren 22ko 32/2020 Foru Dekretuaren bidez onetsiak, 11. artikuluan aipatzen duen informazioa jaso behar du, foru agindu honen I. eranskinean horrelako fitxategietarako ezarritako egitura, edukia eta ezaugarriak betez, eta Gipuzkoako Foru Aldundiaren egoitza elektronikoan zehaztutako formatu eta diseinuari jarraituz.

Kodetzea UTF-8 izango da.

4. artikulua.    TicketBAI baliogabetze fitxategia.

Faktura edo frogagiri bat baliogabetu behar den kasuetarako, beharrezkoa da TicketBAI baliogabetze fitxategi bat sortzea, eta haren barruan jasotzea TicketBAI betebeharra garatzen duen Erregelamenduak, abenduaren 22ko 32/2020 Foru Dekretuaren bidez onetsiak, 12. artikuluan aipatzen duen informazioa, foru agindu honen II. eranskinean TicketBAI baliogabetze fitxategietarako ezarritako egitura, edukia eta ezaugarriak betez, eta Gipuzkoako Foru Aldundiaren egoitza elektronikoan zehaztutako formatu eta diseinuari jarraituz.

Kodetzea UTF-8 izango da.

5. artikulua.    TicketBAI fitxategiak elektronikoki sinatzea.

TicketBAI altako eta baliogabetze fitxategiak elektronikoki sinatu behar dira, foru agindu honen III. eranskinean sinadura elektronikoari buruz jasotzen diren zehaztapenei jarraituz.   

6. artikulua.    TicketBAI fitxategiak igortzea.

TicketBAI altako eta baliogabetze fitxategiak zerga Administraziori igorri behar zaizkio, foru agindu honen IV. eranskinean jasotzen diren zehaztapen tekniko eta funtzionalen arabera eta bertan ezartzen diren baldintzak betez.

7. artikulua.    TicketBAI identifikatzailea eta QR kodea.

Ondasun entregen edo zerbitzu prestazioen fakturak edo frogagiriak TicketBAI softwareen bidez sortzen badira, TicketBAI identifikatzaile bat eta QR kode bat eraman behar dituzte, eta horiek sortzeko foru agindu honen V. eranskinean ezarritako zehaztapen tekniko eta funtzionalei jarraituko zaie.

8. artikulua.    TicketBAI softwarea presentzialki egiaztatzeko funtzionalitatea.

TicketBAI softwareak aukera eman behar du TicketBAI sistema presentzialki egiaztatzeko. Horretarako, informazio hau erakutsi beharko du fakturazio gailuaren pantaila bakar batean:

a)    Fakturazio gailutik erabiltzen den TicketBAI softwarea garatu duenaren identifikazio fiskaleko zenbakia eta izen-abizenak edo sozietate izena edo izendapena.

b)    Fakturazio gailutik erabiltzen den TicketBAI softwarearen izena.

c)    Fakturazio gailutik erabiltzen den TicketBAI softwarearen bertsioa.

Nahi bada, aurreko informazioa emateko erabiltzen den gailuaren serie zenbakia ere erakutsi daiteke.      

9. artikulua.    TicketBAI softwarearen beharkizun gehigarriak mahaigaineko aplikazioa denean.

1.    TicketBAI softwarea mahaigaineko aplikazio bat bada TicketBAI betebeharra garatzen duen Erregelamenduak, abenduaren 22ko 32/2020 Foru Dekretuaren bidez onetsiak, 3. artikuluan jasotakoaren arabera, beharkizun gehigarri hauek bete beharko dira:

a)    TicketBAI softwarearen sinadura elektronikoa.

b)    TicketBAI softwarearen bertsio desberdinak gorde beharra.

2.    Aurreko apartatuan aipatzen diren beharkizun gehigarriak ez zaizkio TicketBAI softwareari exijituko arkitektura banatuko aplikazioa denean TicketBAI betebeharra garatzen duen Erregelamenduak, abenduaren 22ko 32/2020 Foru Dekretuaren bidez onetsiak, 3. artikuluan ezarritakoaren arabera.      

3.    TicketBAI softwarea aurreko 1. apartatuko a) letran aipatu den mahaigaineko aplikazioa bada, sinadura elektronikoari buruzko beharkizun gehigarriak honako hau ekarriko du berekin:

a)    TicketBAI softwarea banatzeko erabiltzen den artxibo instalagarria pertsona edo entitate garatzaileak sinatu behar du modu elektronikoan, ziurtapen entitate onartu batek emandako kodea sinatzeko ziurtagiri elektronikoa erabiliz. Ziurtagirian erakusten den informazioak egilearen identitatea bermatu behar du eta softwarearen osotasuna ziurtatu. 

b)    TicketBAI softwarea mahaigaineko aplikazio bat bada, hura instalatzeko erabiltzailearen baimena beharko da. 

c)    TicketBAI softwarea abian jartzeko erabiltzen den artxibo informatiko exekutagarria pertsona edo entitate garatzaileak sinatu behar du modu elektronikoan, ziurtapen entitate onartu batek emandako kodea sinatzeko ziurtagiri elektronikoa erabiliz.

4.    Mahaigaineko aplikazioa den kasuetan TicketBAI softwarearen bertsio desberdinak gordetzeari buruz ezarritako beharkizun gehigarriak, aurreko 1. apartatuko b) letran aipatuak, esan nahi du pertsona edo entitate garatzailea bere erabiltzaileei banatu dien TicketBai softwarearen bertsio guztiak gordetzera behartuta dagoela.

5.    Bai mahaigaineko aplikaziotzat hartzen den TicketBAI softwareak, bai arkitektura banatuko aplikaziotzat hartzen denak, kode baten bidez identifikatu beharko dituzte beren bertsioak. Kode hori «softwarearen bertsioa» eremuan agertuko da, fakturei alta emateko zein haiek baliogabetzeko TicketBAI softwearekin sortzen diren fitxategietan.            

Bigarren sekzioa.  ‑TicketBAI Softwarearen Erregistroan alta emateko aitorpena

10. artikulua.    TicketBAI Softwarearen Erregistroan alta emateko aitorpena.

1.    Alta aitorpena Gipuzkoako Foru Aldundiaren egoitza elektronikoaren bidez aurkeztu beharko da, zergadunen esku jarriko den formularioa betez. Formulario horrek informazio hau jaso beharko du gutxienez:    

a)    TicketBAI softwarea garatu duenaren identifikazio fiskaleko zenbakia eta izen-abizenak edo sozietate izena edo izendapena.

b)    TicketBAI softwarearen izena.

c)    TicketBAI softwarearen deskribapena edo informazio esanguratsua.

d)    Softwarea garatu duenaren webgunearen URLa, halakorik bada.

e)    Softwarea euskaraz lan egiteko prestatuta dagoen.          

f)    TicketBAI softwarea pertsona edo entitate eskatzaileak eta hari lotutako pertsona fisikoek edo entitateek soilik erabiliko duten.

Kasu horretan, adierazi ahal izango da ez dela nahi TicketBAi softwarea Gipuzkoako Foru Aldundiaren webgunean argitaratzen den zerrendan agertzea (TicketBAI softwareen zerrendan).

2.    Alta aitorpenaren aurkezpen telematikoa TicketBAI softwarea garatu duen pertsonak edo entitateak egin dezake, edo haren ordezkari gisa jarduten duen hirugarren batek, ordezkaritza hori Gipuzkoako Lurralde Historikoko Zergen Foru Arau Orokorrak (martxoaren 8ko 2/2005 Foru Araua) 46. artikuluan ezarritakoarekin bat egiten bada.

3.    Aurreko 1. apartatuan aipatzen den formularioarekin batera, pertsona edo entitate garatzaileak erantzukizunpeko adierazpen bat sinatu behar du, eta bertan honako hauek adierazi:

a)    Inskribatzeko eskatzen den softwareak betetzen dituela bai 122 bis eta 112 bis artikuluetako 1. apartatuan xedatutakoa, bai TicketBAI betebeharra garatzen duen erregelamenduan jasotakoa, bai foru agindu honetan onartutako zehaztapen tekniko eta funtzionalak. Horretarako erabili diren prozedura teknikoen deskribapen memoria laburra ere erantsiko da.

b)    Bere burua behartzen duela aurreko a) letran aipatutako beharkizunak eta baldintzak betetzen jarraitzera softwarea erregistroan inskribatuta dagoen bitartean, eta beharkizun eta baldintza horietan gerta daitezkeen aldaketetara egokitzeko konpromisoa hartzen duela.

4.    Alta aitorpenari aurreko apartatuko a) letran aipatu den deskribapen memoria erantsi beharko zaio, eta bertan honako hauek adieraziko dira:

a)    Software mota: mahaigaineko aplikazioa eta/edo arkitektura banatuko aplikazioa.

b)    TicketBAI altako fitxategiak kateatzeko prozesua.             

c)    Fakturei alta emateko zein haiek baliogabetzeko TIcketBAI fitxategiak sinatzeko prozesua, eta, bereziki, TicketBAI softwareak sinatzeko prozesuan erabil ditzakeen ziurtagiri elektronikoak.      

d)    Softwareak sortzen dituen faktura edo frogagiri motak. Bereziki, softwareak honako hauek sortzen dituen adieraziko da:

— Faktura sinplifikatuak edo/eta osoak.

— Paperezko fakturak eta/edo faktura elektronikoak.

e)    TicketBAI identifikatzailearen eta QR kodearen kokapena, foru agindu honen 7. artikuluan xedatutakoaren arabera.

f)    Foru agindu honen 8. artikuluan aipatutako informazioa pantaila bakar batean eta presentzialki egiaztatzeko softwareak duen aukeraren identifikazioa.

g)    TicketBAI altako eta baliogabetze fitxategiak biltegiratzeko sistema.

Xedapen gehigarri bakarra.

TicketBAI betebeharra duten zergadunek bitarteko elektronikoen bidez egin beharko dituzte betebehar horretatik ondorioztatzen diren tramite eta komunikazio guztiak, betiere foru agindu honetan eta TicketBAI betebeharra arautzen duen gainerako araudi espezifikoan xedatutakoari jarraituz.      

Era berean, aurreko paragrafoan aipatzen diren zergadunek bitarteko elektronikoen bidez jaso beharko dituzte Gipuzkoako Foru Aldundiko Ogasun eta Finantza Departamentuak, TicketBAI betebeharrarekin lotuta, egiten dituen komunikazioak eta jakinarazpenak.

Azken xedapena.  Indarrean jartzea.

Foru agindu hau Gipuzkoako Aldizkari Ofizialean argitaratu eta hurrengo egunean jarriko da indarrean, eta 2022ko urtarrilaren 1etik aurrera izango ditu ondorioak, betiere eragotzi gabe iruzur fiskala eragozteko lanabes teknologikoak erabili beharra ezartzen duen azaroaren 6ko 3/2020 Foru Arauak xedapen iragankor bakarrean xedatutakoa, eta abenduaren 22ko 32/2020 Foru Dekretuak, TicketBAI betebeharra garatzen duen Erregelamendua onesten duenak, lehen eta bigarren xedapen gehigarrietan jasotakoa.

Donostia, 2020ko abenduaren 23a.—Jokin Perona Lertxundi, Ogasun eta Finantza Departamentuko foru diputatua.                                                 (7008)

III. ERANSKINA

TICKETBAI FITXATEGIEN SINADURA ELEKTRONIKOA EGITEKO ZEHAZTAPENAK

1.    Helburua.

Eranskin honetan TicketBAI fitxategien sinadura elektronikoa egiteko zehaztapenak (aurrerantzean, sinaduraren zehaztapenak) ezartzen dira, foru arau honetako 5. artikuluan aipatua.

Sinadura elektronikoaren zehaztapenak identifikatzaile bakar honekin identifikatuko dira: https://www.gipuzkoa.eus/ticketbai/sinadura.

Identifikazio hori TicketBAI fitxategietako sinadura elektronikoan barneratu beharko da derrigorrez, zehaztapenen esparru orokorra eta bertsioa zehazteko identifikazioko dagokion eremua erabiliz baliozkotzeko aplikazioaren baldintza orokor eta espezifikoekin.

2.    Irismena.

2.1.    Nahasitako aktoreak.

Sinadura elektroniko bat sortu eta baliozkotzeko prozesuan nahasitako agenteak dira:

— Sinatzailea: sinadura sortzeko gailu bat duen eta TicketBAI fitxategi bat sinatzen duen pertsona fisiko edo juridikoa edo izaera juridikorik gabeko erakundea.

— Egiaztatzailea: Sinadurarako zehaztapen jakin batzuetan eskatzen diren baldintzei jarraiki sinadura elektroniko bat baliozkotu edo egiaztatzen duen erakundea, izan pertsona fisikoa zein juridikoa.

— Konfiantzazko zerbitzuen mailegatzailea: ziurtagiri elektronikoak igorri edo sinadura elektronikoarekin lotuta bestelako zerbitzuak ematen dituen pertsona fisiko edo juridikoa.

— Sinaduraren zehaztapenen jaulkitzailea: Sinadura elektronikoa sortu eta baliozkotzeko prozesuetan sinatzailea eta egiaztatzaileak jarraitu behar duen dokumentu hau sortu eta kudeatzeaz arduratzen den erakundea.         

2.2.    Sinadura elektronikorako onartutako formatua.

TicketBAI fitxategietako sinadura elektronikoetarako onartutako formatua XAdES (XML AdvancedElectronicSignatures) Formatua da, ETSI EN 319 132-1 V1.1.1, ETSI TS 103 171 V2.1.1 eta ETSI TS 101 903 V1.4.2. zehaztapen teknikoen arabera. Estandarraren osteko bertsioetarako sintaxiko aldaketak aztertuko dira eta profila estandarren bertsio berrirako egokitzea onartuko da eranskin hau aldatuz.

Sinaduraren zehaztapen hauetan zehar ds: eta xades: aurrizkiak erabiliko dira, hurrenez hurren, XMLDSig eta XAdES estandarretan zehaztutako elementuak aipatzeko.

Formatu mota ezberdinen barnean XAdES egokitu egin beharko da, gutxienez, oinarrizko klasea sortzeko, sinaduraren zehaztapenari buruzko informazioa gaineratuz, EPES klasea.

2.3.    Sinadura elektronikoa sortzea.

Sinadura elektronikoa sortzerakoan liburutegi kriptografikoak edo aurretiaz dauden produktuak erabiltzea komeni da.           

Ez da ezinbestekoa sinatzen den unean TSA-ren zerbitzuek emandako Denbora Zigilua edo TimeStamping delakoa barneratzea sinaduran.

2.4.    Sinadura elektronikoa egiaztatzea.

Egiaztatzaileak edozein metodo estandarizatu erabil dezake eranskin honen arabera sortutako sinadura egiaztatzeko. Hauek izango dira sinadura baliozkotzeko bete beharko diren gutxieneko baldintzak:

1.    Sinadura osoaren baliozkotasunaren bermea.

2.    Sinadura egin zen uneko ziurtagiriak baliozkotzea.          

3.    Ziurtapen espezifikoko Jardunaren Deklarazio baren arabera igorritako ziurtagiri sinatzailea, gordailu publiko batean eskuragarri.

4.    Ziurtagiri sinatzailearen jaulkitzailea Konfiantzazko Zerbitzu Emaile Kualifikatuen (QTSP) zerrendan egon beharko da. Zerrenda hori eskuragarri dago hemen: https://webgate.ec.europa.eu/tl-browser/#/.

2.5.    Sinadurarako zehaztapenak kudeatzea.

Sinaduraren zehaztapenak mantendu, eguneratu, argitaratu eta dibulgatzearen ardura Gipuzkoako Foru Aldundiarena izango da.

Zehaztapen hauen eguneraketak Gipuzkoako Aldizkari Ofizialean eta hurrengo estekan argitaratuko dira: https://www.gipuzkoa.eus/ticketbai/sinadura.

3.    Sinadura elektronikoa baliozkotzeko politika.

Atal honetan sinatzaileak sinadura elektronikoa sortzeko prozesuan eta egiaztatzaileak sinadura elektronikoa baliozkotzeko prozesuan aintzat hartzeko baldintzak zehaztuko dira.         

3.1.    Balio-epea.

Sinaduraren zehaztapen hauek baliozkoak dira argitaratzen direnetik eguneratutako bertsio berri bat argitaratu bitartean. Bitarteko denbora bat eman daiteke nahasitako aktoreen plataforma ezberdinak bertsio berriaren zehaztapenetara egokitzeko, eta denbora horretan bi bertsioak izango dira baliozkoak. Bitarteko denbora hori bertsio berrian hasi beharko da eta denbora hori igaro ostean eguneratutako bertsioa izango da soilik baliozkoa.

3.2.    Ohiko arauak.

Sinadura elektronikoan nahasitako aktoreentzako, sinatzaileentzako eta egiaztatzailearentzako, ohiko arauak derrigorrez betetzeko eremua dira, sinaduraren zehaztapen guztietan agertu behar dena. Arau hauei esker sinadura sortzen duen pertsona edo erakundeari eta egiaztatzen duen pertsona edo erakundeari buruz sinadura elektronikoaren inguruko erantzukizunak ezar daitezke, bete behar diren gutxienezko betekizunak zehaztuz, sinatuta egon beharko direlarik, sinatzailearentzako betekizunak baldin badira, edo sinatu gabe, egiaztatzailearentzako betekizunak baldin badira.

3.3.    Sinatzailearen arauak.

Sinatzailea arduratuko da sinatzeko TicketBAI fitxategian denboran zehar sinaduraren emaitza alda dezakeen eduki dinamikorik barnera ez dadin. Sinatzeko TicketBAI fitxategia ez baldin badu sinatzaileak sortu, pertsona horrek TicketBAI fitxategiaren barnean eduki dinamikorik ez dagoela ziurtatu beharko du (makroak esate baterako).

XAdES formatua: XAdESenveloped sinadurak onartuko dira esklusiboki. Ez da XAdESenveloping onartuko, ezta XAdESdettached ere.

Sinatzaileak, gutxienez, SignedProperties eremuaren barnean etiketa hauetan jasotzen den informazioa eman beharko du (eremu horretan XMLDsig sinadura sortzean elkarrekin sinatutako zenbait propietate barneratzen dira), derrigorrezkoak direnak:

— SigningTime: sinatzaileak sinaduraren prozesuan egin zuen unea zehazten du.

— SigningCertificatev2 edo SigningCertificate: ziurtagiri bakoitzean erabilitako segurtasunezko ziurtagiri eta algoritmoen erreferentziak barneratzen dira. Elementu hori sinatu egin beharko da, ziurtagiria aldatzeko aukera ekidite aldera.

— SignaturePolicyIdentifier: sinadura elektroniko sortzeko prozesuak oinarritzat dituen sinaduraren zehaztapenak identifikatzen ditu, eta hura azpi banatzen den elementuetan eduki hauek barneratu behar dira:

a)    Sinaduraren zehaztapeneko dokumentu honen erreferentzia esplizitua, xades: SigPolicyld elementuan. Horretarako, OID agertuko da, sinaduraren zehaztapenen bertsio zehatza identifikatzekoa, edo haren lokalizaziorako URL kodea.

b)    Dagokion sinaduraren zehaztapenen dokumentuaren aztarna digitala eta erabilitako algoritmoa, elementuan. Horrela, egiaztatzaileak aukera izan dezan, aldi berean, balio hori kalkulatuz, sinadura hura baliozkotzeko erabiliko diren sinaduraren zehaztapen berdinen arabera sortua dagoela egiaztatzeko.

SignedProperties eremuan gainera daitezkeen gainerako etiketak aukerakotzat hartuko dira:

— SignatureProductionPlacev2 edo SignatureProductionPlace: dokumentuaren sinadura zein leku geografikotan egin den zehaztekoa.

— SignerRolev2 o SignerRole: sinadura elektronikoan pertsonaren rola zehaztekoa. Hura erabiliz gero, balio hauetakoren bat adierazi beharko da ClaimedRoles eremuan:

a)    «Supplier» edo «jaulkitzaile»: sinadura jaulkitzaileak egiten duenean.

b)    «Customer» edo «hartzailea»: sinadura hartzaileak egiten duenean.

d)    «Thirdparty» edo «hirugarrena»: sinadura jaulkitzailea edo hartzailea ez den pertsona edo erakunde batek egiten duenean.

— CommitmentTypeIndication: sinatzaileak sinatutako dokumentuaren gainean egindako ekintza zehaztekoa (onartu egiten du, informatu, jaso, ziurtatu).

— AllDataObjectsTimeStamp: denboraren zigilu bat barneratzen du, sinadura sortu aurretik kalkulatua, ds: Reference barneko elementu guztiei buruz.

— IndividualDataObjectsTimeStamp: denboraren zigilu bat barneratzen du, sinadura sortu aurretik kalkulatua, ds: Reference barneko elementu batzuei buruz.

CounterSignature etiketa, sinadura elektronikoaren berrespena eta UnsignedProperties eremuan sar daitekeena, aukerakotzat joko da. Hurrengo sinadurak, seriean edo paraleloan, XAdES estandarrean adierazten denari jarraiki gaineratuko dira, EN 319 102-1 dokumentuaren arabera.

3.4.    Egiaztatzailearen arauak.

Sinadura elektroniko aurreratuaren oinarrizko formatuak ez du baliozkotze-informaziorik gaineratzen, ziurtagiri sinatzailetik harago. Hauek dira egiaztatzaileak sinadura sortzeko baliatutako sinaduraren zehaztapenaren betekizunak betetzen direla egiaztatzeko erabili ahalko dituen atributuak:           

— Signing Time: soilik sinadura elektronikoak egiaztatzeko erabiliko da ziurtagiriek adierazitako datan zein egoeran dauden egiaztatzeko adierazle modura, izan ere, denboraren erreferentziak denboraren zigilu batekin soilik ziurta daitezke (bezero gailuetan egindako sinaduren kasuan bereziki). 

— SigningCertificatev2 edo SigningCertificate: ziurtagiriak (eta, hala badagokio, ziurtagiri kateak) sinadura sortutako datan zein egoera zuen egiaztatu eta berresteko erabiliko da, baldin eta ziurtagiria iraungi ez baldin bada eta egiaztapen-datuak eskura badaitezke (CRL, OCSP) edo, bestela, PSC delakoan ziurtagiriaren egoeraren baliozkotze zerbitzu historiko bat eskaintzen baldin badu.

— SignaturePolicyIdentifier: sinadura sortzeko erabilitako sinaduraren zehaztapenak aipagai den zerbitzurako erabili behar denarekin bat datozen egiaztatu beharko da.          

Itxarote-denbora bat dago, zuhurtzia edo grazia epe izenez ezaguna, ziurtagiri baten ezeztatze-egoera egiaztatzeko. Egiaztatzailea denbora horretan zehar zain egon daiteke sinadura baliozkotzeko edo une berean egin eta ondoren berriro baliozkotzeko. Hori horrela da sinatzaileak ziurtagiri baten ezeztapena hasten duenetik ziurtagiriaren ezeztatze-egoerari buruzko informazioa dagozkion informazio-puntuetara hedatzen den arte atzerapen labur bat egon daitekeelako. Denbora hori, sinadura egiten den unetik, CRL-ak osorik eguneratzeko baimendutako gehienezko denbora izatea edo ziurtagiriaren egoera OCSP zerbitzuan eguneratzeko gehienezko denborarekin bat etortzea gomendatzen da, gutxienez. Denbora horiek aldatu egin daitezke Ziurtagiri Zerbitzuaren Emailearen arabera. 

3.5.    Algoritmoak erabiltzeko arauak.

ETSI TS 119 312 V1.3.1. Zehaztapen teknikoan onartutako eta RSA izenekoan oinarritutako edozein algoritmo erabili ahalko da. Gutxienez eskatzen dena:

— Gakoaren tamaina 1024 baino handiagoa izango da derrigor.

— SHA256 edo ondorengoko bertsioak.

4.    TicketBAI softwarearen arkitekturatik eratorritako betekizunak.

4.1.    Baimendutako ziurtagiriak.

TicketBAI softwareak ziurtagiri hauetakoren bat erabili beharko du TicketBAI fitxategietako sinadura elektronikoetarako:

— Gailuaren ziurtagiria, fakturaziorako gailu bakoitzerako identitate bakarra ematen duena, instalatuta eta faktura edo egiaztagiriak igortzeko baliatzen den gailura lotua egonik.        

— Pertsona fisikoaren edo erakundeko ordezkariaren ziurtagiria, pertsona fisikoa edo juridikoaren identitatea egiaztatzeko aukera ematen dutenak hurrenez hurren.

— Enpresaren zigilua, TicketBAI software batek laguntzarik gabe, edo laneko sail edo talde bateko kide diren pertsona multzo batek, erabil dezakeen ziurtagiri tekniko bat dena. Mundu fisikoan enpresa batek egunero erabiltzen duen kautxuzko zigilu baten ohiko erabilerarekin aldera daitekeen ziurtagiri bat da.   

— Autonomoaren ziurtagiria: ziurtagiri ez kualifikatua, Pertsona Fisikoen Errentari buruzko Zergaren Foru Arauan aurreikusitakoarekin bat etorriz ekonomia jarduera bat garatzen duten pertsona fisikoentzat jaulkia. Igorri ahal izateko pertsona fisikoak inguruabar hori betetzen duela egiaztatzea eskatuko da.

4.2.    Sinadura arloko murriztapenak arkitekturaren arabera.

4.2.1.    Bezero-sinaduradun arkitekturak.

Bezero-sinaduradun arkitekturatzat hartzen da, sinadura egiten duen TicketBAI softwarea hartara sartzeko baliatzen den fakturazioko gailuan bertan lekututa dagoenean. Esate baterako, mahaigaineko aplikazio bat.

Sinatzeko urruneko beste gailu batean sartu behar bada, arkitektura zerbitzari-sinaduraduna da.

Honelako arkitekturetan ziurtagiriek ez dute murrizketarik. Hauek erabil daitezke sinatzeko: gailuaren ziurtagiria, pertsona fisikoaren ziurtagiria, entitatearen ordezkariaren ziurtagiria, enpresa-zigilua edo autonomoaren ziurtagiria.

4.2.2.    Zerbitzari-sinaduradun arkitekturak.

Arkitektura zerbitzari-sinaduraduntzat hartzen da, sinadura egiten duen TicketBAI softwarea hartara sartzeko baliatzen den fakturazioko gailua ez den gailu batean lekututa dagoenean. Beraz, bezeroaren fakturazio gailutik urruneko beste gailu batean sartzen da sinadura sortzeko.          

Gainera, fakturak edo egiaztagiriak inolako ikuskapenik gabe igortzen baldin badira (batch), «arkitektura zerbitzari-sinaduraduna da».

Hauek erabil daitezke sinatzeko: pertsona fisikoaren ziurtagiria, entitatearen ordezkariaren ziurtagiria, enpresa-zigilua edo autonomoaren ziurtagiria.

Kasu honetan, ezin da erabili gailuaren ziurtagiria sinatzeko.

4.2.3.    Bezero-sinadura eta zerbitzari-sinadura erabiltzeko aukera ematen duten arkitekturak.

Arkitektura banatuetan sinadura bezeroan edo zerbitzarian egin daiteke, kasuan kasuko murrizketak kontuan izanik.            

Esaterako, web aplikazio batean:

— Bezero-sinadura egiteko, aplikazioan sartzeko erabiltzen den nabigatzailea instalatuta duen gailua erabiltzen da. Bezero-sinaduradun arkitekturen murrizketa berak aplikatzen dira.               

— Zerbitzari-sinadura nabigatzailea sartzen den urruneko zerbitzarian egingo litzateke. Kasu honetan, zerbitzari-sinaduraren arkitekturen murrizketa berak aplikatzen dira.

Arkitektura batek ezin du eman aukera aldi berean bezero-sinadurak eta zerbitzari-sinadurak egiteko. Erabilgarri dauden arkitekturetako bat hautatu behar da soilik.

5.    Elkarrekikotasun-klausula.

Elkarrekikotasunari begira, eranskin honetan barneratzen diren sinadura elektronikoko zehaztapenak bete direla ulertuko da zergadunek horri dagokionez Arabako Foru Aldundiak edo Bizkaiko Foru Aldundiak ezarrita dituzten zehaztapenak betetzen dituztenean. (SigningCertificateV2 - ETSI EN 319132, SigningCertificate - ETSI TS 101 903, ETSI TS 103 171.) (SignatureProductionPlaceV2 - ETSI EN 319 132, SignatureProductionPlace - ETSI TS 101 903, ETSI TS 103 171.) (SignerRoleV2 - ETSI EN 319 132, SignerRole - ETSI TS 101 903, ETSI TS 103 171.).             

IV. ERANSKINA

TICKETBAI FITXATEGIEN ZEHAZTAPEN TEKNIKO ETA FUNTZIONALAK ETA FITXAGIAK BIDALTZEKO BEHARKIZUNAK

1.    Xedea.

Eranskin honek ezartzen du zer beharkizun tekniko behar diren Gipuzkoako Foru Aldundiaren TicketBAI fitxategiak jasotzeko zerbitzuak haiekin lotutako mezuak jaso ditzan.               

REST zerbitzuak erabiliko dira, informazioa denbora errealean ematea ahalbidetzeko.

2.    Funtzionamenduko eskema orokorra.

TicketBAI fitxategiak telematikoki bidaliko dira, zehazki, XML mezuen trukean oinarritutako REST zerbitzuen bitartez. Mezu guztiei modu sinkronizatuan erantzungo zaie.       

TicketBAI fitxategia jasotzen denean, balioztapen prozesu bat egingo da automatikoki, hala maila sintaktikoan (XML formatua eta egitura) nola negozio erregelen mailan, eta erantzun bat itzuliko da (XML mezu bat):

— TicketBAI fitxategiak ez badu balioztapenetako bat gainditzen, erantzunean zehaztuko da fitxategia oker jaso dela eta zer errore gertatu den adieraziko da.

— TicketBAI fitxategiak balioztapena gainditzen badu, fitxategia ongi jaso dela adieraziko da erantzunean.

Fitxategia behar bezala jaso eta gero, Gipuzkoako Foru Aldundiaren sistema informatikoak balioztapen gehiago egin ahal izango ditu jasotako informazioari buruz, modu asinkronoan. Balioztapen osagarri horietan erroreak detektatuz gero, zergadunari jakinaraziko zaizkio beste bitarteko batzuk erabilita.

Bi mezu mota definituko dira: Bata TicketBAI altako fitxategiak bidaltzeko, eta beste bat TicketBAI baliogabetze fitxategiak bidaltzeko.

Erantzunean informazio hau ere etorriko da: TicketBAI Kodea, TicketBAI fitxategia jaso den ordua, eta Egiaztapen Kode Seguru bat. Erantzunean TicketBAI Koderik ez agertzeak esan nahi du ezinezkoa izan dela zehaztea zein den TicketBAI altako fitxategian jasotako informazioaren TicketBAI Kodea.

2.1.  Mezu baten egoera globalen deskribapena.

2.1.1.  Jasota.

Bidalitako TicketBAI fitxategiak emaitza hori duenean, horrekin adierazi nahi da TicketBAI fitxategiak gainditu dituela jasotze mailan definitu diren gutxieneko balioztapenak, hala sintaktikoak nola negoziokoak. Beraz, Gipuzkoako Foru Aldundiaren sistema informatikoan erregistratu da.

TicketBAI fitxategiarekin lotutako balioztapen abisuak badaude, zerbitzuaren erantzunean jakinaraziko dira, edo, bestela, geroago beste kanal bat erabilita. A priori, abisu horiek ez dakarte berekin mezua errefusatzea, baina bidaltzaileak kontuan hartu egin behar ditu hurrengo bidalketetarako.

2.1.2.  Errefusatua.

Honek esan nahi du TicketBAI fitxategiak ez duela gainditu jasotze mailan definitutako gutxieneko balioztapenetako bat, eta ez dituela betetzen sisteman sartzeko behar diren gutxieneko beharkizunak.

Hainbat arrazoi egon daitezke horretarako:

— Jaso den TicketBAI fitxategiaren egitura ez datorrela bat definitu denarekin (ez ditu betetzen balioztapen estrukturalak) edo, bestela, TicketBAI fitxategiak errore sintaktikoak dituela. Erantzunak adierazten du egiturak balioztapen errore bat eman duela.

— TicketBAI fitxategiaren edukian ez dituela betetzen gutxieneko balioztapen jakin batzuk. Adibidez, TicketBAI altako fitxategi bat bidaltzen den kasuan:

— Ziurtagiri ez-homologatu edo errebokatu bat erabili da.

— Ez dauka xehetasun lerroei buruzko informaziorik.

— Ez dauka TicketBAI Kodea kalkulatzeko behar den informazioa.

2.2.  Errefusatutako TicketBAI fitxategien tratamendua.

Errefusatutako TicketBAI fitxategiak ez dira erregistratuko Gipuzkoako Foru Aldundiaren sistema informatikoan.

Behin erroreak zuzendu ondoren, TicketBAI fitxategiak bidali beharko dira berriro.

2.3.  Jasotako TicketBAI fitxategien tratamendua.

TicketBAI fitxategiak Gipuzkoako Foru Aldundiaren sistema informatikoan erregistratu dira, eta edukia balioztatzeko hurrengo prozesuetara pasatzen dira.

Erroreak detektatzen badira, zergadunari jakinaraziko zaizkio. Detektatutako arazoak geroagoko bidalketetan zuzendu beharko dira.

3.    Estandarrak eta beharkizunak.

3.1.  Sarrera.

Mezuaren edukia XML fitxategi bat da. XML fitxategiak egitura desberdinetan deskribatzen diren erregelak bete behar ditu (formatuei, derrigortasunari eta abarri buruzko erregelak), baina, edozein kasutan, datuak prestatu eta aurkezten dutenek jatorrian bermatu behar dute, beti, datuen koherentzia.   

Egitura bakoitza datu multzotan antolatuta dago, non datuen elementuak dauden. Haiek bloke logikoak osatzeko moduan taldekatu dira, egitura bakoitzaren eremuarekin koherentzia izan dezaten.

REST zerbitzuetara informazioa bidaltzen duten TicketBAI softwareak ziurtagiri elektronikoaren bidez autentifikatu beharko dira bezeroaren aldetik. Beraz, zerbitzuak erabili ahal izateko, beharrezkoa da informazioa bidaltzeko erabiltzen den fakturazio gailuan Gipuzkoako Foru Aldundiak onartutako ziurtagiri elektroniko bat instalatuta edukitzea. Ziurtagiri hori pertsona fisikoarena, entitatearen ordezkariarena, gailuarena, zigilu elektronikoarena edo autonomoarena izan daiteke.

Zergadun baten TicketBAI fitxategia haren ziurtagiriaren bidez bidali daiteke, edo, bestela, aukera hauetako edozein erabiliz:              

— Behar bezala baimendutako lege edo zerga ordezkariaren ziurtagiria.

— Kolaboratzaile sozialaren ziurtagiria.

— Gailuaren ziurtagiria.

Gailuaren ziurtagiriaren kasuan, bidalketak egin ondoren, zergadunak baieztatu beharko du gailuak baduela bere izenean mezuak bidaltzeko baimena. Baimena baieztatzeko, zerbitzu bat gaituko da egoitza elektronikoan.           

Kolaboratzaile sozialaren kasuan, foru agindu honetan xedatutakoa bete beharko du: 513/2012 Foru Agindua, abenduaren 23koa, TicketBai betebeharra dela eta, TicketBai fitxategien bidalketan gizarte lankidetzaren terminoak onartzen dituena.       

Faktura egiten duenaren IFZk zergadunarena izan behar du, eta Gipuzkoako Foru Ogasuneko zergadunen datu basean alta emanda egon behar du.

Fitxategia bidaltzeko erabiltzen den ziurtagiria eta bidalketaren xede den TicketBAI fitxategia elektronikoki sinatzeko erabilitakoa desberdinak izan daitezke.

3.2.  Erabilitako estandarrak.

RESTful web zerbitzuak webean APIak edo programazio interfazeak azaltzeko diseinatuta daude. Helburua da errendimendu, eskalabilitate eta malgutasun handiagoa ematea ohiko web zerbitzuek baino, bezeroei aukera emanez datu eta baliabideak aurreikusi daitezkeen URLen bidez eskuratzeko. Horrelaxe komunikatuko dira elkarrekin informazio sistemak (herritar/enpresarena eta Foru Ogasunarena). Gertatzezko estandarrak RESFful zerbitzuak garatzeko erabiliko dira.             

TicketBAI fitxategien egitura XML eskemetan oinarritzen da, 2004ko urriaren 28ko W3C gomendioa erabilita (lotura: http://www.w3.org/TR/xmlschema-0), http://www.w3.org/2001/XMLSchema namespace-an erreferentziatua.

Zerbitzu bakoitzak sarrerako mezu bat eta haren irteerako erantzuna definituta izango ditu bakoitzari dagokion XSD eskemaren bidez.

4.    Zerbitzuen definizioa.

4.1.  TicketBAI altako fitxategiak jasotzeko zerbitzua.

Zerbitzu honen bitartez, TicketBAI altako fitxategi bati sarrera eman dakioke Gipuzkoako Foru Ogasunaren sisteman.

4.1.1.  Bidaltzeko bitartekoa.

Ingurunea: Internet.

Protokoloa: HTTPS 1.1 (TLS 1.1 edo goragokoa).

Bidaltzeko modua: POST.

Mezuak: Rest Service.

Kodifikazioa: UTF-8. Sarrera XML bat da, jarraian azaltzen den XSD sarrera eskemak dituen zehaztapenera egokitu behar dena.

TicketBAI altako fitxategia da, foru agindu honen I. eranskinean deskribatutako formatua eta egitura dituena.

Eskatzen diren http goiburuak: Content-Type: application/xml;charset=UTF-8.

Ziurtagiria: REST zerbitzuetara informazioa bidaltzen duten TicketBAI softwareak ziurtagiri elektronikoaren bidez autentifikatu beharko dira bezeroaren aldetik. Beraz, zerbitzuak erabili ahal izateko, beharrezkoa da informazioa bidaltzeko erabiltzen den fakturazio gailuan Gipuzkoako Foru Aldundiak onartutako ziurtagiri elektroniko bat instalatuta edukitzea. Ziurtagiri hori pertsona fisikoarena, entitatearen ordezkariarena, gailuarena, entitatearen zigilu elektronikoarena edo autonomoarena izan daiteke.

Zerbitzuaren helbidea: https://tbai-z.egoitza.gipuzkoa.eus/sarrerak/alta.

4.1.2.    Erantzuna:

Ingurunea: Internet.

Protokoloa: HTTPS.

Mezuak: Rest Service.

Kodifikazioa: UTF-8. Irteera XML bat da, UTF-8 kodifikazioa duena. XML-a jarraian azaltzen den XSD irteera eskemak duen zehaztapenera egokitu behar da.

Sinadura: erantzun mezua ez doa sinatuta.

Jarraian, adibide gisa erakusten da zein izango litzatekeen XML erantzuna eskema hori arrakastaz aplikatu ondoren:             

TBAI-00000006Y-251019-btFpwP8dcLGAF-237

01-03-2020 12:31: 34

00

Recibido

Jasota

TBAI33076dde-180d-4484-88ff-094ba2e93587

Egiaztapen kode seguruak jasota uzten du fitxategia Gipuzkoako Foru Aldundiaren egoitza elektronikoan aurkeztu dela.

Jarraian, adibide gisa erakusten da zein izango litzatekeen XML erantzuna eskema hori aplikatu eta balioztapen erroreak eman ondoren:

TBAI-00000006Y-251019-btFpwP8dcLGAF-237

01-03-2020 12:31: 34

01

Rechazado

Baztertua

002/Codigo>

El mensaje no cumple el esquema XSD

Mezuak ez du XSDaren egitura betetzen

4.1.3.    Emaitza kodeak.

Erantzunaren egoera elementuan jasotako egoera kode globalak aukera hauek ditu:

Bidalketa errefusatu bada edo oker onartu bada, erantzunean errore zerrenda bat adierazi daiteke, kodifikazio honen arabera:

4.2.    TicketBAI baliogabetze fitxategiak jasotzeko zerbitzua.

Zerbitzu honen bitartez sarrera eman dakioke TicketBAI baliogabetze fitxategi bati.

4.2.1.    Bidaltzeko bitartekoa.

Ingurunea: Internet.

Protokoloa: HTTPS 1.1 (TLS 1.1 edo goragokoa).

Bidaltzeko modua: POST.

Mezuak: Rest Service.

Kodifikazioa: UTF-8. Sarrera XML bat da, jarraian azaltzen den XSD sarrera eskemak dituen zehaztapenera egokitu behar dena.

TicketBAI baliogabetze fitxategien egitura eta formatua foru agindu honen II. eranskinean zehazten dira.

Eskatzen diren http goiburuak: Content-Type: application/xml;charset=UTF-8.

Ziurtagiria: Web zerbitzuetara informazioa bidaltzen duten TicketBAI softwareak ziurtagiri elektronikoaren bidez autentifikatu beharko dira bezeroaren aldetik. Beraz, zerbitzuak erabili ahal izateko, beharrezkoa da TicketBAI fitxategiak bidaltzeko erabiltzen den fakturazio gailuan Gipuzkoako Foru Aldundiak onartutako ziurtagiri elektroniko bat instalatuta edukitzea.

Zerbitzuaren helbidea: https://tbai-z.egoitza.gipuzkoa.eus/sarrerak/baja.

4.2.2.    Erantzuna:

Ingurunea: Internet.

Protokoloa: HTTPS.

Mezuak: Rest Service.

Kodifikazioa: UTF-8. Irteera XML bat da, UTF-8 kodifikazioa duena. XML-a jarraian azaltzen den XSD irteera eskemak duen zehaztapenera egokitu behar da.

Sinadura: erantzun mezua ez doa sinatuta.

Jarraian, adibide gisa erakusten da zein izango litzatekeen XML erantzuna eskema hori arrakastaz aplikatu ondoren:             

TBAI-00000006Y-251019-btFpwP8dcLGAF-237

01-03-2020 12:30: 11

00

Recibido

Jasota

TBAI33076dde-180d-4484-88ff-094ba2e93587

Egiaztapen kode seguruak jasota uzten du fitxategia Gipuzkoako Foru Aldundiaren egoitza elektronikoan aurkeztu dela.        

Jarraian, adibide gisa erakusten da zein izango litzatekeen XML erantzuna eskema hori aplikatu eta balioztapen erroreak eman ondoren:

01903/v1.3.2#» xmlns: ns2=»http://ticketBai.eus»>

01-03-2020 12:25: 52

01

Rechazado

Baztertua

001/Codigo>

Certificado remitente incorrecto (revocado o no homologado)

Bidaltzailearen ziurtagiria okerra (errebokatua edo ez homologatua)

4.2.3.    Emaitza kodeak.

Erantzunaren egoera elementuan jasotako egoera kode globalak aukera hauek ditu:

Fitxategia ez bada behar bezala jasotzen, erantzunak errore zerrenda bat erakutsi dezake, kodifikazio honen arabera:

5.    Beste gogoeta batzuk.

5.1.    Erroreak eskaerak prozesatzean.

HTTP eskaera prozesatzean erroreak gertatzen badira, HTTP protokolo estandarrean deskribatzen den eran komunikatu beharko dira.

Laburpen moduan, eskaera bati erantzutean kasu hauek gerta daitezke:

5.2.    Karaktere berezien ihesari buruzko argipena.

Baldin eta XML elementu baten balio batean ondorengo karaktereetako bat jarri behar bada, XML entitate hauen bidez adieraziko da ihes karakterea:

V. ERANSKINA

TICKETBAI SOFTWAREAK SORTUTAKO FAKTUREN EDO EGIAZTAGIRIEN TICKETBAI KODEAREN ETA QR KODEAREN ZEHAZTAPENAK

Foru agindu honen 7. artikuluan ezarritakoarekin bat etorriz, TicketBAI softwareak sortutako ondasunen entregen edo emandako zerbitzuen faktura edo egiaztagiriek TicketBAI kode bat eta QR kode bat izan beharko dute, zehaztapen hauen arabera sortuak:

— TicketBAI kodea edo identifikazio kodea, hots, zenbakiz, hizkiz eta beste karaktere batzuez osatutako kodea, TicketBAI sistemaren barnean faktura edo egiaztagiria identifikatzekoa. Hizki mota eta tamaina faktura edo egiaztagirian agertzen den gainerako edukiaren antzekoa izan beharko dira, faktura edo egiaztagiriaren hartzaileak irakur dezakeela ziurtatuz.

— QR kodea, hots, QR formatuko kode bat, 30x30 milimetrokoa edo handiagoa, eta 40x40 milimetrokoa edo txikiagoa.            

1.    TicketBAI kodearen zehaztapenak.

TicketBAI kodeak sortutako faktura edo egiaztagiria identifikatzen du TicketBAI softwarea erabiliz, eta dagokion TicketBAI alta fitxategiarekin bat datorrela ziurtatzen du.

TicketBAI kodeak 39 karaktereko luzera finkoa du.

TicketBAI hizki mota eta tamaina faktura edo egiaztagirian agertzen den gainerako edukiaren antzekoa izan beharko dira, hartzaileak irakur dezakeela ziurtatuz.

Hau da TicketBAI kodearen edukia:

— Testu finkoko 4 karaktere, hizki larritan: TBAI.

— Bereizgailu modura «-» karaktere 1. Erdiko marra.

— Faktura edo egiaztagiria igortzen duen pertsona edo erakundearen IFZ zenbakiaren 9 karaktereak.

TicketBAI fitxategian barneratzen den IFZ zenbakiarekin bat etorri behar da, formatu ofizialaren arabera.

— Banagailu modura «-» karaktere 1. Erdiko marra.

— Faktura edo egiaztagiriaren igorpen-dataren 6 karaktereak.

TicketBAI sistemako alta fitxategian, «FakturarenIgorpenData» izeneko eremuan, UUHHEE formatuan, barne bereizgailurik gabe, jasotzen den datarekin bat etorri beharko da. Azpi-eremu bakoitza ezkerretara zeroak ipiniz bete beharko da beharrezkoa izanez gero. Hala, dataren tamaina beti 6 zenbakikoa izango da edozein kasutan (esate baterako, 220101 2022ko urtarrilaren 1a izango litzateke).

UUHHEE formatua horrela osatzen da: EE: faktura edo egiaztagiria igorri den eguna; HH: faktura edo egiaztagiria igorri den hilabetea; eta UU: faktura edo egiaztagiriaren igorpen urtearen azken bi digituak. Esate baterako, 2002. urterako, UU=22.     

— Bereizgailu modura «-» karaktere 1. Erdiko marra.

— TicketBAI sistemako alta fitxategiaren sinadurako lehendabiziko 13 karaktereak, hau da, faktura edo egiaztagiriarekin lotutako TicketBAI sistemako alta fitxategiaren SignatureValue eremuko lehendabiziko 13 karaktereak.

— Bereizgailu modura «-» karaktere 1. Erdiko marra.

— Erroreak hautemateko kode bati dagozkion 3 karaktere, zeinaren helburua identifikatzailearen eduki zuzena bermatzea den:

Datu hori TicketBAI softwareak kalkulatu behar du eta aurrez zehaztutako karaktere kateari CRC-8 algoritmoa aplikatzearen emaitza izango da, hau da, algoritmo hori aurreko 36 karaktereei aplikatzearen ondoriozko emaitza izango da.

Algoritmoaren sarrera ordura arte UTF-8 kodetze batekin sortutako identifikazio-kodearen edukia izango da (identifikazio-kodearen lehendabiziko 36 karaktereak).

Algoritmoaren irteera formatu hamartarrean idatziko da eta, beharrezkoa izanez gero, ezkerretara zeroak ipinita osatuko dira TicketBAI kodearen azken 3 karaktereak.

Eranskin honetako 4. atalean zerga Administrazioak CRC kodea egiaztatzeko erabiliko den algoritmoa jasotzen da. Algoritmo hori argitaratzearen helburua fakturazioaren softwareak zerga Administrazioak eskuratuko dituen emaitzak berdinak eskuratzea ziurtatu ahal izatea da.               

Jarraian TicketBAI kodearen osaera orokorra barneratzen da:

TBAI-NNNNNNNNN-UUHHEE-FFFFFFFFFFFFF-CRC

Jarraian, TicketBAI kodearen adibide zehatz bat jasotzen da. Bertan identifikazio fiskaleko zenbakia eta sinadura eremuetako edukia ez da baliozkoa eta soilik eskatzen den formatua agerian ipintzeko barneratzen dira:

TBAI-00000006Y-191025-btFpwP8dcLGAF-237.

2.    QR kodearen zehaztapenak.

TicketBAI kodeak bezalaxe, QR kodeak TicketBAI softwarea erabiliz sortutako faktura edo egiaztagiria identifikatzen du, eta dagokion TicketBAI alta fitxategiarekin bat datorrela ziurtatzen du.

QR kodea QR formatuko kode bat da, 30x30 milimetrokoa edo handiagoa, eta 40x40 milimetrokoa edo txikiagoa.

TicketBAI softwarearen zergadun erabiltzailea da bere ekonomia jarduera garatzen duen bitartean igorritako faktura edo egiaztagirietan jasotzen diren QR kodeak irakurgarriak izatearen arduraduna. QR kodea irakurgarri ez duen faktura edo egiaztagiri bat ez da balizkotzat joko TicketBAI sistemako betebeharrari dagozkion betekizunen ikuspegitik.

QR kodearen erroreen zuzenketa maila M izango da. Kodea sortzeko erabilitako kodetzea UTF-8 izango da.

QR kodearen eta hondoaren arteko koloreen kontrastea irakurgarritasuna ziurtatzeko modukoa izan beharko da. Horri dagokionez, QR kodearen lau aldeen inguruan 6 milimetro zuriune mantentzea gomendatzen da.

QR kodeak baliozko URL bat izan beharko du TicketBAI softwarearekin igorritako fakturak edo egiaztagiriak egiaztatzeko web aplikazioan sartzeko, faktura edo egiaztagiriaren datuak parametro modura barneratuta. URL edo hartako parametroetan baliozkoak ez diren karaktereak baldin badaude, modu egokian «kodetu» beharko dira (URL encoding) web arkitekturaren erabilera arruntei jarraiki.

Hau izango da QR kodearen edukia:

— QR kodea irakurtzeko web aplikaziora sartzeko URL helbidea, hots: https://tbai.egoitza.gipuzkoa.eus/gr/ («/» amaieran ipinita CRC kalkulatzeko).

— Parametroak:

Jarraian QR kodearen edukiaren adibide bat ematen da:      

https://tbai.egoitza.gipuzkoa.eus/qr/?id=TBAI-44619360G-261020-EzyQEMtxw37Gm-161&s=TB-2020-F&nf=419&i=1542.75&cr=182.

Jarraian QR kodearen adibide bat ematen da:

3.    Faktura edo egiaztagiri barnean identifikazio-kodea eta QR kodea kokatzeari buruzko zehaztapenak.

Faktura edo egiaztagiri barnean TicketBAI kodea eta QR kodea haren orientazioaren arabera kokatuko da:

— Orientazio bertikal batean, faktura edo egiaztagiriko beheren dagoen atalean kokatuko da. TicketBAI kodea lerro bakarrean barneratuko da eta azpian QR kodea.

— Orientazio horizontal batean, faktura edo egiaztagiriko eskuinen dagoen atalean kokatuko da. TicketBAI kodea lerri bakarrean barneratuko da eta azpian QR kodea.

TicketBAI kodea lerro bakar batean barneratu ezin baldin bada, elkarren segidako lerro ugari baimenduko dira. Lerro bakoitzeko azken karakterea, azken lerrokoa izan ezik, «-» bereizgailua izango da (erdiko marra).

Hurrengo irudiok kontuan izan behar dira soilik TicketBAI kodea eta QR kodea faktura edo egiaztagiri barruan kokatzeko adibide modura. Adibide hauetako edukia, tamaina eta proportzioak ez dira baliozkoak.

Orientazio horizontala.

Orientazio bertikala:

4.    Egiaztapenerako CRC algoritmoa.