DONOSTIAKO UDALA

Jabari eta erabilera publikoko espazioen okupazioak arau­tze­ko udal ordenan­tza. Behin betiko onarpena.       

Donostiako Udalba­tzak, 2019ko otsa­ilaren 22an egindako osoko bilkuran, ondorengoa erabaki du:

Gaur egun, Donostiako Udalak ez du arau orokorrik, espazio publikoan egin daitezkeen erabilerak arau­tze­ko, batez ere, horren aprobe­txa­mendu berezia edo erabilera pribatiboa dakarten erabilerak.           

Jabari eta erabilera publikoko espazioen okupazioak ordenan­tza baten bidez arau­tze­ak helburu du espazio publikoan egin daitezkeen erabilera guztiak argi eta erraz antola­tzea. Batez ere, espazioaren aprobe­txa­mendu berezia edo erabilera pribatiboa dakartenak. Espazio publikoaren erabilera komuna areago babestea da jomuga, hau da, per­tso­na guztiei era berean eta bereizketarik gabe dagokiena.  

Aurreko ondorioetarako, Donostiako Udalba­tzak, 2018ko uztailaren 19an egindako bilkuran, erabaki zuen hasiera batean onar­tze­a Jabari eta erabilera publikoko espazioen okupazioak arau­tze­ko Udal Ordenan­tza­ren aldaketa.

2018ko uztailaren 27an, Gipuzkoako Aldizkari Ofizialean argitaratu zen (145. zk.) aipatutako ordenan­tza­ren aldaketaren hasierako onarpena.

Iragarki horren bidez, espedientea jendaurrean ikusgai jarri zen, interesdunek kexak eta egoki iri­tzi­tako iradokizunak aurkezteko, emandako epean.    

Ondorio horietarako alegazioak aurkeztu zituzten honako jaun/andre hauek:

1.    Gloria Herrera.

2.    Jesus Etxe­goien Cillero.

3.    Victoriano Santos Mena, Francisco Javier Peña Bendicho, Iñigo Gimenez Ubillos, Ander Miner Galilea eta Jose Antonio Duo Trecet.

4.    Aitor Basurto.

5.    Jose Antonio Urkiola Cuni.

6.    Maria Carmen Mugica Lasa.

7.    Lab Sindikatua.

8.    Parte Zaharrean Bizi auzo elkartea.

Bestalde, jakinarazi ziguten alegazio ba­tzuk epez kanpo aurkeztu zirela, Uliako auzo elkarteak ekarritakoak, hain zuzen.               

Alda­tze­ko proposamenak aztertu ondoren, arloko Zerbi­tzu Teknikoek txos­tena egin zuten 2018ko abenduaren 14an.   

Proposatutako aldaketek ez dute, gure iri­tziz, ondorio eta eragin nabarmenik izango aurrekontuetan.             

Justifikazioa eta aurkezpena azalduta, eta aginduzko txos­tenak egin eta gero, proposatutako aldaketak onar­tze­ko eska­tzen dugu.

Horiek horrela, Gobernu Ba­tza­rrak gaia aztertu eta gero, honako erabaki hauek har­tze­a proposa­tzen diogu Udalba­tza­ri:               

ERABAKIAK

1.    Honako zuzenketa hauek onar­tzea:

Erabateko eran onartutako zuzenketak:

— 27.5 artikulua (Parte Zaharrean Bizirik elkarteak aurkeztua).

Par­tzi­alki onartutako zuzenketak Saileko txo­sten teknikoaren idazkeraren baitan:

— 48.7, 49.3, 49.6, 49.8 eta 59. artikuluak eta Azken Xedapenetako Bigarrena (Parte Zaharrean Bizirik aurkeztuak).

— Bigarren tituloari dagokion Hirugarren kapituloko hirugarren sekzioaren izenburua eta 52. art. (Santos Mena jn.k eta beste ba­tzu­ek aurkeztua).

Gai­tze­tsi­tako zuzenketak: beste guztiak.

Epez kanpo aurkeztu direlako gai­tze­tsi­tako alegazioak: Uliako auzo elkarteak aurkeztutakoak.

2.    Behin betiko onar­tzea, Jabari eta erabilera publikoko espazioen okupazioak arau­tze­ko udal Ordenan­tza, Udalba­tza­rrak behin-behingoz 2018ko uztailaren 19ko ohiko bilkuran onartua.

3.    Agin­tze­a behin betiko onarpenari buruzko iragarkia Gipuzkoako Aldizkari Ofizialean argitara­tze­ko.

Indarrean sartuko da Gipuzkoako Aldizkari Ofizialean argitaratu eta hurrengo egunean, Toki Jardunbidearen Oinarriak arau­tzen dituen 7/1985 Legearen 65.2. artikuluan ezarritako epea igaro baita.

Akordio hauek bide administratiboa agor­tzen dute, beraz, Administrazioarekiko Auzi Eskumenari buruzko, uztailaren 13ko 29/1998 Legearen 25 eta 46 artikuluei jarraiki, ados ez dagoenak bi hilabete ditu errekur­tso­a jar­tze­ko Euskal Herriko Auzitegi Nagusiaren Administrazioarekiko Auzietarako Sailaren aurrean.

Esandako epea argitalpen honen hurrengo egunetik aurrera hasiko da konta­tzen.

Donostia, 2019ko mar­txo­aren 21a.—Juan Carlos Etxe­zarreta Villaluenga, Udalba­tza­ko idazkari nagusia.      (1810)

Jabari eta erabilera publikoa duten espazioak nola okupatu arau­tze­ko ordenan­tza.

Sarrera.

Lehenengo titulua.  Xedapen orokorrak.

1. kapitulua.  Xedea eta aplikazio eremua.

2. kapitulua.  Erabilera motak eta horietarako eska­tzen diren titulu motak.

3. kapitulua.  Erabilera irizpideak eta beste xedapen ba­tzuk.

Bigarren titulua.  Espazio publikoa elementuekin okupa­tzea.

1. kapitulua.  Salmenta ibiltaria.

Lehenengo atala.  Definizioa eta modalitateak.

Bigarren atala.  Azoketan sal­tze­ko postuei buruzko xedapen orokorrak.

Hirugarren atala.  Denboraldiko postu finkoak.

Laugarren atala.  Denda ibilgailuak.

Bosgarren atala.  Postu bereziak.

2. kapitulua.  Jabari publikoko beste okupazio ba­tzuk.

Lehenengo atala.  Baimen bidezko okupazioak.

Bigarren atala.  Emakida bidezko okupazioak.

3. kapitulua.  Merkatari­tza jarduera espazio publikora zabal­tzea.

Lehenengo atala.  Salgaien erakustokiak eta an­tze­ko instalazioak.

Bigarren atala.  Ku­txa­zain automatikoak.

Hirugarren atala.  Produktu salmenta automatikoa eta haurren­tza­ko jolas makinak.

Hirugarren titulua.  Zehapen araubidea.

Xedapen gehigarria.

Xedapen indargabe­tza­ilea.

Azken xedapenak.

SARRERA

Ordenan­tza honek, Toki araubidearen oinarriak arau­tzen dituen 7/1985 Legean eta Administrazio Publikoen Ondarea araupe­tzen duen araudian (33/2003 Legeak eratua, batik bat) ezarritakoaren babesean, hiriko espazio publikoan egiten diren erabilerak arau­tzen ditu. Xede horretarako, hiriko espazio publikoa udal jabari publikoko bide eta espazioak izango dira, bai eta, titulartasun pribatuak izanik ere, oro har herritarrek erabil­tze­ko udalerriko beste espazio ba­tzuk ere.               

Araudi honen xedea da espazio publikoan egin daitezkeen erabilerak modu argiagoan eta errazagoan ordena­tze­a lor­tzea, eta bereziki, aprobe­txa­mendu berezia edo erabilera pribatiboa duten erabilerena, espazio publikoaren erabilera komuna gehiago babesteko, per­tso­na guztiei era berean baitagokie.

Ordenan­tza honen xede diren baimen eta emakidak ematerakoan Udalak bermatu beharreko herritarren eskubide nagusia per­tso­na guztien­tza­ko bide publikoaren irisgarritasuna da. Horri gagozkiola, ordenan­tza zein hura aplika­tze­ko ekin­tze­tan, bereziki izango ditugu kontuan ondoko: espazio publikoetako irisgarritasunaren oinarriko baldin­tze­i buruzko arauak, batez ere, ondokoak direla oinarri: apirilaren 11ko 68/2000 Dekretua, Eusko Jaurlari­tza­ko Lurraldearen Antolamendu, Etxe­bizi­tza eta Ingurugiro Sailarena, irisgarritasun baldin­tze­i buruzkoa, hiri inguruneen, espazio publikoen, eraikinen eta informazio eta komunikazioko sistemen irisgarritasun baldin­tze­i buruzko arau teknikoak onar­tzen baititu, eta otsa­ilaren 1eko VIV/561/2010 Ministerio agindua, espazio publiko urbanizatuetara iri­tsi eta haiek erabili ahal izateko irisgarritasunaren eta bereizkeriarik ezaren oinarrizko baldin­tzen agiri teknikoa gara­tzen duena. 

Ordenan­tza honen beste prin­tzi­pio gidari bat da Donostiako bide eta espazio publikoetan eginiko erabilera orotarako (berezia nahiz pribatiboa) dagokion gai­tze titulua eskuratu behar dela aldez aurretik Udalaren eskutik, Herri Administrazioen Ondareari buruzko 33/2003 Legearen 84. artikuluan ezarritakoa bete­tze­ko.      

Azkenik, adierazi behar da establezimendu eta zerbi­tzu­en eskain­tza­ren askatasunari buruzko Ordenan­tza 2006/123/CE Zerbi­tzu­en Zuzentarauan ezarritakoarekin bat etorrita egina dela. Hori horrela, Zuzentarauaren prin­tzi­pioak eta gidalerroak errespeta­tzen ditu, bai eta haren transposiziorako proiektatutako barne araudia ere. Baimen­tze­ko teknikari eu­tsi zaio Herri Administrazioen Ondareari buruzko Legearen 6. eta 84. artikuluetan ezarritakoaren arabera, bai eta administrazio isiltasun negatiboari ere, «Omnibus Legea» egin zuen 30/1992 Legearen 43. artikuluaren aldaketan ezarritakoaren arabera (gaur egun, 39/2015 Legearen 24. artikulua). Zehazki, arreta berezia jarri da zerbi­tzu jardueraren fun­tse­zko euskarri gisa espazio publikoa erabil­tzen duten zerbi­tzu eskain­tza­ileei (merkatariak...) eska dakizkiekeen gu­txie­neko betebeharren eskakizuna berma­tze­an, espazio publikoaren mugaren eta eskasiaren fun­tse­zko premisapean, eta horrek eman daitezkeen baimenen kopurua muga­tze­ko premia eragiten du.

Hori gerta­tze­an, baimenak emateko inpar­tzi­altasun eta gardentasuneko prin­tzi­pioak ezin hobeto bete­tzen direla berma­tzen du, eta, era berean, baimenen iraupen mugatua, horiek automatikoki ez berri­tze­a eta bazter utzi­tako zerbi­tzu emaileren­tza­ko edo harekin lotutako per­tso­nen­tzako abantailarik ez izatea. Europar Batasunaren araudiaren aurkako betebehar oro sar­tze­a saihestu da, eta ezarritakoak nahitaezkoa, neurrikoak eta ez diskrimina­tza­ileak dira, bai eta argiak eta agerikoak, objektiboak, gardenak eta irisgarriak ere, eta aurretiaz argitaratutakoak dira. Azkenik, administrazio sinplifika­tze handiena lortu nahi da, eta, horretarako, beharrezkoak ez diren administrazio izapide guztiak kenduko dira, espazio publikoaren erabilera errazte aldera.

LEHENENGO TITULUA

XEDAPEN OROKORRAK

1. KAPITULUA.  XEDEA ETA APLIKAZIO EREMUA

1. artikulua.    Xedea.

Udal jabariko eta erabilera publikoko espazioetako okupazioak arau­tze­a da ordenan­tza honen helburua, herritarrek horien erabilera komun orokorra egiteko eta baimendu daitezkeen erabilera edo aprobe­txa­mendu bereziak eta erabilera pribatiboak uztar­tze­a baimen eta emakiden prozedura bat ezarrita. 

2. artikulua.  Aplikazio eremua.

1.    Donostiako lurralde eremuan udal jabari publikoko espazioetan egin nahi diren jarduera, instalazio eta aprobe­txa­mendu guztiei aplikatuko zaie ordenan­tza hau, bai eta eremu horretako erabilera publikoko espazio pribatuetakoei ere, hurrengo artikuluan zehaztutako salbuespenekin eta beste administrazio ba­tzu­ek izan di­tza­keten gaitasun eta eskudun­tze­i kalterik egin gabe.      

2.    Ordenan­tza hau, espazio okupazioari zorrozki dagokionez, ez zaie aplikatuko hondar­tze­i eta portu eremuari, horiek ez direlako udal jabari publikoa. Nolanahi ere, aplikatu egingo zaie, espazio horietan egin arren, Udalak baimendu behar dituen jarduerei.            

3. artikulua.    Salbuespenak.

1.    Ordenan­tza honen aplikazio eremutik kanpo daude hauek:

a)  Ostalari­tza­ko terrazak.

b)  Bide publikoan aparka­tze­ko gordetako guneak eta pasabideak, garraiobide mota guztien geralekuak barne.

c)  Publizitate kartelak eta hesiak.

d)  Zangak eta laginketak.

e)  Obrarako bitarteko lagun­tza­ileekin jabari publikoa okupa­tzea, hala nola aldamio, garabi, hondakinen edukion­tzi, obra etxo­la, eraikun­tza­ko material eta an­tze­koak.              

f)  Hauteskunde kanpainako ekin­tzen ondoriozko okupazioak (mitinak...).

g)  Ur eta saneamendu hargune partikularrekin lurpea okupa­tzea.

h)  Sare elektrikoak, gas sareak eta telekomunikazio sareak jar­tze­ko komunikazio elektronikoko sare eta zerbi­tzu­en operadoreek eskatutako sareak jar­tze­ko lurpeko okupazioak.          

2.    Dagokion udal ordenan­tzak eta aplika daitekeen sektoreko araudiak arautuko dituzte aurreko atalean zerrendatutako kasuak.

4. artikulua.    Definizioak.

Ordenan­tza honen ondoreetarako, definizioak hauek dira:

1.    Udal jabari publikoa: erabilera publikorako udal titulartasuneko kale, plaza, zirkulazio bide, pasealeku, etorbide, espaloi, bulebar, parke eta lorategi, bideko tunel eta gainerako ondasun eta eskubideak sar­tzen dira izendapen honetan.              

2.    Ondare jabe­tzak: udal titulartasunekoak izan arren erabilera publiko baterako ez diren edo zerbi­tzu publiko bati atxi­kita ez dauden ondasunak dira, eta Udalari diru sarrerak eragiteko edo aprobe­txa­menduak sor­tze­ko gai dira.              

3.    Erabilera publikoko espazio pribatuak: titulartasun pribatua izan arren, herritar guztiek erabil­tze­ko lursailak dira.   

4.    Gai­tze titulua: Udalak emandako ebazpen edo erabakia, per­tso­na edo erakunde eska­tzai­leari eskumena ematen diona udal jabari publikoan edo erabilera publikoko espazio pribatuetan ordenan­tza honetan xedatutako jarduerak, instalazioak eta aprobe­txa­menduak egiteko. Horretarako, baldin­tza ba­tzuk bete­tzen direla egiaztatu beharko da aurrez, besteak beste, bermeak, amaierako munta­tze ziurtagiriak, udal tasak ordain­tzea, eran­tzu­kizun zibileko aseguruak eta an­tze­koak, baldin eta ebazpen edo akordio horrek horrelako baldin­tza­rik ezar­tzen badu.

2. KAPITULUA.    ‑ERABILERA MOTAK ETA HORIETARAKO ESKA­TZEN DIREN TITULU MOTAK

5. artikulua.    Udal jabari publikoaren erabilera motak.

Udal jabari publikoaren erabileran, ondare legedian ezarritakoarekin bat etorrita, hauek bereizi beharko dira: 

1.    Erabilera komun orokorra, per­tso­na guztiei era berean dagokiena; hau da, ba­tzu­en erabilera ez du gainerakoek erabil­tze­a eragozten.

2.    Erabilera edo aprobe­txa­mendu berezia, erabilera komuna erago­tzi gabe, baldin­tza bereziak gerta­tze­a dakar berarekin, hala nola erabileraren inten­tsi­tatea edo arriskugarritasuna, lehentasuna eskasia izanez gero, errentagarritasun berezi bat lor­tze­a edo an­tze­koak; horiek zehazten dute erabilera komun orokorraren gaineko gehiegizko erabilera edo erabilera hori gu­txi­tzea.

3.    Erabilera pribatiboa, jabari publikoko zati baten okupazioa zehazten du, eta beste per­tso­na ba­tzu­ek hura erabil­tze­a muga­tzen edo bazter­tzen du.

4.    Erabilera anormala, eragindako jabari publikoaren xede nagusiarekin bat ez datorrena.

6. artikulua.    Gai­tze tituluak.

1.    Librea da jabari publikoaren erabilera komun orokorra, eta, horretarako, ez da gai­tze titulurik behar.

2.    Erabilera edo aprobe­txa­mendu bereziko udal jabari publikoko okupazioetarako baimena beharko da, bai eta instalazio edo ondasun higigarri desmuntagarriekin soilik egiten diren okupazio guztietarako ere, eta okupa­tze epea ez da lau urtetik gorakoa izango.           

3.    Obra edo instalazio finko edo iraunkorrekoen erabilera pribatiboa eta erabilera anormala egiteko administrazio emakida beharko da, eta instalazio desmuntagarriekin edo ondasun higigarriekin egindako okupazioek ere administrazio emakida beharko dute, okupazio epea lau urtetik gorakoa bada.

4.    Tokiko Gobernu Ba­tza­rraren akordioaren bitartez, ordenan­tza honetan ezarritako jabari publikoko okupazioak sailkatu eta kategorizatu ahal izango dira, instalazioen soiltasun edo konplexutasunaren eta jabari publikoari eragiten dioten moduaren arabera. Horren xedea da baimenik eskatu behar ez izatea eta aurretiko jakinarazpena soilik egitea ekitaldi eta jarduera sinpleetarako izan eta jabari publikoan eragin eskasa izango duten okupazioek.

Ezingo da aurretiko jakinarazpena egin soilik sektoreko legediak aurrez baimena eskura­tze­ra behar­tzen duen okupazioetan.         

7. artikulua.    Udalaren ondare jabe­tzak.       

Jabari publikoa okupa­tze­ko ordenan­tza honetan ezarritako betebehar eta baldin­tzak aplikatuko zaizkie, baita ere, modu osagarrian, Udalak udal ondareko jabe­tzak okupa­tze­ko eman di­tza­keen baimenei, jabe­tzo­tan ordenan­tza honetan jasotako jarduerak egiten badituzte, izaera horrekin bateraezina den guztian izan ezik.        

8. artikulua.    Erabilera publikoko espazio pribatuak.

Ordenan­tza honetan jabari publikoari eginiko erreferen­tzi­a guztiak eta hura okupa­tze­ko betebeharrak eta baldin­tzak ordenan­tza honetako 4.3 artikuluan zehaztutako erabilera publikoko espazio pribatuei aplikatuko zaizkie era berean, horien izaera pribatuarekin bateraezina ez den guztian.              

3. KAPITULUA.  ‑ERABILERA IRIZPIDEAK ETA BESTE XEDAPEN BA­TZUK

9. artikulua.    Jabari publikoa erabil­tze­ko irizpide gidariak.          

1.    Udalaren jabari publikoaren erabilera komun orokorra Gizabideari, bide publikoaren erabilera eta garbitasuna eta hiri paisaia babesteari buruzko udal Ordenan­tzan jasotako bizikide­tza arauen mendekoa da.

2.    Jabari publikoa okupa­tze­ko baimenak Udalaren iri­tzi­aren araberako ekin­tzak dira, eta baimendutako per­tso­na edo erakundeak gai­tzen dituzte eremu horiek okupatu, zehaztutako instalazioak jarri eta eskatutako jarduera egiteko, Udalak eta/edo administrazio eskudunak ezarritako baldin­tza jakinetan.       

Nolanahi ere, Udalak, interes publikoko arrazoiengatik, alde bakarrean kendu eta ondorerik gabe utzi ahal izango ditu emandako baimenak, erabakia aldez aurretik justifikatuta, eta ez da kalte-ordainik jaso­tze­ko eskubiderik izango.

Era berean, Udalak bertan behera utzi ahal izango ditu emandako baimenak, kalte-ordainik jaso­tze­ko eskubiderik gabe, interes publikoko egoerengatik okupatutako espazio libre geratu behar bada honako hauek direla tarteko: desfileak, azokak, merkatuak, ikuskizunak, kirol ekitaldiak, manifestazioak, lehentasunezko interesezko an­tze­ko ekitaldiak, obrak, baimendutako aldamioak eta larrialdi egoerak.   

Baimena eraginkorra izango da berriro hura justifikatu zuten baldin­tzak desagertutakoan, eta, horretarako, ez da administrazio ebazpenik beharko.

3.    Jabari publikoa okupa­tze­ko baimen eta emakidak emateko, interes publiko eta pribatuak uztartuko dira, eskatutako aprobe­txa­mendu berezien eta erabilera pribatiboen eta jabari publikoaren erabilera komun orokorraren artean bateragarritasun irizpideak kontuan hartuta. Gatazkarik egonez gero, jabari publikoaren erabilera komun orokorra lehene­tsi­ko da, interes orokorrengatik.

4.    Era berean, irisgarritasun arloko araudia ain­tzat hartu beharko da, udal jabari publikoa oztoporik gabea izatea lor­tze­ko.

5.    Hurbilen dauden eraikinetara hel­tzen den gehienezko soinu maila ez da izango ku­tsa­dura akustikoa arau­tzen duen udal ordenan­tzan adierazitako mugak baino handiagoa.    

6.    Udalak arau partikular zorro­tza­goak ezarri ahal izango ditu zenbait eremutan jabari publikoa okupa­tze­ko, eta horiek aplikatu beharko dituzte lehentasunez ordenan­tza hauetako arauak baino lehen.

7.    Baimenak eta emakidak honelakoak izan daitezke: doakoak; kontraprestazio baten edo baldin­tza ba­tzu­en truk emanak, eta tasa bat ordaindu beharra dakartena, jabari publikoko ondasunen erabilera pribatiboa edo aprobe­txa­mendu berezia egiteagatik, dagokion zerga ordenan­tzan ezarritakoaren arabera.

10. artikulua.    Elkarrekin izapide­tzea.

1.    Jabari publikoa okupa­tze­ko eskaeran eremu horretan hainbat jarduera egiteko eskaera sar­tzen bada, horietako bakoi­tze­rako gai­tze titulua emateko izapideak batera egingo dituzte, eta Udalak ebazpen bakarra eman ahal izango du lurzoruaren aprobe­txa­mendu edo okupazioari, garatuko den jarduerari eta jabari publikoaren erabilerak gauza­tze­ko baliatuko diren instalazioei buruz. Dena dela, espedientea izapide­tze­az arduratutako organoak egoki irizten dien txos­tenak eskatuko dizkie udal zerbi­tzu­ei, gai­tze titulua emateko. 

2.    Hiru hilekoa izango da eskatutako baimenak ebazteko eta jakinarazteko epea; epe hori igaro ondoren, ebazpenaren jakinarazpenik egin ezean, eskatutako baimena ukatu egin diotela jo dezake interesdunak.              

11. artikulua.    An­tze­ko irizpideak aplika­tzea.

Ordenan­tza honetan berariaz aurreikusita ez dauden kasuetarako, jabari publikoaren okupazioetarako Udalak aurretik baimena edo emakida eman beharko du. Eskaerak berdintasun prin­tzi­pioa oinarri hartuta eta agiri honetan jasotako an­tze­ko irizpideak aplikatuta izapidetuko eta eba­tzi­ko dira, kontuan izanda garatuko den jardueraren baldin­tza partikularrak, zein lekutan izango den, jabari publikoaren erabilera komun orokorrarekin bateragarria izatea eta ingurumenean eta hiri ingurunean duen eragina, beti Udalak bere iri­tzi­aren arabera erabaki­tze­ko duen ahalmenaren barruan.               

12. artikulua.    Ikuskari­tza eta kontrola.

1.    Une oro izango du Udalak Donostiako udalerriko jabari publikoan edo erabilera publikoko espazio pribatuetan egiten edo koka­tzen diren okupazio, instalazio eta jarduerak ikuska­tze­ko eta kontrola­tze­ko eskumena. Xede horretarako, ordenan­tza honetan ezarritakoa leialki eta osorik bete­tzen dela zainduko du, bai eta dagokien titulua ez duten erabilerak edo aprobe­txa­menduak erago­tzi ere. Gainera, eremu horiek okupatuko dituzten per­tso­nak edo erakundeak baimenean edo emakidan ezarritako baldin­tza eta betebeharretara egoki­tzen direla zainduko du.           

2.    Udal­tza­ingoko agenteek edo ikuskari­tza arloan eskumenak dituzten fun­tzio­narioek egiazta­tzen badute, haien kabuz edo beste udal zerbi­tzu ba­tzu­ek edo hirugarrenek eskatuta, jabari publikoa edo erabilera publikoko espazio pribatuak bidegabe okupa­tzen ari direla, dela beharrezko baimena edo emakida ez dutelako, dela baimen edo emakidaren baldin­tzak bete­tzen ez dituztelako, dagokion salaketa edo ikuskari­tza akta egingo dute, bai eta baimen edo emakidaren titularrari (horrelakorik egonez gero) edo arduradunari eskatuko ere diote bidegabeko okupazioa bertan behera uzteko eta/edo emandako baimen edo emakidaren baldin­tze­tara egoki­tze­ko. Beharrezkoa izanez gero, eremua bidegabe okupa­tzen duten elementu edo instalazioak borondatez ken­tze­ko eskatuko diote, bai eta ohartaraziko ere, kendu ezean, Udalak bere kabuz kenduko dituela.  

3.    Aurreko atalean adierazitako ondoreetarako, eta hartan adierazitako izapideak bete ondoren, Udal­tza­ingoak elementuak eta instalazioak kendu ahal izango ditu, bai eta produktuak eta gauzak, salgaiak eta diru bilketa konfiskatu ere, sortutako gastu guztiak ordaindu beharra eran­tzu­leari leporatuta. Xede horretarako eginiko salaketaren aktan jaso beharko dira baldin­tza horiek guztiak. Hala ere, beharrezko zehapen prozedura irekiko dute, eta horrek zehaztuko du neurri horiei eusten zaien ala ez, bai eta egoera horren ondoriozko zerga erregularizazioari ere.

Dagokion zehapen espedientea amaitu aurretik itzu­li ahal izango dira konfiskatutako ondasunak, baldin eta horien jabe­tza egiazta­tzen bada eta legezko merkatari­tza­ren barrukoak badira. Erabil­tzai­learen kontura izango dira konfiska­tze­aren eta udal gordailuan egotearen ondoriozko udal gastu eta tasak. Gastu eta tasa horiek ordaindu beharko ditu gauzak berreskuratu baino lehen, eta, hori guztia, isuna ordain­tze­ari edo asegura­tze­ari buruz ezarritakoa gauzatu behar izateaz gain. Udal gastu edo tasa horiek itzu­liko dizkiote erabil­tzai­leari, ebazpen judizial irmo baten bidez egiazta­tzen bada une hartan ez zela bidezkoa izan elementu horiek erretira­tze­a edo ondasunak konfiska­tzea.     

4.    Udal sail eta zerbi­tzu guztiek lagunduko dute, ahal den neurrian, gauzak ken­tze­ko, konfiska­tze­ko eta gordailu­tze­ko lanetan, beharrezkoa izanez gero, horretarako giza eta gauza baliabideak jarrita, eta, bereziki, Hiri Manten­tze eta Zerbi­tzu­en Zuzendari­tzak edo bide eta espazio publikoen eta jabari eta erabilera publikoaren arloko eskumenak dituen atalak.         

13. artikulua.    Hizkun­tza irizpideak eta diskriminaziorik ezari buruzkoak.

1.    Bide publikoko edozein elementutan (postuak, karpak, salgailuak, tarifak, etab.) koka­tzen dituzten edo bide publikoan antolatutako edozein ekin­tza­rik buruzko errotuluen, ida­tzi­en, iragarkien, abisuen, kartelen, produktuen, tarifen, etab.en testua euskaraz edo euskaraz eta gaztelaniaz ida­tzi­ta egongo da, eta, bietan egonez gero, euskarari lehentasuna emango diote.       

2.    Bide publikoan eginiko ekitaldi eta jardueretan megafoniaz zabaldutako ahozko mezuak eta komunikazioak euskaraz edo bi hizkun­tza ofizialetan egingo dira, eta elebidunak izanez gero, lehentasuna emango zaio euskarari.

Hala eta guztiz ere, bestelako hizkun­tzak erabil­tze­a onartuko da bide publikoan jarritako edozein euskarritako testuan, edo bide publikoan antolatutako jardueren kasuan, jarduera, establezimendu eta mezu motak edo per­tso­na har­tzai­leek, objektiboki, hala behar dutenean.

3.    Aurreko bi puntuak errazago bete daitezen, Udalak euskararen erabilera zuzena ahalbidetuko die, doan, ordenan­tza hau aplikagarri zaienei.          

4.    Guztiz debekatuta dago jardunbide iraingarriak eragin edo susta­tzen dituzten edozein mota eta formatutako edukiak erabil­tzea, hala nola bideoak, irudiak eta ahozko zein ida­tzi­zko mezuak, baldin eta emakume eta gizonen arteko berdintasunaren aurka egiten badute edo sexu, arraza nahiz sinesmenetan oinarri­tzen badira.

BIGARREN TITULUA

ESPAZIO PUBLIKOA ELEMENTUEKIN OKUPA­TZEA

1. KAPITULUA.    SALMENTA IBILTARIA

LEHENENGO ATALA.    Definizioa eta modalitateak

14. artikulua.    Kaleko salmentaren definizioa.

1.    Ordenan­tza honen ondoreetarako, hau izango da «salmenta ibiltaria»: udalerrian, aldez aurretik baimendutako leku eta datetan, merkatari­tza establezimendu batetik kanpo, postu edo instalazio desmuntagarri eta garraiagarrietan nahiz denda ibilgailuetan sal­tzea.

2.    Salmenta ibiltarian jarduteko, udal jabari publikoan eta erabilera publikoko espazio pribatuetan gauzatuz gero, baimena lortu beharko dute.

3.    Aldizkako edo noizbehinkako merkatuetan (hurrengo artikuluan aipatuko dira) jardungo dute salmenta ibiltarian, bai eta denboraldiko postu finkoetan, denda ibilgailuetan edo an­tze­ko postuetan ere. Nolanahi ere, beharrezko udal baimena eskuratu beharko dute, eta ezingo dute saldu baimen hori lortu gabe.

Zehazki, erabat debekatuta dago oinezko salmenta eta manta gainean eginiko salmenta.

4.    Ez da salmenta ibiltari­tzat hartuko etxez etxe­ko salmenta eta xede horretarako prestatutako banaketa makinen bidez eginiko salmenta automatikoa, instalazio finkoak badira.        

15. artikulua.    Modalitateak.

1.    Salmenta ibiltaria modalitate hauetakoren baten bidez egin daiteke:

a)  Aldizkako merkatuak. Salmenta postuen mul­tzo­ak dira. Tradizioz edo berriki, espazio publiko jakin ba­tzu­etan koka­tzen dira, aldizkakotasun finko baten arabera.         

b)  Noizbehinkako merkatuak. Salmenta postuen mul­tzo­ak dira, eta, azokak, jaiak edo herri ekitaldiak edo ekitaldi tradizionalak direla kausa, aurrez zehaztu gabeko espazio publikoetan jar­tzen dira.

c)  Denboraldiko postu finkoak. Salmenta postu bereziak dira, eta hiriko espazio publikoko hainbat puntutan jar­tzen dira, denboraldi batean produktu jakin ba­tzuk merkatura­tze­ko.  

d)  Denda ibilgailuetan eginiko salmenta. Furgoneta moduko ibilgailuak edo ibilgailu bereziak dira, eta, horien bitartez, elikagaiak, edariak eta gainerako produktuak merkatura­tzen dituzte. Jaietan, ekitaldietan, aldizkako nahiz noizbehinkako merkatuetan eta egutegiko jaiegunetan baimendu daitezke.

e)  Postu berezietan eginiko salmenta.

Kokapen zeha­tzak, maiztasuna edo aldizkakotasuna, ordutegiak eta sal­tze­ko baimendutako artikulu edo produktuak zehaztuko dira kasu bakoi­tze­an salmenta ibiltaria baimen­tze­ko eman beharreko ebazpenean.

2.    Ez da zehazten salmenta ibiltarian jardutetik salbue­tsi­tako hiri eremu hiri perimetrorik.

3.    Modalitatea edozein delarik ere, salmenta ibiltariko postuak ezingo dira kokatu erabilera publikoko eraikinen eta establezimendu komer­tzi­al edo industrialen sarbideetan, ezta joan-etorria eta zirkulazioa zail­tzen dituzten lekuetan ere.

Halaber, okupazio horietan guztietan ez da onartuko publizitatea instala­tze­rik, merkatariari berari buruzkoa izan ezik.   

4.    Kon­tsu­mi­tzaileen eta erabil­tzai­leen eskubideak erabat errespetatuta gauzatu beharko dute salmenta ibiltariaren jarduera, indarreko araudian xedatu bezala.

BIGARREN ATALA.    ‑Azoketan sal­tze­ko postuei buruzko xedapen orokorrak

16. artikulua.    Baimenak lor­tzea.

1.    Oro har, xede horretarako sustatutako lehia prozedurarekin ezarritakoaren arabera emango dira merkatuetarako salmenta ibiltariko postuen baimenak. Publizitate, objektibotasun, inpar­tzi­altasun, gardentasun eta lehia irizpideak errespetatuko ditu prozedura horrek.

Udal unitate eskuduna gai­tzen du salmenta ibiltarirako baimenak emateko antolaturiko lehia prozeduretan parte har­tze hu­tsak, dagokion administrazioetan interesdunaren egoera zeha­tza egiazta­tze­ko, hain zuzen, zerga eta gizarte betebeharrak bete­tzen dituela eta udal honekin zorrik ez duela.             

Deialdi publikoan adieraziko dute baimenak lor­tze­ko ezarritako lehia prozedura zeha­tza.

Lehia prozedura amaitu ondoren, Udalak baimena eskuratu duten per­tso­nen zerrenda argitaratuko du, bai eta itxa­rote zerrenda edo pol­tsa bat ere prozedurara aurkeztu arren baimena lortu ez duten hautagaiak goitik beherako ordenan jarrita, postu huts bat dagoenean baimena eman ahal izateko soilik.               

2.    Aldizkako eta noizbehinkako merkatuetako salmenta postu jakinetarako baimenak baimen bakar batek ordezkatu ahal izango ditu, merkatuko postu guztietarako orokorra, merkatua antola­tzen duen erakundearekin hi­tzar­mena sinatuz gero Donostiako Udaleko atalek edo sailek edo udalaren mendeko erakunde edo entitateek zuzenean antolatutako merkatu edo ekitaldietarako.          

Kasu horietan, publizitate, lehia, inpar­tzi­altasun, berdintasun, objektibotasun eta gardentasun prin­tzi­pioei jarraituta esleituko dituzte salmenta postuak erakunde antola­tza­ileak, Donostiako Udaleko atal edo sailek nahiz Udalaren mendeko erakunde edo entitateek.

3.    Indarrean dagoen Baserritarren produktuen eguneroko merkatuaren Erregelamenduaren bitartez edo hori alda­tzen edo ordezten duenaz arautuko dira Bre­txa­ko «baserritarren» merkatuan sal­tze­ko baimenak ematen dituen araudia eta haren fun­tzio­namendu araubidea.

4.    Hainbat salmenta ibiltari motatarako baimenak ematearen ondoreetarako, lehentasuna izan ahalko dute Udalaren Gizarte Zerbi­tzu­ek txo­sten bidez zehaztutako per­tso­nek.           

Adierazpen ez bazter­tza­ile gisa, honako hauek izan daitezke: gizartera­tze­ko prozesuetan dauden per­tso­nak, gizarte bazterkeriako arriskuan daudenak, gizarte langin­tza­ko edo enplegu babestuko enpresetan lan egiteko beharrezkoak diren betebeharrak bete­tzen dituztenak, aldizkako lagun­tza modalitateak jaso­tzen dituztenak eta eskubide subjektibo ekonomikoko lagun­tzak jaso­tzen dituztenak (Diru Sarrerak Berma­tze­ko Errenta, edozein modalitatetan).

Baimenak emateko, Udalaren Gizarte Zerbi­tzu­en aldeko txos­tenaren bitartez, hi­tzar­menak sinatu nahiz emakidak eta baimenak eman ahal izango zaizkie gizarte langin­tza­ko enpresei eta enplegu babesteko enpresei, indarreko edozein modalitatetan.

Halaber, baimenak emateko, Udalaren Gizarte Zerbi­tzu­en aldeko txos­tenaren bitartez, hi­tzar­menak sinatu nahiz emakidak eta baimenak eman ahal izango dira desgaitasunak dituzten per­tso­nak lanera­tze­a errazteko.    

17. artikulua.    Plaza hu­tsak sor­tze­a eta horiek eslei­tzea.              

Udalak sortutako itxa­rote zerrendan daudenei eskainiko zaizkie aldian behingo merkatuetan hu­tsik dauden espazioetarako baimenak, lehiaketa publikoa egin ondoren.         

18. artikulua.    Udalaren baimena lor­tze­ko eta izaten jarrai­tze­ko baldin­tzak.

Hauek dira kalean sal­tze­ko baimena lor­tze­ko eta indarrean izaten jarrai­tze­ko baldin­tzak:

a)  Titularra Jarduera Ekonomikoen Zergari dagozkion epigrafeetan izena emanda egotea.

b)  Titularra izena emanda egotea Gizarte Seguran­tzan dagokion erregimenean eta kuoten ordainketan egunean egotea. Haren ardurapeko lagun­tza­ile eta langileei ere eska dakieke baldin­tza hau.

c)  Ordainduta eduki­tze­a dagozkion udal zerga eta eskubideak.

d)  Aplikatu beharreko osasun arauak eta arau teknikoak bete­tzea, bai salgaiei bai instalazioari lotutakoak. 

e)  Udal baimena ez baliogabe­tze­a ordenan­tza honetan jaso­tzen diren arrazoiak direla eta.

2.    Baldin­tza horiek ez zaizkie aplikatuko noizbehinkako jarduerei eta erabil­tzai­leei; eta egoera hori jasota utzi­ko da salmenta ibiltaria gauza­tze­ko baimena ematen duten ebazpenetan.

19. artikulua.    Udal baimenak eta Kaleko Sal­tza­ileen Erregistroa.

1.    Kontu hauek adierazita emango dira baimenak:         

a)  Titularraren identifikazioa eta, halakorik egonez gero, haren ardurapeko lagun­tza­ile edo langileena.

b)  Merkatuaren izena eta postuaren zenbakia edo, bestela, jarduerarako baimena duen leku zeha­tza.           

c)  Baimendutako salgaiak.

d)  Jarduera egiteko datak eta ordutegia, eta baimenak noiz arte balio duen.

e)  Baimendutako okupazio azalera.

f)  Instalazioaren ezaugarriak.

Jardueran bere kabuz ari­tze­a dakarkio titularrari baimenak, zuzenean edo ardurapean dituen eta behar bezala baimenduta dauden langile edo lagun­tza­ileen bidez. Dagokion identifikazio txa­rtelarekin egiaztatuko du, eta une oro egongo da txa­rtela ikusgarri saltokian.     

Baimen bat emango da, per­tso­nako, merkatu bakoi­tze­an eta, aldi berean bi merkatu edo gehiago izanez gero, ezingo da baimena aldi berean bietan erabili, bakarra aukeratu beharko dute.

2.    Merkatuetako kaleko salmenta kontrolatu eta kudea­tze­ko, Kaleko Sal­tza­ileen Udal Erregistroa sor­tze­a erabaki ahal izango da, eta sal­tza­ileen eta merkatu jakin bakoi­tza­ren arabera prestatuko da.   

Tokiko Gobernu Ba­tzor­deak erabakiko du erregistro hori nola antolatu, arautu eta zein helmen izango duen.

20. artikulua.    Baimenen iraupena.

1.    Urtebeteko indarraldia izango dute aldian behingo merkatuetan kaleko salmentan ari­tze­ko baimenek. Urtero, beste urtebetez berritu ahal izango dute, guztira, lau urte bete arte.        

2.    Merkatua antola­tze­ko zio diren ekitaldi eta festa jakinen iraupena izango dute noizbehinkako merkatuen esparruan salmentan ari­tze­ko baimenek. 

21. artikulua.    Instalazioen ezaugarriak.

Baimenetan zehaztutako ezaugarrietara egokituko dira kaleko salmentan ari­tze­ko instalazioak eta postuak, eta bildu beharko dituzte, nolanahi ere den, beharrezkoak diren segurtasun, garbiketa eta estetika baldin­tzak. Horrez gain, haietan ez da onartuko publizitaterik, sal­tza­ilerena salbu. Modurik zorro­tze­nean bete beharko dute osasun eta merkatari­tza araudi berezia elikagaiak eta edariak sal­tzen dituzten postuek edo instalazioek.

22. artikulua.    Baimenaren titularren ezaugarriak.       

Baimendunen eskubide dira honako hauek:

a)  Baimenean ager­tzen diren salmenta lekuak okupa­tzea.             

b)  Ezarritako ordutegi eta baldin­tze­tan, udalak baimendutako salmentan ari­tzea, era publiko eta bake­tsu­an.

c)  Baimena indarrean dagoen bitartean baimenaren xede den merkatua desagertuko balitz, lehentasuna izatea merkatu hura ordezka­tzen duen merkatuan edo beste merkatuetan egon litezkeen plaza hu­tse­tan, beharrezko baldin­tzak betez gero.        

d)  Egokiak irudi­tzen zaizkien erreklamazioak eta iradokizunak aurkeztea, haien eskubideak eta interesak defenda­tze­ko eta haien merkatari­tza jarduera egiten duten merkatuak hobeto fun­tzio­na­tze­ko.

e)  Hil­tze­aren edo erretiroa har­tze­aren ondorioz, baimen horren titulartasun ordezkari izatea honako hauek: ezkontidea edo dagokion erregistroan izena emanda dagoen izatezko bikotekidea, lehen edo bigarren graduko senideak, odolkidetasunekoak edo ezkon­tza ahaidetasunekoak. Horiek guztiek ordenan­tzak eskatutako formalitateak eta baldin­tzak bete beharko dituzte. Baimena iraungi arteko epea bukatu arte egongo da indarrean ordezkapena, eta formalki aitortu beharko du udalak. Ordezkoa ezingo da ordezkatu inola ere.

23. artikulua.    Baimenaren titularren ezaugarriak.       

Honako hauek dira baimendunen betebeharrak:

a)  Postu eta instalazio desmuntagarrietan, garraia­tze­ko errazetan, egin beharko dute salmenta, edo, bestela, aplikatu beharreko legezko eta arauzko xedapenek ezarritako baldin­tzak nahiz udal administrazioak eska di­tza­keen baldin­tzak bete­tzen dituzten denda ibilgailuetan. Nolanahi ere, segurtasun, osasungarritasun eta apaindura baldin­tza egokiak bete beharko dituzte. Salgai guztiak publikoari eraku­tsi beharko zaizkio behar bezala babestuta eta lurretik, gu­txi­enez, 60 eta 75 cm-ko altueran, salbu haien garaiera edo pisuagatik nolabaiteko arazoren bat sortu dezaketenak, aldez aurretik udalak baimena emanda. Berariaz izendatutako espazioa besterik ezingo dute okupatu postuarekin eta salgaiekin.

b)  Leku ikusgarri batean jarri beharko dute udalak ematen duen identifikazio txa­rtela. Beharkizun hori ez badute bete­tzen, edo baimenean ez dauden produktuak sal­tzen badituzte, postua kenduko diete, kautelaz, eta, hala badagokio, salgaiak konfiskatuko. Horrek ez du galaraziko zigor jardunbideak abiarazterik.            

c)  Kartel ikusgarri baten bidez informatuko dute zein helbidetan jasoko dituzten kon­tsu­mi­tzaileen erreklamazioak, halakorik egonez gero. Fakturan edo salmentaren egiaztagirian agertu beharko du, beti, helbide horrek. Merkatuko postu guztietarako kartel bakarra jarrita ordezkatu ahal izango da baimendun bakoi­tza­ren betebehar indibiduala, udalak aldez aurretik baimenduta, eta baimenean adierazitakoaren arabera ezarriko dute.

Euskaraz edo bi hizkun­tza ofizialetan egongo dira ida­tzi­ta postuetan jar­tzen dituzten kartel, errotulu eta halakoetako testuak, eta lehentasuna emango diote euskarari. Aurrekoa gorabehera, bestelako hizkun­tzak ere erabil­tze­a onargarria da, establezimendu nahiz mezu motak edo, objektiboki, publiko har­tzai­leak hala eska­tzen dutenean.

d)  Beren merkatari­tza jardueran, indarrean dagoen araudiak ezarritakoa bete beharko dute; bereziki, osasun publikoari, merkatari­tza­ri, merkatu diziplinari, kon­tsu­mi­tzaileen eta erabil­tzai­leen kolektiboaren defen­tsa­ri, zerga erregimenari eta Gizarte Seguran­tza­ri lotutakoa.

e)  Une oro izango dira haien produktuen kalitatearen arduradunak; produktuak ezin izango dira arrisku­tsu­ak izan kon­tsu­mi­tzaileen osasunerako edo segurtasunerako, ezingo dute iruzurra izan kalitatean edo kopuruan, ez fal­tsi­fikatuak, identifikatu gabeak edo merkatura­tze­ko gu­txie­neko baldin­tzak bete­tzen ez dituztenak.

f)  Arauzko baskula eta metroa izango dituzte pisatu edo neurtu beharreko produktuak sal­tzen dituzten postuek.

g)  Baimena indarrean dagoen bitarte osoan bete behar dituzte baimena ematea ekarri zuten baldin­tzak, bai eta ordenan­tza honen xedapenak eta hura gara­tzen dituztenak ere, eta, horiez gain, eskumena duen udal agintariak emandako jarraibideak. 

h)  Behartuta egongo dira udaleko langileek edo autoritateek eskatutako dokumentazioa ematera.

i)  Saltokian honako per­tso­na hauetakoren bat egongo da:            

— Per­tso­na fisikoei emandakoetan: titularra, ezkontidea edo dagokion erregistroan izena emanda dagoen izatezko bikotekidea, lehen edo bigarren graduko odolkidetasuneko edo ezkon­tza ahaidetasuneko senideak edo haren ardurapean dagoen langilea.

— Per­tso­na juridikoei emandakoetan: Gizarte Seguran­tzan dagokion erregimenean izen emanda dagoen erakundeko bazkidea edo haren kontura dagoen langilea.  

Titular bakoi­tzak lagun­tza­ile bat aukeratu ahal izango du, arestian zerrendatukoen artean. Udalari dokumentu bidez egiaztatu behar diote eskatutako baldin­tzak bete­tzen dituela, besteak beste, lo­tzen dituen senide, sozietate edo lan harremana.

Alderdi horiek egiaztatu ondoren, baimena emango dio eskumena duen administrazio unitateak per­tso­na horri lagun­tza­ile izateko, eta berariaz jasoko du nortasun hori titularrari ematen dion identifikazio txa­rtelean.

Debekatuta dago baimenik ez duen inor postuan egotea. 

j)  Dagokien baimenean ezarritako ordutegian sartuko dira ibilgailuak merkatuaren barrutian produktuen zamalanak egitera. Debekatuta dago salmenta ordutegian merkatu barruan ibilgailuek zirkula­tzea.

k)  Merkatua buka­tze­an, garbi utzi beharko dituzte postuak okupatutako lekua eta inguruak.

l)  Zoladurari, zuhaiztiari edo, oro har, jabari publikoko ondasunei eragindako kaltea berrezar­tze­ko ardura izango dute, kontuan hartu gabe beren jarduerak beste ba­tzu­ei egindako kalte edo lesioetan duten ardura, bai ondasunetan bai per­tso­nengan, eta horretarako dagokien eran­tzu­kizun zibileko asegurua izan eta egiaztatu beharko dute.              

m)  Debekatuta dago gailu akustikoak erabil­tze­a udalaren berariazko baimena eduki ezean, zeinak kontuan eduki beharko dituen gatazkan dauden interes desberdinak.

24. artikulua.    Baimenak ken­tzea.

1.    Baimen guztiak kenduko dira titularrak zigor irmo bat jaso­tzen badu arau hauste larri edo oso larri bat egiteagatik, urtebeteko epean, zigorra irmoa denetik; eta epe irmoan, beste arau hauste larri edo oso larri bat egiten badu. Baliogabe­tze ebazpenak zehaztuko du, hala egitea onar­tzen bada, zein epetan ez zaizkion emango per­tso­na horri jabari publikoak erabil­tze­ko baimenak.

2.    Era berean, eta arauzko baimenik ez dutenek egindako arau hausteen kasuan, epai zeha­tza­ile batek zehaztuko du zein epetan ez zaizkion emango per­tso­na horri jabari publikoak erabil­tze­ko baimenak, eta epe hori ez da izango urtebete baino laburragoa eta lau urte baino luzeagoa.     

25. artikulua.    Baimenak azken­tzea.

Aurreko artikuluan araututako baliogabe­tze­az gain, merkatuetan kale salmentan ari­tze­ko baimenak azken­tze­ko arrazoi berezi­tzat hartuko dira hauek: ez bete­tze­a instalazioen ezaugarri teknikoak eta estetikoak, higienerik eta garbiketarik eza postuan bertan nahiz inguruan eta hu­tsak zuzen­tze­ko hiru errekerimendu edo baimena emateko bidea eman zuten baldin­tzak ez bete­tze­agatik jasotako hiru salaketa pila­tzea. Horrek ez du erago­tzi­ko esandako arrazoiengatik jaso beharreko zehapen ekonomikoa ere ezar­tzea. Urte natural berean egin behar dituzte errekerimendu horiek.           

HIRUGARREN ATALA.  Denboraldiko postu finkoak

26. artikulua.    Sasoiko elikagaien eta produktuen salmenta.

1.    Sasoiko elikagai eta produktuen salmenta salgai bakoi­tza­ri dagokion denboraldian egingo da, postu desmuntagarri edo mugikorren bidez, eskumena duen udal organoak horretarako aukeratutako lekuetan eta saltoki horiek eslei­tze­ko egindako lehia prozeduraren bidez.      

2.    Urtebetetik lau urtera arteko indarraldia duten baimenak eman ahal izango dira, nahiz eta salmenta eta postuaren instalazioa bera denboraldiak irauten duen bitartekoa izan.

3.    Udalak saltoki eredu jakin bat ezarri ahal izango du, orokorrean edo leku jakin ba­tzu­etarako bakarrik, eta beti errespetatu beharko dute eredu hori lizita­tza­ile eta esleipendunek. Lizitazioaren tasa gorantz lizita­tze­a izango da lehiaren oinarrizko elementu bat, eta dagokion zerga ordenan­tzan ezarritako tasaren kopuruak zehaztuko du.         

4.    Izozkiak, txu­rroak, li­txa­rreriak eta gozokiak, patata-barkilloak eta krispetak sal­tzen dituzten postuek, horiez gain, tradizioz postu horiei lotutako produktuak eta alkoholik gabeko edariak saldu ahal izango dituzte.       

5.    Gaztainak sal­tzen dituzten postuek gaztaina erreak besterik ezingo dute saldu.

6.    Dagokion deialdiak zehaztuko du aurreko puntuetan aipatutako postuen salmenta denboraldia.               

7.    Denboraldiko saltoki finkoei ere aplikatuko zaizkie kapitulu honetako bigarren atalean jasotako xedapenak, baimenak lor­tze­ko baldin­tzei, titularren eskubide eta betebeharrei eta baliogabe­tze eta azken­tze araubideei lotutakoak.       

LAUGARREN ATALA.  Denda ibilgailuak

27. artikulua.    Denda ibilgailuz sal­tzea.

1.    Ibilgailu egokitu baten bidez egindako salmenta da, garraioari eta baimendutako produktuen salmentari aplika­tzen zaien araudiaren arabera.

2.    Elikagaien salmentari dagokionez, horietako bakoi­tza­ri aplikatu beharreko osasun araudi eta araudi teknikoak bete beharko dituzte.

3.    Aldez aurretik eskaera eginda, festetan, ekitaldietan, aldian behingo eta noizbehinkako merkatuetan eta egutegiko jaiegunetan baimendu ahal izango da denda ibilgailuz eta halakoez sal­tzea.

4.    Indarrean dagoen legediaren arabera egin beharreko eraberri­tze­ak egiaztatu beharko dituzte denda ibilgailuek.       

Dituzten instalazioek dagozkien homologazioak eta instalazio buletinak izan beharko dituzte, indarrean dagoen legediaren araberakoak (argindar instalazioa, gas instalazioa, ur instalazioa, saneamendua, etab.).

Era berean, elikagaiak egin, prestatu eta gorde­tze­ko erabil­tzen dituzten instalazio eta makina guztiak bat datozela indarrean dagoen legediarekin egiaztatu beharko dute elikagaiak moduren batera saldu, prestatu edota prozesa­tzen dituzten denda ibilgailuek.

5.    Denda ibilgailuek ezingo dute inola ere mahairik, aulkirik edo bestelako elementurik jarri, dagokien baimenean berariaz baimen­tzen ez badiete. Dena dela, baimena salbuespenezkoa eta behar bezala oinarritua izango da.

6.    Hartarako egindako ebazpenean ezarritako iraupena izango dute denda ibilgailuetako salmentarako baimenek. Ezingo dira izan urtebete baino luzeagoak.

BOSGARREN ATALA.  Postu bereziak

28. artikulua.    Postu berezietan sal­tzea.

Aurreko ataletan aipatutako kaleko salmenta motez gain, salmenta postu bereziak baimendu ahal izango dira, salbuespenez eta aldez aurretik behar bezala fun­tsa­tuta.               

Horretarako egindako ebazpenean ezarritako iraupena izango dute postu berezietan salmentan ari­tze­ko baimenek, baina ezingo dute urtebete baino luzeagoak izan.

2. KAPITULUA.    ‑JABARI PUBLIKOKO BESTE OKUPAZIO BA­TZUK

LEHEN ATALA.  Baimen bidezko okupazioak

29. artikulua.    Xedea.

1.    Baimena beharko dute aurreko kapituluan berariaz aipatu ez diren eta jabari publikoaren erabilera berezi bat dakarten okupazio guztiek.

Horretarako, eta ordenan­tza honetako 5.2 artikuluan xedaturikoaren arabera, erabilera berezi­tzat hartuko da okupazioa instalazio desmuntagarrien bidez egiten bada, ez badakar jabari publikoko ondasunen espazioan aldaketa fisikorik egiterik eta iragankorra bada. Edozein modutan, erabilera iragankor­tzat hartuko da haren iraupena ez bada lau urte baino luzeagoa.

2.    Okupazio horien bidez gara­tzen diren jarduerak eta ekitaldiak irizpide hauek oinarri sailkatuko dira:       

— Instalazioen konplexutasun maila.

— Trafikoaren eta per­tso­nen segurtasunean duten eragina, bai eta ingurumenean dutena ere.

— Hiriko al­tza­rietan eta jabari publikoko gainerako ondasunetan duten eragina.

3.    Aurreko puntuan aipatutako irizpideak ain­tzat hartuta, okupazioak kategoria hauek oinarri sailkatuko dira:             

a)  Ekitaldi eta jarduera sinpleak, adierazitako irizpideetan gu­txie­neko eragina dutenak eta per­tso­na talde txi­ki batek osatuak. Ino­lako instalaziorik gabe egin ahal izango dira, edo zeinahi unetan mugi­tze­ko moduko elementu txi­kiak eduki.           

Oro har, aldez aurretik finkatutako espazioetan baimenduko dira horrelako ekitaldi eta jarduerak.  

b)  Ekitaldi eta jarduera konplexuak, aurrekoek baino eragin handiagoa dutenak oinezkoen­tza­ko espazioan, trafikoan eta segurtasunean, eta instalazio handiagoen muntaketa behar izaten dutenak.

Instalazio horiek behar den bezala homologatuko ditu eskumena duen autoritateak, eta, beharrezkoa bada, dagozkien segurtasun ziurtagiriak aurkeztu beharko dituzte, egokiak direla erakusten dutenak.

Instalazio guztiek manten­tze eta garbiketa egoera ezin hobea izan beharko dute, eta titular bakoi­tza­ren ardura izango da betebehar hori.

Instalazio horiek jar­tze­ko baimena duten per­tso­nak eta erakundeak izango dira jabari publikoetan egindako jarduerak eragindako galera eta kalteen eran­tzu­le, eta, horretarako, izenpetuta izan beharko dute aseguru poliza bat, eran­tzu­kizun zibilekoa, beste ba­tzu­ei egindako kalteena, eta bere gain hartuko dituena instalazioan lan egiten duten edo hara joandako publikoko inork izan li­tza­keen istripuak, ikuskizun publikoen arloan indarrean den araudiak ezarritako zenbatekoan.           

4.    Aurreko bi ataletan xedatutako baimenak eskatu ahala emango dira, eta, ematerakoan, kontuan hartuko da egin nahi den jarduerak zer eragin izango duen espazio publikoan.         

5.    Honako okupazio hauek ez dute baimenik beharko: 

— Filmaketek edo zinemako filmak, telebista programak, argazki erreportajeak edo ikus-en­tzu­nezkoen arloko beste edozein produkturen grabaketek, baldin eta lantaldeak 6 per­tso­na baino gu­txi­ago baditu eta ez bada beharrezkoa jabari publikoko eremu bat muga­tzea, ezta ibilgailuen edo oinezkoen zirkulazioa etetea ere.

— Irabazi asmorik gabe egiten diren marrazketa edo pintura jarduera artistiko zein akademikoek, baldin eta 20 parte har­tzai­le baino gu­txi­ago badituzte.

Era berean, Tokiko Gobernu Ba­tza­rrak hala erabakiz gero, baimenik behar ez duten beste okupazio egoera ba­tzuk ere ezar litezke.

Egoera horiek guztiak behar bezala jasota egongo dira izapideen udal katalogoan, eta Udalaren egoi­tza elektronikoan argitaratuko dira.

6.    Xaboi burbuilak eta an­tze­koak egitea helburu duten okupazioei baimena emango zaie, baldin eta jarduera egiten den espazioak edo hartu beharreko neurriek berma­tzen badute txu­kuntasuna eta bide publikoaren erabil­tzai­leen eta oinezkoen guztizko segurtasuna.

30. artikulua.    Eskaerak.

Eskaerak izapideak egin ahal izateko adina aurrerapenez egin beharko dituzte, gu­txi­enez. Izapideak aldatu egingo dira, okupazio motaren eta tamainaren arabera, eta zehaztuta egongo dira dagozkien eskaera orrietan.

a)  Okupaziorako aurreikusita dagoen eguna baino, gu­txi­enez, 10 egun baliodun lehenago aurkeztu beharko dituzte ekitaldi eta jarduera sinpleetarako eskaerak.

b)  Okupaziorako aurreikusita dagoen eguna baino gu­txi­enez 3 hilabete lehenago aurkeztu beharko dituzte ekitaldi eta jarduera konplexuetarako eskaerak.

31. artikulua.    Ematea.

1.    Baimenak zuzenean emango zaizkie eskatu dituzten per­tso­na edo erakundeei, eskatutako baldin­tzak bete­tzen badituzte, salbu, edozein arrazoi dela eta, kopurua mugatua bada; kasu horretan, lehiaketa araubidean izango dira, eta, hori bidezkoa ez bada, ez direlako eska­tzai­leen baldin­tza bereziak aztertu behar, onartutako eskaeren zozketa publiko bidez.            

2.    Edozein modutan, lehentasun osoa izango dute baimen mota hauetan udal zerbi­tzu­ek egindako jabari publikoaren okupazioek, ulertuta horiek bai udalak bai haren mende dauden erakundeek eginak direla.     

32. artikulua.    Epea.

Baimenak iraupen mugatu baterako emango dira, eta, luzapenak kontuan hartuta, lau urtekoak izango dira, gehienez. Edozein modutan, baimenak bere kabuz baliogabetu ahal izango ditu udalak, edonoiz, interes publikoko arrazoiak direla eta, kalte-ordainak jaso­tze­ko eskubidea sortu gabe, gerora onartutako baldin­tza orokorrekin bat ez datorrenean, jabari publikoari kalteak eragiten dizkiotenean, interes publiko handiagoko jarduerek erabilera eragozten dutenean edo erabilera orokorrari kalte egiten diotenean.

33. artikulua.    Bermea.

1.    Udalak aztertuko du, egoera jakin bakoi­tza­ren eta eskatutako okupazioaren eta jardueraren ezaugarrien arabera, ea eskatuko duen, gai­tze titulua lortu baino lehenago, berme nahiko bat era­tze­ko, honako hauek ziurta­tze­ko: garbiketa, baimenaren epea bukatu ondoren instalazioak eta tresnak ken­tze­a eta udal jabari publikoan sor daitezkeen kalteak ordain­tzea.

2.    Donostiako Udalak edo haren mendeko erakundeek zuzenean antola­tzen dituzten ekitaldietan, ez da eskatuko bermea era­tze­ko.

34. artikulua.    Tasak.

Baimenak doakoak izan daitezke, kontraprestazioarekin edo baldin­tze­kin emanak, edo erabilera pribatiboagatik nahiz jabari publikoko ondasunen aprobe­txa­mendu bereziagatik tasa bat ordain­tze­a dakartenak, dagokion zerga ordenan­tzak ezarritakoaren arabera.

35. artikulua.    Eran­tzu­kizuna eta aseguru poliza.

1.    Baimena jaso duen per­tso­na edo erakundeak zuzenean bere egingo ditu bai jabari publikoaren okupaziotik eratorritako eran­tzu­kizuna bai instalazioak gaizki ken­tze­ak eta okupatutako espazioaren eta horrek eragindako aldea garbi­tze­ak ondasunetan eragin li­tza­keen kalteak, eta hori dena bere gain har­tze­ko, indarrean dagoen eran­tzu­kizun zibileko poliza eskatuko dio udalak. Oro har, salbue­tsi­ta egongo dira aseguru poliza bat izenpe­tze­tik ordenan­tza­ren 29.3.a artikuluetan sar­tzen diren okupazioak, txi­kiagoak izan eta eta bide publikoan eragin txi­kia izateagatik.

2.    Per­tso­na edo erakunde eska­tzai­leak egiaztatu beharko du, aldez aurretik eta udalak okupaziorako gai­tze titulua emateko baldin­tza­tzat, aurreko atalean aipatutako aseguru poliza hori kontratatuta duela eta indarrean dagoela.

36. artikulua.    Baimen­tze­ko ebazpenaren edukia.

1.    Okupazioa baimen­tzen duen udal ebazpenak adieraziko du bai zein baldin­tza zeha­tze­tan egingo den jabari publikoaren okupazioa bai ezein jarduera baimen­tzen duen ere.              

2.    Baimendutako per­tso­nak dira erabilerak eragindako espazio publikoa garbi manten­tze­aren arduradunak, bai munta­tze eta desmunta­tze lanetan, bai baimendutako erabilera gauzatu bitartean. Beharrezkoa bada, neurriak eskatuko dizkiote gunea garbiketa egoera ezin hobeetan eduki­tze­ko.        

37. artikulua.    Baimena iraungi­tzea.

Dagokion baimen ebazpenetan xedatutako arrazoiengatik iraungiko dira baimenak, bai eta legeak ezarritako arrazoiengatik ere.

BIGARREN ATALA.  Emakida bidezko okupazioak

38. artikulua.    Xedea.

1.    Emakida bat beharko dute jabari publikoaren erabilera pribatiboa dakarten okupazio guztiek. Xede horietarako, eta ordenan­tza honetako 5.3 artikuluan xedatutakoarekin bat, ulertuko da erabilera pribatiboa dagoela obren edo instalazio finkoen bidez egiten diren jabari publikoaren okupazioak izanez gero, jabari publikoko eremuaren eraldaketa fisikoa badakarte edo behin betikoak badira. Nolanahi ere, ulertuko da okupazioa behin betikoa dela iraupena lau urtetik gorakoa denean.     

2.    Emakidaren mende egongo dira, halaber, jabari publikoaren erabilera anormala ekar­tzen duten okupazioak. Jabari publikoaren helburu nagusiarekin bat ez datorren edozein erabilera joko da erabilera anormal­tzat.

3.    Adibidez, hauek dira emakidaren mendeko okupazioak:

— Publizitate ustiapenarekin lotutako hiri al­tza­riak dituen espazio publikoak okupa­tzea; adibidez, markesinak, zutoinak, erloju termometroak eta an­tze­koak.

— Irabazizko jarduerei lotutako okupazioak; adibidez, pren­tsa kioskoak, Onceren kioskoak eta lore kioskoak.             

— Kabina edo telefonia euskarrietarako eta posta zerbi­tzu­etako poston­tzi­etarako okupazioak.

— Jolas eta dibertimenduzko instalazioak; adibidez, tiobiboak, etab.

— Ibilgailu elektrikoak karga­tze­ko puntuak.

39. artikulua.    Pleguen bidez emakida arau­tzea.

1.    Administrazio baldin­tza eta preskripzio teknikoen pleguen bidez arautuko dira gai­tzen diren erabilera jakinak. Emakida zehatz bakoi­tzak behar dituen harreman juridiko, betebeharren harreman eta harreman erreal osoak arautuko dituzte pleguok.

2.    Dagokion agiri administratiboaren bidez formalizatuko dira jabari publikoaren emakidak.

40. artikulua.  Eskaera.

Pleguetan xedatutako gu­txie­neko aurrerapenarekin aurkeztu beharko dute okupazio eskaera, instalazioaren muntaketa lanak hasteko aurreikusitako datari dagokionez.

41. artikulua.    Eslei­tze­ko prozedura.

1.    Konkurren­tzi­a araubidean egingo dira jabari publikoko ondasunen gaineko emakidak. Hala ere, zuzenean eman litezke legeak xedatutako egoeratan, ohiz kanpoko baldin­tzak daudenean, behar bezala justifikatuta, edo legeek ezarritako beste baldin­tza ba­tzu­etan.   

2.    Bereziki, emakidak zuzenean egin ahal izango dira emakidaduna administrazio publikoa edo sektore publikoaren barneko zuzenbide publiko edo zuzenbide pribatuko per­tso­na juridikoa denean, onura publikoko­tzat jotako irabazi asmorik gabeko erakundea denean, edo interes orokorreko edo zerbi­tzu publikoko fun­tzio­ak bete­tzen dituen per­tso­na edo erakundea denean; baldin eta emakidaren xede den espazio publikoa fun­tzio­ horiek gauza­tze­ko ezinbestekoa bada eta emakida jaso­tzen dutenek zuzenean ustia­tzen badute hura, hirugarrenei alokatu edo laga gabe.

42. artikulua.    Epea.

Emakida administratiboetarako gehienezko epea (luzapenak barne) ezingo da 75 urtetik gorakoa izan, nahiz eta iraunaldia amaitu baino lehen udalba­tzak emakida indargabe­tze­ko ahalmena duen, gerora sortutako interes publikoko arrazoien bidez justifika­tzen bada. Hartarako, eragindako kalteak ordainduko ditu udalak, bidezkoa izan ezean.

43. artikulua.    Bermea.

Behin betiko berme bat eratu beharko du Emakidaren esleipendunak, okupatutako jabari publikoaren balioaren 100eko 3koa; eta, halakorik egonez gero, egin beharreko lanen aurrekontuarena ere.

44. artikulua.    Tasak.

Doan, kontraprestazio bidez nahiz baldin­tza­pekoak edo jabari publikoko ondasunen erabilera pribatiboagatiko tasari lotuta eman daitezke jabari publikoko erabilera pribatiboen emakidak, zerga ordenan­tza­rekin bat.

45. artikulua.  Eran­tzu­kizuna eta aseguru poliza.

1.    Zuzenean hartuko du bere gain per­tso­na edo erakunde emakidadunak jabari publikoaren okupazioaren ondoriozko eran­tzu­kizuna. Hori estal­tze­ko, dagokion indarreko eran­tzu­kizun zibileko poliza eskatuko dio udalak.

2.    Horrela, per­tso­na edo erakunde eska­tzai­leak aurreko atalean adierazten den aseguru polizaren kontratazioa eta indarraldia akreditatu beharko ditu, aldez aurretik eta udalak okupaziorako gai­tze titulua emateko baldin­tza gisa.  

3.    Halaber, per­tso­na edo erakunde esleipendunaren betebeharra izango da okupatutako jabari publikoa erabilera eta fun­tzio­namendu baldin­tza ezinago egokietan eduki­tze­a eta kon­tse­rba­tzea. Eraikinik edo instalaziorik jasoz gero, horiek ere baldin­tza hobeezinetan iraunarazteko betebeharra izango du, eta xede horietarako aseguru poliza bat sinatu beharko luke.

46. artikulua.    Emakida laga­tzea.

Emakidadunak ezingo du emakida osorik edo zati batean laga edo zergapetu. Era berean, ezingo die hirugarrenei, osorik edo zati batean, edozein titulurengatik, eraikitako instalazioak, eraikinak edo lanak laga. Horretarako, udalaren berariazko baimena beharko du.

47. artikulua.    Emakida amai­tzea.

1.    Administrazio baldin­tza eta preskripzio teknikoen pleguetan xedatutako arrazoiengatik edo legez adierazitako zioengatik amaituko dira jabari publikoko emakidak.               

2.    Emakida amai­tzen denean, emakidaren titularrak berak erai­tsi egingo ditu jabari publikoko ondasunean eginiko obrak, eraikinak eta instalazio finkoak, edo inoren ordez arduratuko da administrazioa, emakidadunaren kontura, Tokiko Gobernu Ba­tza­rrak horiei eustea erabaki ezean.      

Kasu horretan, udal administrazioak doan eskuratuko ditu obrak, eraikinak eta instalazioak, karga guztietatik libre.       

3. KAPITULUA.  ‑MERKATARI­TZA JARDUERA ESPAZIO PUBLIKORA ZABAL­TZEA

48. artikulua.    Helburua eta baldin­tzak.

1.    Udal baimena beharko dute merkatari­tza establezimendu eta lokalen jarduera udal jabari publikora zabal­tze­ko bide hauetako bat erabilita: genero erakustokiak, kartel adierazleak, dekorazio edo apaindura elementuak, ku­txa­zain automatikoak, sal­tze­ko makina automatikoak edo an­tze­ko instalazioak. Baimen horiek emateko, bide publikoan instalatu nahi diren produktu edo elementuei eragin diezaiekeen legeria berezia bete­tzen dutela egiaztatuko du udalak.      

2.    Establezimendu fa­txa­daren aurrean baimendu litezke kapitulu honetan xedatutako okupazioak, gu­txi­enez, oinezkoen­tzat 2 metroko eremu libre bat uzten badute, eta irisgarritasuneko araudian aurreikusitako gainerako betekizunak errespetatuz gero. Eremu libre horretan, ez da hiri al­tza­ririk edo elementurik egongo, ez eta oinezkoen zirkulazioa oztopatu dezakeen beste elementurik ere.

3.    Aurrekoa gorabehera, okupazioak oinezkoen­tza­ko kaleetan, plazetan, bulebarretan eta ezaugarri bereziko bestelako espazioetan egiteko eskaeren kasuan, aldez aurretik azterlan indibidualak egin beharko dituzte, honako alderdi hauek azter­tze­ko: espazio bakoi­tza­ren morfologia espezifikoa, oinezkoen­tza­ko fun­tzio­nalitatea, beste erabilerekiko bateragarritasuna eta okupa­tze­ko espazioa handi­tze­a edo murriztea justifikatu dezakeen beste edozein berezitasun mota. Nolanahi ere, aurreko atalean adierazitako oinezkoen­tza­ko eremu libre hori ez da inola ere murriztuko.

4.    Jabari publikoa okupa­tze­ko elementuak eta instalazioak ezingo dira finkoak izan, eta establezimenduaren barrualdean gorde beharko dituzte ireki­tze­ko ordutegia amai­tzen denean.

5.    Baimenaren titular den per­tso­na edo erakundearen ardura izango da okupatutako espazioa eta horren eragin eremua egunero segurtasun, osasungarritasun, garbitasun eta apaindura baldin­tza egokietan iraunaraztea.

6.    Baimenaren per­tso­na edo erakunde titularra izango da eran­tzu­le zuzena, halaber, artikulu honetan jasotako betebeharren bete­tze ezaren ondorioz per­tso­na edo ondasunei sor­tzen zaizkien kalteen aurrean.

7.    Produktuak erakusgai jarri ahalko dituzte, baina ezingo dituzte saldu kanpoaldean. Debekatuta dago bide publikoan pisa­tze­ko, neur­tze­ko edo kobra­tze­ko elementuak instala­tzea, bai eta hozkailuak edo soinua atera­tzen duen beste edozein elementu erakusgai jar­tze­a ere.

8.    Aurreko kapituluko lehenengo atalean jasotako zehaztapenak, berme, tasa eta eran­tzu­kizun zibileko polizari buruzkoak, kapitulu honetako lehenengo atalean jasotako baimenetan ere aplikatu beharko dituzte.       

LEHENENGO ATALA.  ‑Produktu erakustokiak eta an­tze­ko instalazioak

49. artikulua.    Erakustokiak eta bestelako elementuak.

1.    Jabari publikoaren aprobe­txa­mendu berezia era­tzen du merkatari­tza establezimenduek jabari hori produktu erakustoki, erakusmahai, kartel adierazle, publizitate erakargarri eta an­tze­koekin okupa­tze­ak. Aurreko artikuluan xedatutako baldin­tze­tan baimendu daiteke okupazio hori. Ondorengo ataletan adierazten dira baimendu daitezkeen elementuen betekizun eta ezaugarriak.           

2.    Erakustokiak eta bide publikoa okupa­tze­ko beste edozein elementu behar bezala margotuta edo korrosiotik babestuta egongo dira, bai eta garbitasun eta mantenu baldin­tza bikainetan ere.

3.    Ezingo dira finkoak izan; hortaz, eskuz mugitu ahalko dira, eta gurpilak eta beharrezkoak diren finka­tze­ko elementuak izango dituzte, erabil­tzen diren bitartean geldi egoteko eta iraulketen aurka egonkorrak izateko. Egiturak ez du ertz nabarmenik izango, hanketan gomazko babesak izango dituzte, zaratak arin­tze­ko eta auzotarrei ahalik eta eragozpen gu­txi­en eragiteko. Ez da baimenik emango erakustokien egonkortasuna berma­tze­ko aingura­tze­ak lurzoruan gauza­tze­ko.          

4.    Instalatuko diren elementuek gehienez 0,50 metroko zabalera izango dute, eta, lehentasunez, fa­txa­dan jarriko dira, edo behin­tzat al­tza­ri publikoekiko, zuhai­tze­kiko eta terrazekiko linealtasuna gordeta. Horrela, oinezkoen zirkulazioa zuzena izango da, eta ez dute sigi-sagan ibili beharko. Nolanahi ere, erabat libre utzi beharko dute establezimendurako sarrera.

5.    Erakusgai jar­tzen diren elementuek, gu­txi­enez, 0,6 metroko tartea utzi beharko dute alde bakoi­tze­an ondoko atari edo beste okupazioekiko.

6.    Instalazioaren gehienezko luzerak ez ditu gaindituko establezimenduak okupatutako fa­txa­daren luzera eta marjinak, kenduta, bateko, establezimenduaren sarreraren luzera, eta, besteko, atarietaraino edo ondoko okupazioetaraino errespetatu beharko gu­txi­enezko tarteak.             

Erakustokiak eta an­tze­ko instalazioak ezar­tze­ak ez du erago­tzi behar edukion­tzi­ak edo hondakinak bil­tze­ko guneak jar­tzea, eta ez die oztoporik jarriko zaborra bil­tze­ko udal zerbi­tzu­ei.

7.    Ahal izanez gero, instalatuko diren euskarriak aluminiozkoak, zurezkoak, plastikozkoak eta kolore neutrokoak izango dira, inguruarekin eta fa­txa­dekin harmonian egoteko. Baimen edo establezimendu beraren menpe dauden elementu guztiak kolore edo kolore sorta, diseinu eta testura bereko elementuekin eginak izango dira.

8.    Erakustokiak eta bide publikoa okupa­tze­ko beste edozein elementu establezimenduaren kanpoan jarri ahal izango dira merkatari­tza ordutegian, nolanahi ere den, gehienez ere, 22:30ak arte. Ordutegia amai­tzen denean, elementuak kendu eta okupatutako bide publikoa garbi utzi beharko dute.

9.    Elikagaiak lurrarekiko 75 cm-ko altueran jarri beharko dituzte, gu­txi­enez, eta, gainerako produktuak, 60 cm-ko altueran.

10.    Erakustokietan nahi beste apal jarri ahal izango dituzte, lurrarekiko 1,75 metroko gehienezko altueraraino. Erakustoki eta salgai mul­tzo­ak ezingo du 2 metroko altuera gainditu.

11.    Hauek izango dira oinezkoen­tza­ko eremuetarako baldin­tza espezifikoak:

a)  Establezimenduaren eta eremuaren, instala­tze­ko elementuaren eta inguruko egoeraren arabera erabakiko dute oinezkoen­tza­ko eremuetan dauden establezimenduetako euskarrien behin betiko kokapena.

b)  Gu­txi­enez, 3 metroko pasabide libre bat utzi beharko dute, eta, salbuespen gisa, 2,5 metrokoa, per­tso­nak eta larrialdietako ibilgailuak igaro ahal izateko.

c)  Zamalanetarako ordutegia amaitu arte, ezingo dituzte erakustokiak edo bide publikoa okupa­tze­ko bestelako elementuak instalatu, oinezkoen eta larrialdietako ibilgailuen zirkulazioa oztopa­tzen ez duten eremuetan izan ezik.

50. artikulua.    Erakustokiak eta bestelako elementuak jar­tze­ko mugakizunak.

1.    Udalak, udal zerbi­tzu teknikoen aurretik txo­sten arrazoitua eginda, eskubidea izango du erakustokiak jar­tze­ko baimena uka­tze­ko, hala gomenda­tzen duten interes berezi edo orokorreko zio garran­tzi­tsuak daudenean.

2.    Udalak, halaber, salbuespenak egin di­tza­ke baimen mota hauek emateko, egoerak, datak edo gertakizun bereziek hala gomenda­tzen dutenean.

3.    Salgai dauden produktuak elikagaiak badira, Udalak, baimenarekin batera, elikagaiak manipulatu, erakusgai jarri eta biltegira­tze­ari loturiko osasun aholkuak eta betebeharrak bil­tzen dituen dokumentu bat emango du.     

BIGARREN ATALA.  Ku­txa­zain automatikoak

51. artikulua.    Ku­txa­zainak.

1.    Jabari publikoaren aprobe­txa­mendu berezia da banku eta finan­tza erakundeek fa­txa­detan ku­txa­zain automatikoak eta bestelako an­tze­ko gailuak instala­tzea, erabil­tzai­leek jabari publikoan horiek modu jarraituan erabil di­tza­ten. Zerbi­tzu horiek deskribatutako moduan ematen dituzten banku eta finan­tza erakundeek egiaztatu beharko dute sortutako jabari publikoaren okupazioak ez duela hori normaltasunez erabil­tze­a eragozten, ez eta oinezkoen zirkulazioa oztopa­tzen ere.        

2.    Ku­txa­zain horiek irisgarriak izango dira per­tso­na guztien­tzat, eta horiek instala­tze­ko baimena emango du udalak, soilik, aurretik 2 metro zabaleko oztoporik gabeko eremu bat badute, gu­txi­enez.

HIRUGARREN ATALA.  ‑Produktu salmenta automatikoa eta haurren­tza­ko jolas makinak

52. artikulua.    Produktu salmenta automatikoa eta haurren­tza­ko jolas makinak.

1.    Arau orokor gisa, debekatuta dago erabilera eta jabari publikoko espazioa okupa­tze­a edozein artikulu mota sal­tze­ko mota guztietako makina automatikoak instalatuta.

Salbuespen gisa, eta aldez aurretik nahikoa justifikatuta, baimena edo emakida eman ahal izango du udalak jabari publikoa sal­tze­ko makina automatikoekin okupa­tze­ko.

Baimena emango du udalak haurren­tza­ko jolas makina txi­kiekin okupa­tze­ko, baldin­tza jarrita irisgarritasun baldin­tzak eta udalak makinen ezaugarriak eta kokalekuak kontuan izanda ezar­tzen dituen gainerako xedapenak.         

2.    Jabari publikoaren aprobe­txa­mendu berezia ekar­tzen du bide publikora jo­tzen duten fa­txa­detan baimendutako edari eta elikagaiak eta mota guztietako produktuak sal­tze­ko makina eta gailu automatikoak instala­tze­ak, erabil­tzai­leek zuzenean eta era jarraituan jabari publikoan horietaz horni­tze­ko moduan.    

3.    Per­tso­na edo erakunde titularrek nahiz makinek sor­tzen duten aprobe­txa­menduaren onuradunak arduratuko dira Aurreko atalean deskribatutako makina edo gailuez. Hala, beharrezkoak diren neurriak aplikatu beharko dituzte jabari publikoaren okupazioak jabariaren normal erabil­tze­a ez eragozteko, oinezkoen zirkulazioa ez oztopa­tze­ko eta ez diezaien auzokoei ino­lako eragozpenik ez sor­tze­ko.

4.    Produktuetarako tenperatura eta higiene baldin­tza egokiak izan eta kontrola­tze­ko beharrezkoak diren bitartekoak izan beharko dituzte baimendutako edari eta elikagaiak sal­tze­ko makina eta gailu automatikoek.

HIRUGARREN TITULUA

ZEHAPEN ARAUBIDEA

53. artikulua.    Zigor jardunbidea.

Administrazio Prozedura Erkideari buruzko legeria orokorrean eta aplikagarria den gainerako araudian ezarritakoarekin bat etorri behar du zigorrak ezar­tze­ko ordenan­tza honetan xedatutako prozedurak.

54. artikulua.    Eran­tzu­leak.

Hauek dira ordenan­tza honen xede den arloan eginiko arau hausteen eran­tzu­leak:

a)  Jabari publikoko emakida edo baimenaren titular diren per­tso­na fisiko edo juridikoak, ordenan­tza honetan edo emandako gai­tze tituluan xedatutako baldin­tzak bete­tzen ez badituzte.

b)  Udal jabari publikoa edo erabilera publikoko espazio pribatua okupa­tzen duten per­tso­na fisiko edo juridikoak, horretarako gai­tzen dituen titulurik ez badute.

55. artikulua.    Arau hauste administratiboak.

Ordenan­tza hau aplika­tze­ari dagokionez, arau hauste administratiboak dira hartan ezarritako betebeharrak, debekuak eta betekizunak ez bete­tzea, bai eta haren babesean emandako baimen eta emakida administratiboetan ezarritako baldin­tzak ez bete­tze­a ere.

56. artikulua.    Arau hausteen sailkapena eta tipifikazioa.

1.    Ordenan­tza honen aurkako arau hausteak arin, larri eta oso larri gisara sailka­tzen dira.

2.    Arau hauste arinak izango dira:

a)  Instalazioak, elementuak edo ingurua garbitasun, higiene eta apaindura baldin­tza egokietan izateko betebeharra ez bete­tzea.

b)  Ordenan­tza honen xede diren erabilera publikoko espazio pribatuak edo jabari publikoa okupa­tzen duen jardueraren fun­tzio­namendurako xedatutako ordutegia ez bete­tzea, ordubete baino epe txi­kiagoan.

c)  Erabil­tzai­leek, auzokoek edo agintari­tza­ren agenteek ikusi ahal izateko lekuan ez egotea ordenan­tza honen xede diren erabilera publikoko espazio pribatuak edo jabari publikoa okupa­tze­ko baimen edo emakidaren agiria.

d)  Baimena edo emakidaren beraren baldin­tzak edo ordenan­tza honetan agindutakoa ez bete­tzea, arau hauste larria edo oso larria ekar­tzen ez duenean.               

e)  Udal baimenik gabe edo baimenaren baldin­tzak bete gabe, inprimatutako publizitatea banatu edo zabal­tze­a ordenan­tza honetan jasotako erabilera publikoko espazio pribatuan edo jabari publikoan.

3.    Arau hauste larriak izango dira:

a)  Instalazioak, elementuak edo ingurua baldin­tza egokietan eduki­tze­ko betebeharra ez bete­tzea, garbitasun, segurtasun edo osasungarritasun publikoari eragiten dion narriadura larria ekarriz gero.

b)  Ordenan­tza honen xede diren erabilera publikoko espazio pribatu edo jabari publikoa baimenik edo emakidarik gabe okupa­tzea, eragin txi­kia duenean.               

c)  Ordenan­tza honen xede diren erabilera publikoko espazio pribatuak edo jabari publikoa okupa­tzen duen jardueraren fun­tzio­namendurako xedatutako ordutegia ez bete­tzea, ordubete baino epe luzeagoan.

d)  Baimenak edo emakidak berariaz jaso­tzen ez dituen edo ordenan­tza honetan ezarritakoa urra­tzen duten elementuekin edo instalazioekin egindako okupazioa.

e)  Baimendutako okupazioa gaindi­tzea, al­tza­riak, elementu edo instalazioak eta okupatutako azalera direla bitarte.     

f)  Publizitatea jar­tze­a erabilera publikoko espazio pribatuak edo jabari publikoa okupa­tzen duen jardueraren elementuetan, ordenan­tza honetan ezarritakoarekin bat etorri gabe.              

g)  Ondasunak hasierako egoerara lehengora­tze­ko edo ordezka­tze­ko betebeharra ez bete­tzea, gai­tze titulua iraungitakoan edo elementuak titulurik gabe instalatu badituzte.  

h)  Ain­tzat ez har­tze­a jarduera eteteko edo ordenan­tza honetan jasotako erabilera publikoko espazio pribatuak edo jabari publikoa okupa­tzen duten instalazioak edo elementuak ken­tze­ko eskakizunak.

i)  Udal jabari publikoko ondasunei kalte egitea.           

j)  Ordenan­tza honen xede diren erabilera publikoko espazio pribatu edo jabari publikoan garatutako jardueraren fun­tzio­namenduaren ondorioz, auzoko eta oinezkoei eragozpen larriak sor­tzea, ordenan­tzan ezarritako baldin­tzak ez bete­tze­agatik.  

k)  Emakume eta gizonen arteko berdintasunaren aurka egiten duten edo sexu, arraza edo sinesmenetan oinarritutako jardunbide iraingarriak eragin edo susta­tzen dituzten edozein mota eta formatutako edukiak erabil­tzea, hala nola bideoak, irudiak eta ahozko zein ida­tzi­zko mezuak.

4.    Arau hauste oso larriak izango dira:

a)  Ordenan­tza honen xede diren erabilera publikoko espazio pribatu edo jabari publikoaren edozein okupazio, dagokion gai­tze titulurik gabe eginez gero eta eragin larriak sor­tzen baditu.

b)  Ikuska­tza­ile edo polizien lanak erago­tzi edo oztopa­tzea, haien fun­tzio­ak erabilita esku har­tzen dutenean.

57. artikulua.    Zigor mailak.

1.    Zigorrak ezar­tze­an, honako irizpide hauek ain­tzat hartuko dituzte isunen zenbatekoa zehazteko:

a)  Erruduntasun maila edo nahitasuna egotea.

b)  Jokaera arau hauslean jarrai­tze­a edo irautea.

c)  Zer-nolako kalteak eragiten dituen.

d)  Behin eta berriro urra­tzea, urte berean izaera bereko arau hauste bat baino gehiago egin izanagatik, hala adierazi dutenean administrazio bidean irmoa den ebazpen baten bidez.

2.    Arau hauste txi­kiagorako ezarritako zigorra ezar daiteke, salbuespenez, zigortutako egin­tzak transzenden­tzi­a txi­kia edo baliogabea izan duelako eta egoera horretarako ezarritako zigorra argi eta garbi neurrigabea delako. Horretarako, behar bezala eta berariaz justifikatu beharko dute erabaki hori zigor espedientean.          

58. artikulua.    Arau hauste eta zigorrek preskriba­tzea.

Arau hauste arinek sei hilabetean preskriba­tzen dute, larriek, bi urteko epean, eta, oso larriek, hiru urteko epean.

Arau hauste arinengatik ezarritako zigorrek urtebetean preskriba­tzen dute; arau hauste larriengatik ezarritakoek, bi urteko epean, eta, arau hauste oso larriengatik ezarritakoek, hiru urteko epean.

Preskripzio epea eta horren etenaldia zenbatuko dira Administrazio Prozedura Erkidearen araudian ezarritakoarekin bat.              

59. artikulua.    Zigor ekonomikoen mugak.

1.    Legeak bestela xeda­tzen ez badu, zenbateko hauek izango dituzten isunak ezarrita zigortuko dira ordenan­tza honen aurkako arau hausteak:

a)  Arau hauste arinak: 750 euro arte.

b)  Arau hauste larriak: 751 eta 1.500 euro artean, eta, hala erabakiz gero, baimena, gehienez ere, 30 egun naturalean indargabe­tzea.

c)  Arau hauste oso larriak: 1.501 eta 3.000 euro artekoak, eta, hala erabakiz gero, baimena, gu­txi­enez ere, 31 eta 180 egun natural artean indargabe­tzea.

2.    Arau hauste oso larrien eginez gero, urtebete eta hiru urte bitarteko epean izaera horretako baimenak eta emakidak lor­tze­ko gaitasunik gabe gera­tze­a ekar dezake zigor osagarri gisa.

60. artikulua.    Zigorraren zenbatekoa murriztea, eran­tzu­kizuna onar­tze­agatik eta goiz ordain­tze­agatik.

Isuna borondatez ordain­tzen badute, ebazpena eman aurretik, isunaren zenbatekoa % 50 murriztuko da. Horrela, berariazko ebazpenik eman behar gabe amaituko da prozedura.          

61. artikulua.    Borondatezko lana, isunaren ordez.      

1.    Zigor ekonomikoa jaso­tze­aren ordez, komunitatearen aldeko borondatezko lanak egin daitezke.             

2.    Arau hausteak gainerako herritarrei sortutako kalteak nola edo hala konpon­tze­agatik, arau hausleak eska dezake gainerako herritarren onurako borondatezko lanak egiteko, isunaren ordez.          

3.    Arau hausleak ordezko neurri hori aplika­tze­ko eskatu ondoren, ordezko neurri hori ebazpen bidez onar lezake zigorrak ezar­tze­ko eskudun­tza duen organoak, malgutasunaren prin­tzi­pioa oinarri. Horretarako, egunen kopurua, egun bakoi­tze­an bete beharreko orduak eta egin beharreko lanak zehaztuko ditu.               

4.    Komunitatearen aldeko lana edo jarduera egiten den bitartean, lan arriskuen preben­tzi­oaren arloko araudiak babestuko du arau hauslea.

62. artikulua.  Kalteak konpon­tzea.

1.    Eran­tzu­leek konpondu beharko dituzte, beti, arau hausleek egindako kalteak.

2.    Zigor espedientea edo beste prozeduraren bat abiarazi ondoren, behar beste ekin­tza egingo du Udalak gauzak arau haustea gertatu baino lehenago zeuden moduan uzteko, arau hauslearen lepotik, isunak ezarri ahal izateaz gain.    

3.    Ordenan­tza honek xedaturikoaren aurkako ekin­tzak bertatik bertara gerarazteko aginduko du Udal­tza­ingoak, bai eta galarazi ere agindua bete­tzen ez duenari ekinean irautea, isuna ezarri ahal izateaz gain.

XEDAPEN GEHIGARRIA

Xedapen gehigarri bakarra.

Baimen edo emakida berriak eman arte edo dagozkion konkurren­tzi­a prozedurak one­tsi arte, indarrean jarraituko dute ordenan­tza hau indarrean sartu aurretik emandako baimen edo emakidetan xedatutako okupazioek.      

XEDAPEN INDARGABE­TZA­ILEA

Xedapen indargabe­tza­ile bakarra.  Arauak indargabe­tzea.

Ordenan­tza hau indarrean sar­tzen denetik, honako hauek indargabetuta geratuko dira:

a)  Donostiako udal barrutian kaleko salmenta arau­tze­ko Ordenan­tza, 1981eko otsa­ilaren 20an osoko bilkuran one­tsi­takoa.

b)  Urumea pasealekuko azoka­txo­an salmenta arau­tze­ko Alkatearen Bandoa, 1993ko urtarrilaren 27koa.   

c)  Ordenan­tza honetan ezarritakoaren aurka egiten duen maila bereko edo txi­kiagoko beste edozein udal xedapen.

AZKEN XEDAPENAK

Lehena.  Ordezko araubidea.

Ordenan­tza honetan xedatu ez denari dagokionez, honako araudi hauek bete beharko dituzte: Toki Araubidearen Oinarriak arau­tzen dituen apirilaren 2ko 7/1985 Legea; apirilaren 18ko 781/1986 LED, Toki Araubidearen arloan indarrean dauden lege xedapenen testu bateratua onar­tzen duena; ekainaren 13ko 1372/1986 ED, Toki erakundeen ondasunen erregelamendua onesten duena; Administrazio Publikoen Ondareari buruzko azaroaren 3ko 33/2003 Legea; EAEko merkatari­tza jarduerari buruzko maia­tza­ren 27ko 7/1994 Legea; EAEko Jendaurreko Ikuskizunei eta Jolas Jarduerei buruzko abenduaren 23ko 10/2015 Legea; bai eta aplikagarria den irisgarritasunari buruzko araudia ere.

Bigarrena.  Indarrean sar­tzea.

Testu osoa Gipuzkoako Aldizkari Ofizialean argitaratu eta Toki Araubidearen Oinarriak arau­tzen dituen apirilaren 2ko 7/1985 Legeko 65.2 artikuluan xedatutako hamabost egun balioduneko epea igaro ondoren sartuko da indarrean ordenan­tza hau.

Hala ere, II. tituluko 3. kapituluko lehen atala (Salgai erakustokiak eta an­tze­ko instalazioak), argitaratu eta sei hilabeteko epean sartuko da indarrean.