GIPUZKOAKO FORU ALDUNDIA

32/2017 Foru Dekretua, abenduaren 27koa, zerga betebehar formal jakin ­batzuk gara­tzen dituen erregelamendua alda­tzen duena.

Foru dekretu honek aldaketak sar­tzen ditu zerga betebehar formal jakin ­batzuk gara­tzen dituen Erregelamenduan, abenduaren 17ko 47/2013 Foru Dekretuaren bidez onartutakoan.            

Segurtasun juridikoak, zerga iruzurraren aurkako borrokak, eta Administrazioak tributuak aplika­tzean izan beharreko eraginkortasunak komenigarri egiten dute erregelamenduaren erregulazioan zenbait aldaketa eta doikun­tza egitea, haren aplikazioa hobe­tzeko.

Jarraian, aldaketarik esangura­tsuenak aipa­tzen dira:      

— Euskal Autonomia Erkidegoko Administrazio Orokorrari informazio obligazio berri bat ezar­tzen zaio, 2018rako, Euskal Autonomia Erkidegoko Hiri-Finken Errentamendu Kontratuen Erregistroan jasotako datuei buruz eta fidan­tzen gordailuari buruz. 

— Orobat, ezar­tzen da Euskal Autonomia Erkidegoko Administrazio Orokorrak, udalek eta haien mende dauden gainerako ente publikoek informazio obligazio bat izango dutela, 2017rako, hiri-finken errentamenduei dagokienez, errentamendu horietan esku-har­tzen dutenean.

— Azkenik, ezar­tzen da zergapekoak bere jarduerak egiteko erabil­tzen duen helbide elektronikoa enpresaburu, profesional eta atxiki­tzaileen erroldan nahitaez adierazi beharreko datua izango dela.

Aldaketa horietaz gain, izaera teknikoko beste ­batzuk sar­tzen dira, hainbat arauditara egiten diren igorpenak egoki­tzeko.          

Horiek horrela, Ogasun eta Finan­tza Departamentuko foru diputatuak proposatuta, Lege Aholkulari­tzako Batzor­deari ­entzun ondoren, eta Diputatuen Kon­tseiluak gaurko bileran eztabaidatu eta onarturik, hau

XEDA­TZEN DUT

Artikulu bakarra.  Zerga betebehar formal jakin ­batzuk gara­tzen dituen erregelamendua, abenduaren 17ko 47/2013 Foru Dekretuaren bidez onartua, alda­tzea.

Aldaketa hauek sar­tzen dira zerga betebehar formal jakin ­batzuk gara­tzen dituen erregelamenduan, abenduaren 17ko 47/2013 Foru Dekretuaren bidez onartutakoan:

Bat.  3. artikuluko azken paragrafoa honela gera­tzen da ida­tzita:

«Enpresaburu, profesional eta atxiki­tzaileen erroldan jasotako datuetatik abiatuta, Sozietateen gaineko Zergari buruzko urtarrilaren 17ko 2/2014 Foru Arauaren 119., 120. eta 121. artikuluetan aipa­tzen den entitateen aurkibidea eramango du Ogasun eta Finan­tza Departamentuak.»

Bi.  5. artikuluaren 2. apartatuko a) letra honela gera­tzen da ida­tzita:

«a)  Abenduaren 10eko 16/2014 Foru Arauak, Ez-egoiliarren Errentaren gaineko Zergarenak, 6. artikuluan xedatutakoari jarraituz Espainian egoiliar ez diren per­tso­nak edo entitateak, baldin eta Gipuzkoan establezimendu iraunkor bidez jarduten badira edo lurralde horretan atxi­kipenari edo konturako sarrerari lotutako errentak ordain­tzen badituzte, eta, orobat, aipatutako foru arauaren 5. artikuluko c) letran aipatutako entitateak.»

Hiru.  9. artikuluko 1. apartatua honela gera­tzen da ida­tzita:

«1.  Aldi baterako enpresa elkarteen erregistro berezia Sozietateen gaineko Zergari buruzko urtarrilaren 17ko 2/2014 Foru Arauak VI. tituluaren III. kapituluan jasotako araubide berezia aplika­tzea aukera­tzen duten aldi baterako enpresa elkarteek osatuko dute, hain zuzen ere, enpresen elkarte eta aldi baterako batasunen eta eskualdeko industria garapenerako sozietateen zerga araubideari buruzko maia­tza­ren 26ko 18/1982 Legeak III. tituluan aipatutakoek. Erregistroa arau­tzeko, aplikagarriak izango dira aipatutako legea eta foru araua, artikulu hau berau, eta haietan xedatuta ez dagoen guztian, betebehar zen­tsa­lei dagokienez erregelamendu honetan ezarritako xedapenak.»

Lau.  11. artikuluko c) letra honela gera­tzen da ida­tzita:              

«c)  Telefono zenbakia, helbide elektronikoa, eta, izanez gero, jarduerak egiteko erabil­tzen duen Interneteko domeinu-izena edo helbidea.»

Bost.  14. artikuluko 2. eta 4. apartatuak honela gera­tzen dira ida­tzita:

«2.  Per­tsona edo entitate ez-egoiliar batek establezimendu iraunkor bat edo gehiago erabil­tzen badu lurralde espainiarrean jarduteko, Ez-egoiliarren Errentaren gaineko Zergaren Erregelamendua onar­tzen duen maia­tza­ren 17ko 11/2016 Foru Dekretuak 2. artikuluan xedatutakoari jarraikiz, eta establezimendu horiek egiten dituzten jarduerak argi eta garbi desberdindu badaitezke eta aparte kudea­tzen badira, establezimendu bakoi­tza banaka inskribatu beharko da Enpresaburu, Profesional eta Atxiki­tzaileen Erroldan, per­tsona edo entitate egoiliarren­tzat ezarritako datu berdinekin eta baldin­tza berdinetan. Gainera, establezimendu bakoi­tzak identifikatu behar du zer per­tsona edo entitate ez-egoiliarren mende dagoen, eta hari buruzko datuak ere jakinarazi behar ditu, aurreko apartatuan aipatutakoak.

Establezimendu iraunkor bakoi­tza izendapen espezifiko batekin identifikatuko da, eta ezinbestekoa izango da identifikazio horretan datu hauek ager­tzea beti: nagusi duen per­tsona edo entitate ez-egoiliarra, identifikazio fiskaleko zenbaki propio bat, azken horri esleitutakoarekiko independente izan behar duena, eta establezimendu iraunkorra kokatuta dagoen ondasun higiezinaren erreferen­tzia katastrala eta finka zenbakia.

Era berean, zehaztu beharko da zer modutan zehazten den Espainian eratutako establezimendu iraunkor bakoi­tza­ren zerga oinarria, abenduaren 10eko 16/2014 Foru Arauak, Ez-egoiliarren Errentaren gaineko Zergarenak, 18. artikuluan xedatutakoarekin bat.»

«4.  Errentak eslei­tzen dituzten entitateen kasuan, horiek lurralde espainiarrean badaude abenduaren 10eko 16/2014 Foru Arauak, Ez-egoiliarren Errentaren gaineko Zergarenak, 38. artikuluan xedatutakoaren arabera, Enpresaburu, Profesional eta Atxiki­tzaileen erroldan jaso beharko dira entitateko kide edo partaide bakoi­tza­ren izen-abizenak edo sozietate izen osoa, identifikazio fiskaleko zenbakia, zerga helbidea eta herritartasuna, haien partaide­tza kuota eta egozpen por­tzen­tajea ere adierazita.»

Sei.  15. artikuluaren 3. apartatuko n) letra honela gera­tzen da ida­tzita:

«n)  Establezimendu iraunkorren­tzat aurreikusita dagoen araubide orokorra aplika­tzea aukera­tzeko, abenduaren 10eko 16/2014 Foru Arauak, Ez-egoiliarren Errentaren gaineko Zergarenak, 18.5.b) artikuluan ezar­tzen dituen baldin­tze­tan, establezimendu horiek Gipuzkoan egiten duten jarduera honako hauetako bat denean: 6 hilabetetik gora irauten duten eraikun­tza, instalazio edo muntaketa lanak, denboraldiko edo sasoiko jarduera edo ustiaketa ekonomikoak, edo natur baliabideen miaketa lanak.»

Zazpi.  16. artikuluaren 2. apartatuko a) letra honela gera­tzen da ida­tzita:

«a)  Per­tsona juridikoek eta gainerako entitateek, eta, orobat, Enpresaburu, Profesional eta Atxiki­tzaileen Erroldan sartutako per­tsona fisikoek, zerga helbidearen aldaketa jakinarazteko, Zergen Foru Arau Orokorraren 48. artikuluan jasotakoaren arabera.»

Zortzi.  25.c artikuluaren a») letra honela gera­tzen da ida­tzita:

«a»)  Lurralde espainiarrean establezimendu iraunkor bidez jardunez gero, haien zerga helbidea Gipuzkoako Lurralde Historikoan kokatuta dagoenean, Ez-egoiliarren Errentaren gaineko Zergari buruzko abenduaren 10eko 16/2014 Foru Arauak 11. artikuluan jasotakoaren arabera.»

Bederatzi.  48. artikuluaren 2. apartatuko hirugarren paragrafoa honela gera­tzen da ida­tzita:

«Orobat, inber­tsio erakunde espainiarren akzio edo partaide­tzak mugaz haraindi merkatura­tzen diren kasuan, informazioa emateko betebeharra akzio edo partaide­tza horien titular gisa hirugarrengo ez-egoiliarren kontura ageri den atze­rriko entitate merkatura­tzaileak izango du, Gipuzkoako Lurralde Historikoko Ez-egoiliarren Errentaren gaineko Zergaren Erregelamendua onar­tzen duen maia­tza­ren 17ko 11/2016 Foru Dekretuak lehen xedapen gehigarriaren 1. apartatuan ezarritakoarekin bat. Hori guztia kudea­tzaileak edo inber­tsio sozietateak zerga Administrazioaren aurrean duen eran­tzu­kizunaren kaltetan izan gabe egingo da, aipatutako xedapen gehigarriaren 2. apartatuan xedatutakoari jarraituz.»      

Hamar.  53. artikuluaren 4. apartatuko a) letra honela gera­tzen da ida­tzita:

«a)  Haien titularrak Sozietateen gaineko Zergari buruzko urtarrilaren 17ko 2/2014 Foru Arauaren 12. artikuluan aipatutako entitateak badira.»

Hamaika.  54. artikuluaren 5. apartatuko a) letra honela gera­tzen da ida­tzita:

«a)  Zergapekoa Sozietateen gaineko Zergari buruzko urtarrilaren 17ko 2/2014 Foru Arauaren 12. artikuluan aipatutako entitateetako bat bada.»

Hamabi.  55. artikuluko 1. apartatua honela gera­tzen da ida­tzita:

«1.  Zerga Administrazioari erregelamendu honen 51. artikuluan aipa­tzen den informazioa eman behar diotenek lehentasunezko partaide­tzen eta beste zor tresna ­batzuen inguruko eragiketei buruz informatu behar dute. Eragiketa horien araubidea xedapen hauetan dago ezarrita: ekainaren 26ko 10/2014 Legean, kreditu-entitateen antolamendu, gainbegiraketa eta kaudimenari buruzkoan (lehen xedapen gehigarria), eta Per­tsona Fisikoen Errentaren gaineko Zerga ekitatea lor­tzeko bidean aldatu eta beste zerga neurri ­batzuk onar­tzen dituen abenduaren 26ko 5/2011 Foru Araua (lehen xedapen gehigarria). Eman beharreko informazioa erregelamendu honen 51. artikuluko 4. apartatuan adierazitakoa izango da, eta betebehar hori dutenen bitartekari­tzaz egindako eragiketak izango ditu hizpide, hau da, lehentasunezko partaide­tze­kin eta beste zor tresna ­batzuekin egindakoak.»

Hamahiru.  56. artikuluaren 1. apartatuko b) letra honela gera­tzen da ida­tzita:

«b)  Kreditu-entitateen antolamendu, gainbegiraketa eta kaudimenari buruzko ekainaren 26ko 10/2014 Legearen lehen xedapen gehigarrian eta Per­tsona Fisikoen Errentaren gaineko Zerga ekitatea lor­tzeko bidean aldatu eta beste zerga neurri ­batzuk onar­tzen dituen abenduaren 26ko 5/2011 Foru Arauaren lehen xedapen gehigarrian araututa dauden baloreen interesak, eta, orobat, xedapen hauetan aurreikusi eta gehienez hamabi hilabetez deskontura jaulkitako zor tresnetatik eratorritakoak.»     

Hamalau.  69. artikuluaren 6. apartatuko a) letra honela gera­tzen da ida­tzita:

«a)  Haien titularrak Sozietateen gaineko Zergari buruzko urtarrilaren 17ko 2/2014 Foru Arauaren 12. artikuluan aipatutako entitateak badira.»

Hamabost.  70. artikuluaren 5. apartatuko a) letra honela gera­tzen da ida­tzita:

«a)  Haien titularrak Sozietateen gaineko Zergari buruzko urtarrilaren 17ko 2/2014 Foru Arauaren 12. artikuluan aipatutako entitateak badira.»

Hamasei.  71. artikuluaren 1. apartatuko a) letraren bigarren paragrafoa honela gera­tzen da ida­tzita:

«Entitateko kideren bat ez bada egoiliarra lurralde espainiarrean, identifikatu beharko da zeinek duen haren ordezkari­tza fiskala Ez-egoiliarren Errentaren gaineko Zergari buruzko abenduaren 10eko 16/2014 Foru Arauak 10. artikuluan ezarritakoaren arabera.»

Hamazazpi.  72 bis artikulu berria gehi­tzen da, eta honela dio:

«72. bis artikulua.  Hiri finken errentamenduei buruz informa­tzeko betebeharra.

1.  Euskal Autonomia Erkidegoko Administrazio Orokorrak urteko aitorpen informatibo bat aurkeztu behar du Euskal Autonomia Erkidegoko Hiri-Finken Errentamendu Kontratuen Erregistroan jasotako datuei buruz eta fidan­tzen gordailuari buruz, hori guztia mar­txo­aren 15eko 42/2016 Dekretuak, fidan­tzak jar­tze­ari eta Euskal Autonomia Erkidegoko Hiri-Finken Errentamendu Kontratuen Erregistroari buruzkoak, xedatutakoarekin bat. Zer fidan­tza jarri den adierazi beharko du aitorpen horretan.

2.  Orobat, Euskal Autonomia Erkidegoko Administrazio Orokorrak, udalek eta haien mende dauden gainerako ente publikoek hiri-finken errentamendua kudea­tzen badute, behartuta daude errentamendu kontratu horien urteko aitorpen informatibo bat aurkeztera, haietan errenta­tzaile gisa esku-har­tzen dutenean edo alokairuan bitartekari direnean, eta aitorpen horretan ordaindu den urteko errenta adierazi behar dute.           

3.  Aurreko 1. eta 2. apartatuetan aipatutako informazioaz gain, honako hau ere adierazi beharko da, besteak beste: errentan emandako ondasun higiezinen identifikazio datuak, errentarien eta errenta­tzaileen zerrenda izenduna, eta dagokion eredua onar­tzeko foru aginduak kasu bakoi­tze­rako ezar­tzen duen informazioa.»         

Hemezortzi.  78. artikuluaren 1. apartatuko c) letra honela gera­tzen da ida­tzita:

«c)  Sozietateen gaineko Zergari buruzko urtarrilaren 17ko 2/2014 Foru Arauaren 120. artikuluko 1. apartatuan araututako kasuak gerta­tzen direnean. Horrelakoetan, gainera, zerga Administrazioak baja eman ahal izango dio zergapekoari batasun barruko operadoreen erregistroan, balio eran­tsiaren gaineko zergaren hileko itzul­keten erregistroan eta fabrikazio zerga berezien lurralde erregistroan.»

Hemeretzi.  79. artikuluaren 1. apartatuko f) letra honela gera­tzen da ida­tzita:

«f)  Identifikazio fiskaleko zenbakia eman zaion per­tsona fisiko edo entitate ez-egoiliarrak ez komunika­tzea Ez-egoiliarren Errentaren gaineko Zergari buruzko abenduaren 10eko 16/2014 Foru Arauak 10. artikuluan aipatutako ordezkaria aldatu duenik edo, ordezkariaren izendapena beharrezkoa ez duten egin­tzak edo tramiteak egiteko zenbakia lortu badu, ordezkaririk izendatu izanaren berri ez ematea izendapen hori beharrezkoa duten egin­tzak edo tramiteak gero egiten dituenean.»

Xedapen indargabe­tzaile bakarra.  Araudia indargabe­tzea.

Indarrik gabe gera­tzen dira foru dekretu honetan xedatutakoarekin bat ez datozen maila bereko edo txi­kiagoko xedapen guztiak.

Amaierako lehenengo xedapena. Euskal Autonomia Erkidegoko Hiri-Finken Errentamendu Kontratuen Erregistroan jasotako datuei buruz eta fidan­tzen gordailuari buruz urteko aitorpen informatiboa aurkezteko obligazioa.

Zerga betebehar formal jakin ­batzuk gara­tzen dituen erregelamenduko 72 bis artikuluaren 1. apartatuan aipa­tzen den informazio obligazioa, foru dekretu honen bidez gehitu dena, 2018ko zergaldiari buruz informa­tzeko obligazioari aplikatuko zaio lehenengo aldiz.

Amaierako bigarren xedapena.  Indarrean jar­tzea.

Foru dekretu hau Gipuzkoako Aldizkari Ofizialean argitara­tzen den egunean jarriko da indarrean.

                                                        Diputatu Nagusia,      
                                                       Markel Olano Arrese.

               Ogasun eta Finantza           
                   Departamentuko              
                    Foru Diputatua,              
           Jabier Larrañaga Garmendia.       (8947)