DEBAKO UDALA

Iragarkia

Udalba­tzak aho batez onartu zuen Irisgarritasun baldin­tzak hobe­tze­ari buruzko Udal Ordenan­tza 2012/04/26an eginiko ohi­ko bilkuran.           

7/1985 Legea, Toki-araubidearen oinarriak arau­tzen dituenaren 49. artikuluaren arabera, akordioa jendaurrean ipini ondoren ez da inongo erreklamazio edo iradokizunik aurkeztu.      

Akordioa behi-betikoz onartu­tzat ematen da Plenoko akordioaren eta 7/1985 Legea, 70.2. artikuluaren arabera eta testu osoa iragar­tzen da.   

Deba, 2012ko uztailaren 3a.—Maider Zubikarai Beristain-Alkateordea.           (6697)

Irisgarritasun baldintzak hobetzeko udal ordenantza.          

I. TITULUA

XEDAPEN OROKORRAK

1. artikulua.  Helburua.

Ordenan­tza honek, erabilera nagusia bizileku kolektiboa duten eraikinen irisgarritasun egoera hobe­tzea helburu duten eraberri­tze esku-har­tzeen hirigin­tza eta inguruabarrak arau­tzea du helburu.          

Aldi berean, nahitaezko desjabe­tzea bidera­tzeko irizpideak eta metodologia finka­tzen dira, indarrean dagoen legedian irisgarritasunari dagokionez aurreikusten denaren ildotik eta hirigin­tza­ren alorreko legedi korrelatiboa ain­tzat hartuta hartara jo beharra egoki­tzen denerako. Jabari publikoa okupa­tzeko aukera ere ain­tzat hartuko da premia hori egiaztatua dagoen salbuespen kasuetan.

2. artikulua.  Aplikazio eremua.

Ordenan­tza hau erabilera nagusia bizileku kolektiboa duten eraikinei aplikatuko zaie, baldin eta hiri-inguruneen, espazio edo gune publikoen, eraikinen eta informazio –eta komuni­kazio-sistemen irisgarritasun-baldin­tzei buruzko arau tekni­koak onar­tzen dituen apirilaren 11ko 68/2000 dekretua indarrean jarri aurreko hirigin­tza-lizen­tzia batekin eraikiak badira.  

Ordenan­tza hau egin berriak diren eraikinei aplikatuko zaie eta erabat zaharberri­tzen edo birgai­tzen direnei, eta Ordenan­tza honetan islatutako kasuen ­antzeko arazo puntualak dituztenean.   

Aplikazio eremutik aparte gera­tzen dira AASSak zehaztutako berariazko antolamendutik kanpoko kasuan aurki­tzen di­ren eraikinak.

3. artikulua.  Hobekun­tza esku-har­tze­aren baldin­tza bereziak.

Hirigin­tza-plangin­tza­ren ondorioz antolamendutik kanpo gera­tzen diren eraikinak, edo plangin­tza­rekin bat ez datozenak, edo antolakun­tza xehakatua egiteke duten arlo eta sektoreetan lehendik zeudenak bai bildu ahal izango dira Ordenan­tza honetan aurreikusten denera, nahiz eta egiten diren obrek eraikinari edo bertako elementu pribatiboei ekar liezaieketen balio handi­tzea ain­tzako­tzat ez hartu gerora haiek desjabetu beharra egoki­tzen bada.

Plangin­tzak, antolamenduz kanpo berariaz ­utzi diren eraikinak ezingo dira bildu aurreikusitakora.

4. artikulua.  Hirigin­tza parametroak bete­tzea.

Ordenan­tza honen ondorioetarako uste dena da lehendik dagoen eraikin batean igogailu bat jar­tzeak edo irisgarritasuna erraztuko lukeen beste instalazioren bat jar­tzeak beharrezkoa den zerbait sar­tzea dela eta oinarrizko zerbi­tzu bat da etxe­bizi­tzen fun­tzionaltasunari begira. Beraz, instalazio hori jar­tzeko behar den azalerak ez du ekarriko azalera eraikigarriaren gehi­tze edo goiti­tze­rik, beraz, Planeamenduak ezarritako gehieneko eraikigarritasuna agortua duten eraikinetan ere jarri ahal izango dira.

5. artikulua.  Jabari publikoaren okupazioa.

1.  Irisgarritasun egoera hobe­tzeko egin­tzek jabari publikoko lurzorua okupa­tzea eska­tzen badute, hirigin­tza-baimenik ez ezik, lurzorua modu pribatiboan okupa­tzeko behar den bai­mena ere eskuratu beharra izango da.

Jabari publikoa modu pribatuan okupa­tzeko baimen hori salbuespenezkoa izango da eta espazio publikoaren fun­tzionaltasun galerarik ez dela gertatuko behar bezala berma­tzen bada baino ez da bidezko izango ematea. Baimena ematekotan, toki araubideari buruzko legedian aurreikusten diren sistemei jarraiki emango da, eta eraikina ordezka­tzen denean indargabetuko, edo behar den espedientean egiazta­tzen den interes publikoak baimen hori iraungi­tzea edo amaitu­tzat ematea eska­tzen duenean. Edozelan ere, baimena iraungi­tzean edo amai­tzean, jabari publikoa ­utzi edo hustu eta leku hura lehen zegoen moduan ­utzi beharko du baimenaren titularrak. Baimenaren amaierak edo baimena iraungi­tzeak inolaz ere ez du sortuko inongo kon­tzep­turen kalte-ordain eskubiderik.

2.  Jabari publikoan eragiteak bertan dauden azpiegiturak alda­tzea badakar, horien trazatua alda­tze­aren kostuak espedientea sustatu duten interesdunek hartu beharko dituzte beren gain.       

3.  jabari publikoa okupa­tzeko baimena zein elementutarako eman den, hura onik zain­tzeko, garbi eduki­tzeko eta behar den segurtasun-egoeran zain­tzeko beharrezko diren lanak egitera behartuta egongo dira haren titularrak.          

4.  Jabari publikoa irisgarritasun egoera hobe­tzeko obrekin modu pribatiboan okupa­tzeak, edozein delarik ere obra horien izaera, 68/2000 Dekretuak diona bete egiten dela bermatuko du, udalba­tza­ren irizpidez hartutako erabakiak ezik.

Horrelakoen egikari­tzak eta diseinuak ez die hautemateko arazorik sortu behar bista urritasuna duten per­tso­nei, beraz, ahal izanda, fatxa­dei itsa­tsiko zaizkie eta oinezkoendako ibilbide libreari ahalik eta ­gutxien eragingo diote eta ez dute hegal-elementurik eduki beharko, makilarekin hautemangarria edo detektagarria ez denik, eta modu positiboan balioe­tsiko da gainerako zoruarekiko kolore-kontrastea.

5.  Obra-lizen­tziari dagokion espedientean aldeko txos­tena eman ondoren, jabari publikoa modu pribatuan okupa­tzeko baimenari dagokion espedientea bideratuko du udalak, azken hori eman aurretik ezin izango baita beste aurreko hori eman. Horrela, obra-lizen­tzia ematen duen administrazio ebazpenak, bere baldin­tza berezi edo partikularrez gain, jabari publikoa modu pribatiboan edo pribatuan okupa­tzeko baimenak berekin dakar­tza­nak ere jasoko ditu bere baitan.

II. TITULUA

IRISGARRITASUNA ERRAZTEKO OBRAK
ETA INSTALAZIOAK

6. artikulua.  Irisgarritasuna hobe­tzeko eraikinari gehi­tzen zaizkion elementuen klasifikazioa.

Eraikinetan izan ohi diren traba arkitektonikoak-gehienbat kanpotik eta etxe­bizi­tzen atarira bitartean izan ohi diren harmailak-ken­tzeko bidera daitezkeen jarduerarik arruntenak honela sailkatu ahal dira, beren berezitasun teknikoak eta erai­kun­tza-ezaugarriak ain­tzako­tzat hartuta.

1.  Irisgarritasun-arrapalak; horien diseinua hiri-inguruneen, espazio publikoen, eraikinen eta informazio eta komunikazio sistemen irisgarritasun baldin­tzei buruzko arau teknikoak onar­tzen dituen apirilaren 11ko 68/2000 Dekretuan jasotako irizpide teknikoetara egokitu beharko da.

2.  Behetik gorako nahiz zeharkako elementu mekanikoak, beren ezaugarri teknikoen arabera honela bana­tzen baitira:

— Plataforma jaso­tzaileak, eta,

— Igogailuak.

3.  Irisgarritasun egoera hobe­tzeko eraikun­tzan edo urbanizazioan gehituko diren elementuak aukera­tzeko orduan, irisgarritasun eta igarogarritasun irizpidea ondoren bete­tzen duten alternatibak aukeratu beharko ditu etxe­jabeen elkarteak, hirugarrengoei eragin dakiekeen propor­tzionaltasuna kontuan hartuta; nahiz eta azken irizpidea udal zerbi­tzu teknikoek txos­ten arrazoituan aipatutakoa izango den.        

I. KAPITULUA.  ARRAPALAK

7. artikulua.  Kokapena.

Arrapalak-bai eraikinaren lerrokaduran, bai etxe­bizi­tzen atarien barruan igogailuaren plataformara edo beheko solairuko bitarteko tranpalera bitartean eskailera gisa jarritako kota-desberdintasun txi­kiak gaindi­tzeko balio duten obra bidezko eraikun­tza-elementuak-honela sailka daitezke, kokalekuaren arabera:

7.1.  Arrapalak eraikin barruan.

Eraikinen barruan egiten diren arrapalek, zona komunetan egiten direnek, partikularren jabe­tzei eragiten dietenean eta etxe­bizi­tza barruetan bizi direnen irisgarritasuna lor­tzeko hori egitea derrigorrezkoa eta beharrezkoa denean, Ordenan­tza honetan aurreikusitako desjabe­tze-araubidera bildu daitezke, baldin eta Ordenan­tza­ren V. Tituluak zehazten dituen inguruabarrek edo zer-nolakoek eragiten badute.

7.2.  Eraikinen kanpoaldeko arrapalak.

Aurreko konponbidea, hau da, irisgarritasun-arrapala jar­tzea, teknikoki ez bada bideragarri, udal zerbi­tzu teknikoen txos­ten arrazoituen arabera, eraikin jakin baten barruan, irisgarritasun-arrapala kanpoaldean egiteko baimena eskatu ahal izango dute interesdunek, baina hala ere, bai erabilera publikoko espazio pribatua, bai bide publikoa edo erabilera eta herri eskupeko guneak okupa­tze­kotan, behar den udal baimena eskuratu beharko da.

8. artikulua.  Aukeratu den konponbidearen justifikazioa.

Proiektu teknikoetan edo, halakorik egin beharrik izanez gero, 20. artikuluan adierazten diren alde aurreko azterketetan, arrazoitu egin beharko da arrapala jar­tzeko aukeratutako lekua. Azken buruan arrapala erabilera publikoko lurzoruan jar­tzea proposa­tzen bada, justifikatu egin beharko da, hura eraikinaren barruan jar­tzea galarazten duten arrazoiak eman eta azalduz.           

Udal zerbi­tzu teknikoek, emandako argudioak aztertu ondoren, egoki­tzat ­jotzen dituzten argibideak edo agiriak eskatu ahal izango dituzte, edozein kokalekuri buruz, beti ere proposamena hobe­tze aldera, behin betiko kokalekuari dagokionez.           

9. artikulua.  Arrapalak eraikin barruan.

— Arrapalen diseinuari eta ezaugarri teknikoei dagokienez, aipatutako 68/2000 Dekretuaren V. eranskinean –Eraberri­tzeak izenekoa- adierazten diren parametroak ain­tzat hartu beharko dira.

— Arrapalak jar­tzeak ezingo du inolaz ere murriztu eskailera eta pasilloen zabalera suteen kontra babestearen alorrean indarrean dagoen araudia eta irisgarritasunari nahiz igarogarritasunari buruzko parametroak interpreta­tzeko irizpideak interpreta­tze­aren ondoriozko ­gutxienekoetatik beherako neurrietara. Halaber, egiturari dagozkion arrazoiek, arrazoi formalek edo ekonomikoek neurri horiek zorrotz bete­tzen ­utziko ez balukete, interesdunen premia zeha­tzei eran­tzungo lieketen beste neurri ­batzuk hartu ahalko dira.

10. artikulua.  Kanpoko aldean kokatutako arrapalak.

Arrapala eraikinaren barruan egitea ez dela bideragarria justifika­tzen denean, arrapala egiteko baimena eman daiteke eraikinaren aldamenean dagoen kanpoko espazioa okupatuta.      

Hartutako konponbideak formalki eraikinaren fatxa­dan integratuta egon beharko du formei eta neurriei, erabil­tzen diren materialei eta eraikinaren irisgarritasun arazoen konponketari dagokionez.

II. KAPITULUA.  PLATAFORMA JASOTZAILEAK

11. artikulua.  Definizioa eta sailkapena.

Horrelako aparatu jaso­tzaileak, beren soiltasun teknikoagatik eta egitura-elementuetan batere eraginik ez izateagatik-edo oso ­gutxi dutelako- erraz jar daitezkeen lagun­tza teknikoak dira.

Edozein modutan ere beste konponbide teknikorik ez dagoenean edo ekonomikoki bideragarritasunik ez dagoenean bakarrik erabiliko dira plataformak. Beraz, instalazio hori ez da hartuko lurzoru publikoaren okupazioak edo desjabe­tzeak eska­tzen dituzten beste konponbide ­batzuk eragozteko aukera legez.

12. artikulua.  Ezaugarri teknikoak eta kokapena.

Plataformen ezaugarri teknikoei eta diseinuari dagokionez, 68/2000 Dekretuaren III. Eranskinean-eraikinen eraikigarritasunari buruzko baldin­tza teknikoak-adierazten diren parametroak bete beharko dira. Halaber, egiturari dagozkion arrazoiek, arrazoi formalek edo ekonomikoek neurri horiek zorrotz bete­tzen ­utziko ez balukete, interesdunen premia zeha­tzei eran­tzungo lieketen beste neurri ­batzuk hartu ahalko dira.

Lekualda­tze plataformek autonomia per­tso­nalaren maila handiena berma dezaten saiatuko da, ahal dela, hirugarren per­tso­nak ahalik eta ­gutxienetan esku-har behar dezan. Era berean, sektoreko araudi teknikoak eskatutako baldin­tza teknikoak bete beharko dituzte.

III. KAPITULUA.  IGOGAILUAK

13. artikulua.  Tipologia.

Aparatu jaso­tzaileen alorrean, eta Ordenan­tza honen helburua lor­tze aldera hobetu beharrekoak diren egoera guztietan, tipologia hauei aplikatuko zaie araudia:

1.  Ordenan­tza honen aplikazio eremuan sar­tzen diren eraikinak, lehendik fun­tziona­tzen duten igogailuak izan arren irisgarritasunaren alorrean gabeziak dituztenak, igogailua beheko solairuan has­tzeko lekua atari-sarrerakoaz beste kota batean dagoelako edo mugikortasun murriztuko per­tso­nei igogailua erabil­tzen uzten ez dieten beste arrazoi ­batzuk daudelako.

2.  Halakorik ez duten eraikinak, igogailu bat berritik instala­tzeko aukera ematen duten ezaugarriak badituzte.    

Egoera bi horiek, besteak beste, araudi honen helburu nagusia eta jomuga dira, eta, horrenbestez, Ordenan­tza honen baitan irisgarritasun egoerak hobe­tze aldera taxu­tzen diren jarduerak oro dira halakoetan erabat aplika­tze­koak.

14. artikulua.  Igogailu berrien kokalekua.

Irisgarritasun egoerak hobe­tzeko proposamen fun­tzionalak, igogailuak instala­tzea oinarri dutenak, era hauetakoak izan ahalko dira:

1.  Igogailua eraikinaren barruan jar­tzea. Eraikinaren jatorrizko gotor kapaza aldatuko ez duten egoera posibleak har­tzen ditu atal honek bere baitan, hau da: Eraikinaren sakonera eraikia ez da aldatuko, ezta fatxa­dak ere, eraikinak ez du kanpotik antze­mateko moduko itxu­raldaketarik jasango, ez bada teilatu-planoan makineriaren kaxeta ager­tzea. Egoerak hauexek izan daitezke:

1.1.  Eskailera-zuloan:

Konponbideak elementu komunei eragingo dien egoera, inoiz elementu pribatiboren bati ere eragingo badio ere.

1.2.  Barruko patioan.

Egoera horrek har­tzen ditu, bai argi-patioak, bai fatxa­dara irekitako patioak, baina beti ere eraikinaren jatorrizko fatxa­dak era­tzen dituzten planoen barruan.

1.3.  Egoera berezietan.

Dena delako proiektuan behar bezala azaldu beharko den egoera zeha­tza eta partikularra.

2.  Igogailua eraikinaren kanpoaldean jar­tzea. Nola edo hala eraikinaren jatorrizko gotor kapaza alda­tzen duten egoerak har­tzen ditu bere baitan atal honek; batez ere, haren kanpoko fatxa­detako edozeini atxi­kitako atal bertikalak gehi­tze­aren ondorioz egingo da hori, eta, horrenbestez, jatorrizko bolumetria aldatuz. Egoerak hauexek izan daitezke:

2.1.  Espazio pribatuaren gainean.

Esku-har­tze­aren objektu den eraikina zein eraikun­tza-tipologiaren baitan dagoen, eragina oso bestelakoa gerta daitekeeneko egoera. Horregatik, aplikagarri diren hirigin­tza parametroen analisia eta horien egoki­tza­pena haiek zehatz ezagutuz eta Ordenan­tza honetan jasotako arauak ain­tzat hartuta baino ez dago horrelakorik egiterik.

2.2.  Jabari publikoaren gainean.

Instalazioaren kokagunea jabari publikoko lur sailean egoki­tzen denean, eta haren okupazio pribatiborako baimena aldez aurretik eskuratu beharra izaten denean.

15. artikulua.  Aukeratu den konponbidearen justifikazioa.

Proiektu teknikoetan edo, halakorik egin beharrik izanez gero, 20. artikuluan adierazten diren alde aurreko azterketetan, arrazoitu egin beharko da igogailua jar­tzeko aukeratutako lekua. Aurreko artikuluan azaldu diren kokaleku posibleen ordenari jarraiki garatu beharko da justifikazio hori, hurrenez hurren, kasuan kasu zerrendako puntuetako bakoi­tza aukera­tzea galarazten duten arrazoiak ematen eta azal­tzen direlarik, harik eta egokien­tzat justifika­tzen denera heldu arte. Aukera­tze­rakoan, irisgarritasun arazoei konponbiderik egokiena eta gauza­tze­aren bidegarritasuna eskain­tzen dien aukera lehene­tsiko da.

Desjabe­tze- bidea edo espazio publikoari eragitea dakarten proiektu teknikoek justifikatu egin beharko dute ez dagoela arazoari konponbidea emateko beste aukerarik, nahiz eta kostu handiagoa izan, baina baita ere, kostua neurritik kanpokoa ez bada. Neurritik kanpoko kostu­tzat hartuko da irisgarritasunaren hobekun­tza lor­tzeko beste obra posible horren kostua bikoizten duena; kalkulu hori atera­tze­rakoan kontuan hartuko dira beharrezkoa den lokal azalaren okupazio-kostuak eta han ezarritako jarduerari eragiteagatik edo jarduera laga behar izateagatik ordaindu beharreko kalte-ordainenak.

Udal zerbi­tzu teknikoek, emandako argudioak aztertu ondoren, egoki­tzat ­jotzen dituzten argibideak edo agiriak eskatu ahal izango dituzte, edozein kokalekuri buruz, beti ere proposamena hobe­tze aldera, behin betiko kokalekuari dagokionez.           

16. artikulua.  Igogailuen neurriak.

Igogailuen kabinen neurriak indarrean dagoen legedian jasota dauden irisgarritasun irizpideetara egokitu beharko dira. Halaber, egiturari dagozkion arrazoiek, arrazoi formalek edo ekonomikoek neurri horiek zorrotz bete­tzen ­utziko ez balukete, interesdunen premia zeha­tzei eran­tzungo lieketen beste neurri ­batzuk hartu ahalko dira.    

Irisgarritasun edo igarogarritasun egoera hobe­tzeko obrek ondasun pribatuak edo pribatiboak desjabe­tzea eska­tzen badute, V. Tituluan-Desjabe­tze bidezko esku-har­tzea-azal­tzen dena kontuan izan beharko da, aurreko paragrafoan adierazitakoari dagokionez.

III.TITULUA

ERAIKUN­TZA BALDIN­TZAK

17. artikulua.  Eraikinaren irisgarritasunari dagokionez. 

Irisgarritasun egoera hobe­tzeko proiektuek instalazio mekaniko berriak jar­tzea edo lehendik daudenak berri­tzea- ibilbidea luzatuz, esate baterako- aurreikusten dutelarik, teknikoki posible diren jarduera edo esku-har­tzeak oro aztertu beharko dira, eraikinean sartu arte, eremu libre pribatuetatik pasa­tzen diren balizko ibilbideetan dauden traba arkitektonikoak albait gehien murriztu edo erabat desagerrarazte aldera.         

Horrela, igogailuetako geralekuak eraikineko erabilera komuneko elementuen gainean jarri behar dira. Hala ere kasu arrazoitua izanez gero egin daiteke gune pribatuetan. Tipologiaren aldetik eta teknikoki ahal den guztietan, igogailuaren kabinara sar­tzeko aukera bermatu egin beharko da, bai kaletik, eta baita ere etxe­bizi­tza bakoi­tzera sar­tzeko dagoen gune komunetik ibilbide irisgarrien barna. Eraikinaren kanpoaldetik igogailuaren aurreneko sarbidera dagoen desnibela ezaba­tzeko aukerarik ez balego, beste aukera osagarriak planteatu beharko dira – plataforma jaso­tzaileak, eskailera- igogailuak edo arrapalak jar­tzea esate baterako- ezintasun hori arrazoi bidez justifikatu eta Udal Zerbi­tzu Teknikoek berariaz onartu ezean.

Era berean, ahaleginak egingo dira irisgarritasun edo igarogarritasun baldin­tzak trastelekuetan, aparkalekuetan eta bestelako elementu komunak dauden solairuetan bete daitezen. Nolanahi ere, atal honen interpretazioak ezingo du ekarri berekin, inolaz ere. Ordenan­tza hau baliatuz irisgarritasun-obrak solairu edo elementu komun horietara luza­tzeko galdatu ahal izatea, etxe­jabeen elkarte batek azalduko irizpidearen kontra.         

18. artikulua.  Suteen kontra babesteari dagokionez.

Igogailua jar­tzeak ezingo du ekarri ebakuazio-ibilbidearen parte diren eskaileren eta pasilloen zabalera 90 cm-tik behera estu­tzea. Salbuespen gisa eta behar bezala justifikatuz gero, zabalera hori 80 cm-raino estutu daiteke, baldin eta udal zerbi­tzu teknikoei geratuko den ebakuazio-ibilbidea ez dela oso modu larrian kalte­tzen irizten badiote; ostera, etxe­bizi­tze­tarako pasilloetan betu bermatu behar da 90 cm-ko ­gutxieneko zabalera bat. Kasu hauetarako neurri oreka­tzaileak prestatuko dira.   

Igogailua eskailera-zuloan jarri nahi bada hura estu­tzeke, baina eskailera estu­tzeak igogailu-kabinaren zabalera handi­tzen ­utziko balu aulki gurpildun bat sar­tzeko behar den beste toki ­utzita, nahiz eta kabina hori arauzko neurrietara iri­tsi ez, eskailerari zabalera kenduta eman beharko ­litzaioke konponbidea, konponbide horrek – 15. artikuluaren irizpidearen arabera- neurritik kanpoko gastu bat ekarriko lukeela justifikatu ezea.

Igogailu bat jarri ondoren, lehendik jarrita zeuden suteen kontrako ebakuazio-baldin­tzak murrizten edo gal­tzen badira, beharrezko­tzat irizten diren neurri oreka­tzaileak edo konpen­tsa­tzaileak ezarrita ibituko dira: Larrialdietako argiak edo segurtasun-argiak, seinaleak, ke-detektagailuak, solairu bakoi­tzean eskuzko su-itzal­gailu bat 21A 113B eraginekoa, ebakuazio-ibilbidearen seinaleak eta suteetatik babesteko elementuena, alarma-sakagailuak.

Eraikinaren kanpoko aldean irisgarritasun baldin­tzak hobe­tzeko egiten diren obrak (igogailuak, plataforma jaso­tzaileak edo arrapalak jar­tzea, esate baterako) ezingo dute kaltetu larrialdietarako ibilgailuak eraikinaren beraren nahiz aldamenekoen ondora hurbildu ahal daitezen indarrean dagoen legediaren arabera lehendik ezarria dagoen egoera.          

19. artikulua.  Gutxieneko aireztapen eta argiztapen azalerei dagokionez.

Irisgarritasun egoera hobe­tzeak ez du ekarri beharko berekin lehendik dauden argiztapen eta aireztapen azalerak edo, kasuan kasu, eraikun­tza arauak aplika­tze­aren ondorioz nahitaezko diren ­gutxienekoak murriztea.

Lehendik dagoen eraikin baten igogailua jar­tze­rakoan, eskailera-kaxaren elementu komunetan ­gutxieneko baldin­tza ­batzuk bermatu beharko dira aireztapenean eta argitasunean, eta solairuko bao bat ­gutxienez izango da m² 1etik gorako argiztapen azalerarekin eta 0,40 m²ko aireztapen azalerarekin.         

Ez balego beste aukera bideragarrik eta igogailua jar­tzeak argitasuna emateko eta aireztapenera zuzendutako baoak edo hutsar­teak ken­tzea eskatuko balu, instalazioa egin ahal izateko, ondoko neurri osagarri hauek hartu beharko dira:    

— Argiteri normaleko instalazio bat ipiniko da CTE-DB.SUA-4 (segurtasuna, argitasun desegoki batek sor­tzen duen arriskuaren aurrean) dokumentuak edo hori ordezkatuko duen araudiak eska­tzen dituen betekizun guztiak beteko dituena. Horrez gain, instalazioak, presen­tzia hautemateko etengailuak izango ditu edo seinaleetarako eta larrialdietarako argiteria.

— Era berean, argiteriaren instalazioak CTE-DB.HE.3 (ar­gi­tasuna emateko instalazioen energia-eraginkortasuna) dokumentuak edo hori ordezkatuko duen araudiak eska­tzen dituen betekizun guztiak egiaztatu beharko ditu.

— Eskailera kaxan jarriko den aireztapenak CTE-DB-HS.3 (barruko airearen kalitatea) dokumentuak ezar­tzen dituen baldin­tza guztiak bete beharko ditu, instala­tzaile one­tsi batek hala dela ziurtatu behar du.

Horrela, eraikun­tza-konponbide egokiak proposatu beharko dira proiektu teknikoetan, behar diren eraberri­tze lanak direla medio aurreko paragrafoan adierazitakoa beteko dela berma­tze aldera.

IV TITULUA

DOKUMENTAZIO ETA TRAMITAZIO ADMINISTRATIBOA

20. artikulua.  Aldez aurreko azterketa.

Irisgarritasun egoera hobe­tzeko obrek AASSetako katalogoaren baitako eraikin bati eragiten badiote, eta haren fatxa­detan, teilatuan edo estalkian edo egiturazko elementuetan esku hartu behar bada, aldez aurreko banako azterketa bat egin beharko da, eta bertan, hautatutako konponbidea 8. eta 15. artikuluetan aurreikusi bezala justifika­tzeaz gain, proposamenean aurreikusitako eraginen forma-, konposizio-, banaketa- eta erai­kun­tza-tratamendua jorratu beharko da, udala guztiaren jaki­naren gainean egon dadin.  

Aldez aurreko azterketa horrek dokumentu hauek jaso be­harko ditu:

— Eraikinari buruzko memoria deskriptiboa eta haren eraikun­tza-ezaugarriak.

— Altxa­keten argazki-dokumentazioa, horietan esku har­tzeko asmoa badago behin­tzat.

— Proposatutako esku-har­tze­aren azalpena eta justifikazio arrazoitua 8. edo 15. artikuluetan adierazitakoaren arabera, ka­suan kasukoa.

Administrazioaren ebazpenak aldez aurreko azterketa one­tsi ahal izango du, eta, hala bada, egoki­tzat ­jotzen diren baldin­tzak jasoko ditu bere baitan-egingo den proiektu teknikoan derrigorrez bete beharrekoak izango diren baldin­tzak-edo esku-har­tze proposamena eze­tsi.

21. artikulua.  Prozedura.

Hirigin­tza baimena edo lizen­tzia tramita­tze­ari dagokionez, administrazio prozedurei aplikagarri zaien legedian xedatutakoa izango da ain­tzat hartuko dena, baita AASSetan xedatutakoa eta Ordenan­tza honetan aurreikusitakoa ere, nahiz eta, hobekun­tza­rako esku-har­tzeak eraikinaren fatxa­dari edo jabari edo erabilera publikoko espazioei eragiten dietenean, beharrezko­tzat ­jotzen diren nahi beste sektore-txos­ten eskatu ahal izango diren.

Lizen­tzia edo baimena emateak ez du esan nahi jarduketaren onespena nahitaez desjabe­tze bidez eman behar denik, hori, Ordenan­tza honetan geroxeago jasoko den tramitazioaren menpe beratuko baita.

Proposamenaren edukiak udalaren jabe­tzako ondasunen bati eragiten badio, administrazioaren isiltasuna egoki­tzen bada, eze­tsi­tzat jo beharko da ondorio guztietarako.

22. artikulua.  Eskabidea eta aurkeztu beharreko dokumentazioa.

Aurrekoaren ildotik, erabilera nagusia bizileku kolektiboa duten eraikinetan irisgarritasun egoera hobe­tzeko obrak egiteko hirigin­tza-lizen­tzia edo baimenaren eskabidea agiri normalizatuan edo baliakidean egin beharko da, bidezkoa den proiektu teknikoarekin lagunduta, eta eskumena duen teknikari batek izenpetuta.

1.  Identitatea.

Zehatz identifikatu beharko da eskabidean zeinek eska­tzen duen obra egiteko udal lizen­tzia edo baimena; eta noren izenean eta nor ordezka­tzen duen adierazita.

2.  Proiektu teknikoa.

Proiektu teknikoak, indarrean dauden Araudiek galda­tzen duten dokumentazioaz gain, dokumentu hauek ere jaso beharko ditu bere baitan:

1.  Eraikinari buruzko memoria deskriptiboa eta haren eraikun­tza-ezaugarriak.

2.  Aukeratu den konponbidearen justifikazioa, Ordenan­tza honen 8. eta 15. artikuluetan aurreikusten denaren ildotik eta bertan adierazten den moduan.

3.  Aldez aurreko Azterketa tramitatu bada, inguruabar horren berariazko adierazpena edo udalaren azken txos­tenaren kopia.

4.  Eraikinari eta haren inguruari ateratako argazkiak, eta bereziki eraikinaren elementuei ateratakoak, instalazioa jar­tzea pen­tsa­tzen direnak; eraikinerako sarbideak eta pegoren barruko aldeak era bai, eraikina bere osotasunean hartuta irisgarritasunera egoki­tzeko aukerarik duen zehaztu ahal izateko.

5.  Dokumentazio grafiko zeha­tza, esku-har­tze­aren xede den eraikinaren par­tzela edo lur saila argi eta garbi identifikatuko duena.

6.  Dokumentazio grafiko deskriptiboa, esku-har­tzeak eragingo dien solairuetako bakoi­tza­ren egungo egoera azal­tzen duena, honako hauek jasoko dituena: Banaketa eta erabilerak deskriba­tzen dituzten oinplanoak, kotak jaso­tzen dituzten oinplanoak, altxa­keten planoak eta sekzio-planoa.

7.  Dokumentazio grafiko deskriptiboa, esku-har­tzeak eragingo dien solairuetako bakoi­tza­ren eraberritu ondorengo egoera azal­tzen duena, honako hauek jasoko dituena: Banaketa eta erabilerak deskriba­tzen dituzten oinplanoak, kotak jaso­tzen dituzten oinplanoak, altxa­keten planoak eta sekzio –planoa.

8.  Proposatutako konponbidearen eta horren ezaugarri teknikoen ida­tzizko azalpen xehea.

9.  Udal Zerbi­tzu Teknikoek proiektuaren helburua behar bezala defini­tzeko beharrezko­tzat ­jotzen den edozein informazio.

3.  Proiektu teknikoen zehaztapenak.

Hobekun­tza­rako esku-har­tzeak eraikinaren patioren bat uki­tzen badu, ate-leihoak eragindako patio horretara dituzten etxe­bizi­tza guztien eta gainerako lokalen banaketa azal­tzen duen dokumentazio grafikoa aurkeztu beharko da, igogailua instala­tzeak etxe­bizi­tza horien higiene-baldin­tze­tan zer-nolako eragina izango duen egiazta­tze­rik izan dadin.

­Gutxienez ere honako hauek adierazi beharko dira dokumentazioan: Erabilerak, azalera erabilgarriak eta patiora ematen duen areto bakoi­tza­ren ate-leihoen azalera. Etxe­bizi­tza edo lokalean baten egungo egoeraren datuak lor­tzea ezinezkoa balitz, eta baimena edo lizen­tzia eska­tzen duenak hala justifika­tzen badu, dena delako lokal edo etxe­bizi­tza horrek udal baimena jaso duen proiektuan zituen datuak aurkeztu beharko dira.

Hobekun­tza esku-har­tzeak solairuak, lokalak edo bizileku erabileraz bestelakoetarako espazioak uki­tzen baditu, nahikoa den dokumentazio grafikoa aurkeztu beharko da, non zehaztasunez azaldu beharko baita zenbatekoa den horietan egin beharreko eraberri­tzea, baita eraikun­tza-eragin eta konponbideak eta aplikagarri diren hirigin­tza-parametroak ere.

Irisgarritasuna hobe­tzeko esku-har­tzeak eraikinaren fatxa­dari eragiten badio, edo hari itsas­ten bazaio, kokalekuaren planoa aurkeztu beharko da; oinezkoen­tzat eta ibilgailuen­tzat mugatuta dauden ibilbideak irudikatu beharko dira bertan, eta egiteko asmoa dagoen elementuak nola eragingo dien zehaztu.Mugekiko eta beste eraikinekiko tartea ere irudikatu egin beharko baita.

Proiektugileak, bere eran­tzu­kizunpean eta aurretik susta­tzailearen adostasuna jasota, Oinarrizko dokumentuek aurreikusten dituzten konponbideez aparteko konponbideak hartuko balitu, justifikatu egin beharko du diseinatu duen jarduketa horrek OD aplika­tze­tik eskuratuko liratekeenenaren pareko ezaugarriak behin­tzat badituela (CTE edo EKT-ren 5.3. artikulua, mar­txo­aren 31ko 410/2010 Errege Dekretuari dagokionez, 2010eko apirilaren 22ko EAOean argitaratutakoa) baldin eta Ordenan­tza honetan ezarritako ­gutxieneko parametroak bete­tzen badira.

Jarri beharreko neurri konpen­tsa­tzaileen zerrenda eta kokalekua.

Obrak egiten dauden bitartean hartu behar diren preben­tziozko neurriak, eraikineko erabil­tzaileen ibilerak segurtasun berme osoa izan dezan, eta bereziki, igogailua jar­tzeak, eskailera osoa edo eskailera-zatiak berregitea badakar.     

23. artikulua.  Igogailu-instalazioak eragindako lurzoruaren eta/edo eraikinaren aldez aurreko baldin­tzei buruzko berariazko dokumentazioa.

1.  Hobekun­tza elementua instala­tzeko erabakiaren ­hitzez ­hitzeko egiaztagiria eman beharko da, jabe­tza horizontalaren legeak dioena bete­tzen dela egiaztatuz, edo, kasua denean, ezintasuna duten per­tso­nei traba arkitektonikoak ken­tzeko higiezinen gaineko jabe­tza­ren mugei buruzko maia­tza­ren 30eko 15/1995 Legeak dioena, deialdi, quorum, gehiengo eta jakinarazpenei buruz. Etxe­jabeen elkarteko idazkariak egin beharko du ziurtagiri hori.   

2.  Higiezineko lokalei eragitea eta lokal horien azaleran eta sekzioan izango duen eragina.

Halaber, irisgarritasuna hobe­tzeko egitekoa den elementuak hartuko dituen espazioen jabe­tzari dagokionez, publikoa ala pribatua den zehaztu beharko da, eta, pribatua bada, komuna edo pribatiboa den.

3.  Era berean besteren erabilera edo gozamen eskubiderik izanez gero, berariaz adierazi beharko da.   

4.  Proiektuan irisgarritasuna hobe­tzeko aurreikusten diren elementuen instalazioak eragingo dien ondasun eta eskubide guztiak erabilgarri dauden ala ez adierazi beharko da, eta kasua denean, eragindako partikularrek lagapena edo esku-alda­tzea egiteko konpromisoa jaso­tzen duena ere eran­tsi egingo da.

24. artikulua.  Epeak.

Lizen­tziak edo baimenak berak zehaztuko du-obraren arabera-zein den egiteko hasteko eta amai­tzeko epea.

Lizen­tzia eman ondoren, obrak egiten hasteko bertan ezarriko den epea eten egingo da Eusko Jaurlari­tzari diru-lagun­tza eskaera egin zaiola egiazta­tzen bada harik eta horrek bere ebazpena eman arte. Desjabe­tze espedientearen hasierak ere ondorio berbera sortuko du.

Obrak amai­tzen direnean ondoko agiri hauek aurkeztu beharko dira: Obra amaierako ziurtagiria eta likidazioa eta instalazioari ateratako argazkiak.

V, TITULUA

DESJABE­TZE­AREN BIDEZKO JARDUNBIDEA

25. artikulua.  Desjabe­tzeko irizpide orokorrak.

1.  LSU legearen 177. artikuluaren arabera onura publiko edo interes sozialeko­tzat joko da, eragindako lur sailak eta eraikinaren parteak nahitaez desjabe­tze­ari edo aldi baterako okupa­tze­ari dagokionez, Ordenan­tza honetan jaso eta bizitegi-eraikinetako etxe­bizi­tze­tara irisgarritasun baldin­tzak hobe­tzea helburu duten obra edo jardueraren bat gauza­tzea.    

2.  Baldin eta egiazta­tzen bada, behar den udal lizen­tzia edo baimena jaso ondoren, obrak egiterik ez dagoela, horiek osorik nahiz partez eragingo dieten ondasun eta eskubide guztiak erabilgarri ez daudelako, eskumena duen udal agintari­tzak behar den desjabe­tze-espedientea abiaraztea erabaki ahal izan­go du, horren onuradun izatekoa denak hala eskatuta.  

3.  Oro har, irisgarritasuna edo igarogarritasuna hobe­tzeko baimen­tzen diren obra eta jarduerek eragiten dieten ondasun eta eskubide guztiak hartu ahal izango ditu desjabe­tzeak bere baitan. Ostera, obrak gauza­tzeko eta egiteko behar beharrezkoak diren ondasunak eta eskubideak izango dira horren eraginpean geratuko diren bakarrak, egikari­tza­rako finkatutako epeetan onuradunaren eskura ez daudenak alegia.

4.  Desjabe­tzeak eragiten dituen ondasun zein eskubide pribatuak industria, merkatari­tza edo ostalari­tza jarduerei atxi­kiak daudenean, edo zerbi­tzua ematen duenari, proposatutako kokapenaren arrazoia jaso beharko du proiektu teknikoak Ordenan­tza honen 8. eta 15. artikuluetan adierazitako irizpideei jarraikiz, bai eta eragina ahalik eta txi­kiena izan dadin saiatu ere.

26. artikulua.  Udalari kon­tsulta egitea.

Eraikina irisgarritasunez horni­tzeko obren susta­tzaileak – per­tsona bat edo entitate bat- kon­tsulta egin ahal izango dio udalari, behar diren datuak eran­tsiz, hartara jakin ahal izateko kasu jakin horretan desjabe­tzea bideragarri den, batetik, eta desjabe­tze hori zein inguruabarretara egokitu beharko litza­tekeen, bestetik.

Udalak aurreikusita dauden sarbide obra eta jarduerak gauza­tzeko beha den lizen­tzia edo baimena eman aurretik nahiz baimen hori jaso ondoren aurkeztu ahal izango da kon­tsulta.        

Kon­tsul­tarekin batera Ordenan­tza honen 20. artikuluan zehaztutako aldez aurretiko azterketa ekarriko da, eta baita ere, desjabe­tzeak eragindako ondasunen eta eskubideen balio ekonomikoari buruzko balioespen tekniko bat.

Udalak, eman zaizkion datuen arabera, planteatutako kasu horretan desjabe­tze­aren bideragarritasunari buruzko eran­tzuna eman beharko du. Egindako kon­tsul­tari eran­tzu­teko gehieneneko epea hile 2koa da.

27. artikulua.  Desjabe­tzeko eskabidea.

1.  Desjabe­tzeko espedientea abiarazteko eskabidea honakoek planteatuko dute: Etxe­jabeen elkarteak, edo ezintasuna duten per­tso­nei traba arkitektonikoak ken­tzeko higiezinean legez gaituta dauden per­tso­nek, hala ere, kasu horietako bietan, desjabe­tze­aren onuraduna etxe­jabeen elkartea izango da.

2.  Erabilera nagusia bizileku kolektiboa duen eraikin bat irisgarritasun edo igarogarritasunez hornitu ahal izateko desjabe­tze­aren bitartez esku har­tzeko eskabide orok behar adinako zehaztasunez justifikatu beharko dute esku-har­tze sistema hori balia­tzeko premia, baita onuradunei lepora dakizkiekeen betebeharrak bete­tzen direla ere, nahitaezko desjabe­tze­aren alorrean indarrean dagoen legedian xedatutakoaren ildotik.           

3.  Aurreko paragrafoan xedatutakoa bete­tze aldera, desjabe­tze espedientea abiarazteko eskabideari desjabe­tze-proiektuak lagunguko dio. Desjabe­tze-proiektuak ondokoak jasoko ditu bere baitan:

— Desjabe­tze­arekin lotutako jabe elkarteak hartutako akordioen kopia.

— Onuradunak identifika­tzea, horiek hauek izan daitezke: Jabe den Elkartea edo obrak egiteko behar den besteko gehiengoa dutenek, jabe­tza horizontalari buruz indarrean dagoen legediaren arabera. Desjabe­tze­aren onuradunak izan daitezke baita ezintasuna duten per­tso­nek, maia­tza­ren 30eko 15/95 Legeak dioen eran, epai irmoz eraikina edo higiezina egoki­tzeko obrak eskubidea dutela aitortu zaienean.          

— Ondasunen edo eskubideen zerrenda, dena delako eraikinari irisgarritasuna eman ahal izateko halabeharrez hartu behar izango direnak. Horiek Erregistro-identifikazioa izango dute eta desjabe­tze horrek ondasun horiek duten betekizunari edo jarduerari egin diezaiokeen ondorioak adieraziko dira.

— Ondasunen eta eskubideen titularrak identifika­tzea.

— Desjabe­tze­aren arrazoiak eta helburuak zehatz mehatz justifika­tzea. Arrazoitu egin behar da, higiezina edo eraikinari irisgarritasuna emateko zergatik den beharrezkoa ondasun eta eskubide partikularrak okupa­tzea edo desjabe­tzea, eta frogatu behar da, beste proposamen ­batzuk aukeratuz gero baino propor­tzionaltasun handiagoa dagoela desjabetutakoen eskubideak sakrifika­tze­aren eta irisgarritasuna hobe­tze­aren artean.

— Proposatutako desjabe­tze­aren eraginpean dauden ondasun eta eskubide horietako bakoi­tza­ren eta ororen balio ekonomikoa, eta horien titulartasuna dutenei eskaini zaiena.

— Desjabe­tze­aren onuradunek desjabetutako ondasunen eta eskubideen balio ekonomikoa ordain­tzeko konpromisoa.    

28. artikulua.  Tramitazioa.

1.  Administrazioari desjabe­tze espedienteari ekiteko eskaera eginda, egitekotan dauden jarduerek eta obrek eragindako ondasunen eta eskubideen titularren­tzat entzu­naldiko tramitea irekiko da 15 egunez. Tramite horren testuinguruan, proiektuan azal­tzen direnez aparteko iradokizunak edo/eta proposamenak ere aurkeztu daitezke.

2.Desjabe­tze eskaera azter­tzea dagokien udal zerbi­tzuen aztertuko dute. Desjabe­tzeko eskaeraren azterketa egiterakoan, Ordenan­tza honetan galdatutako betekizunak edo betebeharrak bete­tzen diren ere aztertuko da, baita aurkeztutako alegazioak, iradokizunak eta alternatibak edo aukerak ere. Azterketa hori dagokion txos­tenean islatuko da eta txos­ten horretan oinarrituta Udalak honako erabaki hauek har ­ditzake:

a)  Desjabe­tze­aren bitartez esku har­tzeko eskabidea ezestea, modu arrazoituan, horretarako beharrezko diren baldin­tzak ez direlako justifika­tzen edo bete­tzen.

b)  Eskabidearen tramitazioa, eta indarrean dagoen legedian finkatutako irizpideei jarraikiz desjabe­tze proiektua idazteari ekitea.

3.  Bai desjabe­tze proiektua egiteari dagokionez, bai hori tramita­tze­ari dagokionez, nahitaezko desjabe­tze­aren alorrean indarrean dagoen legedian xedatutakoa ain­tzat hartuko da; bereziki, hasiera emateari, tramitazioari eta prezio zuzena zehazteari dagokionez.

4.  Desjabe­tze­aren ondorio diren kostu guztiak desjabe­tzea eskatu duenak ordaindu beharko ditu. Kon­tzeptu horrek bere baitan har­tzen ditu, besteak beste, desjabe­tze jarduerak nahiz onuradunak horretan ­atzera egiteak desjabetuari sor diezazkiokeen galerengatiko kalte-ordainak oro.           

5.  Kostu horiek ordainduko direla berma­tze aldera, baita desjabe­tze­aren xede ona eta irisgarritasunaren hobekun­tza ere, egoki­tzat ­jotzen duen abala edo bermea jar­tzeko galdatu ahal izango dio Debako udalak onuradunari. Oro har, horrelakorik jar­tzea komenigarri­tzat ­jotzen den guztietan, desjabe­tzeak eragiten dien ondasunen balio ekonomikoaren ehuneko 20a izango da dena delako abalaren zenbatekoa, nahiz eta behar bezala justifikatutako egoera jakinetan diru-kopuru hori handiagoa edo txi­kiagoa ere izan ahalko den.

XEDAPEN IRAUNKORRA

Ordenan­tza hau indarrean jarri aurretik tramita­tzen hasitako eskabideek honetan jasotakoei heldu ahal izango diete, aldeko zaizkien guztietan.

AZKEN XEDAPENA

Ordenan­tza hau, Gipuzkoako Aldizkari Ofizialean argitara­tzen den egunaren biharamunean jarriko da indarrean, behin betiko onespena eman ondoren.