320 eredua. BEZaren hileko aitorpen-likidazioa. Enpresa Handiak

INFORMAZIO OROKORRA

Aurkezpen epea

Hilekoa. Otsailetik abendura bitarteko hilabeteen lehen 25 egun naturalen barruan aurkeztuko da. Uztailekoa abuztuaren 1etik irailaren 25era bitartean egin ahal izango da.

Helburua

Aurreko hilean egindako eragiketak aitortzen dira. Abenduan ez da 320 eredua aurkeztuko, izan ere horri erreferentzia egiten dioten eragiketak urteko 390 ereduan aitortzen baitira.

Nork tramitatzen du

OGASUN ETA FINANTZA DEPARTAMENTUA
Zerga Kudeaketako Zuzendariordetza Nagusia
Zeharkako Zerg., Eskualdaketen gaineko Zerg. eta Ingurumen Tributuak Kudeatzeko Zerbitzua

Nori zuzenduta

1624/1992 Errege Dekretuaren, abenduaren 29koa, BEZaren erregelamendua onartzen duenaren 71.3. artikuluaren arabera:

Aurreko ekitaldian 6.010.212,04 euro baino gehiagoko eragiketa bolumena (PDF) izan duten eta Esportatzaile eta hileko itzulketen erregistroan izena emanda ez dauden zergadunak.

Hidrokarburoen gaineko Zergaren eremu objektiboan sartutako gasolinen, gasolioen edo bioerregaien gordailu fiskalen titularrak, bai eta produktu horiek gordailu fiskaletatik ateratzen dituzten enpresaburuak edo profesionalak ere.

HASIERA ETA ESKAERA

Aurkeztu beharreko formularioak eta ereduak

320 eredua

Eskaera moduak

Internet
Presentziala

Internet bidezko eskaera

Ereduen aurkezpena internet bidez, ZergaBidea plataformatik

Tramitazio elektronikorako beharrezko identifikazioa

Ziurtagiria eta B@KQ

Zuzeneko arretarako bulegoak

Konpentsatzekoak: Finantza entitate laguntzaileak, Gipuzkoako Foru Aldundiko Ogasun eta Finantza Departamentuko Zeharkako Zergen Zerbitzua (Errotaburu Pasealekua 2, 20018 - Donostia) eta Herritarren arretarako bulegoak.