Nekazaritza aseguruak kontratatzeko dirulaguntza

INFORMAZIO OROKORRA

Helburua

1. Dirulaguntzen helburua honako hau da: Gipuzkoako Lurralde Historikoko nekazaritza ustiategietako titularrek nekazaritza aseguruak kontratatzearen kostua finantzatzea.

2. Horrela, laguntzak emango zaizkie Agroseguro elkarteko erakunde laguntzaileei, baldin eta nekazaritza-ustiategien titularrek edo titularkideek Nekazaritzako Aseguru Konbinatuen Planean sartutako aseguruak kontratatzea kudeatzen badute.

Laguntzak emango zaizkie, halaber, Nekazaritzako Aseguru Planean jasota ez dauden aseguruetarako poliza kolektiboak sinatzen dituzten nekazaritza-elkarteei, baldin eta poliza horietan instalazioetako kalteak eta fenomeno klimatiko kaltegarriek instalazio horietan eragindako galerak sartzen badira.

Diruz lagundu ahal izango dira Nekazaritzako Aseguru Konbinatuen Planean jasotako aseguru-lerro hauen polizak, horien kontratazioa Agroseguro elkarteko entitate laguntzaileen bitartez kudeatu bada:

Ardogintzako mahatsaren aseguru konbinatua.
Babestutako laboreen aseguru konbinatua eta aparteko kalteena.
Udaberriko eta udako barazkien aseguru konbinatua, izotzaren, harri-erauntsiaren eta uholdeen arriskuak estaltzen dituena eta aparteko kalteak bermatzen dituena.
Aire libreko barazkien labore anitzeko asegurua.
Ugalketa eta hazkuntzarako behi aziendaren ustiategiak.
Ardi eta ahuntz aziendaren ustiategiak.
Behi aziendaren entzefalopatia espongiformea (BEE).
Balioespen genetiko handiko behi aziendaren ustiategiak.
Zaldi aziendaren ustiategiak.
Erlezaintzan lehorteak, suteak eta uholdeak/euri-jasak eragindako kalteak estaltzea.
Ugaltzaileen eta haragitarako hazkuntzarako behien ustiategiak.
Etorkizunean Nekazaritza Aseguruen Planean jaso litezkeen eta Gipuzkoako Lurralde Historikoko ekoizpenen gertakariak estal ditzaketen bestelako aseguruak.