Jarduera arkeologikoak eta paleontologikoak egiteko baimena ematea

INFORMAZIO OROKORRA

Helburua

Gipuzkoako lurralde eremuan jarduera arkeologikoak edo paleontologikoak, bai lurrekoak bai urpekoak, egiteko aurretiazko eta nahitaezko baimena.

Salbuespena: lurrak mugitzea ez dakarten azaleko prospekzio proiektuek eta eraikinen altxaeren azterketa estratigrafikoek ez dute baimenik behar.

Jarduera arkeologiko mota batzuen informazio zerrenda:

Labar-arteari buruzko azterketa.
Lur mugimenduen prospekzioa
Kontrol arkeologikoa.
Zundaketa arkeologikoa
Indusketa arkeologiko

Jarduera horien definizioa kontsulta dezakezu Euskal Kultura Ondareari buruzko maiatzaren 9ko 6/2019 Legearen 64. artikuluan.

Nork tramitatzen du

KULTURA, LANKIDETZA, GAZTERIA ETA KIROL DEPARTAMENTUA
Kultura Ondareko Zuzendaritza Nagusia
Ondare Historiko-Artistikoko, Bildumetako eta Museoetako Zerbitzua

Nori zuzenduta

Pertsona fisikoak eta juridikoak

Baldintzak

Baimenaren titularrak zuzendu beharko du baimendutako jarduera arkeologikoa eta paleontologikoa. Baimenaren titularrak pertsona fisikoa izan behar du eta hauek egiaztatu beharko ditu: unibertsitateko titulua, arkeologia eta paleontologian prestakuntza nahikoa, baimendutako jarduera arkeologiko edo paleontologikoko jarduerak zuzentzeko esperientzia kontrastatua, eta esku-hartze eremuarekin bat datorren aldi historikoan edo aldi historikoetan prestakuntza egokia.

Eremu paleontologiko bateko edozein ikerketa lan zuzentzeko, ikertu nahi den aztarnategiaren ezaugarrietara egokitutako titulazio akademikoa eskatuko da. Nolanahi ere, lekuaren tipologiarekin bat datorren prestakuntza ziurtatu beharko da paleontologiako edo natura zientzietako arloetan.

HASIERA ETA ESKAERA

Aurkeztu beharreko formularioak eta ereduak

Jarduera arkeologikoak egiteko baimenaren eskaera (formulario PDF betegarria)

Aurkeztu beharreko agiriak

Eskabide inprimakia beteta
Proiektu arkeologikoa atal hauek barne:
- Orubearen potentzial arkeologikoaren ebaluazioa jasotzen duen memoria, dokumentazio historikoa
- Metodologia
- Planoak, argazkiak.
- Jardueraren egutegia.
- Aurrekontua
- Estali gabeko egituren eta induskatutako azalera estaltzearen eta lurraren jatorrizko itxura leheneratzearen kasuan, dagokion babes plana ere aurkeztuko da.

Eskaera moduak