GORDAILUAN DAUDEN MATERIAL ARKEOLOGIKOAK ETA PALEONTOLOGIKOAK ZAHARBERRITZO ESKAERA

INFORMAZIO OROKORRA


Helburua

Gordailuko Zaharberritze Arkeologikoko Zerbitzuak Gipuzkoako arkeologia eta paleontologiako material hauskorren kontserbazioa eta zaharberritzea kudeatzen du, Gipuzkoan egiten diren esku-hartze  arkeologiko eta  paleontologikoetan.

Bi modu daude:

1. In situ: Gipuzkoako aztarnategietako materialak oso hauskorrak direnean. Zaharberritze arkeologiko arloko langileak aztarnategietara hurbilduko dira bertan lan egiteko (sendotzea, kontserbatzea, erauztea, etab.).

2. Gordailuko zaharberritzeko tailerrean: esku-hartzeen zuzendaritzak material higigarri hauskorra eramango du Gordailura, sendotzeko eta/edo zaharberritzeko. Kasu horretan, beren ardurapean dagoen bitartean eman dezakete materiala, hau da, esku-hartzea egiten denetik urtebeteko epea dute.


Nork tramitatzen du

  • KULTURA, LANKIDETZA, GAZTERIA ETA KIROL DPTUA.
  • Kultura Zuzendaritza Nagusia
  • Gordailua eta Museoen Zerbitzua

Nori zuzenduta

Baimendutako esku-hartze arkeologiko eta/edo paleontologikoen zuzendariak.



HASIERA ETA ESKAERA


Aurkeztu beharreko formularioak eta ereduak

Gordailuan materiala zaharberritzeko formularioa

Aztarnategi arkeologikoak zaharberritzeko eskaera.


Aurkeztu beharreko agiriak

  1. In situ: Aztarnategi arkeologikoak zaharberritzeko eskaera
  2. Zaharberritze tailerrean:

      -  Eskabide inprimakia beteta

      -   Materialen zerrenda


Eskaera moduak

  • Internet
  • Presentziala

Internet bidezko eskaera

  • https://egoitza.gipuzkoa.eus/eu/
  • https://egoitza.gipuzkoa.eus/es/inicio

  • Tramitazio elektronikorako beharrezko identifikazioa

    • Ziurtagiria eta B@KQ

    Zuzeneko arretarako bulegoak

    Gordailua

    Auzolan Kalea, 4

    20303 Irun

    ordutegia: 8:30 – 15:00

    @ gordailua@gordailua.es

    @ ssanjose@gipuzkoa.eus

      ( 943 41 51 78 -  943 41 51 76



    TRAMITAZIOA


    Eskaera moduak

    • Internet
    • Presentziala

    EBAZPENA


    Ebazteko gehienezko epea

    Aurreikusitako epea: ez da aplikagarri

    Legezko epea: 3 hilabete

    Administrazio-isiltasunaren ondorioa: ez da aplikagarria



    ARAUDIA


    -           6/2019 Legea, maiatzaren 9koa, Euskal Kultura Ondarearena

    341/1999 Dekretua, urriaren 5ekoa, Euskal Autonomia Erkidegoko esparruan aurkitutako interes arkeologikoa edo paleontologikoa duten ondasunak garraiatu, entregatu eta gordailuan uzteko baldintzei buruzkoa.https://www.euskadi.eus/contenidos/informacion/eaeko_ondare_legeria/es_def/adjuntos/9904378a.pdf



    INFORMAZIO OSAGARRIA


    Informazio osagarria

    ESKAERA

    Aztarnategian bertan:

    1. Esku-hartzearen zuzendariak Gordailuko zaharberritzaile arkeologikoari jakinaraziko dio egitura edo materiala berreskuratzeko beharra dagoenean, betiere aipatutako kanalak erabilita.
    2. Aztarnategira joateko hitzordua jarriko da. Material higigarria ateratzen bada, zaharberritze tailerrera eramango da, eta "zaharberritze tailerra" ataleko prozedurari jarraituko zaio.

    Zaharberritze tailerrean:

    1. Esku-hartzearen zuzendariak hitzordua jarriko du Gordailuko zaharberritze arkeologiko arloko langileekin materiala entregatze aldera, aipatutako kanalen bidez eta aipatutako dokumentazioa bidalita
    2. Materiala Gordailura eramaten denean, "material arkeologiko eta paleontologikoaren zaharberritze egiaztagiria" sinatuko dute eskatzaileak, arkeologia arloko teknikariek eta zaharberritze arkeologikoko langileek.

     

    Zaharberritze tailerretik materialak itzultzea:

    1. Zaharberritze lanak amaitu ondoren, arduradunari jakinaraziko zaio eta materiala entregatzeko hitzordua jarriko da.

    Materiala lekualdatzean, "material arkeologiko eta paleontologikoaren zaharberritze egiaztagiria" sinatuko da berriro eskatzailearen eta zaharberritze arkeologikoko langileen artean.