Unibertsitateko eta lanbide heziketako praktikak Foru Aldundian

INFORMAZIO OROKORRA

Helburua

Helburua ikasleen prestakuntza integralean laguntzea da, bai unibertsitatean bai lanbide heziketan, lanbide errealitatera hurbilduko duten praktika akademiko arautuak egin ahal izateko, laneratzea errazte aldera.

Nork tramitatzen du

GOBERNANTZA DEPARTAMENTUA
Funtzio Publikoko Zuzendaritza Nagusia
Funtzio Publikoko Zerbitzua

Harremana

praktikakGFA@gipuzkoa.eus

943 113 122

Nori zuzenduta

Unibertsitateak eta Lanbide Heziketako hezkuntza zentroak.

Baldintzak

Unibertsitateak edo Lanbide heziketako ikastetxeak Gipuzkoako Foru Aldundian praktikak egingo dituzten ikasleak hautatuko ditu eta bermatuko du euskaraz praktika akademikoak egiteko behar adina ezagutza dutela.

Zenbatekoa

Praktikak egiten dituzten ikasleei Gipuzkoako Foru Aldundiak ikasketetarako laguntza bat ordainduko die hilero, praktika akademikoak egiteagatik sortzen zaizkien gastuak konpentsatzeko.
Laguntza hau hileko 300 eurokoa izango da.
Berriz, % 33 edo gehiagoko desgaitasunen bat duten ikasleentzat, hileko 350 eurokoa izango da.
Gehieneko zenbatekoa ordainduko da eguneko ordutegia zazpi ordukoa bada, astelehenetik ostiralera, asteburuak eta jai egunak izan ezik.
Hala ez bada, kalkulu proportzionala egingo da.

HASIERA ETA ESKAERA

Aurkeztu beharreko formularioak eta ereduak

Unibertsitateak edo Prestakuntza Zentroak berariazko inprimaki elektronikoaren bidez eskatuko dute praktikak egitea. Inprimaki horretan, dagokion prestakuntza-proiektuari, hezkuntza-helburuei eta ikasleak garatu beharreko jarduerei buruzko informazioa jaso beharko da.
Praktikak hasteko proposatutako eguna baino gutxienez hilabete lehenago aurkeztu beharko da eskaera.

Aurkeztu beharreko agiriak