Foru Jauregira bisita gidatuak

INFORMAZIO OROKORRA

Helburua

Foru Jauregira bisita egitea gida profesional baten laguntzaz eraikinaren ondare historiko eta artistikoa eta Gipuzkoako Foru Aldundiaren funtzionamendu administratiboa ezagutzeko.

Nork tramitatzen du

GOBERNANTZA DEPARTAMENTUA
Administrazioaren Berrikuntzako Zuzendaritza Nagusia
Administrazioaren Berrikuntzako eta Eraldaketako Zerbitzua

Nori zuzenduta

Gipuzkoako Foru Aldundiaren Jauregia ezagutzeko interesa duten pertsona eta erakunde guztiak.

Baldintzak

Bisita dohainekoa da eta ordu eta erdi inguru irauten du.

Gutxieneko pertsona kopurua 10ekoa da, eta gehienekoa 25.

Administrazioaren Berrikuntza eta Eraldaketako Zerbitzuak, jasotako eskaeren arabera bisitak osatuko ditu eta gutxieneko kopurura iritsi ezean edo gehieneko kopurua bete bada, eskatzaileari data berria proposatuko dio. Behar bereziak dituzten pertsonak badaude eskaeran hala adieraztea eskatzen dugu.

Bisitak euskaraz, gazteleraz, frantsesez ala ingelesez egin daitezke.

HASIERA ETA ESKAERA

Aurkeztu beharreko formularioak eta ereduak

Bisita gidatua eskatzeko posta elektronikoa bidali behar da ondorengo datuekin:

Norbanakoak:

Interesatuen izen-abizenak, NANa, e-maila eta telefonoa
Bisitarako aukeratutako data (ikus behean data aukerak)

Hezkuntza zentroak (gutxienez eskaera bi hilabete lehenago egin behar da):

Zentroaren izena eta helbidea
Ikasleen maila
Arduradunaren izen-abizenak, NANa, emaila eta telefonoa
Ikasle bakoitzaren izen-abizenak eta NANa
Bisitarako aukeratutako data (ikusi behean data-aukerak)
Bisitarekin lortu nahi den helburua (interes akademikoa, historiko-artistikoa, kulturala, etab.)

Bisita birtuala

Jauregia bisitatu nahi baduzu, era birtualean egin dezakezu esteka honetan: Bisita birtualak.

Bisitak egiteko data aukerak:

LH 5. eta 6. mailako zentroetako ikasleak eta DBH eta Batxilergo zentroak:
- Hilean behin, Batzar Nagusietako osoko bilkurako egunean, goizez (normalean hileko 1. edo 2. asteazkenean - ordutegi tartea 9:00tatik 13:00tara).
- Eskaera gutxienez 15 egun lehenago egin behar da.

Beste ikaskuntza zentroak eta elkarteak (gutxieneko pertsona kopurua 10ekoa da eta taldeak aldez aurretik osatuta egon behar du):
- Hileko 3. ostegunean, arratsaldez (ordutegi tartea 17:00tatik 19:00tara).
  Eskaera gutxienez 15 egun lehenago egin behar da.

Norbanakoak (gutxieneko pertsona kopurua 8koa da):
- Hileko azken larunbatean, goizez (10:00etan gazteleraz eta 11:30tan euskaraz).
  Eskaera gutxienez 15 egun lehenago egin behar da.

Eskaera moduak