Giza eskubideak eta aniztasunean bizikidetza: elkarteentzako deialdia 2026

INFORMAZIO OROKORRA

Helburua

Diru laguntzen xedea da Gipuzkoako Lurralde Historikoko irabazi asmorik gabeko erakundeek giza eskubideak eta aniztasunean bizikidetza defendatzeko eta hedatzeko proiektuak gauzatzea.

Giza eskubideak ezagutu eta zabaltzeko programak, gizarte kohesioaren faktore gisa.
Giza eskubideak (eskubide zibilak, politikoak, ekonomikoak, sozialak eta kulturalak, eta solidaritate edo hirugarren belaunaldiko eskubideak) ongi ezartzen lagunduko duten programak
Pertsona guztien parte-hartzea aukera berdintasunean sustatzeko programak kultura, gizarte eta politikako hainbat gunetan; bertan, aniztasunari helduko zaio giza eskubideen ikuspegitik eta diskriminazio ezaren printzipioari arreta berezia eskainiz.
Aniztasuna gizarte kohesioa eta bizikidetza sustatzeko faktore gisa bultzatuko duten programak (hau da, ezaugarri hauen araberako aniztasuna: jatorria, etnia, kultura, hizkuntza, erlijioa, sexua, gaitasunak, sexu orientazioa edo beste hainbat arrazoi), eta hainbat kolektibo eta Gizarte talderen parte-hartze egokia bermatuko duten mekanismoak sortuko dituzten programak.
Giza eskubideak eta aniztasunean oinarritutako bizikidetza sustatzera bideratutako materialak sortzea (argitalpenak, ikus-entzunezko ekoizpenak, material didaktikoa,…). Gazteei zuzendutakoak bereziki baloratuko dira.
Errefuxiatuen inguruan gaur egun nazioartean dagoen krisi egoera kontuan hartuta, gure gizartean errefuxiatuen giza eskubideen babesa eta sentsibilizazioa sustatuko dituzten programak Gipuzkoako Lurralde Historikoan.

Nork tramitatzen du