Desgaituentzako laguntza-txakurrak halakotzat aitortu eta identifikatzea

INFORMAZIO OROKORRA

Helburua

Desgaituentzako laguntza-txakurrak halakotzat nola aitortu eta identifikatuko diren eta txakur horiek halakotzat egiaztatzeko prozedura zein izango den, 2007ko ekainaren 29ko 10/2007 Legeak, ahalmen urrituentzako laguntza-txakurrei buruzkoak, 3.4 artikuluan eta baterakorretan xedatutakoa betez.

Nork tramitatzen du

ZAINKETETAKO ETA GIZARTE POLITIKETAKO DEPARTAMENTUA
Mendekotasuna eta Desgaitasuna duten Pertsonen Arretako Zuzendaritza Nagusia
Mendekotasuna eta Desgaitasuna duten Pertsonentzako Arreta Zerbitzua

Nori zuzenduta

Laguntza txakurra duten pertsona desgaitasundunak

Baldintzak

Eskatzaileak:

Gipuzkoan erroldatuta egotea.
%33 edo gehiagoko desgaitasun maila aitortuta izatea.
Laguntza txakurra edukitzea.
Trebakuntza aski izatea laguntza txakurrak konpainia egin diezaion, lagundu diezaion eta gida dezan.

Txakurrak:

Euskal Autonomia Erkidegoko Animaliak Identifikatzeko Erregistro Orokorrean (AIEO) izena emanda egotea.
Desgaituei konpainia egiteko, laguntzeko eta haiek gidatzeko eskatzen den trebakuntza izatea.

HASIERA ETA ESKAERA

Aurkeztu beharreko formularioak eta ereduak

Eskaera orria

Aurkeztu beharreko agiriak

a) Nortasun agiriaren kopia edo, bestela, eskatzailearen nortasuna legez egiaztatzen duen beste edozein agiriarena.

b) Eskaera egunean Gipuzkoako Lurralde Historikoan erroldatuta egotea egiaztatzen duen ziurtagiria, egiazko bizilekua egiaztatzen duten agiriez gain.

c) Euskal Autonomia Erkidegoko Animaliak Identifikatzeko Erregistro Orokorrean (AIEO) erregistratuta dagoenaren ziurtagiria.

Pertsona batek Gizarte Politikako Departamentuari baimena ematen badio b) eta c) letretan zehaztutako baldintzen egiaztapena beste administrazio batzuetan eskuratzeko, hark ez du aipatutako dokumentazioa aurkeztu beharrik izango.

d) Eskatzailearen argazki bat.

e) Txakurraren argazki bat.

f) Edo AEPA-Euskadi laguntza-txakurren elkartearen ziurtagiria, edo ONCEren itsu-txakurren fundazioarena (FOPG), edo Gipuzkoako Foru Aldundiak aitortutako estatu edo nazioarteko beste erakunde batena, laguntza-txakurrak hazteko kaudimen onartua badu. Ziurtagiri horretan egiaztatu behar da, orobat, txakurrak jaso duela desgaituei konpainia egiteko, laguntzeko eta haiek gidatzeko eskatzen den trebakuntza, eta titular eskatzaileak baduela aski prestakuntza eta jakintzarik txakurrak konpainia egin diezaion, lagundu diezaion eta gida dezan.

g) Albaitari baten ziurtagiria, non egiaztatuko den legeak eskatutako baldintza higieniko eta sanitarioak betetzen direla.

h) Hirugarrengoek paira ditzaketen kalteei erantzuteko, erantzukizun zibileko poliza bat izenpetu izana egiaztatzen duen ziurtagiria.

i) Desgaitasun maila aitortzeko ziurtagiria.

Pertsona batek aitortua badu eskatzen den desgaitasun maila, eta aitorpen hori Gipuzkoako Foru Aldundiko Gizarte Politikako Departamentuan badago edo beste administrazioren bidez eskuratzeko baimena ematen bazaio, pertsona horrek ez du aurreko dokumentazioa aurkeztu beharko.

Eskaera moduak