Etorkizuna Eraikiz - Misioak2024 - Egoitza elektronikoa

Etorkizuna Eraikiz - Misioak2024

INFORMAZIO OROKORRA

Helburua

Dirulaguntzen xedea da Gipuzkoako Foru Aldundiak sustatutako elikadura jasangarriaren eta mugikortasun berriaren misioetara bideratutako proiektu berritzaileak finantzatzea, Etorkizuna Eraikiz GipuzkoaLab ekimenaren esparruan.
Zehazki, dirulaguntzen xede da berrikuntza jarduerak, ikerketak edo prototipoak kontuan hartzen dituzten proiektuak egitea, lankidetza eta kooperazio logika batean, misioetan zehazten diren programa arloetan.
Proiektuak programa arlo hauetakoren batean sartuta egon beharko dira nahitaez, lankidetzan garatzeko, osagai berritzailearekin eta gizarte eraldaketan interes bereziarekin:

A) Elikadura jasangarria misioa

1.- Tokiko ekoizpen primario jasangarria bultzatzea.

2.- Kontsumo arduratsua sustatzea.

3.- Elikagaien eta gastronomiaren industria lehiakorrena.

4.- Elikadura-katea eraginkorra eta zirkularra izatea.

5.- Sozialki arduratsua den elikadura-katea.

B) Mugikortasun berria misioa

1.- Garraio intermodal eta irisgarria bultzatzea.

2.- Mobility as a Service (MaaS); pertsonak ardatz dituzten mugikortasun-eredu berriak.

3.- Garraio publiko eraginkorra lurraldea egituratzeko tresna gisa.

4.- Eredu elektrikoago eta jasangarriago baterantz igarotzea.

5.- Trafikoa arintzea.