Aukerazko erregimena Europar Batasuneko beste estatu batzuetan egoitza duten zergadunentzat

INFORMAZIO OROKORRA

Helburua

Europar Batasuneko estatu kideetako egoiliarrei hautazko araubidea aplikatzea errentak Gipuzkoan lortzen dituztenean (baldintza jakin batzuk beteta), zerga Gipuzkoan ordaindu dezaten Pertsona Fisikoen Errentaren gaineko Zergaren Gipuzkoako araudiaren arabera.

Informazio gehiago

Nork tramitatzen du

OGASUN ETA FINANTZA DEPARTAMENTUA
Zerga Kudeaketako Zuzendariordetza Nagusia
Zuzeneko Zergak Kudeatzeko Zerbitzua

Nori zuzenduta

Espainia ez den Europar Batasuneko estatu kide batean egoiliar direla frogatzen duten pertsona fisikoek, baldintza jakin batzuk betetzen badituzte.

Erregelamenduz paradisu fiskaltzat kalifikatuta dauden herrialde edo lurraldeetan egoitza duten zergadunei ez zaie inoiz ere aplikatuko hautazko araubidea.

Baldintzak

Hautazko araubidearen aplikazioa eskatu ahal izateko, ondorengo baldintzak bete behar dituzte zergadunek.

Zenbatekoa

Zergadunak zergaldian lortutako errenta osoa zehazteko, zergaldi horretan lortutako errenta guztiak kontuan hartuko dira, non sortu diren eta ordaintzailearen egoitza non dagoen begiratu gabe.

Balorazio eta baremazio irizpideak

Zerga Administrazioak zehaztuko du Pertsona Fisikoen Errentaren gaineko Zergaren zein zenbateko dagokion zergadunak hautazko araubidearen aplikazioa eskatu duen zergaldiari.

Ordaintzeko modua

Administrazioak zergadunari eskatu diezaioke beharrezkotzat jotzen dituen frogagiri guztiak aurkez ditzala hautazko araubidea aplikatzeko baldintzak betetzen direla frogatzearren.