Sinadura elektronikoari buruz

Oinarrizko kontzeptuak

Mezu bati lotutako datu multzo bat edo laburpen zifratu bat dugu sinadura elektronikoa, sinatzailearen identitatea eta bidalitako testu edo mezuaren osotasuna (sinatutako dokumentua ez dela aldatu) segurtasun osoz bermatzen duena.

EBko 910/2014 Erregelamenduak sinadura elektronikorako arau-esparru komuna ezartzen du. Hiru sinadura elektroniko mota daude: sinadura elektroniko aurreratua, sinplea eta kualifikatua.

• Sinadura elektroniko sinplea: Sinatzaileak sinatzeko erabiltzen dituen formatu elektronikoko datuak, beste datu elektroniko batzuei erantsiak edo haiekin modu logikoan lotutakoak.
• Sinadura elektroniko aurreratua: Baldintza hauek bete behar ditu:
  • sinatzaileari modu bakarrean lotuta egotea;
  • sinatzailearen identifikazioa baimentzea;
  • sinatzaileak erabil dezakeen sinadura elektronikoa sortzeko datuak erabiliz sortua izatea, konfiantza-maila handiarekin, bere kontrol esklusiboaren pean, eta
  • sinatutako datuekin lotuta egotea, gerora datuetan egindako edozein aldaketa detektatu ahal izateko moduan.
• Sinadura elektroniko kualifikatua: sinadura elektroniko aurreratu bat, sinadura elektronikoak sortzeko gailu kualifikatu baten bidez sortzen dena eta sinadura elektronikoko ziurtagiri kualifikatu batean oinarritzen dena.

Honako hauek ere bereizten dira sinaduraren bilgarriak sinatu beharreko dokumenturik ekartzen duen edo ez:

• Detached modukoak: sinadura hauetan, dokumentu sinatua ez da ageri sinadura elektronikoaren fitxategian.
• Attached modukoak: sinadura hauetan, dokumentu sinatua sinadura elektronikoaren fitxategian ageri da.