GAO

GIPUZKOAKO FORU ALDUNDIA

INGURUMENEKO ETA LURRALDE ANTOLAKETAKO DEPARTAMENTUA

Lurralde Antolaketako Zuzendari­tza Nagusia

Zestoako Hiri Antolaketako Arauetako Elementuen Aldaketa Puntuala, Azkue AB.I.2 Areari dagokiona. (GHI-028/15-P05-A).

Diputatuen Kon­tseiluak, 2015eko maia­tza­ren 12ko batza­rraldian, erabaki bat hartu zuen eta horren edukia ematen da ondoren argitara:

«Udal izapideak egin ondoren, «Zestoako Hiri Antolaketako Arauetako Elementuen Aldaketa Puntuala, Azkue AB.I.2 Areari dagokiona» izeneko espedientea aurkeztu da Foru Aldundian, behin betiko onar­tze aldera.

Aldaketa horren xedea da handi­tzea Azkue AB.I.2 Areari dagokion industriarako eremua, jadanik urbanizatuta dauden 3.599 m² txer­tatuz; indarrean dauden Hiri Antolaketako Arauetan lurzoru hiritarrezineko lurzatia da hori, baina orain hiri lurzoru gisa sailka­tzen da, lehendik dagoen enpresari lotutako pabilioi osagarri baten eraikun­tza antolatu ahal izateko bertan. Eremu hori oso mugatuta dago, hego-ekialdean Narrondo ibaia eta N-634 errepidea baitaude, eta mendebaldean, berriz, Donostia-Bilbo trenbidea. Kasu honetan, plantea­tzen den hazkundeak bere eraginpetik kanpo uzten du ibaiaren ­ertza, eta gaur egun zolatuta eta hesituta dagoen eremura soilik muga­tzen da.

Gainera, espedientea aprobe­txa­tzen da, batetik, erregulariza­tzeko lehendik dagoen pabilioiaren plantako okupazio erreala, eraikigarritasuna aldatu gabe; eta, bestetik, eremuaren mendebaldetik doan bidegorriaren trazatua txerta­tzeko, kontuan hartuta proiektu hau: bizikleta eta oinezkoen­tzako Zumaia-Arroa bide-zatia (2. ibilbidea: Donostia-Mutriku), II. Fasea: Narrondo-Arroa. Finkatu egiten da, bestalde, arearako sarbide alternatibo bat egiteko proposamena. Sarbide hori beste proiektu honekin batera egingo da: «Sansinenea-Arroan, 31 eta 32 PK artean, N-634 errepidearen saihesbidea eraiki­tzeko proiektua (Zestoa)». Horrela, bi jarduketa horien arrazionalizazioa eta elkar egoki­tzea bilatuko da. Bitartean, egungo sarbidea mantenduko da. Sarbide berria egin ondoren, gaur egungo sarbidea mantendu egingo da, baina oinezkoen­tzako.

Hau da 22.939 m²-ko azalera izango duen eremu berriaren egiturazko antolaketa: Industriarako Zona (20.523 m²), Ubide Publikoen Sistema Orokorra (1.250 m²) eta Komunikazioen Sistema Orokorra – Bizikleta Bideen Sarea (1.166 m²). Gehieneko eraikigarritasuna izango da 9.967 m²t (AB.I.2-A lurzatia: 9.167 m²t finkatuta, eta AB.I.2-B lurzatia: oin berriko 800 m²t).      

Bestalde, hirigin­tza dokumentuan sar­tzen dira antolaketa xehatuko parametroak, saihestuz ondoren garapenerako plangin­tza bat ida­tzi beharra. Azpimarragarria da pabilioi berrirako 20 metroko gehieneko altuera aurreikusten dela, oin bakarrean; horren arrazoia da pabilioi horretan biltegira­tze bertikala ahalbidetu behar dela. Eragiketa honekin egiten dena da, beraz, zuzkidura-karga ­altxa, hiri lurzoru finkatu gabean, eraikigarritasun urbanistikoaren gehikun­tza­gatik. Jarduketa honek berekin dakar­tzan tokiko sistemak aurreikusita daude, jarduketarekin nahiz trenbide plataformarekin muga egiten duen espazioan. 

Udal fasean, Gipuzkoako Foru Aldundiko Obra Hidraulikoetako eta Ingurumeneko Zuzendari­tza Nagusiak eba­tzi aurretik, eta kontuan hartuta aldaketa honek ez duela bete behar ingurumen ebaluazio estrategikoko prozesua, Zestoako Udalak, 2014ko apirilaren 29ko Osoko Bilkuran, erabaki zuen hasierako izaeraz onestea eta jendaurrean jar­tzea. Jendaurrean egon zen bitartean inork ez zuen alegaziorik aurkeztu.

Espedientean sartuta daude Gipuzkoako Foru Aldundiko Bide Azpiegituretako Zuzendari­tza Nagusiaren aldeko txos­tena, 2014ko maia­tza­ren 27koa; URA Ur Agen­tziaren aldeko txos­tena, 2014ko urriaren 31koa; eta Euskal Trenbide Sareak 2014ko irailaren 3an igorritako txos­tena, zenbait eskakizun jaso­tzen dituena (eskakizun horiei eran­tzun ­zitzaien Udalak 2014ko urriaren 9an bidalitako dokumentazio osagarriarekin).           

Ondoren, Zestoako Udaleko Osoko Bilkurak, 2014ko azaroaren 13an egindako bileran, erabaki zuen aldaketa behin-behineko izaeraz onestea, eta espedientea Euskal Herriko Lurralde Antolaketako Batzor­deari bidal­tzea; 2014ko abenduaren 17ko bileran, Euskal Herriko Lurralde Antolaketako Batzor­deak aldaketaren aldeko txos­tena egin zuen, eta administrazio eskumendunari bidali zion, behin betiko onar zezan URA Ur Agen­tziak bidalitako aldeko txos­tena, 2014ko abenduaren 9koa.

Eusko Jaurlari­tzako Lurralde Plangin­tza­ren eta Hirigin­tza­ren Zuzendari­tzak Euskal Herriko Lurralde Antolaketako Batzor­dearen aurrean aurkeztu zuen txos­tenean zera esaten da: indarrean dagoen Urola Kostako Alorreko Lurralde Planean jasotakoaren arabera, Zumaiaren hegoaldean Narrondo itsa­sadarraren inguruan dauden lurzoruek den­tsi­tate handiko bizitoki garapenetarako poten­tziala dutela. Hala ere, lehenagoko aldaketa espedienteek beti eran­tzun negatiboa jaso badute ere, uste da proposamen honen helburua dela lehendik dagoen jarduera industriala osa­tzea, eta esku-har­tze­aren garran­tzia eskala txi­kikoa dela; beraz, uler­tzen da ez diola eragiten lurralde ereduari.

Era berean, Euskal Herriko Lurralde Antolaketako Batzor­dearen nahitaezko txos­tenean gogorarazten da, kontuan hartuta zer xeda­tzen duen 2/2006 Legeak, Lurzoruari eta Hirigin­tzari buruzkoak, bigarren xedapen iragankorrean, Hiri Antolaketako Plan Orokor guztiak eta Plangin­tzako Arau Subsidiario guztiak egokitu egin behar direla, aipatu Legearen xedapenetara.

Azkenik, 2015eko ­otsailean dokumentu berri bat ida­tzi ondoren, 2015eko ­otsailaren 26ko Osoko Bilkuran erabaki zen onar­tzea, aka­tsen zuzenketa gisa, honako hauek: plantea­tzen den handi­tzea zuzkidura jarduketa gisa defini­tzea, eta lerrokadurak eta sestrak birdoi­tzea, Euskal Trenbide Sareak 2014ko irailaren 3an egindako txos­tenean jasotakoaren arabera.    

Espediente hori 2015eko mar­txo­aren 3an sartu zen Foru Aldundian.

Foru Aldundiko Lurralde Plangin­tzako Zerbi­tzuak agiri hori aztertu zuen; Euskal Herriko Lurralde Antolaketako Batzor­deak, berriz, kontuan hartuta eskumena duela balioesteko ea agiri horretan jaso­tzen den antolaketa proposamena bateragarria den lurralde plangin­tza­ren aurreikuspenekin, ez zuen ikusi inolako kontraesanik; beraz, uler­tzen da behin betiko onartu behar dela.

Hala ere, Memoria (11. orria) zuzendu egin beharko ­litzake; izan ere, Azkue AB.I.2 Areako tokiko sistemak ez daude A.D. I.2.1 zuzkidura jarduketaren beraren barruan, jarduketa horren eta trenbide plataformaren arteko espazioan baizik.

Horri dagokionez baita ere, Hirigin­tza Arau partikularrean plantea­tzen da bidegorria egiteko lurrak desjabe­tze bidez eskura­tzea; aldiz, Memorian, hain zuzen ere 8. orrialdean, esaten da enpresa prest dagoela bere jabe­tzako lurrak laga­tzera, bidegorria egiteko, betiere onar­tzen bada alda­tzea proiektuaren sestrak, iparraldean, aldaketa honen xede den lurzati berriarekin elkar­tzen den aldean, eta handi­tzea, 1,5 metrotik 2 metrora, hesiaren altuera, muga osoan.            

Beraz, berehala argitaratu eta lehenbailehen indarrean sartu ahal izateko, kontraesan horiek zuzendu egin behar dira erabakiaren xedapen zatian.

Hortaz, aplikagarri den legeria ikusita, eta Ingurumeneko eta Lurralde Antolaketako foru diputatuak proposatuta, eta gaiaz hitz egin ondoren, Diputatuen Kon­tseiluak,

ERABAKI DU

Behin betiko onestea «Zestoako Hiri Antolaketako Arauetako Elementuen Aldaketa Puntuala, Azkue AB.I.2 Areari dagokiona», 2015eko ­otsailean ida­tzi­tako dokumentuaren arabera.  

Behin betiko onespenarekin akats zuzenketa hauek egiten dira:

— Memoria izeneko 1. dokumentutik (11. orria) ezabatu egin behar da esaldi hau: «zuzkidurak eremuan koka­tzen baitira».          

— Ezabatu egin behar dira Hiri Antolaketako Arauen ­fitxa aldatuko 8. ataletik («Gauza­tzeko eta kudea­tzeko baldin­tzak») Komunikazioen Sistema Orokorra - Bidegorria egiteko lurrak eskura­tzeko desjabe­tzea erabil­tze­ari egiten zaizkion erreferen­tziak; beraz, atal hori honela ida­tzita geratuko da:          

«Hirigin­tza jarduerez sortutako gainbalioetan erkidegoak izan behar duen parte-har­tze­ari dagokion konpen­tsa­zio ekonomikoa, eta Areak hartuko dituen tokiko sistemak eta sistema orokorrak (baita Komunikazioen Sistema Orokorra-Bidegorria ere) egin ahal izateko lurren lagapena, dagozkien agirietan egin beharko dira; agiri horiek eraikun­tza berrirako obra lizen­tzia eskaerarekin batera aurkeztuko dira, edo birpar­tzela­tze agiri baten bidez. Arean edozein esku-har­tze egiteko, kontuan hartuko dira Narrondo edo Sansinenea errekastoan egindako jarduketen azterketa hidraulikoak, Eusko Jaurlari­tzako Ingurumen eta Lurralde Antolaketa Sailaren Gipuzkoako Lurralde Bulegoan daudenak, hirigin­tza garapen berriak kokatu daitezen uholdeak izateko arriskua duten eremuetatik kanpo. Uholdeak izateko arriskua duten areetan edozein esku-har­tze egin aurretik, kontuan hartu behar dira lurzoruaren erabilerari buruz ezarritako irizpideak. Halaber, ubideen zaingunean edozein esku-har­tze egin aurretik, arroko organismoaren baimena eskuratu beharko da; baimen hori Eusko Jaurlari­tzako Uren Zuzendari­tza­ren aurrean tramitatu beharko da.   

Komunikazioen Sistema Orokorra-Bidegorria egiteko obrak Gipuzkoako Foru Aldundiaren kontura egingo dira».             

Erabaki hau behin betikoa da eta administrazio bidea amai­tzen du. Interesdunak, nahi izanez gero, administrazioarekiko auzi errekurtsoa aurkez dezake Euskal Autonomia Erkidegoko Justizia Auzitegi Nagusiak Bilbon duen Administrazioarekiko Auzietako Aretoan, bi hilabeteko epean, erabaki hau argitaratu edo, kasu bada, jakinarazten den egunaren biharamunetik aurrera».

Eranskina: Aipatutako dokumentuan dagoen Arautegiaren testua.

Donostia, 2015eko maia­tza­ren 27a.—Juan José de Pedro, idazkari teknikoa.        (5154)

ERANSKINA

6.  «AZKUE» AB.I.2 AREAKO PROIEKTUAREN ZEHAZTAPENAK

1.  Deskripzioa.

Udalerriaren iparraldean dago kokatuta, CN-634 errepidearen alboan, errepide horren eta GI-631 errepidearen arteko bideguru­tze­aren parean. Azalera: 22.939 m²; Bombas Azcue enpresa har­tzen duen lurzatiari dagokio.

2.  Hirigin­tzako araubide orokorra.

2.1.  Garatu eta gauza­tzeko araubide juridikoa.

— Lurzoruaren sailkapena: hiri lurzorua.

— Esku-har­tze araubidea:

*  Hiri lurzoru finkatua: 20.378 m².

*  Finkatu gabeko hiri lurzorua (eraikigarritasun haztatuaren handi­tzea): 2.561 m².

2.2.  Kalifikazio orokorra.

— Industria erabilerako AB.I.2 eremua. Azalera: 20.523 m².

— Ubide publikoen sistema orokorra. Azalera: 1.250 m².

— Komunikabideen eta bizikleta bideen sistema orokorra. Azalera: 1.166 m².

3.  Antolaketa xehatua.

— Eraiki­tze, jabe­tza eta erabilerako baldin­tza bereziak:

— Espazio libreen (erabilera eta jabe­tza publikoa) azalera: 5.131 m².

— Industriarako lurzatiaren azalera:

*  AB.I.2-A lurzatia: 18.215 m² (lurzatia).

*  AB.I.2-B lurzatia: 2.561 m² (lurzatia).

— Eraikun­tza­ren oinplanoko okupazioa:

*  AB.I.2-A lurzatia: 8.052 m²(lurzati eraikigarria).

*  AB.I.2-B lurzatia: 800 m²(lurzati eraikigarria).

— Industria solairu eraikigarria:

*  AB.I.2A lurzatia: 9.167 m²(t).

*  AB.I.2-B lurzatia: 800 m²(t).

— Zonaren eraikigarritasuna: 0,4345 m²(t)/m².

— Eraikinaren gehienezko altuera:

*  AB.I.2-A lurzatia: egungoak finkatu egiten dira.

*  AB.I.2-B lurzatia: 20 metro.

— Gehieneko lerrokadurak: antolaketa grafikoaren arabera.

AB.I.2-A lurzatian eraikin guztiak finkatu egiten dira egungo egoera berean (agiri honetan antolaketatik kanpo berariaz utzi­takoak izan ezik); dena den, aukera dago berri­tzeko eta berreraiki­tzeko adierazitako eraikun­tza baldin­tze­tan. Eraikinaren gehienezko altuera handitu daiteke eraikinaren zati ­batzuetan, jardueraren fun­tzionamendu arrazoiak hala eskatuz gero; egoera hori berariaz zuritu behar da. Berariaz debekatuta daude egungo industria jarduerari lotuta ez dauden industria erabilera berriak.        

4.  Hirigin­tza helburuak.

Lehendik dauden industria eraikinak finka­tzea; Bombas Azkue SA enpresaren egungo instalazioak hobetu daitezke, instalazio horiek handituta.             

Industria lurzatira ibilgailu sarbide bat era­tzea CN-634 errepidetik.

Eremuaren barruan jaso­tzea Gipuzkoako Foru Aldundiak proposatutako bidegorri berriaren trazatua.

Ingurua zeharka­tzen duen Narrondo errekaren ­ertzak babestea eta lehengora­tzea, uretan gora eginiko esku-har­tze­kin bat etorrita.

5.  Aurreikusitako erabilerak:

Egungo industria erabilera finka­tzen da; jarduera nagusiaren zerbi­tzu­rako eta harekin lotutako erabilera osagarriak, bulegoak, biltegiak eta abar ezar daitezke.

6.  Eraikinaren inten­tsi­tatea.

Lehendik dagoen eraikigarritasuna 800 m²(t) handi­tzen da.

7.  Lokalak bana­tzeko edo par­tze­lak egiteko arauak.

Ez da baimen­tzen lehendik dagoen eraikina bana­tzea. Azalera eraikia lehendik dagoen industria jarduerara atxi­kita geratuko da.

8.  Gauza­tzeko eta kudea­tzeko baldin­tzak.

«Hirigin­tza jarduerez sortutako gainbalioetan erkidegoak izan behar duen parte-har­tze­ari dagokion konpen­tsa­zio ekonomikoa, eta Areak hartuko dituen tokiko sistemak eta sistema orokorrak (baita Komunikazioen Sistema Orokorra-Bidegorria ere) egin ahal izateko lurren lagapena, dagozkien agirietan egin beharko dira; agiri horiek eraikun­tza berrirako obra lizen­tzia eskaerarekin batera aurkeztuko dira, edo birpar­tzela­tze agiri baten bidez. Arean edozein esku-har­tze egiteko, kontuan hartuko dira Narrondo edo Sansinenea errekastoan egindako jarduketen azterketa hidraulikoak, Eusko Jaurlari­tzako Ingurumen eta Lurralde Antolaketa Sailaren Gipuzkoako Lurralde Bulegoan daudenak, hirigin­tza garapen berriak kokatu daitezen uholdeak izateko arriskua duten eremuetatik kanpo. Uholdeak izateko arriskua duten areetan edozein esku-har­tze egin aurretik, kontuan hartu behar dira lurzoruaren erabilerari buruz ezarritako irizpideak. Halaber, ubideen zaingunean edozein esku-har­tze egin aurretik, arroko organismoaren baimena eskuratu beharko da; baimen hori Eusko Jaurlari­tzako Uren Zuzendari­tza­ren aurrean tramitatu beharko da.   

Komunikazioen Sistema Orokorra-Bidegorria egiteko obrak Gipuzkoako Foru Aldundiaren kontura egingo dira».             

9.  Urbanizazioa.

Urbanizazio lan osagarrien proiektu bat ida­tziko da area guztiaren­tzat, eta bertan jasoko dira eraikun­tza berria har­tzen duen lurzatiaren urbaniza­tzea eta arearako hegoaldetik egingo den sarbide berriaren diseinua.