GAO

URRETXUKO UDALA

Iragarkia

Udalba­tzak 2008ko urriaren 27an egindako Bilkuran, Bizitegitarako lurzoru hiritarrean kokatutako eraikinetako solairuarteen eta merkatari­tza lokalen erabilera alda­tzeko jarduerak arau­tzen dituen ordenan­tza, etxe­bizi­tza edo hotel erabilerara zuzen­tzeko dena onartu zuen. Jendaurreko erakustaldian inongo alegaziorik edota iradokizunik aurkeztu ez denez, Ordenan­tza behin.betiko­tzat onartu dela ematen.

Bizitegitarako lurzoru hiritarrean kokatutako eraikinetako solairuarteen eta merkatari­tza lokalen erabilera alda­tzeko jarduerak arau­tzen dituen ordenan­tza, etxe­bizi­tza edo hotel erabilerara zuzen­tzeko dena.         

1. artikulua.  Xedea.

Bizitegitarako lurzoru hiritarrean kokatutako eraikinetako solairuarteko lokaletan eta merkatari­tza etxa­beetan, hirugarren sektoreko erabileratik bizitegi erabilerara alda­tzeko jarduerak arau­tzea da ordenan­tza honen xedea, horrela, eta ordenan­tza honetan bil­tzen diren izapideak egin ondoren, udal etxe­bizi­tza tasatu edo hotel bihur daitezen.

2. artikulua.  Aplikazio eremua.

Ordenan­tza honetan araututako erabilera aldaketa, ordenan­tza hau indarrean sartu aurretik lurzoru hiritarreko bizitegitarako eremuetan zeuden eraikinetako solairuarteetan eta behe solairuetan –plangin­tzan hirugarren sektoreko erabileretara eta beste ­batzuetara zuzen­tzen zirenetan– kokatuta dauden lokaletan soilik egin ahal izango da.

Behe solairuen kasuan, eremu hori ordenan­tza honetako I. Eranskinean ageri den zerrendara murriztuko da.

Oro har, hauxe ulertuko da solairuarte eta behe solairu diogunean:

— Solairuartea: Behe solairuaren gainean eta goi solairuaren azpian kokatuta dagoena da; beraz, honen zorua bide publikoen edo perimetroko espazio libreen gainetik 1,20 metro baino gorago dago, bere perimetroaren %60tik gorako zatian.  

— Behe solairua: Sestra gainetik, sotoaren edo erdisotoaren gainetik dagoen lehen solairua da. Altuera desberdinetan dauden bi kaleren artean kokatuta daudenak ere hemen sartuko dira (horietako kale bat lokalaren sabai mailaren gainetik egonik), aldeetako bat ­gutxienez kaleko sestraren gainetik daukatenean.

Berariaz debekatuta dago berau sotoetan eta erdisotoetan aplika­tzea. Horrekin batera, debekatuta dago eraikin nagusiari atxi­kitako gune­tzat har­tzen diren eraikinaren zatietan etxe­bizi­tzak gara­tzea.

3. artikulua.  Etxe­bizi­tzen bizigarritasun baldin­tzak. Espazioen neurria, oinarrizko baldin­tzak eta oinarrizko instalazioen hornidura

3.1.  Programa eta neurriak.

Ezin izango da eratu 30 m²-tik beherako azalera erabilgarria duen eta 2,30 m-tik beherako altuera duen etxe­bizi­tza­rik. Lokal baten azalera ­gutxieneko azaleratik gorakoa denean, ezin izango da inoiz zatitu bi etxe­bizi­tza edo gehiago era­tzeko, edota etxe­bizi­tza eta merkatari­tza lokala egiteko. 120 m²-tik gorako azalera duten lokalak zatitu ahal izango dira, 2 etxe­bizi­tza edo gehiago era­tzeko, betiere, horietako bakoi­tza­ren azalera erabilgarria 45 m²-tik gorakoa bada.

Etxe­bizi­tza orok, ­gutxienez, honako guneak edo gelak izango ditu: Sukalde-jangela-gela edo logela-jangela-gela, 20 m² erabilgarrikoa, logela edo sukaldea, 6 m² erabilgarrikoa, eta bainugela osoa, 3,5 m² erabilgarrikoa; azken honek, ­gutxienez, konketa, komuna eta ­dutxa izan behar ditu.

Etxe­bizi­tza orok, ­gutxienez, eraikinaren kanpoko fatxa­dara irekitako bi ­hutsarte izango ditu, eta ­hutsarte hori batera murritz daiteke, baldin eta banakako logelak edota sukaldeak patio mankomunatura irekitako hutsar­tea badu. Hutsar­teen azalera osoa, ­gutxienez, dituen aretoek solairuan duten azaleraren %10 izango da, baina, dena den, ez da inoiz 1 m²-tik beherakoa izango, ­hutsarte hauek ez dira komunekoak izango.        

Bainugelak airezta­tzeko bao edo ­hutsarte bat izango du, 0,40 m²-koa ­gutxienez, baina hodi bidezko aireztapenaren edo aireztapen mekanikoaren bidez ordezka daiteke bao hori.

Sukaldeak bi hodi izango ditu ke eta gasak kanpora­tzeko, aurreikusten diren instalazioen arabera behar-beharrezkoak; eta, halaber, arropa sika­tzeko tresnak ere izan beharko ditu, baldin eta esekitokirik ez badago.

Kasu berezietarako, eta betiere bizigarritasun baldin­tzak bete­tzen badira, Gobernu Batzor­dearen esku egongo da lizen­tzia ematea, eta aurrez batzor­dearen aldeko txos­tena beharko da.

3.2.  Instalazioak.

Etxe­bizi­tzak ­gutxienez honako instalazio hauek izango ditu: Ur hornidura eta ur bero sanitarioaren instalazioa, ur bel­tze­tarako hustubidea, argindar hornidura, berokun­tza eta telekomunikazioetarako instalazioa.

Aurreikusitako isolamendu termiko eta akustikoa teknikoki justifikatu beharko da, energia aurrezten dela eta etxe­bizi­tza berria hotsgabetu dela ziurta­tzeko.

Etxe­bizi­tza­ren amaitutako zola kaleko sestraren azpitik geldi­tzen denean, ezin izango da behe solairuan etxe­bizi­tza­rik eraiki.

Etxe­bizi­tza­ren zola lurrarekin kontaktuan geldi­tzen den kasuetan, behe solairuetako etxe­bizi­tza horietan isolamendua justifikatu egin beharko da.

4. artikulua.  Baldin­tza estetikoak.

Etxe­bizi­tza berriaren fatxa­daren tratamenduari irtenbide egokia emango zaio, etxe­bizi­tza hori koka­tzen den eraikinaren konposiziora eta materialen mul­tzora ondo egokitu dadin. Aurkezten den proiektuak, ­fatxada bakoi­tzari eta, oro har, guztiei dagokienez, baldin­tza horren justifikazioa grafikoki islatu beharko du. Horretaz gain, proiektuaren xede den eraikinaren egungo argazkiak ere eman beharko dira, materialen eta konposizioaren erabilera hori arrazoi­tzeko.

5. artikulua.  Irisgarritasun baldin­tzak.

Solairuarteen kasuan, etxe­bizi­tza erabilera izateko, etxe­bizi­tza hori dagoen eraikinean barne zirkulaziorako dauden elementu komunen bidez sarbidea izan beharko da bertara, edota kanpotik ere izan dezake sarbidea, behe solairuko guneko eskaileratik, solairuarteko lokal guztietarako sarbide bakarraren bidez nahiz horietako bakoi­tze­rako sarbide berezia ezarriz; dena den, kasu horietan sarbideari buruzko legezko xedapenak bete­tzen direla bermatu beharko da.

Behe solairuen kasuan, solairuarteetan bezala, sarbidea elementu komunetatik egingo da, eta ezin izango da sartu zuzenean bide publikotik; honen eta etxe­bizi­tza­ren sarreren artean atartea ezarri beharko da.           

6. artikulua.  Solairuarteak hotel erabilerarako gai­tzea.

Solairuarteak hotel erabilera ezar­tzeko gaitu ahal izango dira, betiere, baldin­tza hauek bete­tzen badituzte:           

a)  Horrelako zentroak eraiki­tzeko eta abian jar­tzeko araudi orokorrek eta arloko araudiek eska­tzen dituzten baldin­tza guztiak bete beharko dituzte.     

b)  Berorietarako sarbidea eraikineko etxe­bizi­tze­tarako sarbide komunetik bereizita ezarri beharko da.

7. artikulua.  Erabilera alda­tzeko prozedura.

7.1.  Eska­tzaileak.

Erabilera alda­tzeko lizen­tzia lokalaren edo lokalen jabeek eska dezakete soilik. Titulartasuna Jabe­tza Erregistroak emandako ziurtagiri bakun baten bidez egiaztatu beharko da.           

Etxe­bizi­tza erabilera ezar­tzeko lizen­tzia norbere erabilerarako edo lehen mailako senitarteko baten erabilerarako eskatu ahal izango da, eta hirugarrenei eskualda­tzeko ere eskatu ahal izango da.

7.2.  Erabilera alda­tzeko lizen­tzia.

Jabeak aurkeztu beharreko eskaeraren bidez emango zaio hasiera prozedurari, eta eskaera horrekin batera, honako agiri hauek ere aurkeztuko dira:

— Erabilera berriaren justifikazio memoria eta memoria zeha­tza, lokalaren azalera eta irisgarritasun arazoa konpon­tzeko proposamena adieraziz.

— Kokapen planoa, 1/500 eskalan, finkaren egoera garbi adieraziko duena, bide publikoak eta partikularrak, kokatuta dagoen ­etxadi edo bloke osoarekin mugan daudenak, ere aipatuz. Plano horretan, orientazioak, lerrokadurak eta sestra ofizialak, eta etxa­diaren patio zentralaren perimetroa –horrelakorik balego– adieraziko dira, eta egungo eraikina aipatutako lerrokadura eta sestra horietara egoki­tzen den ala ez ere adieraziko da.

— Oinplanoa eta fatxa­detakoa, 1/100 eskalan, beroriek erabat ulertu ahal izateko beharrezkoak diren sekzio guztiekin. Oinplano horretan bertan, bainugelak, garbigelak eta sukaldeak airezta­tzeko erabiliko diren eraikineko banakako txi­miniak edo txi­mini komunak eta sukalde eta galdaretako ke eta errekun­tza gasak kanpora­tzeko bideak ere adieraziko dira. Lokalean ur, elektrizitate, telefonia eta gasen hartuneen kokapena ere adieraziko da, eta ur zikinen sarerako txer­taketak zein puntutan egin behar diren ere zehaztuko da.

— Etxe­jabeen Elkartearen adostasuna erakusten duen justifikazio agiria, edo elkartearen eraketa tituluan bil­tzen denaren arabera horren beharrik ez badago, halakorik eskatu beharrik ez dagoela erakusten duen justifikazio agiria.

Udal Zerbi­tzu Teknikoek, txos­ten tekniko baten bitartez, lokalak bertan etxe­bizi­tza kokatu ahal izateko gaitasun duen ala ez balioe­tsiko dute, betiere, ordenan­tza honetako 3, 4 eta 5. artikuluetan ezarritako irizpideekin bat etorriz. Txos­ten hori nahitaez eskaera aurkeztu zen egunetik hasita bi hilabeteko epean eman beharko da.

Lokal horrek eskatutako baldin­tzak bete­tzen baditu eta horren aldeko txos­ten teknikoa jaso­tzen badu, Udaleko organo eskudunak erabilera alda­tzeko lizen­tziari buruzko erabakia emango du, eta, erabaki horretan bertan, jarduera horri dagozkion hirigin­tza kargen zenbatekoa adieraziko du, eta, horrekin batera, merkatura­tzeko gehieneko prezioak ere adieraziko ditu.

Urre­txuko udalerria kokatuta dagoen eskualderako eskumena duen organoak araubide orokorreko babes ofizialeko etxe­bizi­tze­tarako une horretan finkatuta duen salmenta prezioa kontuan hartuta, etxe­bizi­tza horren gehieneko salmenta prezioa prezio hori bider 1,7 izango da. Irizpide hori bera erabiliz finkatuko dira bigarren eskualdaketarako eta ondorengoetarako gehieneko prezioak ere.

Erabilera aldaketarako hirigin­tza lizen­tzia emateko organo eskuduna Alkatea edo honek ordezkari­tza eman dion organoa izango da.

Erabilera alda­tzeko lizen­tzia eman ondoren, lizen­tziaren titularrak bereganatutako betebeharrak formaliza­tzera joko da, jabeak eta Alkateak izenpetuko duten hitzar­menaren bitartez, hirigin­tza kargak ordain­tzen direnean, betiere; karga horiek une horretan bertan nahiz aurretik ordain daitezke.

Hitzar­mena gehienez ere hilabeteko epean sinatuko da, erabilera aldaketaren lizen­tzia ematen denetik konta­tzen hasita. Eska­tzaileari egotz dakiokeen arrazoi batengatik hitzar­mena ez bada izenpe­tzen, lizen­tzia horrek balioa galduko du, inolako adierazpen formalik egin beharrik gabe, eta eskaera egin duenak oraindik interes bera badu, berriro ere eskaera aurkeztu beharko du.

Agiri horretan honako datu hauek bilduko dira: Etxe­bizi­tza­ren gehieneko salmenta prezioa, hirigin­tza kargen zenbatekoa, etxe­bizi­tza araubide orokorreko udal etxe­bizi­tza tasatuen artean bil­tzen duen kalifikazio iraunkorra, eta Udalak eta, subsidiarioki, Autonomia Erkidegoak lehentasunez erosteko eta ­atzera eskura­tzeko izango duten eskubidea, kalifikazio horri eusten zaion bitartean.

Aurreko hori guztia horrelaxe egingo da, hirugarrenen eskubideei eta jarduera horrek jabe­tza horizontaleko tituluan eragin ditza­keen aldaketei kalterik egin gabe.

Erabilera alda­tzeko eskubidea hitzar­mena izenpe­tzen denean eskuratuko da.

Hitzar­menerako eredua II. Eranskinean jasota dago.

Erabilera alda­tzeko lizen­tzia jaso duenak Jabe­tza Erregistroan erabilera aldaketaren lizen­tzia eta hitzar­menaren inskripzioa edo ida­tzo­harra egiteko eskatuko du. Jabe­tza­ren erregistra­tzaileak inskripzioa edo ida­tzo­harra egingo du, eta nahitaez, bertan berariaz jasoko da hortik eratuko den etxe­bizi­tzak udal etxe­bizi­tza tasatu kalifikazioa izango duela, eta Udalak eta, subsidiarioki, Autonomia Erkidegoko administrazioak lehentasunez erosteko eta ­atzera eskura­tzeko eskubidea dutela. Egindako inskripzio edo ida­tzo­har horri dagokion ziurtagiriak aurkeztu beharko dio Udalari interesatuak.    

Erabilera aldaketaren lizen­tzia, bertatik erator­tzen diren eskubide eta betebeharrekin batera, eskualda daiteke, lizen­tzia horri dagokion lokala eskualdatuz, etxe­bizi­tzak eskualda­tzeko 11. artikuluan aurreikusten den prozeduraren bidez, eskualda­tze hori jabearen lehen mailako edo bigarren mailako zuzeneko senitartekoen alde egiten denean izan ezik (seme-alabak, bilobak, aita-amak, aitona-amonak).

Baldin eta lokala prozedura horri jarraitu gabe eskualda­tzen bada, erabilera aldaketaren lizen­tzia automatikoki baliorik gabe geldituko da. Eta subrogazioz, eskualdatu zaion per­tso­nak hartuko du Udalaren aurrean sal­tzaileak bete­tzen zuen tokia.

7.3.  Obra lizen­tzia.

Etxe­bizi­tza berriaren egoki­tza­pen obretarako lizen­tzia erdiesteko, interesatuak, erabilera alda­tzeko eskubidea lortu ondoren, eskaera egin beharko du, eta eskaerarekin batera, proiektu tekniko bat aurkeztu beharko du, teknikari eskudunak izenpetua eta dagokion Elkargo Profesionalak one­tsia. Horrekin batera, erabilera aldaketaren lizen­tziaren eta hitzar­menaren inskripzioa edo ida­tzo­harra Jabe­tza Erregistroan eginda duela adierazten duen ziurtagiria ere aurkeztu beharko du.

Dagozkion egiaztabideak egin ondoren eta udal teknikariek dagozkien txos­tenak eman ondoren, eskumena duen organoak obrak egiteko lizen­tzia emango du.

Obrak egiteko lizen­tzia lortu eta jakinarazpena egin ondoren, interesatuak obra horiei ekin ahal izango die, eta lizen­tziaren jakinarazpena egiten den unetik hasita, sei hilabeteko epean amaitu beharko dira obra horiek.

Obra lizen­tziaren titularrak lizen­tzia hori eskualdatu ahal izango du, dagokion lokala ere eskualdatuz, etxe­bizi­tzak eskualda­tzeko 11. artikuluan aurreikusten den prozeduraren bidez, eskualda­tze hori jabearen lehen mailako edo bigarren mailako zuzeneko senitartekoen alde egiten denean izan ezik (seme-alabak, bilobak, aita-amak, aitona-amonak).

Baldin eta lokala prozedura horri jarraitu gabe eskualda­tzen bada, erabilera aldaketaren lizen­tzia automatikoki baliorik gabe geldituko da.

7.4.  Lehen erabilerako lizen­tzia.

Obra amaitu ondoren, lehen erabilerako lizen­tzia eskatu beharko da, dagokion dokumentazioarekin batera; eta lizen­tzia hori emateko ezinbesteko baldin­tza izango da etxe­bizi­tza berriaren eta hiriko zerbi­tzu sareen arteko konexioa eginda izatea: Ur hornidura, ur zikinen sarea, argindarraren hornidura, telekomunikazioena eta, hala egokituz gero, gasaren hornidura, nahiz eta zerbi­tzu horien kontratazioak eta behin betiko prestazioak lurzoruari eta hirigin­tzari buruzko legeriak aurreikusitakoa bete beharko duten.

Hitzar­mena sinatu zen unetik hasita urtebeteko epean (1 urte) obrek amaituta eta lehen erabilerako lizen­tziak lortuta egon behar dute, eta epe horretan etxe­bizi­tza horrek per­tsona horren ohiko bizileku izan behar du, biztanleen udal erroldan sartuta egoteaz gain, obrak hasteko luzapen bat eman ezean. ­Etxe horretan bizi­tzeko betebeharra iraunkorra da.

Aurrez adierazitako hori bete­tzen ez bada, interesatuak erabilera aldaketarako eskuratu duen eskubidea galduko du, eta, zigor modura, hirigin­tza kargetan ordaindu duen zenbatekoaren %50 itzu­liko zaio soilik.

Erabilera aldaketa gauzatu dela adierazten duen behin betiko ziurtagiria etxe­bizi­tza­ren lehen erabilerako lizen­tzia eman ondoren emango da, baina, aurrez, etxe­bizi­tza horretarako ezarritako epean bizi­tzen jarri direla egiaztatuko da.

8. artikulua.  Hirigin­tza kargak.

Etxe­bizi­tzen kopurua handi­tzeak berdeguneetarako eta gune libreetarako xedatutako lurzorua ere gehi­tzea eska­tzen duela kontuan izanik, eta propor­tzioa biztanleko 5 m²-koa dela kontuan hartuta, hirigin­tza kargen bidez kopuru bat ordainduko da, Udalak lurzoru hori eskura­tzeko xedearekin.

Etxe­bizi­tzara zuzendutako 25 metro koadroko eraikitako azalera zati bakoi­tzeko biztanle bateko korrelazioa ezarri da. Emai­tza zenbaki osoa ez denean, zatikiari dagokion zatia propor­tzionalki kalkulatuko da.

Gune libreetako eta berdeguneetako metro koadro (m²) bakoi­tza­ren balioa Udal Zerbi­tzu Teknikoek zehaztuko dute, hiri izaerako ondasun higiezinen balioa zehazten duten Foru Dekretuaren txos­tenetan ezarritako balioen arabera. Hortik aterako den kopurua kasuz kasu aztertuko da, eta interesatuarekin xede horretarako sinatutako hitzar­men-kontratuan adieraziko da.

Ez da inolako erabilera aldaketarik onartuko jarduera horri dagozkion hirigin­tza kargak ordain­tzen ez diren bitartean, eta kasu bakoi­tzean ezinbestekoa izango da ordainketa horren egiaztagiria edo agiri baliokidea aurkeztea.

9. artikulua.  Etxe­bizi­tza bihurtutako lokalen erregistroa.

Udalak Erregistro bat sortuko du, eta erabilera aldaketa onartu zaien lokal guztiak inskribatuko ditu bertan.

10. artikulua.  Etxe­bizi­tzen kalifikazioa eta Araubide Juridikoa.

Etxe­bizi­tza lehen aldiz okupa­tzeko lizen­tzia emateak etxe­bizi­tza horri udal etxe­bizi­tza tasatuen kalifikazioa ematea ekarriko du, erabateko jabe­tza edo jabariaren araubidearekin; Lurzoruari eta Hirigin­tzari buruzko ekainaren 30eko 2/2006 Legearen zor­tzi­garren xedapen gehigarriko aurreikuspenen menpe geratuko da, bai eta Autonomia Erkidegoko edota udal organoek beren eskumenen barnean horrelako etxe­bizi­tza motak arau­tzeko eman ditza­keten gainerako araudien menpe ere.

Ondorioz, lehentasunez erosteko eta ­atzera eskura­tzeko eskubidea eratuta geldituko da, lehenengo Urre­txuko Udalaren alde eta, ondoren eta subsidiarioki, Autonomia Erkidegoaren alde. Eta horri guztiari dagokion inskripzioa edo ida­tzo­harra egingo da Jabe­tza Erregistroan.    

Udal etxe­bizi­tza tasatu kalifikazioaren kalterik gabe, jabeak lehen mailako edo bigarren mailako zuzeneko senitartekoei eskualda­tzen badie (seme-alabak, bilobak, aita-amak, aitona-amonak), Urre­txuko Udalak eta, subsidiarioki, Autonomia Erkidegoak ez dute izango lehentasunez erosteko eta ­atzera eskura­tzeko eskubiderik.

Urre­txuko Udalak eta, subsidiarioki, Autonomia Erkide­goak lehentasunez erosteko eta ­atzera eskura­tzeko izango duten eskubide horren iraupena iraunkorra izango da, udal etxe­bizi­tza tasatu kalifikazioari eusten zaion bitartean, eta Udalak eta erabilera aldaketaren lizen­tzia eskatu duenak izenpetu beharreko hitzar­menaren edukiari lotuko zaio; eta Jabe­tza Erregistroan inskribatu beharko da.

11. artikulua.  Udalak lehentasunez erosteko eta ­atzera eskura­tzeko duen eskubidea gauza­tzeko prozedura.

11.1.  Udalaren esku uztea.

Erabilera aldaketaren bidez eratutako etxe­bizi­tza­ren jabeak etxe­bizi­tza hori hirugarrenei eskualdatu nahi badie, Udalari jakinarazi beharko dio asmo hori. Horretarako, ida­tzia aurkeztu beharko du etxe­bizi­tza horri dagokion Erregistro Orokorrean. Ida­tzi horretan etxe­bizi­tza­ren identifikazioa, salmenta prezioa –ezingo du gainditu Udalaren eta etxe­bizi­tza bihurtu den lokalaren jabearen arteko hitzar­menean finkatutakoa– eta eskualda­tze­ari buruzko gainerako baldin­tzak adieraziko dira.

Udalak bi hilabeteko epea izango du lehentasunez erosteko eskubidea gauza­tzeko. Interesatuak Udaleko Erregistro Orokorrean aurreko paragrafoan adierazitako datu guztiak bil­tzen dituen dokumentazioa aurkezten duenean hasiko da epe hori. Epe horretan Udalak lehentasunez erosteko eskubide hori gauza­tzen ez badu, etxe­bizi­tza libreki saldu ahal izango da, baina Udalari eskainitako prezioa eta fun­tsezko gainerako baldin­tza guztiak errespetatu beharko dira, betiere, Autonomia Erkidegoko administrazio orokorrak berari dagokion eskubidea gauza­tzen ez badu.

Etxe­bizi­tza­ren jabeak Udalari etxe­bizi­tza sal­tzeko asmoaren berri emateko duen betebeharra bete gabe sal­tzen badu, edota kostubideari dagokionez Udalari eskainitakoak baino baldin­tza hobeetan egiten badu salmenta, Udalak ­atzera eskura­tzeko eskubidea gauzatu ahal izango du egindako eskualdaketa froga bidez jakiten duenetik hasita bi hilabeteko epean.    

Udalak erosteko eskubidea edo, hala dagokionean, ­atzera eskura­tzeko eskubidea gauza­tzen badu, ahalik eta lasterren udal etxe­bizi­tza tasatu bat eskuratu nahi duten per­tso­nen esku jarri beharko du, horretarako nahitaez bete beharrekoak diren betekizun guztiak bete­tzen dituztela ain­tzat hartuta.

11.2.  Etxe­bizi­tza­ren esleipenduna aukera­tzea.

Udal etxe­bizi­tza tasatua erosteko interesa duten guztiek Udalari eskaera aurkeztu behar diote, interesatuen zerrendan sar ditza­tela eskatuz; horrelako etxe­bizi­tza bat eskuratu ahal izateko eska­tzen diren baldin­tza guztiak bete­tzen dituztela erakusten duten agiriak aurkeztuko dira, eskaera horrekin batera.

Esleipenduna aukera­tzeko, Udalak urtero zozketa bat egingo du etxe­bizi­tza­ren jabe egin nahi duten interesatuen zerrendan bil­tzen diren guztien artean, horien arteko hurrenkera ordena defini­tzeko. Zozketa publikoa izango da, eta mahaiburu alkatea edo honen ordezkari­tza hartu duen zinego­tzia izango da; mahai horretan parte hartu ahal izango dute Udala osa­tzen duten talde politikoek ere, talde bakoi­tze­tik ordezkari batek; eta fede-emaile publikoa Udaleko Idazkari­tza Nagusia bete­tzen duen per­tsona izango da.

Zerrendaburu den per­tso­nari, eska­tzen diren baldin­tza guztiak bete­tzen baditu, etxe­bizi­tza eskura­tzeko aukera jakinaraziko dio, eta etxe­bizi­tza­ren ezaugarrien eta salmentaren ezaugarrien berri ere emango dio Udalak. Per­tsona horrek aukera hori onartu edo baztertu egin beharko du, jakinarazpena egin zaion egunetik hasita hamabost egutegi egunen epean. Bazter­tzen badu, zerrendan hurrengo lekua bete­tzen duenari emango zaio aukera, eta horrelaxe jarraituko da, etxe­bizi­tza eskuratu nahi dutenetariko batek erosteko aukera onartu arte.

Zozketa egin ondorenean, eska­tzen diren baldin­tzak beteta zerrendan sar­tzeko eska­tzen duten per­tso­nak zozketan parte hartu zutenen atze­tik sartuko dira zozketan, eskabideak aurkeztu diren ordenan.

Justifikatutako arrazoirik gabe beren eskubideari uko egiten dioten per­tso­nek zerrendan bete­tzen zuten lekua galduko dute, eta zerrendako azken lekua hartuko dute. Babes publikoko etxe­bizi­tzei buruzko Autonomia Erkidegoko araudian bil­tzen diren arrazoiak, besteak beste, justifikatutako arrazoi­tzat hartuko dira.

11.3.  Etxe­bizi­tza bat eskura­tzeko interesa dutenek bete beharreko baldin­tzak.

Jabe­tza bidez ­etxe bat eskura­tzeko interesa duten per­tso­nek honako baldin­tza hauek bete beharko dituzte:

a)  Adinez nagusi izatea edo eman­tzi­patua izatea.

b)  Urre­txun erroldatuta egotea:

a.  Etenik gabe, azken bi urtean.

b.  Azken sei hilabetean, baina, betiere, azken bost urtean hiru urtera iri­tsiz gero.

c)  Bi muga hauen arteko diru sarrerak izatea: Behe muga etxe­bizi­tza sozialetara (araubide bereziko babes ofizialeko etxe­bizi­tzak) ­jotzeko ezarritako gehieneko diru sarrerak; eta goi mugari dagokionez, ezingo da gainditu araubide orokorreko babes ofizialeko etxe­bizi­tze­tara ­jotzeko indarrean dauden gehieneko diru sarrerak 1,5 koefizientearekin biderkatuz lor­tzen den emai­tza.

d)  Ez interesatuak, ez interesatuarekin ezkon­tza harremana duenak edo izatezko bikoteko kidea denak beste etxe­bizi­tza­rik ez izatea, ez erabateko jabe­tzan edo azalera jabe­tzan, ez eta biziarteko erabilera erregimenean ere; edota interesatua bizi den etxe­bizi­tzak ordenan­tza hauetan ezarritako ­gutxieneko bizigarritasun baldin­tzak ez bete­tzea.

Etxe­bizi­tza eslei­tzeko unean baldin­tza horiei guztiei ­eutsi beharko zaie.

12. artikulua.  Etxe­bizi­tza okupa­tzeko betebeharra.

Ordenan­tza honetan bil­tzen diren etxe­bizi­tze­tako baten titularraren­tzat, ohiko bizileku finkoa izan behar du etxe­bizi­tza horrek. Etxe­bizi­tza­ren titularra urtebeteren buruan sei hilabetetik gorako epean ­etxe horretan ez bada bizi, betebehar hori ez dela bete­tzen ulertuko da, eta horixe ulertuko da edozein epetarako etxe­aren erabilera alokairu bidez, prekarioan edo beste edozein bidetatik hirugarrenei laga­tzen dienean ere.

Justifikatutako arrazoirik gabe betebehar hori bete­tzen ez denean, Udalak etxe­bizi­tza hori desjabetu ahal izango du, legez ezarrita dagoenaren ildotik. Xede horretarako, Urre­txuko Udalak egoki irizten zaizkion bilaketak, ikerketak eta egiaztapenak egin ahal izango ditu.     

13. artikulua.  Eusko Jaurlari­tzari jakinaraztea.

Interesatuak, etxe­bizi­tza eskualda­tzeko asmoa Udalari jakinaraztearekin batera, Eusko Jaurlari­tzan etxe­bizi­tza­ren arloan eskumena duen organoari ere jakinarazi beharko dio, ida­tziz, eta Udalari aurkeztutako agiri guztien kopiak emango dizkio, horrela, eta hala dagokionean, Autonomia Erkidegoko organoak lehentasunez erosteko duen eskubidea gauza dezan. Eusko Jaurlari­tzako organo eskudunak, dokumentazioa jaso­tzen duen unetik hasita bi hilabeteko epean, bai interesatuari eta bai Udalari, froga bidez, eskubide hori erabil­tzeko duen asmoaren berri emango dio, baldin eta Udalak eskubide hori gauza­tzen ez badu; edota uko egiten badio, horixe jakinaraziko die.

Dagokion ebazpena hartu ondoren, Udalak Autonomia Erkidegoko administrazioari jakinaraziko dio.     

14. artikulua.  Ziurtagiriak egitea.

Gauzatutako aldaketa hori egiazta­tzeko interesatuek eska­tzen dituzten ziurtagiri guztiak egingo ditu Udalak.

15. artikulua.  Hiri Lurren Katastroari jakinaraztea.

Lehen erabilerako lizen­tzia lortu ondoren, hau da, jatorrian hirugarren sektoreko erabilerara edo antze­koren batera zuzendutako gunean etxe­bizi­tza edo hotel erabilera zehaztu ondoren, xehetasun hori Gipuzkoako Foru Aldundiko Hiri Lurren Katastroari jakinaraziko dio Udalak.       

16. artikulua.  Prozedura ez bete­tzea.

Baldin eta, hirugarren sektoreko erabilera edo beste bat duen solairuarteko lokal bat ordenan­tza honek ezarritako prozedura bete gabe etxe­bizi­tza bihur­tzeko gaituko balitz, eta Udalak jakinarazpena egiten dion unetik hasita hiru ?3? hilabeteko epean prozedura horri ekingo ez bali­tzaio, Udalak bere kabuz jardun ahal izango du.

17. artikulua.  Ordenan­tza­ren aplikazioa etetea.

Etxe­bizi­tzen arloari dagokionez, ordenan­tza honen aplikazioa eten egingo da berau indarrean sar­tzen denetik hasita hiru –3– urteko epean eta, edonola ere, Udalak erabilera alda­tzeko berrogeigarren –40– baimena ematen duenean. Une horretan, etxe­bizi­tza­ren gaiarekin lotuta une horretako inguruabarrak berrikustera joko du Udalak, eta, lokalen erabilera aldaketen esperien­tzia balioe­tsi ondoren, ordenan­tza honek indarrean jarraituko duen edo ez erabakiko du.          

Lehenengo xedapen gehigarria.

Ikuskapenari, kontrolari, esleipen prozedura kudea­tze­ari eta ordenan­tza honetan aurreikusitako betebeharrak ez bete­tze­agatik hartu beharreko neurriak har­tze­ari dagokionez dituen eskumenak gauza­tzeko ardura, bai eta desjabe­tze­koa ere, Eusko Jaurlari­tzan dagokion Sailari eman diezaioke Udalak, aurrez xede horretarako hitzar­mena sinatu ondoren.

Bigarren xedapen gehigarria.

Ondoko lokalen batean jarduera kaltegarriren bat badago eta jarduera hori egiteko dagozkion lizen­tziak baldin baditu, etxe­bizi­tza gai­tzeko orduan ain­tzat hartuko da inguruabar hori, eta etxe­bizi­tza gai­tzeko proiektuan, batez ere hotsgabe­tze­ari dagokionez, etxe­bizi­tza horretan biziko diren bizilagunei kalteak saihesteko hartu beharreko neurriak hartu beharko dira.     

Xedapen iragankorra.

Behe solairuan edo solairuarteetan kokatutako lokalen kasuan, hirigin­tza antolamenduan aurreikusitakoaren arabera lokal horien erabilera hirugarren sektorekoa denean eta, hori horrela izan arren, etxe­bizi­tza gisa erabil­tzeko Udalaren lizen­tziarik gabe obrak egin direnean, lokal horien jabeek ordenan­tza hau indarrean sar­tzen den unetik hasita sei hilabeteko epea izango dute etxe­bizi­tza erabilera legezta­tzeko eskaera egiteko.

Lizen­tzia eskaera egiteko eta emateko prozedura ordenan­tza honetan adierazten dena izango da.

Lizen­tzia emateak etxe­bizi­tza horri udal etxe­bizi­tza tasatuen kalifikazioa ematea adieraziko du, eta, arlo guztietan, ordenan­tza honen babesean gaitutako etxe­bizi­tzei dagokien araubidea aplikatuko zaie.

Etxe­bizi­tza erabilera legezta­tzera ­jotzen ez bada, Lurzoruari eta Hirigin­tzari buruzko ekainaren 30eko 2/2006 Legean ezkutuan egindako eraikinetarako aurreikusitako araubidea aplikatuko zaie.

Amaierako lehen xedapena.

Ordenan­tza honetan aurreikusten ez den orotarako, Autonomia Erkidegoan etxe­bizi­tza tasatuetarako zehaztutako araudia aplikatuko da, eta honi buruz berariazko araudirik ez badago, babes publikoa duten etxe­bizi­tzen arloan indarrean dagoen araudia aplikatuko da.

Amaierako bigarren xedapena.

Ordenan­tza hau Gipuzkoako Aldizkari Ofizialean argitaratu eta hurrengo egunean jarriko da indarrean.

Xedapen indargabe­tzailea.

Indargabetuta geldi­tzen dira ordenan­tza honetan bil­tzen denaren aurka doazen Urre­txuko Udalaren maila bereko edo txi­kiagoko gainerako xedapenak.

I. ERANSKINA

Bizitegitarako lurzoruan kokatuta dauden behe solairuetako lokalen erabilera hirugarren sektorekoa izatetik etxe­bizi­tze­tarakoa izatera alda­tzeko aukera izan dezaketen ondasun higiezinen zerrenda.

 

 

II. ERANSKINAI

........................ zenbakiko Hitzar­men-Kontratua, hirugarren sektoreko erabilera edo besteren bat etxe­bizi­tza edo hotel erabilerara alda­tze­koa.

Urre­txun, 200...... ko .....................................aren ........(e)an

BILDURIK

Alde batetik, ......................................................................... jauna/andrea, adinez nagusia, Urre­txuko Udaleko Alkate Lehendakaria, ........................................................................ zenbakiko nortasun agiria duena.

Eta bestetik, .......................................................................... jauna/andrea, .............................................. zenbakiko nortasun agiria duena, eta honako helbide honetan bizi dena: ...................
..........................................................................

JARDUNEAN

........................................................................ jauna/andrea, Urre­txuko Udalaren izenean eta haren ordezkari­tza betez, Alkate den neurrian dagozkion eskumenetan oinarrituta.

......................................................................... jauna/andrea, ondoren adieraziko den lokalaren jabe dena, bere izenean eta eskubidez.

AURREKARIAK

Lehena: ............................................................................... jauna/andrea ........................................................................ HJE Hirigin­tza Jarduerarako Eremuan, .............................................. kale/etorbide/plazako .................. zenbakian dagoen lokalaren jabe da, eta ................................ metro koadroko azalera du lokal horrek. Lokal horren jabe­tza Bergarako Jabe­tza Erregistroak .................................... datan emandako ziurtagiri bakun bidez egiaztatu da.

Bigarrena: 200.....ko ...............................................aren .........(e)an, lehen aurrekarian aipatutako lokal horren erabilera hirugarren sektorekoa edo beste batekoa izatetik etxe­bizi­tza­koa/hotelekoa izatera alda­tzeko lizen­tzia eskatu zuen per­tsona horrek.

Hirugarrena: Alkate Lehendakariak, 200......ko ..........................................aren ........ko erabakiaren bidez .......................................................k egindako eskaeraren aldeko iri­tzia eman zuen. Halaber, eurotan finkatu zuen aipatutako lokal horren erabilera alda­tzeko eragiketari egokitu beharreko hirigin­tza karga.

Laugarrena: 200........ko ........................................aren ...........(e)an, jaunak/andreak idazki bat aurkeztu zuen Udalean, eta idazki horretan, Udalarekin Hitzar­men-Kontratu egokia izenpe­tzeko prest zegoela adierazi zuen, lokal horren erabilera hirugarren sektorekoa edo beste batekoa izatetik etxe­bizi­tza­koa/hotelekoa izatera aldatu ahal izateko, arestian aipatutako 200.....ko .............................................aren .........ko erabakian adierazitakoari jarraituz.

Bi aldeek, Hitzar­men-Kontratu hau gauza­tzeko nahikoa gaitasun eta eskumen aitor­tzen diote elkarri, eta horri begira, agiri hau izenpe­tzen dute, ondorengo baldin­tze­kin bat etorriz:

BALDIN­TZAK

Lehena: Udalak baimena eman du ........................................ HJE Hirigin­tza Jarduerarako Eremuan, ...................................... kale/etorbide/plazako ........... zenbakian dagoen eta metro koadroko azalera duen lokalaren erabilera hirugarren sektorekoa edo beste batekoa izatetik etxe­bizi­tza­koa/hotelekoa izatera alda­tzeko, jarraian adieraziko diren baldin­tze­kin bat etorriz.

Bigarrena: Aipatutako lokal hori etxebi­tza/hotel bihur­tzeko, eragiketa horrek sor­tzen dituen hirigin­tza kargak ordaindu beharra dago. Karga horien zenbatekoa ................... eurotan finkatu da.

Adierazitako zenbateko hori ekitaldi honetan bertan ordainduko da, eta Hitzar­men-Kontratu honek ordainagiri gisa balio izango du.

Hirugarrena: Lokalaren erabilera hirugarren sektorekoa edo beste batekoa izatetik etxe­bizi­tza­koa/hotelekoa izatera alda­tzeko baimen hau jabe­tza eskubidea urratu gabe eman da, hirugarrenen eskubideei kalterik egin gabe, eta eragiketa horrek jabe­tza horizontalaren tituluan eragin ditza­keen aldaketei kalterik egin gabe.

Laugarrena: Erabilera aldaketa hori gauzatu dadin, interesatuak etxe­bizi­tza/hotel gisa erabil­tzeko beharrezkoak diren obrak egin beharko ditu, nahitaezkoak diren administrazio lizen­tziak erdie­tsi ondoren.

Bosgarrena: Hitzar­men honen bidez, izenpe­tzen duen jabeak honako betebeharrak hartu ditu bere gain:

1.    Obrak gauzatu aurretik eta, gero, obrak gauzatu ondoren eratuko den lokal berria erabil­tzen hasi aurretik, legez nahitaez eskatu beharreko administrazio lizen­tziak eska­tzea eta erdiestea.

2.    Obrak administrazioari aurkeztutako proiektuetan aurreikusitakoarekin bat etorriz gauza­tzea, aurrez dagozkien lizen­tziak lortu ondoren.

3.    Obrak ezarritako epeetan gauza­tzea.

4.    (Etxe­bizi­tzen kasuan) Baldin eta, .....................
............................................... jaunak/andreak erabilera aldaketarako lizen­tzia, obra lizen­tzia edota etxe­bizi­tza­ren jabe­tza lehen mailako edo bigarren mailako zuzeneko senitarteko ez den hirugarren bati eskualda­tzea erabaki­tzen badu, Udalari eta Autonomia Erkidegoko Administrazio Orokorrari horren berri ematea, dagokionaren arabera, udal administrazioak edo Autonomia Erkidegokoak lehentasunez erosteko eskubidea gauza dezan, edota udal etxe­bizi­tza tasatuen jabe egiteko zerrendetan dauden per­tso­nen eskura jar dadin eta, horrela, etxe­bizi­tza hori erosteko aukera izan dezaten. Erabilera aldaketaren lizen­tzia edota obra lizen­tzia eskualda­tzea betebehar hori bete gabe egin bada, automatikoki indarrik gabe geldituko dira lizen­tziak. Etxe­bizi­tza betebehar hori bete gabe eskualdatu bada, adierazitako administrazio horiek ­atzera eskura­tzeko eskubidea gauzatu ahal izango dute.

5.    (Etxe­bizi­tzen kasuan) Bergarako Jabe­tza Erregistroan erabilera aldaketari eta honako hitzar­men honi dagokien inskripzio edo ida­tzo­harra eska­tzea; argi eta garbi islatuko da bertan aldaketa eta obra horien ondorioz sortuko den etxe­bizi­tzak udal etxe­bizi­tza tasatu kalifikazioa izango duela, eta Udalak eta, subsidiarioki, Euskal Autonomia Erkidegoko administrazioak lehentasunez erosteko eta ­atzera eskura­tzeko eskubidea dutela. Betebehar hori bete ondoren, Udalari inskripzioaren edo ida­tzo­harraren egiaztagiria aurkeztuko zaio.      

6.    (Etxe­bizi­tzen kasurako) Etxe­bizi­tza hori per­tsona horren ohiko etxe­bizi­tza finko izatea. Betebehar hori beteko ez balitz, Udalak etxe­bizi­tza hori desjabe­tzera jo ahal izango du, legeak ezarritako betebeharrak betez, eta horretarako, Udalak egoki irudi­tzen zaizkion bilaketa, ikerketa eta egiaztapen guztiak egingo ditu.      

Seigarrena: Honako Hitzar­men-Kontratu hau sina­tzen den unetik hasita urtebeteko epean, egin beharreko obrek amaituta eta lehen erabilerako lizen­tzia lortuta egon behar dute, eta ­etxe horretan bizi­tzen jarri behar dute epe horretan, obrak hasteko luzapen bat eman denean izan ezik. Baldin­tza hau ez betez gero, erabilera aldaketarako lortutako eskubidea galdu egingo da, eta, zigor modura, hirigin­tza kargetan ordaindu duen zenbatekoaren %50 itzu­liko zaio soilik.

Zazpigarrena: Etxe­bizi­tza berriaren lehen erabilerako lizen­tzia eman ondoren eta bertan bizi direla egiazta­tzeko egin beharreko guztiak egingo ondoren, Udalak egin den erabilera aldaketaren behin betiko egiaztagiria emango du, bai eta lokal horren etxe­bizi­tza/hotel izaerarena ere.  

Zor­tzi­garrena: Urre­txuko Udalak eta, subsidiarioki, Autonomia Erkidegoko administrazio orokorrak lehentasunez erosteko eta ­atzera eskura­tzeko eskubidea izango dute, eta beraz, etxe­bizi­tza berriaren titularrak kostu bidez berau eskualda­tzera erabaki­tzen badu, berau lehentasunez erosteko eskubidea izango dute, honako baldin­tza hauen arabera:    

— Lehentasunez erosteko eta ­atzera eskura­tzeko eskubideak iraupen iraunkorra izango du, udal etxe­bizi­tza tasun kalifikazioari eusten zaion bitartean.

— Urre­txuko udalerria kokatuta dagoen eskualderako eskumena duen organoak araubide orokorreko babes ofizialeko etxe­bizi­tze­tarako salmentaren unean finkatuta duen salmenta prezioa kontuan hartuta, etxe­bizi­tza horren gehieneko salmenta prezioa, lehen, bigarren eta ondorengo eskualdaketetan, prezio hori bider 1,7 izango da.

— Udalari eta Eusko Jaurlari­tzari jabe­tza hori eskualda­tzeko asmoa jakinarazi ondoren, hauek bi hilabeteko epea izango dute erosteko eskubidea gauza­tzeko.

— Jabeak lehen eta bigarren mailako zuzeneko senitartekoei eskualda­tzen badie (seme-alabei, bilobei, gurasoei, aitona-amonei), Urre­txuko Udalak eta, subsidiarioki, Autonomia Erkidegoak ez dute lehentasunez erosteko eta ­atzera eskura­tzeko eskubiderik izango, udal etxe­bizi­tza tasatu kalifikazioaren kalterik gabe. Lehentasunez erosteko eta ­atzera eskura­tzeko eskubide horrek eta eskubide hori gauza­tzeko baldin­tzek bazter ohar modura agertu beharko dute Jabe­tza Erregistroan egiten den finkaren idazpenean.

Bedera­tzi­garrena: (etxe­bizi­tzen kasurako) ..........................
...................................................... jaunak/andreak ezagu­tzen eta onar­tzen du eratuko den etxe­bizi­tza horrek udal etxe­bizi­tza tasatu kalifikazioa izango duela, kalifikazio horrek dakar­tzan legezko ondorio guztiak ere ain­tzat hartuta, batez ere, Udalari eta, subsidiarioki, Autonomia Erkidegoko administrazio orokorrari lehentasunez erosteko eta ­atzera eskura­tzeko dagokien eskubidea.

Hamargarrena: Hirigin­tza Hitzar­men-Kontratu hau eskual­da­tze eskrituretan edo obra berrien eskrituretan bilduko da.

Eta adostasunaren froga modura, bi aldeek agiri hau bi aletan izenpetu dute, idazpuruan adierazitako lekuan eta datan.   

Urre­txu, 2009ko apirilaren 27a.—Iñaki Zabala Bengoe­txea, Alkatea.

(1001)   (5437)