IRUNGO UDALA
Ogasuneko, Zerbitzu Orokorretako eta Hiri Sustapeneko Arloa
2026ko dirulaguntza deialdi orokorra 18. eranskina: Enpresak sortzeko laguntzak: e-gaztea proiektua eta e-berritzailea proiektua. BDNS (Identif.): 878340.
Diru-laguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Diru-laguntzak (https://www.infosubvenciones.es/bdnstrans/GE/es/convocatoria/878340).
Dirulaguntzen 2026ko deialdi orokorra onartzeko Irungo Udaleko Alkatetzaren 2025eko abenduaren 29ko 1648 zk. Ebazpenaren laburpena. Diru-laguntza lerroa: Enpresak sortzeko laguntzak: e-gaztea proiektua eta e-berritzailea proiektua.
Deialdi honekin lotutako dokumentazio eta informazio guztia Irungo Udalaren Interneteko atarian kontsulta daiteke: www.irun.org.
Xedea.
Deialdi honen xedea da ekintzailetza berritzaileko enpresa-ekimenak abian jartzeko hasierako gastuei aurre egiteko diru-laguntzak ematea arautzea.
—1. lerroa, e-Gaztea: 35 urtetik beherakoek abian jarritako ekintzailetzako enpresa-ekimenetarako.
—2. lerroa, e-Berritzailea: ekintzailetza berritzaileko enpresa-ekimenetarako.
Onuradunak eta betekizunak.
e-Gaztea lerroa: Diru-laguntza honen onuradun izan ahal dira eskaera egiten dutenean 35 urte baino gutxiago duten pertsona fisikoak, eta, diruz lagungarria den jarduera hori deialdi hau argitaratu baino 12 hilabete lehenago hasia badute edo 2026 ekitaldian hasi behar badute, eta baldin eta horien helbide fiskala eta soziala Irungo udalerrian kokatua badago edo egongo bada.
e-Berritzailea lerroa: Diru-laguntza hau jaso ahal izango dute diru-laguntzaren xedeko jarduera honako deialdia argitaratu aurreko 3 urteetan hasia duten edo 2026 ekitaldian hasiko duten pertsona fisikoek eta/edo juridikoek, betiere haien helbide fiskala eta soziala Irungo udalerrian badago deialdia argitaratu baino lehen edo egongo bada.
Aurrekontu-zuzkidura.
60.000 euro: e-Gaztea lerroa: 40.000 euro eta e-Berritzailea lerroa: 20.000 euro.
Aurrekontu aplikazioa: 1.0810.471.01.241.30.
Eskaerak aurkezteko epea eta tokia.
Eskaerak aurkezteko epea deialdi hau Gipuzkoako Aldizkari Ofizialean argitaratu eta hurrengo egunetik hasiko da 2026ko urriaren 30era arte edo aurrekontu-kreditua agortzen den arte. Eskaerak aurkeztuko dira Irungo Udalaren aurrean, HAZ Hiritarrak Atenditzeko Zerbitzuaren bitartez, Udal Egoitza Elektronikoa edo Administrazio Prozedura Erkidearena urriaren 1eko 39/2015 Legearen 16.4 artikuluan aurreikusitakoaren araberako beste edozein prozedura bitartez.
Irun, 2025eko abenduaren 29a.—Ogasuneko teknikaria.
(9024)