GIPUZKOAKO FORU ALDUNDIA
DIPUTATU NAGUSIA
Estrategia Zuzendaritza Nagusia
Etorkizuna Eraikiz Gipuzkoa Taldean proiektuen programaren dirulaguntzen lerroen oinarri arautzaileak eta 2025eko deialdia.
Diputatuen Kontseiluak, 2025eko otsailaren 18an egindako batzarraldian, ondoko erabakia hartu du:
Gipuzkoako Foru Aldundiaren 2024-2027 Plan Estrategikoa legegintzaldiko gobernu-ekintzan lider izateko tresna nagusia da, eta lankidetzazko gobernantza aurre hartzailearen ereduan sakontzen du, erakunde publikoekin, gizarte zibilarekin eta herritarrekin batera, politika publikoak eta haien ekosistemak berrikuntzaren ikuspegitik indartzeko.
Etorkizuna Eraikiz, 2016an egindako hasierako definiziotik, Gipuzkoako Foru Aldundiak «politika egiteko» modu berri bat aplikatzerakoan bultzatu nahi duen lankidetzazko gobernantza aurre hartzailea ulertzeko eta aplikatzeko modua da, horrela, lurraldearen erronkei berrikuntzaren eta esperimentazioaren ikuspegitik erantzuteko.
Era berean, aurreko legegintzaldiaren amaieran egindako Etorkizuna Eraikiz proiektuaren bilakaeraren azken ebaluazioa erreferentziatzat hartuta, legegintzaldi berri honetan, Etorkizuna Eraikizek jauzi kualitatiboa ematen du bere bilakaeran, eta Plan Estrategikoa bera hedatzen den esparru bihurtzen da; beraz, Etorkizuna Eraikizen hurrengo lau urteetarako ibilbide-orria da.
Horrela, legegintza-aldi berrian, Etorkizuna Eraikiz da Gipuzkoako Foru Aldundiak politikaren eta politika publikoen kudeaketan berritzeko egin duen apustu irmoa. Apustu horren bidez, konfiantza publikoa eta erronkei eta proiektuei modu kolektiboan heltzeko gaitasuna hobetu nahi dira. Horrela, agenda publiko berritzailea modu eraginkorragoan garatuz, areagotu egiten da demokraziaren, konfiantzaren eta balio publikoaren sorrera.
Etorkizuna Eraikiz eredua, funtsean, hiru gune handitan oinarritzen da –Gipuzkoa Taldean, Gipuzkoa Lab, eta Erreferentziazko Zentro eta Estrategiak–; horietan, lurraldeko eragileen sareak modu partekatuan eta ez hierarkikoan garatzen ditu deliberazio, proposamen eta esperimentazio jarduerak. Jarduera horiek Gipuzkoako agenda publikoan zentratzen dira, eta, berariaz, lurraldearen etorkizuneko erronkei heltzen diete, horiek identifikatu, aztertu eta Gipuzkoako Foru Aldundiaren politika publikoen bidez ezar daitezkeen irtenbideak planteatzen saiatzeko.
Gipuzkoa Taldean gunea herritarrek eta hainbat erakunde eta gizarte erakundek parte hartzen duten proposamenerako eta eztabaidarako eremua da, Gipuzkoako gizartearen ordezkaritza onena eta zabalena lortzeko. Ez da soilik eta bereziki leku fisiko bat, baizik eta lurraldearen etorkizunerako gakotzat jotzen diren ideiak eta proiektuak identifikatzeko eta proposatzeko lekuen batura.
Gipuzkoa Taldeanen lehentasunezko mekanismoetako bat «herritarren proiektuak» deiturikoak dira. Horien helburua da oinarrizko proiektuak planteatzea eta, hala badagokio, garatzea. Hausnarketa estrategikoko eremuekin lotuta daude. Estrategia Zuzendaritza Nagusiak sustatutako urteroko deialdien bidez proposatzen dira. Proiektuen proposamenak lurraldeko hainbat erakunderen bidez planteatu ohi dira (elkarteak, fundazioak, enpresak, unibertsitateak eta abar), eta, oro har, partzuergoetan biltzen dira horiek garatzeko.
«Herritarren proiektuen» helburua mantenduz, Gipuzkoa Taldean 2025 deialdia abian jarri nahi da hainbat berrikuntzekin. Deialdiaren bokazioa da bertatik sortzen diren emaitzak eta aktiboak hedatu eta eskalatzeko aukera izatea. Ildo horretan, asmoa da deialdi honetan garatzen diren proiektu esanguratsu batzuei jarraipena emateko aukerak aztertzea, beti ere, unean uneko aurrekontu baliabideen arabera.
2025eko deialdian, proiektuak bi kategoriatan banatuko dira:
a) Proiektu esperimentalak: Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek bultzatutakoak (oinarri arautzaileen I.1 eranskina). Proiektu esperimentalen helburua da aldez aurretik diseinatutako proiektuak ezartzea, eta esperimentazio maila aurreratua aurreikusi behar dute. Proposamen horiek inspiratzaileak eta garrantzi sozial handikoak dira, eta inpaktu handia izatea espero da, eta hedapen-estrategiaren proposamen batekin batera etorri behar dute.
b) Gipuzkoak dituen erronka nagusiei buruzko esplorazio proiektuak (oinarri arautzaileen I.2 eranskina). Esplorazio proiektuak hipotesi edo ideia inspiratzaileetatik abiatuta gerora esperimentaltzat har daitezkeen proiektuak definitzea helburu dutenak dira. Horietan, esperimentazioa oinarrizko mailan planteatzen da, eta dagozkion kontraste eta testatzeekin batera etorri behar dute, baita bideragarritasun-analisi batekin ere, inplementatu ahal izateko.
Proiektu esperimentalek zein esplorazio proiektuek honako erronka hauei erantzun behar diete nahitaez, lankidetzan garatzeko, eta osagai berritzailearekin: Gipuzkoa kohesionatua, askotarikoa eta inklusiboa, pertsonen ongizate fisiko eta emozionala, emakumeen eta gizonen benetako berdintasuna, gazteei aukerak eskaintzea, ardura komunitarioa, elkarte sarea, Lurralde oreka berdea, administrazio publikoen eraldaketa edo berrikuntza ez-teknologikoa.
Dirulaguntza hauek 2023ko abenduaren 13ko Europar Batzordearen 2023/2831 EB Erregelamenduan, minimis laguntzei Tratatuko 107. eta 108. artikuluen aplikazioari buruzkoan, xedatutakoa beteko dute.
Dirulaguntzen lerro hauetan, emakumeen eta gizonen arteko berdintasuna sustatzeko genero ikuspegia txertatzen da, balorazio irizpideen eta oinarri arautzaileetan ezarritako pertsona fisiko edo juridiko onuradunen betebeharren bidez.
Dirulaguntza lerro hauek sartuta daude Gipuzkoako Foru Aldundiaren 2024-2027 Dirulaguntzen Plan Estrategikoan. Hala ere, Gipuzkoako Lurralde Historikoaren 2025. urteko Aurrekontu Orokorrak onesten dituen abenduaren 20ko 4/2024 Foru Arauaren arabera eguneratu ahal izango da.
Horiek horrela, diputatu nagusiak proposatuta, Diputatuen Kontseiluak, eztabaidatu ondoren,
ERABAKITZEN DU
Lehenengo. Onestea Etorkizuna Eraikiz Gipuzkoa Taldean proiektuen programaren dirulaguntzen lerroen oinarri arautzaile orokorrak eta espezifikoak. Programa horrek jarduera ildo hauek ditu:
— Proiektu esperimentalak: Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek bultzatutakoak.
— Gipuzkoak dituen erronka nagusiei buruzko esplorazio proiektuak.
Oinarri hauek erabaki honen eranskin gisa doaz I. eranskinean. Eranskin hori osatzen dute oinarri arautzaile orokorrek eta oinarri espezifikoak.
Bigarren. Onestea dirulaguntza horien 2025eko deialdia, erabaki honen II. eranskin gisa doana.
Hirugarren. Baimentzea seirehun eta berrogei mila (640.000,00) euroko gastua, ondorengo aurrekontu sailen kargura:
* Oinarri arautzaileen I.1. eranskina: Proiektu esperimentalak: Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek bultzatutakoak.
—2025. urtekoa: 200.000,00 €.
1.0120.200.445.00.01.2025: 32.000,00 €.
1.0120.200.461.01.01.2025: 32.000,00 €.
1.0120.200.461.06.01.2025: 16.000,00 €.
1.0120.200.470.00.03.2025: 88.000,00 €.
1.0120.200.481.00.03.2025: 32.000,00 €.
—2026. urtekoa: 300.000,00 €.
5.0120.200.445.00.01.2026: 48.000,00 €.
5.0120.200.461.01.01.2026: 48.000,00 €.
5.0120.200.461.06.01.2026: 24.000,00 €.
5.0120.200.470.00.03.2026: 132.000,00 €.
5.0120.200.481.00.03.2026: 48.000,00 €.
* Oinarri arautzaileen I.2. eranskina: Gipuzkoak dituen erronka nagusiei buruzko esplorazio proiektuak.
—2025. urtekoa: 56.000,00 €.
1.0120.200.445.00.04.2025: 2.500,00 €.
1.0120.200.461.01.04.2025: 1.500,00 €.
1.0120.200.461.06.02.2025: 2.500,00 €.
1.0120.200.470.00.04.2025: 34.500,00 €.
1.0120.200.481.00.15.2025: 15.000,00 €.
—2026. urtekoa: 84.000,00 €.
5.0120.200.445.00.04 2026: 3.750,00 €.
5.0120.200.461.01.04 2026: 2.250,00 €.
5.0120.200.461.06.02 2026: 3.750,00 €.
5.0120.200.470.00.04 2026: 51.750,00 €.
5.0120.200.481.00.15 2026: 22.500,00 €.
Baimendutako gastua handitu edo murriztu ahal izango du aldaketaren zenbatekoaren arabera eskumena esleituta duen organoak, dirulaguntza ematea ebatzi baino lehen. Dena den, horrek ez du beste deialdi bat egitea ekarriko.
Laugarren. Erabaki honen bidez onesten diren oinarri arautzaileek ondorioak izango dituzte Gipuzkoako Aldizkari Ofizialean argitaratzen diren egun beretik aurrera.
Erabaki hau behin betikoa da eta amaiera ematen dio administrazio bideari. Interesdunek erabaki honen aurka zuzenean administrazioarekiko auzi errekurtsoa aurkez dezakete Administrazioarekiko Auzietako Donostiako Epaitegietan, erabakia argitaratu eta biharamunetik hasita bi hilabeteko epean.
Hala ere, partikularrek aukera dute horren aurretik berraztertzeko hautazko errekurtsoa aurkezteko Diputatuen Kontseiluari, argitaratu eta biharamunetik hasita hilabeteko epean. Hori eginez gero, ezingo da administrazioarekiko auzi errekurtsorik aurkeztu harik eta berraztertzekoaren berariazko ebazpena eman edo ustezko ezespena gertatu arte. Dena dela, egoki iritzitako beste edozein errekurtso aurkez daiteke.
Donostia, 2025eko otsailaren 21a.—Juan José de Pedro Alonso, Diputatu Nagusiaren Alorraren idazkaria.
(1451)
I ERANSKINA
OINARRI ARAUTZAILE OROKORRAK
1. Xedea.
1.1. Oinarri hauen bitartez arautzen diren dirulaguntzen xedea da Etorkizuna Eraikiz - Gipuzkoa Taldean ekimenaren esparruan ondorengo jarduera-lerro hauek finantzatzea:
a) Proiektu esperimentalak: Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek lankidetzan bultzatutakoak (I.1 eranskina).
b) Gipuzkoak dituen erronka nagusiei buruzko esplorazio-proiektuak (I.2 eranskina).
1.2. Proiektu esperimentalen helburua da aldez aurretik kontzeptualizatutako proiektuak ezartzea, eta esperimentazio maila aurreratua aurreikusi behar dute. Proposamen horiek inspiratzaileak eta garrantzi sozial handikoak dira, eta inpaktu handia izatea espero da, eta hedapen-estrategiaren proposamen batekin batera etorri behar dute.
Ildo horretan, beharrezkotzat jotzen da eragile desberdinek horietan parte hartzea, eta emaitza-adierazleak eta, ahal den neurrian, eragin-adierazleak txertatu behar dituzte.
1.3. Esplorazio-proiektuak hipotesi edo ideia inspiratzaileetatik abiatuta gerora esperimentaltzat har daitezkeen proiektuak definitzea helburu dutenak dira.
Horietan, esperimentazioa oinarrizko mailan planteatzen da, eta dagozkion kontraste eta testatzeekin batera etorri behar dute, baita bideragarritasun-analisi batekin ere, inplementatu ahal izateko.
Horregatik, banaka edo taldean aurkez daitezke eta aurrekontu txikiagoa izango dute.
2. Erakunde onuradunak.
2.1. Oinarri espezifikoetan jarduera-lerro bakoitzerako zehazten diren erakunde onuradunek eskuratu ahal izango dituzte oinarri hauetan araututako dirulaguntzak.
2.2. Oinarri hauetan araututako dirulaguntzen onuradun izateko, entitate eskatzaileak ez du sartuta egon behar 3/2007 Foru Arauak, martxoaren 27koak, Gipuzkoako Lurralde Historikoko dirulaguntzenak, 12. artikuluaren 2., 3. eta 4. paragrafoetan, 2/2015 Foru Arauak, martxoaren 9koak, emakumeen eta gizonen berdintasunerakoak 26.3 artikuluan eta Emakumeen eta Gizonen Berdintasunerako eta emakumeen aurkako indarkeria matxistarik gabe bizitzeko Legearen testu bateginaren 23 artikuluan ezartzen dituzten debeku kasuetan; eta oinarri hauetan adierazitako gainerako baldintzak ere bete behar ditu.
2.3. Aurreko atalean adierazitakoa egiaztatzeko, entitate eskatzaileak ardurapeko adierazpen bat aurkeztu beharko du.
2.4. Parte hartzeko eskabidea batera edo taldeka aurkezten bada, oinarri espezifikoetan ezarritako baldintzetan oinarrituta, taldearen erakunde ordezkari bat izendatu beharko da, dagozkion betebeharrak betetzeko behar beste ahalorde izango dituena. Erakunde ordezkari hori prozesuaren koordinatzailea izango da, prozesuaren garapenaz eta kudeaketaz arduratzeko, baita prozesua martxa onean joan dadin beharrezkoak diren bitartekari- eta harreman-funtzioez arduratzeko ere.
3. Diruz lagundu daitezkeen gastuak.
3.1. Diruz lagundu daitezkeen gastuak dira erakunde eskatzaileak aurkezten duen jardueraren aurrekontu xehatu eta zehatzean jasota egonik, diruz lagundutako jardueraren izaerari zalantzarik gabe erantzuten diotenak, behar-beharrezkoak direnak eta oinarri arautzaileetan ezarritako epean egiten direnak, eta zehazki:
— Barruko eta kanpoko langileen kostuak.
— Ikerketa-kontratuko kostuak, jakintza teknikoko kostuak eta lortutako patente edota kanpoko iturri batetik merkatu-lehiaketa maila osoz arituta lortutako lizentzien kostuak.
— Proiektutik zuzenean eratorritako gastu orokorrak.
— Bestelako ustiapen gastu osagarri batzuk, material, hornikuntza, nahiz proiektutik zuzenean eratorritako produktu berdintsuen kostuak.
— Zeharkako gastuak, diruz lagundutako jarduerak erakunde onuradunak garatutako gainerako jarduerekiko duen proportzioaren arabera.
3.2. Proiektuetan jaso beharko dira diruz lagundu daitezkeen gastuak, betiere oinarri arautzaile espezifikoetan jarduera-lerro bakoitzerako ezartzen den gutxieneko aurrekontua izango dutenak.
3.3. Barruko langileen kostuek ezingo dute gainditu kostu hautagarrien %90a, eta gehieneko kostu hautagarria 35 €/orduko izango da.
Langileek proiektuan emandako hileko orduen ziurtagiria aurkeztuko da, bai eta orduko kostuaren kalkulua ere.
Udalen, mankomunitateen, unibertsitate publikoen eta lanbide-heziketako ikastetxe publikoen kasuan, ez dira diruz laguntzeko moduko gastutzat hartuko dagokion erakundearen jardueraren berezko langileen gastuak.
3.4. Kanpoko langileen kostuak hautagarriak izango dira, 70,00 €/orduko gehienez.
3.5. Bidaietan eta mantenuan egindako gastuei dagokienez, Eusko Jaurlaritzaren 16/1993 Dekretuak, otsailaren 2koak, zerbitzuen ondoriozko kalte-ordainei buruzkoak, aurreikusitako baremoak aplikatuko dira.
3.6. Ez dira hautatzeko kostuak izango onuradunarekin lotura duten pertsonei edo erakundeei dagozkienak, salbu eta merkatuko baldintza arrunten arabera egiten den eta, aurretik, dirulaguntza ematen duen Administrazioaren baimena lortzen den.
3.7. Inolaz ere ez dira diruz lagunduko zeharkako zergak (BEZa, adibidez), berreskuratu edo konpentsatu daitezkeenean.
3.8. Eskatzaileak aurkeztutako aurrekontuan oinarri honetan diruz laguntzekoak ez diren gastuak sartzen badira, edo diruz laguntzekoak izanik ezarritako muga gainditzen badute, diruz lagundutako jardueraren izaerari zalantzarik gabe erantzuten ez badiote, behar-beharrezkoak ez badira, edo merkatu balioa gainditzen badute, kendu edo garbitu egingo dira, dirulaguntzaren muga zehazteko oinarri gisa erabiliko den gastu lagungarrien aurrekontua finkatzeko.
3.9. Erakunde onuradunek beste batzuekin hitzartu dezakete dirulaguntzaren xedeko jarduera osoa edo zati bat beraiek egitea, baldin eta 3/2007 Foru Arauak, martxoaren 27koak, Gipuzkoako Lurralde Historikoko dirulaguntzei buruzkoak, 28. artikuluan ezarritako beharkizunak betetzen badira. Inolaz ere ezingo da azpikontratatu diruz lagundutako jardueraren kostua areagotuz jarduera horri ezer gehitzen ez diotenak.
4. Dirulaguntzen eskaerak aurkezteko modua eta epea.
4.1. Eskaerak proiektu bakoitzeko bana izan behar dira eta, dagokion dokumentazioarekin batera, Internet bidez aurkeztu behar dira Gipuzkoako Foru Aldundiko egoitza elektronikoan (https://egoitza.gipuzkoa.eus), dirulaguntzen atarian sartuz eta han eskuragarri jarritako inprimaki espezifikoa betez. Eskaerak eta dokumentazio osagarria aurkezterakoan foru dekretu hauek bete behar dira: 23/2010 Foru Dekretua, irailaren 28koa, Foru Administrazioaren eremuan bitarteko elektronikoen erabilera arautzekoa, eta 7/2015 Foru Dekretua, azaroaren 30ekoa, eta 1/2023 Foru Dekretua martxoaren 15ekoa, Diputatu Nagusiaren Alorreko dirulaguntzei eta bekei buruzko espedienteen hainbat tramite bitarteko elektronikoen bidez egiteko obligazioa arautzen dutenak.
4.2. Deialdiaren informazioa eta eskaera-orri normalizatuak eskuragarri egongo dira Gipuzkoako Foru Aldundiko egoitza elektronikoan (https://egoitza.gipuzkoa.eus).
4.3. Eskaerak aurkezteko epea urte bakoitzeko deialdian ezarriko da.
4.4. Erakunde eskatzaileek ez dituzte aurkeztu beharko jada Gipuzkoako Foru Aldundiak badituen dokumentuak, 39/2015 Legeak, urriaren 1ekoak, Herri Administrazioen Administrazio Prozedura Erkideari buruzkoak, 28.2 eta 53.1.d artikuluetan aurreikusitakoari jarraiki, betiere dokumentuak indarrean badaude eta aurkeztu ondoren ez badira bost urte igaro. Horrelakoetan, eskaera orrian adierazi beharko da dokumentu horiek zein organoren aurrean edo bulegotan eta noiz aurkeztu ziren edo, hala badagokio, egin ziren.
4.5. Eskaerak edo horrekin batera doan dokumentazioak ez baditu identifikazio datuak biltzen, akatsen bat badu edo zerbait falta bada, eskatzaileari eskatuko zaio, 39/2015 Legeak, urriaren 1ekoak, Herri Administrazioen Administrazio Prozedura Erkideari buruzkoak, 68. artikuluan ezarritakoari jarraiki, hamar eguneko epean akats horiek zuzentzeko; eta adieraziko zaio ezen, zuzentzen ez baditu, eskaeran atzera egin duela ulertuko dela, aipatu legearen 21. artikuluan aurreikusitakoaren arabera.
5. Emateko prozedura.
5.1. Dirulaguntzak emateko prozedura norgehiagoka izango da, eta deialdi eta hautaketa-prozesu bakarra egingo da.
5.2. Prozedura ofizioz hasiko da, deialdi publiko bidez. Deialdia organo eskumendunak onartuko du, eta Gipuzkoako Aldizkari Ofizialean argitaratuko da.
6. Eskaeren ebaluazio-irizpideak.
Deialdira aurkezten diren eskaerak oinarri arautzaile espezifikoetan jarduera-lerro bakoitzerako zehazten diren irizpideen arabera baloratuko dira.
7. Dirulaguntzaren gehieneko zenbatekoa eta bateragarritasuna.
7.1. Jarduera-lerro bakoitzerako dirulaguntzaren gehieneko zenbatekoa oinarri arautzaile espezifikoetan ezartzen da.
Laguntza hauei emandako aurrekontu izendapena, aukeratutako eskaera guztientzako, kopuru horietara iristen ez bada, proiektu bakoitzari eman beharrezko dirulaguntza proportzio berean murriztuko da, eta eskatutako gutxieneko puntuazioa lortu duten proiektu guztiei dirulaguntza emango zaie baimendutako kreditua agortzen den arte.
I.1 eranskinean jasotako laguntzak ebatzi ondoren, kreditu soberakinak daudela ikusten bada, kreditu horiek I.2 eranskinari aplikatu ahal izango zaizkio.
7.2. Oinarri hauen xede diren dirulaguntzak bateragarriak izango dira Estatuko, Europar Batasuneko edo nazioarteko edozein administrazio edo erakunde publiko nahiz pribatuk xede bererako eman ditzakeen dirulaguntza, sarrera edo baliabideekin, betiere beste dirulaguntzen araudiek xedatu dezaketenaren kaltetan gabe.
7.3. Oinarri hauetan araututako dirulaguntzen zenbatekoak ezin du inola ere gainditu diruz lagundutako jardueraren kostua, ez berak bakarrik, ez beste dirulaguntza, laguntza, sarrera edo baliabide batzuekin batera.
7.4. Dirulaguntza emateko kontuan hartu diren baldintzetan edozein aldaketa gertatuz gero, eta nolanahi ere, oinarri hauetan baimendutako kasuez kanpo dirulaguntza hauekin batera laguntzak jasoz gero, gerta daiteke dirulaguntza emateari buruzko ebazpena aldatzea.
8. Prozedura antolatu eta bideratzeko eskumena duten organoak.
8.1. Diputatu Nagusiaren Alorraren Idazkaritzaren ardura da dirulaguntzak emateko prozedura antolatzea eta bideratzea.
8.2. Izapideen aldia hasteko dirulaguntzaren eskaeraren aurre ebaluazioa egingo da. Horretarako, dirulaguntzaren onuradun izateko ezarritako baldintzak betetzen ote diren egiaztatuko du Idazkaritzak.
8.3. Eskaerak Estrategiako Zuzendaritza Nagusiak aztertuko ditu eta, behar izanez gero kanpoko adituen laguntzarekin, balorazio txostena egingo dute. Txosten hori Ebaluazio Batzordeari igorriko zaio, egindako ebaluazioaren emaitza emango duen ebazpen proposamena egin dezan; eta, ondoren, eskumena duen organoari aurkeztuko zaio, onar dezan.
8.4. Honela osatuko da Ebaluazio Batzordea: Etorkizuna Eraikizeko zerbitzuburua, batzordeburu; Estrategia Zuzendaritza Nagusiko bi teknikari; Kontuhartzailetza eta Auditoretza Zerbitzuko teknikari bat, eta Diputatu Nagusiaren Alorraren Idazkaritzako burua, idazkari lanetan.
Ebaluazio batzordea eratzerakoan, trebakuntza, gaitasun eta prestakuntza egokia duten gizonezkoen eta emakumezkoen ordezkaritza orekatua bermatze aldera, ahal den neurrian, eta 2/2015 Foru Arauak, martxoaren 9koak, emakumeen eta gizonen berdintasunari buruzkoak, 21. artikuluan xedatzen duenarekin bat etorrita, bi sexuak %40an ordezkatuta egon behar dira gutxienez.
9. Dirulaguntzak emateko ebazpena.
9.1. Diputatu nagusia da organo eskuduna oinarri hauetako dirulaguntzak ematea ebazteko.
9.2. Deialdiaren ebazpena Gipuzkoako Aldizkari Ofizialean argitaratuko da, 39/2015 Legeak, urriaren 1ekoak, 45.1.b) artikuluan ezarritakoaren arabera. Argitalpen horrek banakako jakinarazpena ordeztuko du; eta, argitalpen egunaren biharamunetik hasita, jakinarazpena egintzat joko da lege ondorio guztietarako.
9.3. Laguntzak emateko prozedura ebazteko eta jakinarazteko epea sei hilabetekoa izango da, gehienez ere, urteko deialdia Gipuzkoako Aldizkari Ofizialean argitaratu eta hurrengo egunetik kontatzen hasita; data horretan hasten baita prozedura ondorio guztietarako.
9.4. Aurreko atalean adierazitako gehienezko epea amaitzerako ez bada berariazko ebazpenik jakinarazi, interesatuek administrazioaren isiltasunez beraien eskaerak ezetsiak izan direla uler dezakete.
10. Onuradunen betebeharrak eta konpromisoak.
10.1. Erakunde onuradunek dirulaguntzak onartzeak 3/2007 Foru Arauak, martxoaren 27koak, Gipuzkoako Lurralde Historikoko dirulaguntzei buruzkoak, 24/2008 Foru Dekretuak, apirilaren 29koak, onartutako Erregelamenduak eta dirulaguntzen alorreko gainerako araudi aplikagarriak ezarritako betebeharrak betetzea dakar, baita oinarri orokor hauetan nahiz berezietan ezartzen direnak ere.
10.2. Diruz lagundutako jarduera guztietan betetzea azaroaren 24ko 10/82 Legeak, Euskararen erabilera normalizatzeko oinarrizkoak, xedatutakoa, eta oro har, euskaldunen hizkuntza eskubideak bermatzeko moduan jokatzea.
Diruz lagundutako proiektuetako azken dokumentazioaren euskarazko bertsio bat eman beharko zaio Gipuzkoako Foru Aldundiko Diputatu Nagusiaren Alorrari.
10.3. Diruz lagundutako jarduera guztietan betetzea emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bateginak eta martxoaren 9ko 2/2015 Foru Arauak xedatutako printzipio orokorrak, bereziki hurrengo alderdiei dagokienez:
—Dokumentazioan, publizitatean, irudietan edo materialetan hizkuntzaren erabilera ez-sexista egitea, emakumeen irudi diskriminatzaileak edo estereotipo sexistak baztertzea, eta irudietan berdintasun baloreak, presentzia orekatua, aniztasuna, erantzukidetasuna eta genero-identitateen zein -rolen pluraltasuna sustatzea.
—Berdintasuna proiektuaren alderdi garrantzitsu bat denean, lantaldeetan emakumeen eta gizonen berdintasunari buruzko prestakuntza duten pertsonak sartuko dira. Halaber, prestakuntza hori egiaztatzen duten tituluak eta proiektua sartuko dira dirulaguntzaren eskabidean.
—Proiektuaren lan-eremua edozein dela ere, erabiltzen diren datu guztiak sexuaren arabera bereiziko dira, bai proiektua justifikatzean eta formulatzean, bai proiektua garatzean sortzen diren datuetan.
—Era berean, eta datu horietatik abiatuta, proiektuan neurri zuzentzaileak sartuko dira emakumeen eta gizonen arteko desberdintasunak hautemanez gero.
10.4. Gipuzkoako Foru Aldundiko Diputatu Nagusiaren Alorrak diruz lagundutako proiektu edo jardueren sustapen eta finantzazioari publizitate egokia ematea, Aldundiaren erakunde-irudiaren bidez zein finantzazio publikoari eta esku-hartze publikoaren helburuari buruzko aipamenen bidez, horma-irudi, inprimatutako material, bitarteko elektroniko edo ikus-entzunezkoetan, eta beste edozein euskarritan, edo komunikabideetan egindako adierazpenen bidez.
10.5. Gipuzkoako Foru Aldundiko Diputatu Nagusiaren Alorrak ezartzen dituen ebaluazio baldintza guztiak bete eta horietan parte hartu beharko dute; horien bitartez, jarduerak eta emaitzak eta inpaktuak neurtuko dira eraginkortasunetik eta eragimenetik.
11. Dirulaguntzak ordaintzea.
Dirulaguntzak bi zatitan ordainduko dira, dirulaguntza horien zenbatekoa banatzen den urterokoekin bat etorriz: lehenengoa, hurrengo paragrafoan adierazitako justifikazio partziala aurkeztu ondoren, eta bigarrena, 12. oinarrian ezarritako azken justifikazioa aurkeztu ondoren.
Zentzu horretan, onuradunek, deialdia egin den urteko azaroaren 14a baino lehen, urte horretako urtarrilaren 1etik izandako gastuak zuritzeko agiriak aurkeztu beharko dituzte. Zuriketa partziala egiteko betebehar hori aipatutako epean betetzen ez bada, emandako dirulaguntza jasotzeko eskubidea galduko da.
12. Dirulaguntzen justifikazioa.
12.1. Oinarri hauetako dirulaguntzak zuritzeko, egindako jardueren kontu zurigarria aurkeztuko da. Kontu zurigarriak honako hauek bilduko ditu:
—Jarduketa-memoria: dirulaguntza ematean jarritako baldintzak bete izana frogatuko duena. Zer jarduera burutu den eta zer emaitza izan den adierazi behar da. Proiektua gauzatzerakoan sortutako agiri eta txosten guztiak sartu behar dira.
—Memoria ekonomikoa, jardueren kostuak zuritzeko, honako eduki hau izango duena:
a) Jardueraren gastuen eta inbertsioen zerrenda sailkatua, hartzekoduna eta dokumentua identifikatuz, baita zenbatekoa, horren jaulkipen-data eta, beharko balitz, baita ordainketa-data ere. Dirulaguntza aurrekontu baten arabera eman denean, gertatu diren desbideratzeak adieraziko dira.
b) Aurreko paragrafoan aipatutako zerrendan jasotako gastuen fakturak edo merkataritzaren trafiko juridikoan froga-baliokide diren edo administrazioan eragina duten dokumentuak, eta, hala badagokio, egindako ordainketaren egiaztagiria edo behar bezala konprometitutako ordainketa ziurtatzen duen dokumentazioa.
c) Hala badagokio, aurreko a) paragrafoan aipatu den zerrendara gehitutako gastu orokorrak eta/edo zeharkakoak banatzeko irizpideak adieraziko dira, hirugarren oinarrian ezarritakoaren arabera.
d) Diruz lagundutako jarduera finantzatzeko erabili diren bestelako sarreren edo dirulaguntzen xehetasunezko zerrenda, baita horien zenbatekoak eta jatorriak ere.
e) Sexuaren arabera bereizitako informazioa, onuradunei, erakundeko bertako pertsonei eta, hala badagokio, kontratatu den erakundeko plantillari buruzkoa.
f) Nominak edo 10T eta RNT eta RNC agiriak, langileen barruko gastuak justifikatzeko eta egindako ordainketak egiaztatzeko dokumentazioa. Kooperatiba-sozietateen kasuan, kooperatibako bazkideen kotizazio-ziurtagiria, Gizarte Segurantzako dagokion erakunde laguntzaileak emana.
g) Orduen txostenak, erakunde eskatzaile, onuradun eta kontratatuetako parte-hartzaile bakoitzak proiektuari esleitutako arduraldi eta kostuen hilabeteko banakapena adierazita, garatutako fase eta eginkizunak oinarri hartuta.
h) Entitate onuradunek ekipo ondasunen hornikuntzetan edo aholkularitza nahiz laguntza teknikoko enpresen zerbitzuetan 15.000 euro edo hortik gorako kostu subentzionagarriak egin badituzte, eskatutako hiru eskaintzen artean egindako hautaketa egiaztatzen duen agiria, martxoaren 27ko 3/2007 Foru Arauaren 30.3 artikuluari jarraikiz, non eta laguntzaren ezaugarri bereziengatik merkatuan nahikoa enpresa edo profesional ez dagoenean edo gastua dirulaguntza eskatu aurretik egin ez den.
i) Proiektuaren genero-eraginari buruzko txostena, baldin eta eskabidean hori egiteko konpromisoa hartu bada.
—Diruz lagundutako proiektuaren dokumentazio grafikoa, argazkiak edo ikus-entzunezkoak.
12.2. Dirulaguntza zuritzeko ezarritako epean ez bada 1. atalean adierazitako dokumentazioa aurkezten, eskumena duen organoak erakunde ordezkariari/onuradunari errekerimendua egingo dio 15 eguneko epean aurkez dezan. Epe berri hori amaitutakoan ere ez badira frogagiriak aurkeztu, dirulaguntza kobratzeko eskubidea galduko du, edo 14. oinarrian aurreikusitako itzultzeko prozedura hasiko da.
12.3. Onuradunek 10 urtez gorde behar ditu derrigorrez dirulaguntzaren xedeko izan den jarduera egin izanaren zurigarriak, hala nola jasotako funtsa erabili izanaren egiaztagiriak. Zurigarri horiek guztiak aurkezteko ezarrita dagoen aldia amaitzen den une berean hasiko da kontatzen epe hori.
12.4. Oinarri honetan adierazitako dokumentazioa aurkeztu ondoren, instrukzio-organoak egoki diren egiaztapenak egingo ditu.
Egiaztapen horien bidez ondorioztatuko balitz diruz lagundutako jardueraren kostua emandako dirulaguntza baino txikiagoa izan dela, dirulaguntza doitu egingo da. Dirulaguntza zuritzeko baldintza guztiak edo batzuk ez direla bete edo dirulaguntzaren xedea ez dela zati batean edo osoan bete ondorioztatzen bada, onuradunari jakinaraziko zaio hori, egindako egiaztapenen emaitzekin batera. Halaber, dirulaguntza kobratzeko eskubidea galdutzat jotzeko prozedurari ekingo zaio edo, kasua balitz, 14. oinarrian aurreikusten den prozedurari, emandako dirulaguntza osoa edo zati bat itzularazteko.
13. Dirulaguntza emateko ebazpenaren aldaketa.
13.1. Erakunde ordezkariak/onuradunek dirulaguntza ematen duen organoari eskatu ahal izango diote, diruz lagundutako jarduera egiteko epea amaitu aurretik, ebazpena alda dezan: finkatutako epeak luzatzeko, emandako dirulaguntza murrizteko, edo jardueran bildutako ekintzak aldatzeko. Aurreikusi gabeko gertaeren ondorio direnean edo jardueraren helburua lortzeko beharrezkoak direnean baimenduko dira aldaketa horiek, betiere dirulaguntzaren xedea aldatzen ez bada eta hirugarrenen eskubideak kaltetzen ez badira.
13.2. Organo emaileak aldatu dezake dirulaguntza ematea onartzen duen ebazpena, aurrez erakunde interesatuarekin bilduta eta funtsak aplikatu aurretik: baldin eta dirulaguntza emateko kontuan izandako baldintzen aldaketak helburu zen interes publikoa lortzea eragozten edo zailtzen badu eta onuradunari ez bazaio kalte ekonomikorik eragiten.
13.3. Entitate onuradunak, dirulaguntzaren justifikazioan, aditzera ematen badu hainbat aldaketa gertatu dela dirulaguntza emateko kontuan hartutako baldintzetan, aldaketa horietarako beharrezkoa zen baimen administratiboaren tramitera jotzeke, eta ikusten bada aldaketa horiek kontuan hartuz gero ebazpenaren emaitza agian beste bat izango zela, Diputatu Nagusiaren Alorrak onartu ahal izango du aurkeztutako justifikazioa, baldin eta onartze horrek ez badu hirugarren pertsona batzuen eskubideak kaltetzea eragiten; dena den, horrek ez du onuraduna salbuesten Gipuzkoako Lurralde Historikoaren dirulaguntzei buruzko martxoaren 27ko 3/2007 Foru Arauaren arabera jar bide zaizkion zigorretatik.
14. Dirulaguntzen itzulketa.
14.1. Erakunde onuradunak ez baditu oinarri hauetan, espezifikoetan eta gainerako araudi aplikagarrian ezarritako baldintza eta betebehar guztiak betetzen, dirulaguntza jasotzeko eskubidea guztiz edo zati batean galdutzat joko zaio, eta dirulaguntza osoa edo zati bat eta dagozkion berandutza interesak itzuli beharko ditu, martxoaren 27ko 3/2007 Foru Arauak, 35. artikuluan, eta apirilaren 29ko 24/2008 Foru Dekretuak onartutako garapen araudiko 63. artikuluan eta ondorengoetan ezarritakoari jarraikiz; eta hortik ondorioztaturiko erantzukizunei ere aurre egin beharko die, foru arau horren 49. artikuluan eta hurrengoetan ezarritakoari jarraikiz.
14.2. Ez-betetzeak mailakatzeko proportzionaltasun irizpideak erabiliko dira: egindako lanen, eta proiektu guztiaren eta jasotako zenbatekoaren arteko proportzioaren arabera.
15. Proiektuen emaitzen konfidentzialtasuna eta jabetza intelektuala.
Parte-hartzaileek ondorengo elementuak zehaztu beharko dituzte beraien proposamenetan:
—Proiektuaren informazioa, emaitza eta lekukotasunen hedapenari dagokion konfidentzialtasun maila eta hirugarren pertsonek ezagutza eskuratzeko duten eskubidea eta, era berean, proiektutik eratorritako informazioaren konfidentzialtasun maila.
—Proiektuko emaitzen «copyright» delakoaren eta jabetza intelektualeko eskubideen tratamendu proposamena.
16. Europar Batasuna.
16.1. Oinarri arautzaile hauetan jasotzen diren laguntzek 2023ko abenduaren 13ko Europar Batzordearen 2023/2831 EB Erregelamenduan (ikus 2023ko abenduaren 15eko Europar Batasuneko Egunkari Ofiziala), minimis laguntzak Tratatuko 107. eta 108. artikuluen aplikazioari buruzkoan, xedatutakoa beteko dute. Europar Batasunak ezarritakoaren arabera, emandako minimis laguntzek guztira ez dute 300.000 euro baino gehiago izan behar hiru zergalditan.
16.2. Jarduerek Europar Batasunean aurreikusitako helburu eta ekintzekin bat egiten duten neurrian, izapidetu egingo dira, hala badagokio europar erkidegoaren finantzazioa ere lortzeko.
16.3. Europar Batasunaren fondoen bidez emandako dirulaguntzei dagokienez, kasu bakoitzean ezargarriak diren Batasunaren arauak eta horien garapen edo transposiziorako emandako arauak bete beharko dira.
17. Araubide juridikoa.
Oinarri hauen xede diren dirulaguntzei, bertan ezarritakoaz gain, honako hauek aplikatuko zaizkie: martxoaren 27ko 3/2007 Foru Araua, Gipuzkoako Lurralde Historikoko dirulaguntzei buruzkoa; eta hori garatzeko emandako araudia, apirilaren 29ko 24/2008 Foru Dekretuaren bidez onartutakoa, eta dirulaguntzen alorrean aplikagarriak diren gainerako araudiak.
OINARRI ESPEZIFIKOAK
I.1 eranskina. Proiektu esperimentalak: Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek bultzatutakoak.
1. Xedea.
1.1. Oinarri hauen arabera arautzen diren dirulaguntzen helburua, Etorkizuna Eraikiz ekimenaren baitan, proiektu esperimentalak finantzatzea da, Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek bultzatutakoak.
Gipuzkoaren eraldaketa sozial eta ekonomikorako lurraldeko eragileen dinamizazio prozesua aktibatzea da kontua, zenbait esparrutan eragingo duten proiektu praktikoei laguntza emanez, izaera berritzailea izanik erreferentzia izan daitezkeenak eta eragin biderkatzailea izango dutenak.
Laguntza-ildo horren bidez, proiektuak eta ahaleginak lurraldearen lehentasunekin lerrokatu nahi dira, eta, horrela, erronkei aurre egin diezaieketen irtenbide berrien garapena eta hedapena bizkortu.
1.2. Zehazki, dirulaguntzen helburu dira lankidetzazko berrikuntza-jarduerak barne hartzen dituzte proiektuak, eta hauetara bideratuta daudenak:
—Gipuzkoan eraldaketa sozial eta ekonomikoa dinamizatzeko prozesua aktibatzea, horretarako elkarlanean oinarritutako proiektu multzo berritzaileen bitartez Gipuzkoako erronka estrategiko handiak abaguneetan eraldatzeko dinamikak sortuz.
—Eremu zehatzetan esku-hartzeko proiektu praktiko multzoa sortzea, garapen prozesuen izaera berritzailea izanik, gida bezala balio dezaketenak ondoren zabaldu, hedatu eta errepikatzeko.
—Gipuzkoako Lurralde Historikoaren kapital sozialari probetxu ateratze aldera eta praktikara bideratutako ikuspuntu integratzailearen bitartez, elkarlanean oinarritutako proiektu mota berriak eta ekimenak artikulatu.
—Agertoki praktikoa edo abian jartzeko bultzada erabakigarria behar duten proiektu berritzaileen alde egitea, horretarako Gipuzkoako Foru Aldundiaren babesa, laguntza ekonomikoa, aginte zein elkarrizketa gaitasuna baliatuz.
—Jatorri askotariko eragile sozioekonomiko dinamizatzaile berrien identifikazio eta artikulazio dinamikak sortzea. Era berean, egituratutako partaidetza modu berriak eta elkarlan publiko-pribatuak bultzatu.
1.3. Proiektu esperimentalak nahitaez egon beharko dute urteroko deialdiaren 3. atalean zerrendatutako erronketako baten barruan.
2. Erakunde onuradunak.
2.1. Oinarri hauetan araututako dirulaguntzak jaso ahal izango dituzte Gipuzkoako Lurralde Historikoan aurreko oinarrian jasotako erronken barruan sartzen den proiektu esperimentalen bat sustatzen duten unibertsitateek, lanbide-heziketako zentroek, elkarteek, fundazioek, enpresa publiko eta pribatuek, udalek, mankomunitateek, garapen agentziek eta/edo interes ekonomikoko taldeek.
2.2. Parte hartzeko eskabideak batera edo taldeka aurkeztuko dira. Taldeak gutxienez bi entitatek osatuko dituzte.
Ondorio horietarako, eskaera bat taldean aurkeztutzat har dadin, hura osatzen duen entitate bakoitzaren gutxieneko partaidetzak kostu hautagarriaren %20 izan behar du.
Udalen, mankomunitateen, unibertsitate publikoen eta lanbide-heziketako ikastetxe publikoen ekarpena ez da nahitaez dirutan jaso beharko, baina proiektuan parte hartzearen eragina justifikatu beharko dute.
Eskaeran adierazi beharko da taldeko kide bakoitzak exekuzioan zenbateko konpromisoa hartzen duen eta bakoitzari aplikatuko zaion dirulaguntzaren zenbatekoa, denak onuradunak izanik. Eskaerarekin batera aurkeztu beharko dira taldea osatzen duen kide bakoitzaren aitorpenak, taldea ezingo baita onuradun izan kideetako batek ezin badu, 3/2007 Foru Arauak, martxoaren 27koak, 12. artikuluan xedatutakoaren arabera.
Dena dela, taldearen erakunde ordezkaria izendatu beharko da, dagozkion betebeharrak betetzeko nahikoa ahalmen izango dituena. Erakunde ordezkari hori prozesuaren koordinatzailea izango da, garapenaren eta kudeaketaren ardura izango du, baita prozesua martxa onean joan dadin beharrezkoak diren bitartekari lanak egin eta harremanak izan ere.
3. Boluntariotza.
3.1. Aurkeztutako proiektuaren aurrekontuan sartu ahal izango dira boluntarioen bidez garatuko diren jarduerak, eta, nolanahi ere, osagarriak edo laguntzekoak izango dira. Ondoren, dirulaguntzak zuritzeko, behar bezala egiaztatutako eta aseguratutako boluntarioen dedikazio-orduak zenbatu ahal izango dira, oro har onartutako kontabilitate-printzipioen arabera.
3.2. Zenbateko hori diruz lagun daitekeen gastutzat hartuko da, erakunde onuradunak diruz lagundutako proiektua garatzeko egin behar duen ekarpenaren barruan sar daitekeen neurrian. Hala ere, muga horrek ez du eraginik izango langile horiei aseguru gisa ordaindutako zenbatekoetan, ez eta proiektuak gauzatzeko joan-etorrietatik eratorritako gastuetan ere. Gastu horiek, nolanahi ere, diruz lagun daitezkeen gastutzat hartuko dira.
4. Gehienezko eskabide kopurua eta diruz lagundu daitezkeen gastuak.
4.1. Eskatzaile bakoitzak proiektu bakar batean parte har dezake, deialdi honen I.1 eranskinaren esparruan, jarraian Unibertsitateen eta Lanbide Heziketako ikastetxeen kasurako aurreikusitakoa alde batera utzita.
Unibertsitateei eta Lanbide Heziketako ikastetxeei dagokienez, muga hori ikerketa-taldeei aplikatzen zaie, eta entitate horiek aurkeztutako hainbat proiektutan parte har dezakete.
4.2. Proiektuak gutxienez 60.000 euro izango ditu diruz lagundu daitezkeen gastuen aurrekontuan.
5. Erakunde onuradunen konpromisoak.
Erakunde onuradunek Etorkizuna Eraikiz - Gipuzkoa Taldean programaren jarraipen sistemaren esparruan antolatzen diren bilera eta saioetan parte hartu beharko dute. Sistema horrek hiru mekanismo ditu:
1. Etorkizuna Eraikizen aktiboen eredua, eranskin honen bukaeran jasotzen dena. Eredu horrek aukera eman behar du proiektuetatik eratorritako ikaskuntzen inbentarioa egiteko, eta erakunde onuradunek horiek amaitzean bete beharko dute.
2. Jarraipen bilerak Estrategia Zuzendaritza Nagusiarekin.
3. Jarraipen kolektiboko ekintzetan parte hartzea. Ekintza horietan parte hartuko dute erakunde onuradunek eta Etorkizuna Eraikiz ekosistemako eragileek.
6. Eskaeren ebaluazio-irizpideak.
a) Zein erronkari erantzun nahi zaion identifikatzea, proiektuaren beharra eta motibazioa. 25 puntu gehienez.
—Erronka identifikatzea. 10 puntu gehienez.
—Proiektuaren beharra eta motibazioa. 15 puntu gehienez.
b) Erronkan esperimentatzeko metodologia eta plangintza. 20 puntu gehienez.
—Metodologia. 10 puntu gehienez.
—Planifikazioa. 10 puntu gehienez.
c) Parte-hartzaileak eta proposatzen den lankidetza. 25 puntu gehienez.
—18 puntu, beste biak ez bezalako hirugarren parte-hartzaile batengatik.
—7 puntu, unibertsitate edo lanbide-heziketako ikastetxe bat sartzeagatik.
d) Nazioarteko ikuspegia integratzea. 10 puntu gehienez.
e) Proiektuak izan dezakeen eraginaren azterketa: adierazleen definizioa. 10 puntu gehienez.
f) Hedapen edo zabalkunde planaren kalitatea. 5 puntu gehienez.
g) Emakumeen eta gizonen arteko berdintasuna: proiektuaren xedearekin lotutako desberdintasunen aldez aurreko azterketa, proiektua gauzatzeko fasean horiei aurre egiteko aplikatu beharreko berdintasun-neurriak barne.
Gainera, proiektuaren azken justifikazioarekin proiektuaren genero-eraginari buruzko txostena aurkezteko konpromisoa, sexuaren arabera bereizitako adierazle eta datuekin, antzemandako desberdintasunak, aurre egiteko aplikatutako berdintasun-neurrien edukia eta lortutako emaitzak zehaztuz. 5 puntu, gehienez.
Gutxienez 70 puntu lortzen ez dituzten proposamenak baztertuak izango dira.
7. Dirulaguntzaren zenbatekoa.
Dirulaguntzaren zenbatekoa diruz lagun daitezkeen gastuen %100ekoa izan daiteke, eta, gehienez ere, 80.000 euro emango da proiektu bakoitzeko.
I.2 eranskina. Gipuzkoak dituen erronka nagusiei buruzko esplorazio-proiektuak.
1. Xedea.
1.1. Oinarri hauek arautzen dituzten dirulaguntzen xedea da Etorkizuna Eraikiz ekimenaren esparruan Gipuzkoak dituen erronkei erantzuteko planteatzen diren esplorazio-proiektuak finantzatzea.
1.2. Esplorazio-proiektuen ezaugarria da proiektu berritzaileak direla, Gipuzkoak dituen erronkei aurre egiteko ikuspegi berriak dituztenak. Eraldatzeko ahalmen handia dute, eta erronka horien eremuan eragina izango duten emaitzak sortzea espero da. Hala ere, ez daude behar bezain helduak beren hedapenean eta esperimentazioan inpaktu potentziala lor dezaten.
1.3. Esplorazio-proiektuak nahitaez egon beharko dute urteroko deialdian 3. atalean zerrendatutako erronketako baten barruan.
2. Erakunde onuradunak.
2.1. Oinarri hauetan araututako dirulaguntzak jaso ahal izango dituzte Gipuzkoako Lurralde Historikoan aurreko oinarrian jasotako erronken barruan sartzen den proiektu bat sustatzen duten unibertsitateek, lanbide-heziketako zentroek, elkarteek, fundazioek, enpresa publiko eta pribatuek, udalek, mankomunitateek, garapen agentziek eta/edo interes ekonomikoko taldeek.
2.2. Parte hartzeko eskabideak banaka edo taldean aurkez daitezke.
Ondorio horietarako, eskaera bat taldean aurkeztutzat har dadin, hura osatzen duen entitate bakoitzaren gutxieneko partaidetzak kostu hautagarriaren %20 izan behar du.
Udalen, mankomunitateen, unibertsitate publikoen eta lanbide-heziketako ikastetxe publikoen ekarpena ez da nahitaez dirutan jaso beharko, baina proiektuan parte hartzearen eragina justifikatu beharko dute.
Dirulaguntzetara pertsona edo erakunde bat baino gehiago elkarrekin edo talde bezala aurkezten badira, eskaeran adierazi beharko da taldeko kide bakoitzak exekuzioan zenbateko konpromisoa hartzen duen eta bakoitzari aplikatuko zaion dirulaguntzaren zenbatekoa, denak onuradunak izanik. Eskaerarekin batera aurkeztu beharko dira taldea osatzen duen kide bakoitzaren aitorpenak, taldea izango baita onuradun izan kideetako batek ezin badu, 3/2007 Foru Arauak, martxoaren 27koak, 12. artikuluan xedatutakoaren arabera.
Dena dela, taldearen erakunde ordezkaria izendatu beharko da, dagozkion betebeharrak betetzeko nahikoa ahalmen izango dituena. Erakunde ordezkari hori prozesuaren koordinatzailea izango da, garapenaren eta kudeaketaren ardura izango du, baita prozesua martxa onean joan dadin beharrezkoak diren bitartekari lanak egin eta harremanak izan ere.
3. Boluntariotza.
3.1. Aurkeztutako proiektuaren aurrekontuan sartu ahal izango dira boluntarioen bidez garatuko diren jarduerak, eta, nolanahi ere, osagarriak edo laguntzekoak izango dira. Ondoren, dirulaguntzak zuritzeko, behar bezala egiaztatutako eta aseguratutako boluntarioen dedikazio-orduak zenbatu ahal izango dira, oro har onartutako kontabilitate-printzipioen arabera.
3.2. Zenbateko hori diruz lagun daitekeen gastutzat hartuko da, erakunde onuradunak diruz lagundutako proiektua garatzeko egin behar duen ekarpenaren barruan sar daitekeen neurrian. Hala ere, muga horrek ez du eraginik izango langile horiei aseguru gisa ordaindutako zenbatekoetan, ez eta proiektuak gauzatzeko joan-etorrietatik eratorritako gastuetan ere. Gastu horiek, nolanahi ere, diruz lagun daitezkeen gastutzat hartuko dira.
4. Gehienezko eskabide kopurua eta diruz lagundu daitezkeen gastuak.
4.1. Eskatzaile bakoitzak 3 proiektuetan parte har dezake, deialdi honen I.2 eranskinaren esparruan.
4.2. Proiektuak gutxienez 10.000 euro izango ditu diruz lagundu daitezkeen gastuen aurrekontuan.
5. Erakunde onuradunen konpromisoak.
Erakunde onuradunek Etorkizuna Eraikiz - Gipuzkoa Taldean programaren jarraipen sistemaren esparruan antolatzen diren bilera eta saioetan parte hartu beharko dute. Zehazki:
1. Estrategia Zuzendaritza Nagusiarekin egiten diren jarraipen bileretan parte hartuko dute.
2. Jarraipen kolektiboko ekintzetan parte hartzea. Ekintza horietan parte hartuko dute erakunde onuradunek eta Etorkizuna Eraikiz ekosistemako eragileek.
6. Eskaeren ebaluazio-irizpideak.
a) Zein erronkari erantzun nahi zaion identifikatzea, proiektuaren beharra eta motibazioa. 25 puntu gehienez.
—Erronka identifikatzea. 10 puntu gehienez.
—Proiektuaren beharra eta motibazioa. 15 puntu gehienez.
b) Proiektua diseinatzeko metodologia eta plangintza. Bertan, egin nahi diren ikerketak, kontrasteak eta testaketak jasoko dira. 55 puntu gehienez.
—Metodologiaren eta plangintzaren arteko koherentzia. 25 puntu gehienez.
—Egin nahi diren ikerketak, kontrasteak, testaketak. 25 puntu gehienez.
—Nazioarteko ikuspegia proiektuan integratzeko proposamena. 5 puntu gehienez.
c) Parte-hartzaileak eta proposatzen den lankidetza. 10 puntu gehienez.
—5 puntu eskabidea taldean aurkezteagatik.
—5 puntu, unibertsitate edo lanbide-heziketako ikastetxe bat sartzeagatik.
d) Hedapen edo zabalkunde planaren kalitatea. 5 puntu gehienez.
e) Emakumeen eta gizonen arteko berdintasuna: proiektuaren xedearekin lotutako desberdintasunen aldez aurreko azterketa, proiektua gauzatzeko fasean aplikatu beharreko berdintasun-neurriak barne, neurri horiei aurre egiteko.
Gainera, proiektuaren azken justifikazioarekin proiektuaren genero-eraginari buruzko txostena aurkezteko konpromisoa, sexuaren arabera bereizitako adierazle eta datuekin, antzemandako desberdintasunak, aurre egiteko aplikatutako berdintasun-neurrien edukia eta lortutako emaitzak zehaztuz. 5 puntu, gehienez.
Gutxienez 70 puntu lortzen ez dituzten proposamenak baztertuak izango dira.
7. Dirulaguntzaren gehieneko zenbatekoa.
Dirulaguntza izan daiteke diruz lagundu daitezkeen gastuen %100ekoa; eta gehienez ere 20.000 euro emango da proiektu bakoitzeko.
II ERANSKINA
Etorkizuna Eraikiz - Gipuzkoa Taldean Proiektuen Programaren dirulaguntzen 2025eko deialdia.
1. Oinarri arautzaileak.
Etorkizuna Eraikiz - Gipuzkoa Taldean proiektuen programaren dirulaguntzen oinarri arautzaileak 2025eko otsailaren 18ko Diputatuen Kontseiluren erabakiaz onetsitakoak dira, deialdi honekin batera Gipuzkoako Aldizkari Ofizialean argitaratzen direnak.
2. Finantziazioa.
Deialdi honetarako gehieneko zenbatekoa 640.000,00 €-koa izango da, aurrekontuko kontu-sail hauen kargura:
* I.1 eranskina: proiektu esperimentalak: Gipuzkoak dituen erronkei erantzuna emateko planteatzen diren proiektu berritzaileak, eragile ekonomiko eta sozialek bultzatutakoak.
—2025. urtekoa: 200.000,00 €.
1 0120.200.445.00.01 2025: 32.000,00 €.
1 0120.200.461.01.01 2025: 32.000,00 €.
1 0120.200.461.06.01 2025: 16.000,00 €.
1 0120.200.470.00.03 2025: 88.000,00 €.
1 0120.200.481.00.03 2025: 32.000,00 €.
—2026. urtekoa: 300.000,00 €.
5 0120.200.445.00.01 2026: 48.000,00 €.
5 0120.200.461.01.01 2026: 48.000,00 €.
5 0120.200.461.06.01 2026: 24.000,00 €.
5 0120.200.470.00.03 2026: 132.000,00 €.
5 0120.200.481.00.03 2026: 48.000,00 €.
* I.2 eranskina: Gipuzkoak dituen erronka nagusiei buruzko esplorazio-proiektuak.
—2025. urtekoa: 56.000,00 €.
1 0120.200.445.00.04 2025: 2.500,00 €.
1 0120.200.461.01.04 2025: 1.500,00 €.
1 0120.200.461.06.02 2025: 2.500,00 €.
1 0120.200.470.00.04 2025: 34.500,00 €.
1 0120.200.481.00.15 2025: 15.000,00 €.
—2026. urtekoa: 84.000,00 €.
5 0120.200.445.00.04 2026: 3.750,00 €.
5 0120.200.461.01.04 2026: 2.250,00 €.
5 0120.200.461.06.02 2026: 3.750,00 €.
5 0120.200.470.00.04 2026: 51.750,00 €.
5 0120.200.481.00.15 2026: 22.500,00 €.
Baimendutako gastua handitu edo murriztu ahal izango du aldaketaren zenbatekoaren arabera eskumena esleituta duen organoak, dirulaguntza ematea ebatzi baino lehen. Dena den, horrek ez du beste deialdi bat egitea ekarriko.
3. Erronkak.
Proiektu esperimentalak eta esplorazio-proiektuak erronka hauetakoren batean sartuta egon beharko dute nahitaez, lankidetzan garatzeko, eta osagai berritzailearekin:
—Gipuzkoa kohesionatua. Ezberdintasunaren hazkundea da Gipuzkoako lurraldearen gizarte kohesioaren ereduaren mehatxu nagusietako bat, eta, ondorioz, gai sozioekonomikoak eta demografikoak landu behar dira, hala nola erronka demografikoa, hazkuntzan laguntzea, komunitatea indartzea, eten digitala, hizkuntza berdintasuna, …
—Gipuzkoa askotarikoa eta inklusiboa. Diskurtso muturrekoenak gero eta ezegonkorragoak eta handiagoak diren testuinguru batean, giza eskubideen ikuspegia bermatzea, Ongizate Estatuaren oinarri gisa, oinarrizko premisa da. Beraz, gizarte-justiziako mekanismoen bitartez, jatorri, arraza, erlijio, etnia, sexu edo funtzionalitate fisikoagatik askotariko pertsonak sartzea, ez diskriminatzea eta aitortzea kohesio eta bake soziala bermatzera bideratu behar dira, pluraltasunari balioa emanez.
—Gipuzkoarren ongizate fisiko eta emozionala. Pertsonen elementu psikologiko, emozional, sozial eta ekonomikoen arteko oreka ongizatearen eta bizi-proiektu egokiak garatzeko baldintzen oinarria da. Osasun fisiko eta mentaleko, emozionaleko, harremanetako, sozialeko eta kognitiboko alderdiak biltzen ditu, baita alderdi materialak, sozialak eta kulturalak ere. Besteak beste, Gipuzkoako gizartearen ongizate emozional eta fisikoa sustatu nahi da, ohitura edo bizimodu osasungarriak, aktiboak eta independenteak sustatuz, prebentzioaren ikuspegitik.
Atal honetatik kanpo geratzen dira adin-nagusitasunera iritsi ez diren gazteei zuzendutako proiektuak, deialdi espezifiko baten xede izango direnak.
—Emakumeen eta gizonen benetako berdintasuna: tratu eta aukera berdintasuna, genero-arrakalak eremu guztietan, zaintza-lanen banaketa ezberdina…
—Gazteei bizitza autonomoaren proiektua eraikitzeko aukerak eskaintzen dizkien lurraldea. Kontua da Gipuzkoa lurralde erakargarria izatea gazteentzat, bizi-proiektu bat gara dezaten. Honako gai hauek jorratuko dituzten proiektuak garatu nahi dira: orientazioko, ikaskuntzako eta laguntzako tresnak etapa desberdinetan; gazteen laneratze-prozesuak eta lan-ibilbideak indartzeko jarduerak; kalitatezko enpleguak garatzeko aukerak sortzea; gizartean parte-hartze osoa eta bidezkoa izateko espazioak eta kanalak bermatzea eta sustatzea…
—Herritarren eta administrazio publikoen erantzukizun komunitarioan sakontzea, azken horiek zeregin bikoitza baitute ekintza komunitarioaren sustapenean (erraztea eta eraikitzea). Gipuzkoa izaera komunitario handiko lurraldea da. Gaur egungo eraldaketei aurre egiteko orduan, errealitate horrek balio izugarria du. Komunitate arduratsu bat indartu nahi da, erantzukizun indibidual eta kolektiborako deia eginez. Horretarako, hainbat elementu konbinatu behar dira, hala nola izaera komunitarioa zabaltzea, gizarte-eragileen inplikazioa erraztuz, herritarrek entzuteko eta parte hartzeko espazioak egotea eta gizarte-kohesioa hobetzeko gizarte-politikak garatzea.
—Elkarte-sarea eraldatzea eta berritzea, gure gizartearen erronken aurrean jarduerek duten eragina areagotzeko. Besteak beste, belaunaldien arteko erreleboa, aliantzak, digitalizazioa, administrazio publikoekiko harremanak, boluntariotzaren kudeaketa, pertsonen trebakuntza (antolaketa, bolutariotza…), kudeaketa-ereduak…
—Lurralde oreka berdea. Espazioari eta biztanleriari dagokienez, lurralde oreka izan da Gipuzkoako lurraldearen ezaugarrietako bat, baina hori lausotu egin da, gero eta biztanle gehiago biltzen delako kostaldeko eskualdeetan. Lurralde oreka berdearen erronkak honako gai hauek lantzea eskatzen du: landa lurraldearen etorkizunari buruzko prospekzioa, hiri eta landa ingurunearen arteko harreman berriak, landa ingurunean bizitza eredu berriak sustatzea, landa ingurunean zerbitzu ekosistema berriak, lurraldea antolatzeko proposamen berritzaileak, tokiko produktuari laguntzea…
—Administrazio publikoen eraldaketa. Gipuzkoako lurraldeak dituen erronka konplexuen testuinguruan, beharrezkoa da administrazio publikoak eraldatzea, gobernantza lankidetzazko eta aurre hartzailearen ereduak bultzatze aldera. Horretarako, honako gai hauek landu behar dira: administrazioen antolaketa kultura, eragileekin eta herritarrekin lankidetza handiagoa izateko hurbilketetan aurrera egiteko; zerbitzu publikoak emateko modu berritzaileak; digitalizazioa eta datuaren kudeaketa; talentuaren kudeaketa eta profil profesional berriak…
—Berrikuntza ez-teknologikoa sustatzea: soziala, antolamendukoa, ekonomikoa… Berrikuntza ez-teknologikoaren erronkak, hau da, merkatuak edo sektore publikoak behar bezala estaltzen ez dituen gizarte-premiak asetzeko modu berriak aztertzen dituen berrikuntzak, honako gai hauei heldu behar die: gizartearen erronka handiak konpontzeko beharrezkoak diren jokabide-aldaketak sustatzea, gizarte-harreman berriak sortzea, lankidetza-eredu berriak sortzea, berrikuntza kolektiborako gaikuntza-testuinguruak sortzea…
4. Dirulaguntza eskatzeko baldintzak eta haiek frogatzeko era.
Laguntzak jaso ahal izango dituzte 2. oinarri arautzaile orokorretan aipatzen diren erakundeak.
5. Eskaerak aurkezteko epea.
Eskaintzak aurkezteko epea irekiko da deialdi hau Gipuzkoako Aldizkari Ofizialean argitaratu eta biharamunean eta 2025eko martxoaren 31n bukatuko da, 12:00etan.
2025eko martxoaren 17an, 16:00tan, deialdiaren aurkezpen orokorra egingo da Gipuzkoako Foru Aldundiko Etorkizuna Eraikiz Gunean (Gipuzkoa Plaza z/g - 20004 Donostia). Aurkezpen hori telematikoki jarraitu ahal izango da Teamsen estekaren bidez. Esteka hori bigarren aukera hori aukeratzen duten pertsonei bidaliko zaie.
Aurkezpen horretan, interesdunek deialdiko zalantzak argitu ahal izango dituzte.
Ekitaldia behar bezala antolatu ahal izateko, parte hartuko duten pertsonei eskatzen zaie mezu elektroniko bat bidal dezatela estrategia@gipuzkoa.eus helbidera, «Gipuzkoa Taldean 2025» deialdiari erreferentzia eginez gaian eta Guneara zenbat pertsona joango diren adieraziz, edo, hala badagokio, helbide elektroniko bat emanez Teamsen esteka jasotzeko.
6. Jarduketak gauzatzeko eta egiaztatzeko epea.
Eskaerako jarduketak 2025eko urtarrilaren 1etik 2026ko irailaren 15era bitartean gauzatu beharko dira, eta jarduketak guztiz gauzatu direla zuritzen duen kontua 2026ko urriaren 15a baino lehen aurkeztu beharko da.
7. Eskaerarekin batera aurkeztu behar den dokumentazioa.
7.1. Dirulaguntzen eskaerak eranskin gisa doan eskaera ereduaren arabera aurkeztuko dira. Eredu hori eskuragarri dago Gipuzkoako Foru Aldundiaren egoitza elektronikoan, deialdi honi dagokion atalean (https://egoitza.gipuzkoa.eus).
7.2. Eskaera ereduari erantsi behar zaio proiektuaren galdetegi orokorrean eskatutako informazioa. Galdetegia goian aipatutako atarian eskura daiteke.
7.3. Ardurapeko adierazpena ere aurkeztu beharko da, ondorengo puntu hauek jasoz:
a) 3/2007 Foru Arauak, martxoaren 27koak, Gipuzkoako Lurralde Historikoko dirulaguntzei buruzkoak, 12. artikuluan; 2/2015 Foru Arauak, martxoaren 9koak, emakumeen eta gizonen berdintasunerakoak 26 artikuluan eta Emakumeen eta Gizonen Berdintasunerako eta emakumeen aurkako indarkeria matxistarik gabe bizitzeko Legearen testu bateginak 23 artikuluan ezartzen dituzten onuradun izateko debeku arrazoietatik salbu dagoela.
b) Proiektu bererako lortutako beste laguntzaren aitortza.
c) Laguntzaren eskatzaileak dagokion ekitaldi fiskalean eta aurreko bi ekitaldi fiskaletan jasotako beste «de minimis» laguntza batzuk aitortu behar ditu, erregelamenduak ezartzen duen gehieneko muga ez duela gainditzen frogatzeko.
7.4. Taldean aurkeztutako eskaeren kasuan, parte hartzen duen erakundeetako bakoitzak aurreko puntuan adierazitako alderdien inguruan, eta aipatutako atarian aurki daitekeen eredua erabiliz, egindako ardurapeko adierazpena aurkeztu beharko da, eta bertan ordezkaritza emango zaio erakunde jarduleari.
7.5. Emakumeen eta gizonen berdintasuna proiektuaren alderdi garrantzitsu bat denean, berdintasunari buruzko prestakuntza egiaztatzen duten tituluak aurkeztuko dira, oinarri arautzaile orokorren 10. oinarrian jasotakoaren arabera.
8. Dokumentazio elkarreragingarria eta egiaztagarria.
39/2015 Legeak, urriaren 1ekoak, Administrazio Publikoen Administrazio Prozedura Erkidearenak 28. artikuluan aitortzen du herritarrek eskubidea dutela administrazio jardulearen esku dauden dokumentuak edo beste edozein administraziok egindakoak ez aurkezteko; beraz, administrazio jarduleak dokumentu horiek kontsultatu edo eskuratu ahal izango ditu, salbu eta interesdunak horren aurka egiten badu. Administrazio publikoek elektronikoki jaso behar dituzte dokumentuak, beren sare korporatiboen bidez edo datu bitartekaritzarako plataformei edo horretarako prestatutako beste sistema batzuei kontsulta eginez.
Gipuzkoako Foru Aldundia Nisae Euskadiko Administrazioen Segurtasunerako eta Elkarreragingarritasunerako Nodoaren parte da. Plataforma hori euskal sektore publikoko administrazio eta erakunde guztientzat da, haien artean eta gainerako administrazioekin datu elektronikoak trukatzeko nodo autonomiko gisa. Horrez gain, Foru Administrazioak foru sare korporatiboko aplikazioak edo dokumentuak egiaztatzea eta lortzea ahalbidetzen duten beste sistema batzuk erabiliko ditu.
Deialdi honetan honako betekizun hauek egiaztatuko dira bitartekaritza plataformen bidez:
a) Gizarte Segurantzarekiko betebeharrak egunean izatea.
b) Zerga betebeharrak egunean izatea; Gipuzkoako Foru Aldundiko Ogasun Departamentuarekin egiaztatuko da hori.
c) Euskal Administrazioaren Ordainketa Pasabidearen bidez egiaztatuko den banku kontuaren titulartasuna, betiere dagokion bankua bertan sartuta badago.
Entitate eskatzaileak egiaztapen horren aurka egiten badu, berak aurkeztu beharko du dokumentazioa.
9. Dirulaguntzak emateko ebazpenaren argitalpena.
Deialdiaren ebazpena Gipuzkoako Aldizkari Ofizialean argitaratuko da, 39/2015 Legeak, urriaren 1ekoak, 45.1.b) artikuluan ezarritakoaren arabera. Argitalpen horrek banakako jakinarazpena ordeztuko du; eta, argitalpen egunaren biharamunetik hasita, jakinarazpena egintzat joko da lege-ondorio guztietarako.
Etorkizuna Eraikizen Aktiboen Eredua.
