Subvenciones Subvenciones

Gipuzkoa Digitala - DATEKIN

  • Eskaera epea: Epez kanpo
  • Azken eguna: 2022
  • Ekonomia Sustapena

Deskribapena:

Enpresentzako dirulaguntzak

Lerro honen helburua da Gipuzkoako enpresen artean datuen balorizazio prozesua bizkortzea enpresaren eta negozio ereduaren eraldaketa digitala lortzeko; horretarako, datuak informazio garrantzitsu bihurtzen adituak diren kanpoko eragileen kontratazioa bultzatuko da, enpresei erabakiak hartzen laguntzeko.

Aurrekontua: 650.000 €

                      450.000 € 2022ean eta 200.000 € 2023an.

Hartzaileak

Entitate onuradunak izango dira Gipuzkoan kokatuta dauden eta jasotako dirulaguntzarekin egindako hobekuntzak lekuko lantokietara aplikatzen badituzte.

Proiektuen baldintzak
Lerro honek bi laguntza eremu aurreikusten ditu, enpresen heldutasun digitalaren mailaren arabera eta kalitatezko datuak eskuragarri dauden ala ez kontuan hartuta:
a) Digitalizazio maila nahikoa duten enpresak, modu egituratuan biltegiratutako datuak dituztenak eta horiek erabiltzeko eta ustiatzeko proiektu bat planteatzen dutenak.
b) Prozesuen nolabaiteko digitalizazio maila duten enpresak eta beren sistemetatik datorren informazioa erabiltzeko aukera aztertu nahi dutenak.
Proiektuek laguntza aditua izan beharko dute, enpresatik kanpokoa, ahal dela Oinarri Teknologikoko Enpresa Berrien bitartez.
Gastu mota lagungarriak: azpikontratazioak eta inbertsioak (proiektuaren kostu osoaren %25 gainditzen ez badute).
 
Laguntzen zenbatekoa

Diruz lagun daitekeen kostuaren % 40 (araudia aplikatuz)

ETEen kasuan, % 10 handituko da dirulaguntza, eta OTEB kontratatuz gero, %20 handituko da erabilera eta ustiapen-proiektua bada, eta % 20 azterketa-proiektua bada.

Gehieneko zenbatekoa: 40.000 € ezarpen-proiektuetarako edo 20.000 € azterketa-proiektuetarako.

Oinarri hauetan aurreikusitako dirulaguntzak «minimis» deritzon arau Europear mende egongo dira: Europar Batasunak ezarritakoaren arabera, enpresa bakar bati emandako minimis laguntzak ezin dira, guztira, 200.000 eurotik gorakoak izan, dagokion zerga ekitaldian eta aurreko bietan.

Oinarri hauen xede diren dirulaguntzak bateraezinak izango dira Gipuzkoako Foru Aldundiak edo estatuko, Europar Batasuneko edo nazioarteko beste edozein administrazio edo erakunde publiko edo pribatuk helburu bererako emandako beste dirulaguntza, laguntza, diru-sarrera edo baliabide batzuekin.

Eskaerak aurkezteko epea

ESKAERA: 2022ko apirilaren 6tik maiatzaren 16ra arte, biak barne

Erakunde bakoitzak proiektu bakarra aurkeztu ahal izango du deialdi bakoitzeko.

Proiektuaren amaieraren justifikazioa: 2023ko irailaren 10a baino lehen (barne).

Hautapen prozedura bakarra

Ezarpen-proiektuek izango dute lehentasuna. Aurrekontua ez bada amaitzen ezarpen-eskaerekin, azterketa-proiektuak baloratuko dira.

Eskaerak irizpide orokor hauei jarraikiz baloratuko dira:
- Eskaera egiten duen erakundearen profila: 30 puntu arte
- Proiektuaren ezaugarriak: 40 puntu arte
- Proiektuaren bultzada-gaitasuna: 20 puntu arte
- Beste batzuk: 10 puntu arte

Aurkeztu behar diren agiriak

- Eskaera beteta

- Lana egingo duen enpresaren eskaintza

- Balioetsi daitezkeen gainerako dokumentuak

Dirulaguntzak zuritu eta ordaintzea

Onartutako dirulaguntza bi zatitan ordainduko da:
- Entitate onuradunek hilabeteko epea izango dute laguntzaren lehenengo zatia ordaintzea eskatzeko, dirulaguntzari dagozkion jarduketak egiteko beharrezkoa den finantzazio gisa.
- Bigarren zatia ordaintzea eskatzeko, proiektua erabat burutu dutela zurituko dute 2023ko irilaren 10a baino lehen (barne). Hala ere, proiektua amaitu aurretik, entitate onuradunek laguntzaren bigarren zatiaren ordainketa aurreratua eska dezakete dirulaguntzari dagozkion jarduketak gauzatu ahal izateko finantzazio gisa; horretarako, banku abala aurkeztu beharko da, aurreratutako dirulaguntzaren zenbatekoari eta aurrerakina ematen denetik proiektua bukatu bitarteko berandutze interesei dagokiena.

Programa honen araudia

Gipuzkoako Aldizkari Ofiziala, 2022-04-05, 65 Zenbakia esteka

Edozein zalantza argitzeko

Tlf: 943 11 3989

Egin ezazu zure eskaera webgune honen bidez
Ziriborro bat osatu webgune honen bidez
Kontsultak, ordainketak, kudeaketak, etab. webgune honen bidez

 

Dokumentuak deskargatu

Dokumentu edo ereduetara sarbidea

Edozein zalantza izanez gero, kontsultatu

Departamentua/Zerbitzua Ekonomia Sustapena
Kontsultak, kexak eta iradokizunak

Jar zaitez harremanetan Foru Aldundiko edozein departamenturekin eta egiozu zure kontsulta.