Laguntzak, bekak eta dirulaguntzak

Klima-aldaketa arintzearen/egokitzearen arloko ikerketa-berrikuntza eta informazio/komunikazio proiektuetarako bekak

• Egoera: Epez kanpo
• Eskaera epea:  2025-02-21 - 2025-03-20
• Arloa: Ingurumena

Deskribapena:

Helburua

Ingurumen-izaera duten ikerketa eta berrikuntza proiektuak bultzatzea, hala nola ekonomia zirkularrari, jasangarritasun energetikoari eta klima aldaketari erreferentzia egiten dietenak.

Deskribapena eta laguntza jaso dezaketen kontzeptu

Aldaketa klimatikoa moteltzeko eta/edo egokitzeko arloko ikerketa eta berrikuntzako proiektuetarako eta aldaketa klimatikoari buruzko informazio eta komunikaziorako proiektuetarako bekak elkarrekiko norgehiagokako erregimenean esleituko dira.

Beka bat emango da, 12.000 eurotakoa.

Aldaketa klimatikoa moteltzeko eta egokitzeko ikerketa eta berrikuntzako proiektuak ondorengo alorretan jardungo dute:

• Deialdi honetako beste ildo batzuetan aintzat hartzen ez diren esparruetan berotegi-efektuko gasen isurketak mugatzeari eta deskarbonizatzeari buruzko azterketak.
• Arrisku analisia eta ahultasun azterketak  Gipuzkoako inguruaren eta lurraldearen osagaien aldaketa klimatikoaren aurrean: kostaldeak, ibaiak, hiriguneak, natura sistemak eta nekazaritza sistemak.
• Aldaketa klimatikoaren eraginak Gipuzkoako ekonomiaren eta alor ekonomikoen gainean: nekazaritza, basogintza, turismoa, administrazioa, osasuna, eta abar.
• Erresilientziaren  egokitze eta hobekuntza aukerak aldaketa klimatikoaren aurrean.

Aldaketa klimatikoari buruzko informazio eta komunikazio proiektuak ondorengo alorretan jardungo dute:

• Aldaketa klimatikoari buruzko ulermen publikoa handitzea, ahal den neurrian Gipuzkoa lurraldean duen eraginean zentratuz.
• Aldaketa klimatikoari buruzko eztabaida sustatzea, gizartean duen eragina eta herritarrek har ditzaketen egokitzeko eta arintzeko neurriak.
• Adin guztietako jendea inspiratu eta piztu gure ohiturek aldaketa klimatikoaren gainean izan dezaketen aldeko ondorioei buruz.
• Trebetasunak garatzea aldaketa klimatikoaren dibulgazioan eta komunikazioan.

Laguntzen zenbatekoa

Beka bakoitza 12.000,00 eurokoa izango da. Zenbateko horri dagozkion atxikipenak egingo zaizkio, Pertsona Fisikoen Errentaren gaineko Zergaren araudian ezarritakoaren arabera.

Beka hauek bateraezinak izango dira xede bera edukiz, beste edozein erakunde publiko edo pribatuk emandako edo eman ditzakeen bestelako beka, diru laguntza edo laguntza guztiekin.

Bekaren ordainketa bi zatitan egingo da. Lehenengo zatia, kopuru osoaren %50, beka emateko unean, eta bigarren zatia, gainerako % 50, abenduan, Ebaluazio eta Jarraipen Batzordeak proiektuaren hasierako txostena onartu ondoren, 12. oinarrian bukaerako zuriketaren eskakizuna alde batera utzi gabe.

Hartzaileak

Beka eskatu ahal izango dute Espainiako edo Europar Batasuneko beste estatu-kide bateko nazionalitatea duten pertsona fisikoek, baldin eta jarduera laborala garatzen ez badute beka hauen xede den eremuan eta oinarri hauetan arautzen diren terminoetan. Eskatzaileek lanbide heziketako goi mailako titulu bat izan beharko dute, unibertsitate gradu eta graduondokoa, zeinaren ezagutza eremuak zerikusia baitu eskatzen den bekaren xedearekin.

Gainera, eskatzaileak tutore bat izan beharko du. Pertsona hori unibertsitate batekoa, ikerketa zentroko batekoa, enpresa publiko batekoa edo enpresa pribatu batekoa izango da, eta bekaren gaiarekin lotura zuzena izango du.

Proiektuaren tutoretza edo zuzendaritza lanak egiten dituen pertsonak, bekaren xede den arloan, gutxienez 3 urteko ikerketa, irakaskuntza eta/edo lanbide-esperientzia duela egiaztatu beharko du.

Onuradunak diruz lagundutako jardunaren bitartez sortzen diren dokumentu, euskarri, publizitate eta agerpen publiko orotan euskara erabili beharko dute, gutxienik bi hizkuntza ofizialen berdintasuna zainduz.

Eskaerak aurkezteko epea

Eskaerak aurkezteko epea hilabetekoa izango da, deialdi hau Gipuzkoako ALDIZKARI OFIZIALEAN argitaratu eta hurrengo egunetik aurrera.

Eskaerak aurkezteko lekua

Eskaerak Internet bidez aurkeztu behar dira, Gipuzkoako Foru Aldundiaren egoitza elektronikoaren bitartez (https://egoitza.gipuzkoa.eus) bertan diru laguntzaren atarira sartuz.

Ebazpen Epea

Deialdia ebatzi eta ebazpena jakinarazteko gehieneko epea bi hilabetekoa izango da, deialdi bakoitza Gipuzkoako ALDIZKARI OFIZIALEAN argitaratzen den egunaren biharamunetik kontatzen hasita. Behin epe hori igaro ondoren ebazpena ez balitza ie eskatzaileei behar bezala jakinarazi, beka eskaera ezetsitzat jo ahal izango da, 2015eko urriaren 1eko 39/2015 Legeak, Herri Administrazioaren Administrazio Prozedura Erkidearenak, bere 25.1.a) artikuluan ezarritakoaren arabera.

Araudi aplikagarria

• Beken deialdia eta oinarri arautzaileak

• Araudi orokorra:
• 2007ko martxoaren 27ko 3/2007 Foru Araua, Gipuzkoako Lurralde Historikoko diru laguntzei buruzkoa. (2007ko apirilaren 12ko GAO, 71. zk)
• 2008ko apirilaren 29ko 24/2008 Foru Dekretua, Gipuzkoako Lurralde Historikoko diru laguntzen foru arauaren erregelamendua onartzen duena. 2008ko maiatzaren 6ko GAO, 85. zk).