Laguntzak, bekak eta dirulaguntzak

EQZEko (Elias Querejeta Zine Eskola) graduondoko ikastaroetakoren batean matrikulazio gastuak ordaintzeko beka

• Egoera: Epe barruan
• Eskaera epea:  2026-06-02 - 2026-09-07
• Arloa: Kulturaren sustapena

Deskribapena:

Helburua

EQZEko (Elias Querejeta Zine Eskola) graduondoko ikastaroetakoren batean matrikulazio gastuak ordaintzeko beka.

Eskaerei buruzko kontsultak

KBULEGOA
Santa Teresa Komentua
Elbira Zipitria 1. 20003 - Donostia
943 11 33 43
kbulegoa@gipuzkoa.eus
9:00 - 14:00

Deskribapena eta laguntza jaso dezaketen kontzeptu

EQZEko (Elias Querejeta Zine Eskola) graduondoko ikastaroetakoren batean matrikulazio gastuak ordaintzeko beka.

Laguntzen zenbatekoa

Diru laguntza lerro honen hiru beketako bakoitzari gehienez 2.500 euro dagozkio.

Hartzaileak

Bekak zuzentzen zaizkie soil-soilik aztergai izango duten arloan oinarrizko prestakuntza gainditu, eta hala egiaztatzen duten pertsonei, eta arlo horretan profesionalki jarduteko espezializazio eta hobekuntza ikasketak eta ikastaroak egin nahi dituztenei.

Beka hauek Gipuzkoako Lurralde Historikoko edozein udalerrian, azken hamar urteetan gutxienez bost urtez erroldatuta egon diren pertsonei zuzenduta daude. 

Dena den, eskaerak baloratu ondoren, aurrekontu-kredituko soberakina geratzen bada kontutan hartuko dira ere Euskal Erkide Autonomoko edo Nafarroako eskaerak ere.

Aurkeztu behar diren agiriak

Eskatzaileak, eskaera-inprimaki normalizatuekin batera, honako hauek aurkeztu beharko ditu:

1. Dirulaguntza eskatzen den proiektuaren, programaren edo jardueraren gaineko azalpen txosten zehatza.
2. Curriculum vitae dokumentatua, hauek barne:

2.1) Goi mailako graduaren titulua eta zine eskola batetik pasa izanaren egiaztagiria. Beka eskuratzeko lehiatu ahal izango dira, halaber, aurreko baldintzak bete gabe ere esperientzia zinematografiko egiaztatua duten hautagaiak.

2.2) EQZEko ikastarorako aurkeztuko duen proiektua (bakarrik sorkuntza espezialitateko ikaslea bada).

        3. EQZE ikastaroan izena emateko eskaera egin izanaren egiaztagiria.

Baldintza hauek NISAE eta beste plataforma batzuen bidez egiaztatuko dira, interesdunak horren aurka egiten ez badu behintzat; kasu horretan, interesdunak berak aurkeztu beharko ditu agiriak:

1. Gizarte Segurantzarekiko betebeharrak egunean izateko ziurtagiria (NISAE).
2. Zerga betebeharrak egunean izateko ziurtagiria (GFAko Ogasun Departamentua).
3. NA edo identifikatzeko agiria (NISAE).
4. Gipuzkoako Lurralde Historikoko udalerri bateko administrazio auzotasuna egiaztatzen duen ziurtagiria, bost urtez gutxienez, azken hamar urteetan (NISAE).
5. Unibertsitateko titulu ofizialak (NISAE).
6. Euskarako ziurtapenetarako hizkuntza-eskakizunak (NISAE).
7. Banku kontuaren titulartasuna, betiere dagokion bankua bertan sartuta badago (Euskal Administrazioaren Ordainketa Pasabidea).

Eskaerak aurkezteko epea

Eskaerak aurkezteko epea 2026ko irailaren 7an irekiko da eta irailaren 7an bukatuko da.

Eskaerak aurkezteko lekua

Eskaerak, dagokion dokumentazioarekin batera, Internet bidez aurkeztea hobetsiko da, Gipuzkoako Foru Aldundiko egoitza elektronikoan (https://egoitza.gipuzkoa.eus) barrena, dirulaguntzen atarian sartu eta han eskuragarri jarritako inprimaki espezifikoa betez. Eskaerak eta dokumentazio osagarria aurkezterakoan Foru Administrazioaren eremuan bitarteko elektronikoen erabilera arautzen duen irailaren 28ko 23/2010 Foru Dekretuan xedatutakoak betez egingo dira.   

Araudi aplikagarria

• Oinarri orokorrak, Berariazkoak eta Deialdia: 2026ko ekainaren 01eko GAOn.

Dokumentazio osagarria

Hemen azaldutakoa laburpena besterik ez da; dirulaguntza hauen oinarri orokor eta espezifikoak ezagutzeko Gipuzkoako Aldizkari Ofizialera jo behar duzue.