Programa honen xedea da Gipuzkoan terapia aurreratuen lurralde-estrategia bultzatzea ikerketaren eta garapenaren esparruan, Gipuzkoako ekosistemaren lankidetza indartuz.
Aurrekontua
Guztira deialdi honetan emango diren laguntzen zenbatekoa 1.000.000 eurokoa da.
Entitate onuradunak
Lankidetza eta/edo elkarlan formularen pean aurkezten diren entitate hauek hartuko dira onuraduntzat:
Diruz lagundutako jarduerak
Diruz lagundu daitezken jarduketak ikerketa industrialeko eta garapen esperimentaleko proiektuak izango dira.
Diruz lagundu daitezkeen jarduerek bat etorri beharko dute GANTT estrategiarekin (https://www.gantt.eus/eu/gantt-estrategia) eta honako hauetarako proiektuak garatzera bideratuta egongo dira:
Diruz lagundu daitezkeen kostuak
a) Langileen kostu zuzenak, proiektuari lotutako lanetan ari diren neurrian (ikertzaileak, teknikariak, eta ikerketa lanetan aritzen diren beste langile batzuk, entitate eskatzailearen plantillakoak).
Proiektuan emandako orduen ziurtagiria aurkeztuko da.
Kanpoko langileen kostuak hautagarriak izango dira, 35 €/orduko gehienez. Zientzia, Teknologia eta Berrikuntzaren Euskal Sareko langileen kostu zuzenen kasuan, kostu hautagarriak izango dira, 69,29 €/orduko gehienez.
b) Kontratuzko ikerketak, eskuratutako ezagutzek, eta, kanpoko iturrien baimen bidez, erabateko eskumen baldintzekin, lortutako patenteek eragindako kostuak, eta baita ere proiektura bideratutako aholkularitza eta zerbitzu baliokideen kostuak.
Proiektuari emandako orduen ziurtagiria aurkeztuko da.
Kanpoko langileen kostuak hautagarriak izango dira, 69,29 €/orduko gehienez.
c) Kanpoko aholkularitzaren eta zerbitzu baliokideen kostua (entitate parte hartzaileetako langileak ez diren laguntzaileak, eta proiektuaren oso espezializatuak diren zatien azpikontratazioa barne), betiere kanpoko iturriei erosita, zerbitzu horiek ikerketarako soilik eta modu jarraian erabiltzeko baldin badira, ezagutza teknikoak eta ikerketa ezagutzak barne.
Proiektuari emandako orduen ziurtagiria aurkeztuko da.
Kanpoko langileen kostuak hautagarriak izango dira, 69,29 €/orduko gehienez.
d) Lan horretarako akreditatutako Zientzia, Teknologia eta Berrikuntza Sareko eragileen azpikontratazioaren kostuak.
Proiektuari emandako orduen ziurtagiria aurkeztuko da.
Kanpoko langileen kostuak hautagarriak izango dira, 69,29 €/orduko gehienez.
e) Enpresa txiki eta ertainentzako jabetza industrialeko eskubideen kostuak.
f) Kostu orokorrak edo zeharkakoak: zeharkako kostu gisa konputatuko da diruz lagundu daitezkeen langileen zuzeneko kostuen % 15a.
g) Proiektutik zuzenean eratorritako ustiapen gastuak, material, hornidura eta antzeko produktuen kostuak barne.
h) Lanabesen eta materialen kostuak, proiekturako erabiltzen diren neurrian; lanabesen eta materialen bizitza baliagarri osoa ez bada proiekturako erabiltzen, diruz lagungarritzat hartuko dira proiektuaren iraupenari dagozkion amortizazio kostuak, orokorrean onartutako kontabilitateko printzipioen arabera kalkulatutakoak.
Lanabesen eta materialen kostuek ezingo dute gainditu guztizko kostu hautagarrien % 25a.
Laguntzen zenbatekoa
a) Ikerketa industrialaren proiektuetan, diruz lagundu daitezkeen kostuen %50eraino.
b) Garapen esperimentaleko proiektuetan, diruz lagundu daitezkeen kostuen % 25eraino.
Aurreko a) eta b) ataletan ezarritako ehunekoak %80 arte handitu ahalko dira honelako kasuetan:
%10 eskatzailea enpresa ertaina denean, eta %20 enpresa txikiak direnean.
%15 baldintza hauetakoren bat betetzen bada:
- Proiektuak benetako lankidetza behar izatea:
1.- Enpresen artean, gutxienez bat enpresa txikia edo ertaina izatea, edo bi estatu kideetan gutxienez garatzea, edo estatu kide batean eta EEEko erabakian alderdi kontratatzaile batean; aldi berean, enpresa batek ez du, bere kabuz, diruz laguntzekoak diren kostuen % 70 baino gehiago ordainduko.
2.- Enpresa baten eta ikertzeko eta ezagutza hedatzeko zeregina duen organismo baten edo batzuen artean, horiek beren gain hartuko dute, gutxienez, diruz laguntzekoak diren kostuen % 10, eta beraien ikerketen emaitzak argitaratzeko eskubidea izango dute.
- Proiektuaren emaitzak zabal hedatzea, hitzaldi, argitalpen, sarbide askeko datu-base, eta doako edo iturri irekiko programa informatikoen bitartez.
Emateko prozedura
Laguntza emateko prozedura, lehiaketa bidezkoa izango da, deialdi eta hautapen prozedura bakar baten bitartez.
Bateragarritasuna ala bateraezintasuna
Dirulaguntzak bateragarriak izango dira beste edozein administraziok edo erakunde publikok nahiz pribatuk, estatukoak, Europar Batasunekoak edo nazioarteko erakundeetakoak, helburu bera lortzeko emandako dirulaguntza, laguntza, diru sarrera edo baliabideekin, ekainaren 17ko 651/2014 Erregelamendu Orokorrak, kategorien araberako salbuespenari buruzkoak, aurreikusitako gehieneko kopurura arte.
Eskaerak aurkezteko epea
Araudi aplikagarria
Gipuzkoan terapia aurreratuak sustatzeko (GANTT) programaren 2023ko oinarri arautzaileak eta deialdia (2023 azaroak 21eko Diputatuen Kontseiluaren erabakiaz onartu zen - 2023/11/24 GAO 227 zk.).
Proiektuak elkarlanean
Eskaera egiteko beharrezko dokumentuak.
Edozein zalantza izanez gero, kontsultatu
EKONOMIA SUSTAPENEKO ZERBITZUA
sustapena.ekintzailetasuna@gipuzkoa.eus
Edozein zalantza izanez gero, kontsultatu
Departamentua/Zerbitzua BerrikuntzaDokumentuak deskargatu
Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.