Laguntzak, bekak eta dirulaguntzak

Elkartegintza eta emakumeen parte-hartze soziala bultzatuko duten jarduerak 2026

• Eskaera epea: Epez kanpo
• Azken eguna: 2026
• Berdintasuna

Deskribapena:

Helburua

Emakumeen elkarteei eta irabazi asmorik gabeko beste erakunde batzuei elkartegintza sustatzeko eta emakumeen partaidetza soziala indartzeko dirulaguntzak

Diru laguntzen xedea

Emakumeen eta gizonen berdintasunaren arloan Gipuzkoan dauden emakumeen elkarteei eta irabazi asmorik gabeko beste entitateei zuzendutako dirulaguntzak, emakumeen eta gizonen arteko berdintasuna bultzatzeko eta Gipuzkoako Lurralde Historikoan elkartegintza eta emakumeen partaidetza soziala sustatzeko.

Erakunde eskatzaileak

1. Oinarri hauetan araututako dirulaguntzak eskatu ahalko dituzte helburu bakartzat emakumeen eta gizonen berdintasuna bultzatzea duten elkarteek eta irabazi asmorik gabeko erakundeek (7/2007 Legea, ekainaren 22koa, Euskadiko Elkarteei buruzkoa, aplikagarri den eremukoak), baldin eta 3/2007 Foru Arauak, martxoaren 27koak, Gipuzkoako Lurralde Historikoko dirulaguntzei buruzkoak, 12. artikuluaren 2, 3 eta 4. ataletan, 2/2015 Foru Arauak, martxoaren 9koak, emakumeen eta gizonen berdintasunari buruzkoak, 26.3 artikuluan eta martxoaren 16ko 1/2023 Legegintzako Dekretuaren bidez onartutako emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bateginaren 23. artikuluan jasotako debekuren batek ez badiete eragiten.

2. Deialdi honetan ezin dute parte hartu ez elkarte edo entitate profesionalek, ez enpresek.

Aurkeztu beharreko dokumentazioa

Dirulaguntza hauek jaso nahi dituzten erakundeek, formularioa bete behar dute, oinarri orokorretan agertzen den dokumentazioa, eta dokumentu hauek ere aurkeztu beharko dituzte:

1. Entitate eskatzaileen nortasunaren egiaztagiria (dagokion erregistroan inskribatutako eraketa eskriturak, dagokion erregistroak emandako ziurtagiria eta abar).
2. Entitate eskatzailearen zinpeko adierazpena, Zuzendaritza Batzordeko kideak eta emakume bazkideen % 75a, gutxienez, Gipuzkoan bizi direla egiaztatzen duena.
3. Zerga betebeharrak eta Gizarte Segurantzarekikoak egunean dituela frogatzen duten ziurtagiriak, baldin eta ukatzen badira dirulaguntzak kudeatzen dituen organoak zuzenean jaso dezan, administrazio eskudunen eskutik, zerga betebeharrei eta Gizarte Segurantzakoei buruzko informazioa. Baimen hori ematen badute, ez dute aipatutako ziurtagiririk aurkeztu beharrik
4. 2026ko azaroaren 30ra arte garatu beharreko lan proiektua.
5. Emakumeen eta gizonen berdintasunari dagokionez, lantalde teknikoaren edo pertsona fisiko edo juridikoaren prestakuntza eta esperientzia profesionala egiaztatzeko agiriak, jarduerak egiteko halakorik kontratatzen bada.
6. Proiektuaren aurrekontu xehatua, diruz lagundu daitezkeen gastuen eta aurreikusten diren diru sarreren zerrenda zehatzarekin.
7. Diru laguntza eskatzen den jarduera bererako eskatu diren bestelako laguntzen zerrenda: zenbateko laguntza, laguntza hori zein administrazio edo erakunde publikori nahiz pribaturi eskatu zaion eta zein egoeratan dagoen zehaztuta (ukatuta, erabakitzeko, onartuta, diru kopuruak). Bestela, diru laguntza eskatzeko aurkeztu diren proiektuetarako beste diru laguntzarik ez dela eskatu egiaztatzen duen ardurapeko adierazpena.
8. 2. oinarrian aipatutako elkarte eta entitateek egiaztatu behar dute ez daudela onuradun izatea eragozten duten debeku egoeretan; horretarako, bide hauek erabili ahal izango dituzte: lekukotza judiziala, ziurtagiri telematikoak edo datu transmisioak, dagokion araudian ezarritakoaren arabera, edo bestela, ziurtagiri administratiboa, kasuan kasu. Ziurtagiri hori agintari eskudunak egiterik ez badu, haren ordez erantzukizunpeko deklarazioa aurkeztu ahalko du dirulaguntzaren eskaerarekin batera, Gipuzkoako Foru Aldundiko Emakumeen eta Gizonen Berdintasunerako Organoak emango duen ereduaren arabera. 
9. Beste edozein dokumentazio, esleipen irizpideak kreditatzeko aurkera ematen duena.

Baloratzeko irizpideak

Eranskinaren arabera. Oinarriak kontsultatu.

Eskaerak aurkezteko epea

2025eko abenduaren 20an bukatzen da.

Ebazpen epea

Sei hilabete,gehienez ere, urteko deialdia Gipuzkoako Aldizkari Ofizialean argitaratu eta hurrengo egunetik kontatzen hasita.

Emateko prozedura

Dirulaguntzak emateko prozedura elkarrekiko norgehiagoka izango da, deialdi eta hautaketa prozedura bakarraren bitartez.

Prozedura ofizioz hasiko da, deialdi publiko bidez. Deialdia organo eskumendunak onartuko du eta Gipuzkoako Aldizkari Ofizialean argitaratuko da.

Jaso beharreko dokumentazioa

Deialdiaren ebazpena Gipuzkoako Aldizkari Ofizialean argitaratuko da. Argitalpen horrek banakako jakinarazpena ordeztuko du, eta hori egindakotzat joko da, lege ondorio guztietarako, argitaratu eta hurrengo egunetik aurrera.

Administrazio-isiltasunaren efektuak

Ezespena.

Dirulaguntzaren zenbateko eta ordaintzea

Diru laguntzek ezingo dituzte gainditu eskatzaileek aurkezten duten diruz laguntzekoak diren gastuen aurrekontua, eta ezingo dira izan 25.000,00.- euro baino gehiagokoak  gizartearentzat orokorrean edo zaurgarritasun egoera handiena duten emakumeen talde berezientzat zuzendutako jarduketak dituzten proiektuak eta 12.000,00.- euro  elkarteak elkarteko kideentzat egiten dituen ohiko jarduera moduan antolatzen diren jarduketak dituzten proiektuak.

Diru laguntzak esleitzeko unean ordainduko dira osorik.

Aurrekontua

510.000 euroko kontu saila xedatu da aurrekontuan. 

Kontu zuritzailea aurkeztea

Kontu zuritzailea 2026ko abenduaren 10 baino lehen aurkeztu beharko da.

Deialdiaren oinarriak

• Gipuzkoako Aldizkari Ofiziala, 218 zkia 2025/11/13koa
• Diru laguntzak - Berdintasuna - Gipuzkoako Foru Aldundia 

Informazio gehiago

Emakumeen eta Gizonen Berdintasunerako Organoa

• Gipuzkoa plaza zk.g. 20004 Donostia
• berdintasunadirulaguntza@gipuzkoa.eus
• 943 11 20 76 / 943 11 35 42