Laguntzak, bekak eta dirulaguntzak

Miguel Artola Gallego azterketa historikoko beka (2026)

• Egoera: Epez kanpo
• Eskaera epea:  2026-07-02 - 2026-07-30
• Arloa: Kultura ondarea

Deskribapena:

Helburua

Aro garaikidean Gipuzkoari buruzko azterketa historikoak egiteko beka.

Deskribapena eta laguntza jaso dezaketen kontzeptu

Gipuzkoako Lurralde Historikorako garrantzitsuak diren azterlan historikoak egiteko, «Miguel Artola Gallego» izeneko ikerketa beka.

Ikasketen kronologiak adin garaikidea hartuko du. Ikasketak hainbat diziplinatatik landu daitezke.        

Ez dira onartuko agiri iturrien argitalpenekin lotuta dauden proiektuak ez eta dokumentuen-katalogoak edo inbentarioak egiteko proiektuak.         

Lana bakarka nahiz taldean egin ahal izango da. Azken kasu horretan, beka bakarra emango da betiere, eta ikerkuntza taldearen ordezkari gisa proiektuaren zuzendari bat izendatu beharko da.      

 

Laguntzen zenbatekoa

20.000 euro. Bekaren iraupena 2 urtekoa izango da.

Hartzaileak

Beka hau unibertsitateko goi mailako titulu baten jabe diren pertsonek lortu dezakete.

Baldintzak

Beka hauek eskatzeko honako baldintzak bete behar dira:

-Unibertsitateko goi mailako titulu baten jabe diren pertsonek.

-Atzerrian lortutako tituluek behar bezala homologatuta egon beharko dute Hezkuntza gaietako eskumena duen Ministerioan, beka hau lortzeko eskabideak aurkezteko unean.

-Beka hau eskuratzea bateraezina da ikerkuntza hori bera nahiz beste edozein ikerkuntza egiteko bestelako beka edo laguntzarekin, baita astean 15 orduz baino gehiagoko ordainpeko edozein lanarekin ere.

 

Aurkeztu behar diren agiriak

Eskabidea (eskaera bitarteko telematikoen bidez egiten ez denean bakarrik)

• Agiri-bidezko curriculum vitaea eta espedientea akademikoa dokumentatua
• Egingo den ikerketaren proiektua, gehienez ere 15 orrikoa, ondorengo epigrafeetan egituratua:
  - Izenburua.
  - Proiektuaren aurkezpena.
  - Proiektuaren helburu zehatzak (bekaren iraupena kontuan hartuta).
  - Gaiaren interesgarritasuna eta ikerketen egungo egoera.
  - Hipotesia, metodologia eta lan egitasmoa.
  - Iturriak eta berariazko bibliografia.
  - Aurreikusitako gastuen aurrekontua.
• Unibertsitateko irakasle edo sona handiko ikertzaile batek egindako txostena, ikerketa proiektua bermatuko duena.

39/2015 Legeak, urriaren 1ekoak, Administrazio Publikoen Administrazio Prozedura Erkidearenak 28. artikuluan aitortzen du herritarrek eskubidea dutela administrazio jardulearen esku dauden dokumentuak edo beste edozein administraziok egindakoak ez aurkezteko; beraz, administrazio jarduleak dokumentu horiek kontsultatu edo eskuratu ahal izango ditu, salbu eta interesdunak horren aurka egiten badu. Administrazio publikoek elektronikoki jaso behar dituzte dokumentuak, beren sare korporatiboen bidez edo datu bitartekaritzarako plataformei edo horretarako prestatutako beste sistema batzuei kontsulta eginez.

Gipuzkoako Foru Aldundia Nisae Euskadiko Administrazioen Segurtasunerako eta Elkarreragingarritasunerako nodoaren parte da. Plataforma hori euskal sektore publikoko administrazio eta erakunde guztientzat da, haien artean eta gainerako administrazioekin datu elektronikoak trukatzeko nodo autonomiko gisa. Horrez gain, Foru Administrazioak foru sare korporatiboko aplikazioak edo dokumentuak egiaztatzea eta lortzea ahalbidetzen duten beste sistema batzuk erabiliko ditu.        

Deialdi honetan honako betekizun hauek egiaztatuko dira plataforma korporatiboen, bitartekaritza-plataformen (Nisae) edo sarbide publikoko plataformen bidez:

 a)NAN edo identifikatzeko agiria.

 b)Gizarte Segurantzarekiko betebeharrak egunean izatea. 

 c)Zerga betebeharrak egunean izatea; Gipuzkoako Foru Aldundiko Ogasun departamentuarekin egiaztatuko da hori.               

d)Gipuzkoako Lurralde Historikoko udalerri bateko administrazio auzotasuna egiaztatzen duen ziurtagiria, bost urtez gutxienez, azken hamar urteetan.    

e)Euskal Administrazioaren Ordainketa Pasabidearen bidez egiaztatuko den banku kontuaren titulartasuna, betiere dagokion bankua bertan sartuta badago. 

Pertsona eskatzaileak egiaztapen horren aurka egiten badu, berak aurkeztu beharko du dokumentazioa.          

    

 

Eskaerak aurkezteko epea

Eskaerak aurkezteko epea 2026ko uztailaren 30ean bukatuko da.

 

Eskaerak aurkezteko lekua

Eskaerak, Kultura Zuzendaritza Nagusiak emandako formularioaren arabera, eta ezarritako dokumentazioarekin batera, Internet bidez aurkeztea hobetsiko da, ahal dela eta dituzten ezaugarriek bide hori ixten ez badie, Gipuzkoako Foru Aldundiko egoitza elektronikoan (https://egoitza.gipuzkoa.eus helbidean) barrena, diru laguntzen atarian sartu eta ondorio hauetarako bertan eskuragarri jarri den berariazko datu-orria erabiliz.

Eskatzaileak ez badu sinadura elektronikorik, pasahitzik edo elektronikoki eskaera aurkezteko baliagarri den nortasuna egiaztatzeko beste edozein bitartekorik, aplikazio informatikoaren bidez betetako eskaera orria aurkeztu beharko du paperean sinatuta.

Halaber, badago aukera eskaerak eta dokumentazioa, Kultura, Lankidetza, Gazteria eta Kirol Departamentuari zuzenduta, Gipuzkoako Foru Aldundiko Kultura, Lankidetza, Gazteria eta Kirol Departamentuaren Erregistro Orokorrean (Okendo kalea 20, 20004 Donostia) edota Gipuzkoako Foru Aldundiaren Erregistro Zentralean (Gipuzkoa plaza z/k, behe solairua, 20004 Donostia) aurkezteko.

 

 

Ebazpen Epea

Prozeduraren ebazpena eman eta jakinarazteko gehieneko epea sei hilabetekoa izango da. Epe hori, kasu bakoitzean, eskaerak aurkezteko epea hasten denetik aurrera kontatzen hasiko da.

Jaso Beharreko Dokumentazioa

Ebazpena, ematea edo ukatzea jakinarazten duena.

 

 

Administrazio-isiltasunaren efektuak

Balizko egintza administratiborik gertatzen bada ez onartutzat hartuko da, horrela xedatzen baitu 1992ko azaroaren 26ko 30/1992 Legeak, Herri Administrazioen Araubide Juridikoari eta Administrazio Prozedura Erkideari buruzkoak, 44. artikuluan.

 

Araudi aplikagarria

2022ko abuztuaren  26ko Diputatuen Kontseiluko Akordioa, Kultura, Turismo, Gazteria eta Kirol departamentuko Ondare Historiko-artistikoaren eta artxiboen zerbitzuak  kudeatzen dituen bekak emateko  oinarri arautzaileak.

FA-KG-2026-0407 Foru Agindua, 2026ko ekainaren 16koa, 2026. ekitaldiko deialdia egitea onesten duena, Ikerketa historikoak egite ko Miguel Artola Gallego beka emateko

Oharrak

• Maider Etxagibel, Gipuzkoako Artxibo Orokorreko atalburua
  Helbide elektronikoa: metxagibel@gipuzkoa.eus
• Tel.: + 34 943 415262

Internetera Sarrera