Laguntzak, bekak eta dirulaguntzak

B.2 - Gazteen artean kirola sustatzeko plana (GKP) ezarri eta garatzea.

• Eskaera epea: Epez kanpo
• Azken eguna: 2024
• Kirolak

Deskribapena:

Xedea

Dirulaguntzen deialdia argitaratzen den uneko denboraldian gazteen artean kirola sustatzeko plana (GKP) ezarri eta garatzeko laguntza ekonomikoak  emateko arauak ezartzea, norgehiagoka erregimenean ematea arautzea.

Diruz lagunduko diren jarduerak izango dira kirol klubek, kirol taldeek eta ikastetxeek infantil, kadete eta jubenil kategorientzako antolatzen dituztenak, GKP lantzeko Gipuzkoa Foru Aldundiarekin hitzarturiko modalitateekin bat etorriz, helburu bezala harturik kirol teknikarien kalitatea hobetzea, arbitroak atzematea eta egiturak profesionalizatzea.

Laguntzen zenbatekoa

206.000,00 euro

Hartzaileak

Gipuzkoako kirol klubak, kirol elkarteak eta ikastetxeak.

Baldintzak

- Dirulaguntza hauek emateko baldintza izango da GKP akordio bat egotea egokia den modalitatearekin.

- Laguntzak eskatzen dituzten entitateek modalitatearekin egindako akordioan GKP jarduera gisa jasotako infantil, kadete eta jubenil kategorietako lehiaketa ofizialetan parte hartu behar dute.

- Halaber, erakunde eskatzaileek urteko kuota bat izan beharko dute ezarrita beren infantil, kadete eta jubenil  kirolarientzat, eskainitako zerbitzuengatik: 100 eta 400 euro artekoa.

- Profesionalizatzeko laguntzen kasuan, aurrekoez gainera baldintza hauek ere bete behar dira:

• Taldekako kirol modalitateen kasuan, gutxienez 8 ekipo edukitzea, edo, gutxienez 80 lizentzia edukitzea banakako modalitateetan, infantil, kadete eta jubenil kategorien artean, modalitate batean edo gehiagotan, edo baita hainbat egituratan ere.
• Arraunketan, arraunlaritzat hartuko dira gutxienez 7 estropadetan parte hartzen duten arraunlariak eta gehienera 20 arraunlari entrenatzaile bakoitzeko.
• Langile bat edukitzea, lan egoera arautua eta gutxienez lanegun erdiko kontratua duela.

Eskaerak aurkezteko azken eguna

Hilabetekoa izango da deialdia Gipuzkoako Aldizkari Ofizialean argitaratzen denetik (Emandako epearen azken eguna larunbata, igandea edo jaieguna bada, epearen amaiera hurrengo lanegunera aldatuko da)

Aurkeztu beharreko dokumentazioa

ARRAUNKETAREN kasuan:

·       B2A formularioa, ARRAUN formularioa, taldeei eta, hala badagokio, GKP kirolariei dagokiena.

·       B2B formularioa, kirol egituren profesionalizazioari eta/edo koordinazioari dagokiona.

·       Eskaera hau lankidetza estuan diharduten hainbat erakundek batera aurkeztu ahal izango dute (kasu honetan, tartean dauden erakunde guztien baimena erantsi beharko da).

·       B2C inprimakia: Era berean, egiturak profesionalizatzeko laguntzen kasuan, eskaerekin batera profesionalaren lan-egoera normalizatua egiaztatzen duten agiriak aurkeztu beharko dira.

SASKIBALOI ETA ESKUBALOIAREN kasuan:

·       B2A formularioa, SASKIBALOIA eta ESKUBALOIA formularioa, taldeei eta, hala badagokio, GKP kirolariei dagokiena.

·       B2B formularioa, egituren profesionalizazioari dagokiona.

·       Eskaera hau lankidetza estuan diharduten hainbat erakundek batera aurkeztu ahal izango dute (kasu honetan, tartean dauden erakunde guztien baimena erantsi beharko da).

·       B2C inprimakia: Era berean, egiturak profesionalizatzeko laguntzen kasuan, eskaerekin batera profesionalaren lan-egoera normalizatua egiaztatzen duten agiriak aurkeztu beharko dira.

·       B2D formularioa, GKP arbitraje-langileei dagokiena.

Ebazpen epea

Sei hilabete, urteko deialdia argitaratzen denetik aurrera kontatuta

Jakinarazpenak

Deialdiaren ebazpena Gipuzkoako Aldizkari Ofizialean argitaratuko da. Argitalpen horrek banakako jakinarazpena ordezkatuko du eta jakinarazpena egintzat joko da eta lege ondorioak izango ditu ebazpena argitaratu eta biharamunetik.

Isiltasun administratiboaren ondorioak

Eskaera ezetsitzat joko da.

Araudi aplikagarria

Kirol arloko dirulaguntzak emateko oinarri arautzaile orokorrak eta espezifikoak, eta 2024ko deialdia, Diputatuen Kontseiluak onartuak 2024ko apirilaren 16an egindako batzarraldian (GAO: 2024-04-26; 81. zenbakia)

 

 

Informazio osagarria