Internazionalizazioko programa: Atzerriko ezarpen produktiboak


  • Egoera: Epez kanpo
  • Eskaera epea:  2025-05-27 - 2025-07-17 13:00
  • Arloa: Ekonomia Sustapena

Deskribapena:

Helburua

Gipuzkoako enpresen atzerriko produkzio ezarpenak sustatzea eta bultzatzea, internazionalizazioaren potentziala aprobetxatuz enpresa-lehiakortasunaren palanka gisa.

Entitate onuradunak
  • Gipuzkoan kokatuta dauden enpresa gipuzkoar txiki eta ertainak (ETEak).
  • Gipuzkoan kokatuta dauden enpresa gipuzkoar handien proiektuak bakarrik onartuko dira: ETEek aurkeztutako proiektuek ez badute agortzen laguntza programa honetarako xedatutako aurrekontu osoa.
Dirulaguntzaren xede diren jarduerak

Gipuzkoako enpresek filialak sortzeko, handitzeko edo eskuratzeko bideratzen dituzten baliabide iraunkorretarako ekarpenak.

Herrialde objektiboak: Europar Batasunekoak ez diren herrialdeak, EBn 2004tik aurrera sartu diren herrialde kideen kasuan izan ezik. Kasu horretan, diruz lagunduko dira Txekia, Zipre, Eslovakia, Eslovenia, Estonia, Hungaria, Letonia, Lituania, Malta, Polonia, Bulgaria, Errumania eta Kroazia ere.

Dirulaguntzaren ehunekoa eta gehieneko zenbatekoa
  • Dirulaguntzen gehieneko portzentajea atzerrian eratutako enpresen baliabide iraunkorretara bideratutako ekarpenen % 40a izango da.
  • Entitate bakoitzeko gehieneko dirulaguntza: 100.000 euro.
  • Enpresak kontu auditatua aurkeztuko du, justifikatzeko modu gisa, diruz lagunduko da gastuaren %100, gehienez ere 3.000 euro. Ezinbestekoa izango da kontu auditatu hori aurkeztea.
  • Dirulaguntza hauek minimis izaera dute.
Aurkeztu beharreko dokumentazioa
  • Proiektuaren memoria (nahitaezkoa, ereduaren arabera)
  • Proiektuaren kostuaren aurrekontu xehatua.
  • Hala badagokio, erakunde eskatzaileak arlo hauetan dituen ziurtagiriak: ingurumena, gizarte-erantzukizuna, berdintasuna eta kontziliazioa, eta euskara.
Kontuan hartu beharreko datak eta epeak
  • Eskaerak aurkezteko epea: 2025eko maiatzaren 27tik uztailaren 17a arte, 13:00etan.
  • Proiektuak hasteko epea: 2025eko urtarrilaren 1etik aurrera hasiko dira.
  • Gehieneko epea proiektuak burutzeko eta justifikatzeko: 2026ko irailaren 30 arte.
Araudi aplikagarria Dirulaguntza hauek emateko prozedura

Lehiaketa bidezkoa izango da, deialdi eta hautapen prozedura bakar baten bitartez.

Bateragarritasuna eta bateragarritasun eza

Bateragarriak dira beste administrazio edo erakunde publiko edo pribatu batzuek, Estatukoek nahiz Europar Batasunekoek, edo nazioarteko organismoek xede bererako emandako beste dirulaguntza, laguntza, sarrera eta baliabideekin, (baldin eta ez badute jardueraren kostua gainditzen, betiere beste dirulaguntza horien araudiak horren inguruan ezar dezakeena eragotzi gabe). 

Balorazio irizpideak
  • Eskatzailearen ezaugarriak. Alderdi hauek kontuan hartuko dira, hala nola tamaina, jardueraren sektorea eta aurreko deialdietan edo beste deialdi batzuetan parte hartzea: 20 puntu arte.
  • Internazionalizatzeko estrategia. Dirulaguntzaren xede diren ekimenak sartuta dauden internazionalizazio estrategiaren kalitatea kontuan hartuko da: 25 puntu arte.
  • Xede den merkatua eta herrialdea. Alderdi hauek kontuan hartuko dira, hala nola xede den ezarpen mota, xede diren merkatuetan sartzeko zailtasuna eta aukera, eta, lehentasunezko merkatuak izatea deialdiaren helburuen artean: 25 puntu arte.
  • Proiektuaren kalitatea eta egingarritasuna. Alderdi hauek kontuan hartuko dira, hala nola lortu nahi diren helburuak, jardueren plangintza, lantaldea eta aginte koadroa: 10 puntu arte.
  • Eragina enpresan. Enpresan duen eragin positiboa eta lehiakortasuna kontuan hartuko da: 5 puntu arte.
  • Eragina ingurunean. Lurraldearen lehiakortasunean duen eragina kontuan hartuko da: 5 puntu arte.
  • Gizarte konpromisoa eta iraunkortasuna. Enpresak ziurtagiriak eta/edo planak edukitzea kontuan hartuko da, iraunkortasunaren, genero berdintasunaren, euskararen sustapenaren eta erantzukizun sozial korporatiboaren arloetan: 10 puntu arte.
Edozein zalantza izanez gero, kontsultatu

Blanca Margeli: 

Departamentua/Zerbitzua Ekonomia Sustapena
Kontsultatu eta/edo kudeatu zure espedientea
Dokumentu edo ereduetara sarbidea
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.

Dirulaguntza programen diagnostikoa 2025 (PDF)


Itzuli