Enpresak Hazten Programa: Bat-egiteak eta Erosketak


  • Eskaera epea: Epe barruan
  • Azken eguna: 2025-07-15 13:00
  • Ekonomia Sustapena

Deskribapena:

Helburua

Enpresen hazkundea bultzatzea da, bat egiteko eta erosketako prozesuak babestuz.

OHARRA:

Proiektuaren eskaera elektronikoki sinatu behar da.

Ordezkaritza eskuordetzea aukeratuz gero, Gipuzkoako Foru Aldundiko ordezkaritza korporatiboaren erroldan alta emanda egotea derrigorrezkoa da. EZ du balio balizko ordezkaritzak. 

Erakunde onuradunak

Gipuzkoan diharduten enpresak. 

Dirulaguntzaren xede diren jarduerak

Laguntzak enpresen hazkunde ez organikoaren alde egiten duten proiektuak partzialki finantzatzera bideratuko dira, baldin eta sortzen den enpresaren erabakitzeko ahalmena Gipuzkoan jarduten duten enpresena bada, honako hauek barne:

  • Bat egite edo erosketa aukeren identifikazioa eta azterketa, honako hauek barnean hartuta: xede-enpresak bilatzea, merkatu-azterlanak, egokitasun estrategikoaren ebaluazioa eta hurbiltzeko eta negoziatzeko planak egitea. 
  • Bat-egitearen edo erosketaren bideragarritasun estrategiko, ekonomiko, finantzario eta kulturalari buruzko azterlanak, honako hauek barnean hartuta: egokitze estrategikoaren azterketa, sinergien identifikazioa, inplikatutako enpresen finantza-egoeraren ebaluazioa, transakzioaren balioaren zehaztapena, eragiketaren bideragarritasun ekonomikoa eta kultura- eta antolamendu-bateragarritasunaren ebaluazioa. 
  • Aholkularitza juridikoa eta fiskala, eragiketaren lege- eta zerga-esparrua definitzeko, aurretiazko akordioak idaztea barne. 
  • Bat-egite edo erosketa osteko integrazio-planak egitea eta ezartzea, barne hartuta prozesuen koordinazioa, kudeaketa-sistemen bateratzea eta kultura korporatiboen harmonizazioa, integrazio eraginkorra eta sinergien maximizazioa bermatzeko. 
Dirulaguntzaren ehunekoa eta gehieneko zenbatekoak

Diruz lagundu daitezkeen gastuak honako hauek izango dira, betiere 4.2 oinarrian ezarritako mugak gainditu gabe:  

  • Aholkularitza eta laguntza teknikoko gastuak.  
  • 3.1.d) apartatuko proiektuen eta jarduketen kasuan, barneko langileen gastuak, gehienez ere proiektuaren gastu guztien % 25.  
  • Auditoretza eta due diligence gastuak.  
  • Notariotza eta/edo erregistro gastuak.

 Emango diren dirulaguntzek honako muga hauek izango dituzte:

  • Diruz lagundu daitezkeen kostuen % 75 gehienez, aholkularitza gastuei, auditoretza eta due diligence gastuei eta notaritza eta/edo erregistro gastuei dagozkienak.
  • Barne-langileen gastuei dagozkien diruz lagundu daitezkeen kostuen % 50, gehienez.
  • Ez dira 40.000 €-tik gorakoak izango proiektu edo jarduketa bakoitzeko.
Betetzeko epeak
  • Eskaerak aurkezteko epea: 2025eko uztailaren 15ean, 13:00etan amaituko da.
  • Jarduerak hasteko epea: diruz lagundutako jarduerak eskaera aurkezten den egunetik aurrera hasiko dira.
  • Proiektuen exekuzio data: 2026ko maitzaren 31.
  • Proiektuak justifikatzeko data: 2026ko ekainaren 30a.
Araudi aplikagarria

“ENPRESAK HAZTEN” programaren 2025eko oinarri arautzaileak eta deialdia: II.ERANSKINA -ENPRESEN HAZKUNDERAKO LAGUNTZAK, BAT-EGITEAK ETA EROSKETAK. (Oinarriak: 2025/04/29ko Diputatuen Kontseiluaren erabakiz onartu zen - 2025/05/15eko GAO 90 zk).

Bateragarritasuna edo bateraezintasuna

Oinarri arautzaile hauetan ematen diren dirulaguntzak, bateragarriak izango dira Estatuko, Europar Batasuneko nahiz nazioarteko beste edozein administrazio edo erakunde publiko edo pribatuk xede bererako eman ditzakeen beste dirulaguntza, laguntza, diru sarrera edo baliabideak, betiere 8. oinarrian aurreikusitako intentsitateak gainditzen ez badituzte. Intentsitate horiek, proiektu-tipologia bakoitzerako oinarri espezifikoetan zehazten dira.

Edozein zalantza izanez gero, kontsultatu

Ekonomia Sustapeneko zerbitzua

Eska ezazu laguntza berri bat
Zirriborro bat osatu
Kontsultak, ordainketak eta kudeaketak
Dokumentuak deskargatu
Dokumentu edo ereduetara sarbidea

Edozein zalantza izanez gero, kontsultatu

Departamentua/Zerbitzua Ekonomia Sustapena
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.


Itzuli