Enpresak Errotzen Programa: Hornitzaileak Km 0


  • Eskaera epea: Epe barruan
  • Azken eguna: 2025-07-15 13:00
  • Ekonomia Sustapena

Deskribapena:

Helburua

Gipuzkoako industria-enpresen eta hornitzaileen arteko lankidetza sustatzeko programa.

OHARRA

Proiektuaren eskaera elektronikoki sinatu behar da.

Ordezkaritza eskuordetzea aukeratuz gero, Gipuzkoako Foru Aldundiko ordezkaritza korporatiboaren erroldan alta emanda egotea derrigorrezkoa da. EZ du balio balizko ordezkaritzak.

Erakunde onuradunak

Jarduera Gipuzkoan garatzen duten enpresak hartuko dira onuraduntzat, eta honako hauek bereiziko dira:

  1. Gaur egun Gipuzkoakoak ez diren hornitzaileekin lan egiten duten industria-eremuko enpresak, eta
  2. Gipuzkoakoak ez diren hornitzaileak ordezten dituzten enpresa hornitzaileak, Gipuzkoako industria-sektoreko enpresekin dituzten merkataritza-harremanetan.

2. motako enpresa bat onuradun izan ahal izateko, 1.motako enpresa batekin lankidetzan egindako proiektuak aurkeztu beharko ditu, Gipuzkoakoak ez diren hornitzaileak Gipuzkoako hornitzaileekin ordezkatzeko.

Dirulaguntzaren xede diren jarduerak

Diruz lagundu ahal izango dira Gipuzkoako enpresa industrialek kanpoko hornitzaileen menpekotasuna murrizteko helburua duten proiektuak, Gipuzkoako hornitzaileekin lankidetza sustatuz. Honako hauek barne:

  • Tokiko hornitzaileak identifikatzea eta aztertzea, hornitzaile potentzialen bilaketa, merkatu-azterketak eta estrategikoki egokitzearen ebaluazioa barne hartuta.
  • Gipuzkoako hornitzaileekiko lankidetzaren bideragarritasun tekniko, ekonomiko eta logistikoari buruzko azterlanak
  • Proba pilotuak egitea tokiko hornitzaileekin, haien hornidura-gaitasuna, produktuen edo zerbitzuen kalitatea eta enpresa onuradunaren ekoizpen-prozesuekiko bateragarritasuna baliozkotzeko.
  • Tokiko hornitzaileak hornidura-katean integratzeko estrategiak eta ezarpen-planak garatzea.
  • Tokiko hornitzaileak industria-enpresaren betekizun tekniko espezifikoetara egokitzeko azterlanak, sektoreko estandarrak eta premia bereziak betetzen direla bermatzeko.
Dirulaguntzaren ehunekoa eta gehieneko zenbatekoak

Diruz lagundu daitezkeen gastuak honako hauek izango dira, betiere 8.2 oinarrian ezarritako mugak gainditu gabe:

  • Aholkularitza eta laguntza teknikoko gastuak.
  • Barneko langileen gastuak, ez dira proiektuaren gastu guztien % 50 baino gehiago izango.
  • Tokiko hornitzaileekin proba pilotuak egiteko gastu suntsikorrak.
  • 2.1 b) eta 2.2 oinarriak betetzen dituzten tokiko hornitzaileen inbertsioak, betekizun tekniko espezifikoetara egokitzeari dagokionez.
  •  Balio Erantsiaren gaineko Zerga ez da diruz lagundu daitekeen gastutzat joko
  • Ez dira diruz lagunduko 300 eurotik beherako gastuak.

  Emango diren dirulaguntzek honako muga hauek izango dituzte:

  • Aholkularitza gastuei dagozkien diruz lagun daitezkeen kostuen %75 gehienez.
  • Barne langileen gastuei dagozkien diruz lagun daitezkeen kostuen % 50 gehienez. 
  • Proba pilotuetako gastu suntsikorrei dagozkien diruz lagundu daitezkeen kostuen % 50 gehienez.
  • Egokitze-inbertsioei dagozkien diruz lagundu daitezkeen kostuen % 50 gehienez.

 Enpresa bakoitzak ezin izango ditu bi proiektu baino gehiago aurkeztu, eta gehienez ere 40.000 euroko dirulaguntza emango zaio enpresa bakoitzeko. Hala ere, 2.1 b) eta 2.2 oinarriak betetzen dituzten tokiko hornitzaileen inbertsioak dituzten proiektuetan, gehieneko zenbatekoa 60.000 € izango da.

Aurkeztu behar diren agiriak

1. Proiektuaren memoria (nahitaezkooa, ereduaren arabera)

  • Enpresa hornitzaileak
  • Enpresa ez hornitzaileak

2. Partaideen eta kostuen zehaztapena (nahitaezkoa, ereduaren arabera)

 Lankidetza-proiektuen kasuan, erakunde parte-hartzaile bakoitzak bere eskabidea aurkeztuko du.

Bete beharreko epeak
  • Eskabideak aurkezteko epea 2025eko uztailaren 15ean amaituko da, 13:00etan.
  • Gauzatzeko epea laguntza-eskaera aurkezten denetik aurrera hasiko da, eta 2026ko maiatzaren 31 baino lehen amaituko da.
  • Justifikatzeko epea 2026ko ekainaren 30a
Araudi aplikagarria

Gipuzkoako industria-enpresen hurbileko hornidura kateak sendotzeko Enpresak Errotzen programaren oinarri arautzaileak eta 2025eko deialdia.

Dirulaguntzak emateko prozedura

Dirulaguntza emateko prozedura norgehiagoka izango da, deialdi eta hautaketa prozedura bakarraren bidez.

Bateragarritasuna edo bateraezintasuna

Oinarri arautzaile hauetan araututako dirulaguntzak bateraezinak izango dira Gipuzkoako Foru Aldundiak helburu bererako ematen dituen beste laguntza batzuekin, eta bateragarriak izango dira helburu bererako beste dirulaguntza, laguntza, diru sarrera edo baliabide batzuekin, edozein administraziotatik edo erakunde publiko zein pribatutatik datozenak, Estatukoak, Europar Batasunekoak edo nazioarteko erakundeetakoak, betiere 8. oinarrian aurreikusitako intentsitateak gainditzen ez badituzte.

Entitate onuradunak oinarri arautzaile hauen babesean emandako dirulaguntzekin bateragarri den beste dirulaguntzaren bat lortzen badu, modu frogagarrian jakinarazi beharko dio dirulaguntza ematen duen organoari.

Edozein zalantza izanez gero, kontsultatu

Ekonomia Sustapeneko zerbitzua:

Eska ezazu laguntza berri bat
Zirriborro bat osatu
Kontsultak, ordainketak eta kudeaketak
Dokumentuak deskargatu
Dokumentu edo ereduetara sarbidea

Edozein zalantza izanez gero, kontsultatu

Departamentua/Zerbitzua Ekonomia Sustapena
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.


Itzuli