Gipuzkoa Taldean: gazteen ongizate emozionala sustatzeko proiektuak


  • Eskaera epea: Epez kanpo
  • Azken eguna: 2025
  • Estrategia

Deskribapena:

Helburua

Gipuzkoako gazteen ongizate emozionala sustatzen duten proiektuak finantzatzea.

Deskribapena eta laguntza jaso dezaketen kontzeptu

Dirulaguntzen xedea da, Gipuzkoako Foru Aldundiaren 2024-2027 Plan Estrategikoaren esparruan, prebentzioaren ikuspegitik, Gipuzkoako gazteen ongizate emozionala sustatzen duten proiektuak finantzatzea. Proiektu horiek izaera berritzailea izan beharko dute, lurraldeko erakundeen eta eragileen arteko lankidetza sustatu beharko dute, eta ikuspegi komunitario eta integratzailea izan beharko dute.

Zehazki, laguntzen helburua da prebentzio unibertsaleko proiektuak bultzatzea Gipuzkoako adingabeentzat, batez ere 12 eta 17 urte bitartekoentzat, babes-faktoreak indartzeko eta haien ongizate emozionalari eragin diezaioketen arrisku-aldagaiak murrizteko.

Proiektuek helburu hauek izango dituzte:

  • Dagokion lurralde-eremuan lehendik dauden ekimenen koordinazioa eta konbergentzia sustatzea, inpaktu esanguratsuagoa lortzeko: ongizate emozionalaren eremuan dauden askotariko baliabideak dinamizatzea eta bateratzea, lankidetza publiko-pribatu-sozialerako modu eta egitura berriak proposatzea, eta esku-hartzeen eragina optimizatzea.
  • Ingurune errealetan, lankidetzan oinarritutako prozesu, metodo edo sare komunitario berritzaileak pilotatzea, lurraldean erreferentzia izan daitezen eta, beraz, eragin biderkatzailea izan dezaten.
Laguntzen zenbatekoa

Dirulaguntzaren gehieneko zenbatekoa 60.000€koa izango da.

Hartzaileak

Dirulaguntzak jaso ahal izango dituzte udalek, toki-erakunde txikiek, mankomunitateek, unibertsitateek, lanbide-heziketako zentroek, ikastetxeek, elkarteek, fundazioek, enpresa publiko eta pribatuek, garapen-agentziek edo beste administrazio batzuek.

Baldintzak

Parte hartzeko eskabideak batera edo taldean aurkeztu beharko dira. Gutxienez bi erakundek osatu beharko dituzte taldeak, eta horietako batek, gutxienez,  udal edo toki-erakunde txiki bat izan behar du.

Ondorio horietarako, eskaera bat taldean aurkeztutzat har dadin, hura osatzen duen entitate bakoitzaren gutxieneko partaidetzak kostu hautagarriaren %20 izan behar du.

Aurkeztu behar diren agiriak
  • Eskaera eredua (online formatuan)
  • Taldeko gainontzeko kideen ardurapeko adierazpena
  • Emakume eta gizonen berdintasunari buruzko prestakuntza egiaztatzen duten tituluak (aukerakoa)
  • Lankidetzazko Gobernantza Aurrehartzaileari buruzko Aditu Tituloan parte hartzea (aukerakoa)
Eskaerak aurkezteko epea

Eskaintzak aurkezteko epea irekiko da deialdi hau Gipuzkoako Aldizkari Ofizialean argitaratu eta biharamunean eta 2025eko uztailaren 11ean bukatuko da, 12:00etan.

Eskaerak aurkezteko lekua Ebazpen epea Jaso beharreko dokumentazioa Administrazio-isiltasunaren efektuak Araudi aplikagarria

2025ko ekainaren 12ko Diputatuen Kontseiluaren erabakia (2025ko ekainaren 12ko GAO, 110. zk).

Oharrak Internetera Sarrera
Kontsultatu eta/edo kudeatu zure espedientea
Dokumentuak deskargatu
Dokumentu edo ereduetara sarbidea

Edozein zalantza izanez gero, kontsultatu

Departamentua/Zerbitzua Estrategia
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.


Itzuli