Eskulangintza sustatzeko plana 2025


  • Eskaera epea: Epe barruan
  • Azken eguna: 2025-05-08 13:00
  • Ekonomia Sustapena

Deskribapena:

Helburua

Eskulangintza sektorea sustatzeko programa, sektorearen lehiakortasuna hobetzeko, eta merkaturatzea eta gizartean duen balioa indartzeko.

Entitate onuradunak

Entitate onuradunak izango dira:

  • Eskulangintza enpresak, banakako enpresa eta sozietate enpresa izanik, Gipuzkoako Eskulangintzaren Erregistro Orokorrean –Lehen Sekzioan– inskribatuta daudenak.
  • Gipuzkoako Eskulangintzaren Erregistro Orokorrean –Hirugarren Sekzioan– inskribatuta dauden eskulangintza elkarteak.
Dirulaguntzen xedeko jarduerak

Eskulangintzako enpresak

  • Inbertsioak eskulangintza jarduerari lotutako makinerian, tresnerian, ekipamendu informatikoan eta softwarean.
  • Enpresaren eta bertako langileen artisau jarduera hobetzen zuzenean eragiten duten ikaskuntza jarduerak.
  • Gizarte Segurantzaren kotizazioa ordaintzeko kuotak.
  • Kanpo aholkularitza, lantegiaren kudeaketa hobetzen laguntzeko.
  • Azoketan parte hartzea.
  • Negozio lokalaren alokairua.

Eskulangintzako  elkarteak

  • Eskulangintza sektoreko elkarte edota erakundeek azoka edota eskulangintza lehiaketak antolatzea.
Kostuak eta dirulaguntzen zenbatekoak

Proiektu bakoitzerako gehieneko diru laguntzaren zenbatekoak:

Eskulangintzako enpresak

  • Inbertsioak eskulangintza jarduerari lotutako makinerian, tresnerian, ekipamendu informatikoetan eta softwarean. Diruz lagun daitekeen kostuaren % 50eraino; eskulangintzako lantegi bakoitzeko gehienez ere 2.500 euro eman ahal izango dira.
  • Enpresaren eta bertako langileen artisau jarduera hobetzen zuzenean eragiten duten ikaskuntza jarduerak. Diruz lagun daitekeen kostuaren % 90eraino; eskulangintzako lantegi bakoitzeko gehienez ere 1.200 euro eman ahal izango dira.
  • Gizarte Segurantzaren kotizazioa ordaintzeko kuotak. Diruz lagun daitekeen kostuaren % 75eraino; eskulangintzako lantegi bakoitzeko gehienez ere 1.500 euro eman ahal izango dira.
  • Kanpo aholkularitza, lantegiaren kudeaketa hobetzen laguntzeko. Diruz lagun daitekeen kostuaren % 50eraino; eskulangintzako lantegi bakoitzeko gehienez ere 1.000 euro eman ahal izango dira.
  • Azoketan parte hartzea:
    • Gipuzkoatik kanpoko azoketara joateko bada, diruz lagundu daitekeen kostuaren % 70eraino; gehienez ere, 2.000 euro azokako. Diruz lagundu daitekeen gastutzat joko da zoruaren eta erakusmahaiaren alokairu faktura, azokaren antolatzaileak egindakoa. 
    • Gipuzkoako azoken kasuan, azokan izena emateko kostuaren % 70eraino; gehienez ere, 1.700 euro azokako.
  • Negozio lokalaren alokairua. Diruz lagun daitekeen kostuaren % 50eraino; eskulangintzako lantegi bakoitzeko gehienez ere 800 euro eman ahal izango dira.

Eskulangintza lantegi bakoitzari ezingo zaio guztira 5.500 euro baino gehiago eman.

Eskulangintzako elkarteak

  • Azoka edota eskulangintza lehiaketak antolatzeagatik: % 65eraino finantzatuko da, gehienez ere 15.000 euro azoka bakoitzeko.
Dirulaguntza emateko prozedura

Dirulaguntzak emateko prozedura lehiarik gabeko konkurrentzia izango da, aurrekontu-baliabideak agortu arte.

Dirulaguntzaren Bateragarritasuna/Bateraezintasuna

Oinarri arautzaile hauetan araututako dirulaguntzak bateragarriak izango dira beste administrazio edo erakunde publiko edo pribatu batzuek kontzeptu eta helburu bererako emandako beste edozein dirulaguntza edo laguntzarekin.

Betetzeko epeak
  • Eskaerak aurkezteko epea: 2025eko maiatzaren 8an amaituko da, 13:00etan.
  • Jarduerak hasteko epea: 2025eko urtarrilaren 1etik aurrera.
  • Proiektuen exekuzio data: 2026ko otsailaren 28an amaituko da.
Araudi aplikagarria Edozein zalantza izanez gero, kontsultatu:

Ekonomia Sustapeneko Zerbitzua

Eska ezazu laguntza berri bat
Zirriborro bat osatu
Kontsultak, ordainketak eta kudeaketak
Dokumentuak deskargatu
Dokumentu edo ereduetara sarbidea

Edozein zalantza izanez gero, kontsultatu

Departamentua/Zerbitzua Ekonomia Sustapena
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.


Itzuli