B. Gipuzkoako kirol klub eta elkarteei zuzendutako kirol arloko dirulaguntzak


  • Eskaera epea: Epez kanpo
  • Azken eguna: 2025
  • Kirolak

Deskribapena:

Helburua

Gipuzkoako kirol klubei, kirol elkartei eta kirol sozietate anonimoetako kirol atalei, eta kirol elkarteei dirulaguntzak.

Xedea

Gipuzkoako kirol klubei, kirol elkartei eta kirol sozietate anonimoetako kirol atalei, eta kirol elkarteei dirulaguntzak ematea, norgehiagoka erregimenean, honako helburu hauek lortzeko: kirol federatuaren eskaintzari eustea eta garatzea, kluben ekintzak Gipuzkoako Foru Aldundiaren kirol politikekin lerrokatzea eta EAEtik gorako eremuan garatzen duen errendimendu lehiaketa sustatzea, Gipuzkoako talde kirolei dagokienez.

Laguntzen zenbatekoa
  • Gipuzkoako kirol klub eta elkarteentzako bloke komun orokorra: 1.500.000,00 euro
  • Atal espezifikoa GKP: 206.000,00 eoro
  • Atal espezifikoa Txirrindularitza: 60.000,00 euro
  • Atal espezifikoa Euskal Pilota: 15.000,00 euro
Hartzaileak

Gipuzkoako klub, kirol elkarte eta kirol sozietate anonimoen kirol atalak.

Baldintzak
  • Bigarren oinarri orokorrean adierazitakoak.
  • Eta dagokion eranskinaren bigarren oinarri espezifikoan adierazitakoak:
    • Diru laguntza hauen deialdiaren aurreko urtean, abenduaren 31n, Euskal Autonomia Erkidegoko Kirol Erakundeen Erregistroan izen emanda egotea.
    • Gutxienez 30 lizentzia federatu egiaztatu beharko dituzte laguntza deialdi hau argitaratu aurreko denboraldian. Kirol lizentzien kopuru hori zenbatzeko, kirolarien lizentziak infantil kategoriatik aurrera zenbatuko dira. Ez dira kontuan hartuko benjamin eta alebin kategorietako lizentziak, ezta jolas-txartelak ere. Salbuespen gisa, kirol modalitate gisa txirrindularitzak eta pilotak duten berezitasunagatik, gutxienez 20 lizentzia egiaztatu beharko dituzte.
    • Indarrean dagoen eskola kiroleko araudia betetzea, kirol arloko dirulaguntzak emateko oinarri arautzaile orokorren erakunde onuradunen betebeharrei eta konpromisoei buruzko 11. oinarrian adierazitakoaren arabera, zehazki b) eta ñ) letretan adierazitakoa.
    • Kirolarientzat, eskainitako zerbitzuen urteko kuota, edo gutxieneko denboraldirako kuota, zehaztuta edukitzea. Klub onuradunak  indarrean dagoen kuotaren % 75eko hobaria bideratzeko konpromisoa hartzen du, kirol denboraldiaren indarraldian DSBE laguntza jasotzen dutela egiaztatzen duten familia unitateetako kideentzat, bertako jardueretan parte hartzeko, muga gutxienez plaza 1 izango delarik, 15 kirol lizentziako.

    •          B2 atal espezifikoaren kasuan, Gazte Kirola Sustatzeko Plana (GKP) ezartzeko eta garatzeko arraun, eskubaloi eta saskibaloi modalitateetan. Aurreko atalean aipatutako ekintzaren bat egiten ari diren eta bal din tza hauek bete tzen dituzten klubek eta kirol elkarteek jaso ahal izango dituzte laguntza horiek:

        • Laguntzak eskatzen dituzten erakundeek infantil, kadete eta/edo jubenil kategoriako arraun, eskubaloi eta saskibaloi modalitateen lehiaketa ofizialetan parte hartu beharko dute.
        •  Erakunde eskatzaileek urteko kuota bat izan beharko dute ezarrita infantil, kadete eta jubenil kirolarientzat, eskainitako zerbitzuengatik: 100 eta 400 euro bitartean.

Azkenik, ez dute diru laguntza horiek jasotzeko aukerarik izango Gipuzkoako Foru Aldundiaren diru laguntza izendunen edo zuzeneko diru laguntzen entitate onuradunek.

Eskaerak aurkezteko epea

2025eko uztailaren 1tetik irailaren 30era.

Aurkeztu beharreko dokumentazioa

Honako informazio eta dokumentazio hau aurkeztu beharko da, derrigorrez, eskaera orriarekin batera:

  • Denboraldiko gastuen eta sarreren balantze xehatuaren formularioa. Bertan ez da jaso behar Gipuzkoako Foru Aldundiaren  laguntza lerro honetarako aurreikusitako dirulaguntza (B), eta diruz lagundu nahi den aurreikusitako defizita adierazi beharko da.
  • Zuzendaritza batzordeari buruzko informazioa.
  • Klubaren egitura profesionalizazioari buruzko informazioa.
  • Teknikari tituludunen zerrendari, euskararen ezagutza eta erabilera mailari, taldeen eta/edo kirolarien osaerari eta zerrendari eta horiek parte hartzeko eremuari buruzko informazioa.
  • Kudeaketa Aurreratuko Diplomari (3K) buruzko ziurtagiria, hala badagokio.
  • Modu kolektiboan parte hartzen duten modalitate kolektiboetako eta modalitate indibidualetako taldeek, guztiak kategoria absolutukoak izanik, EAEtik gorako lehiaketa erregularretara EAEtik kanpo egindako joan-etorriei buruzko informazioa.
  • Ekitate-politikei buruzko informazioa.
Ebazpen epea

Sei hilabete, urteko deialdia argitaratzen denetik aurrera kontatuta.

Jakinarazpenak

Deialdiaren ebazpena Gipuzkoako Aldizkari Ofizialean argitaratuko da. Argitalpen horrek banakako jakinarazpena ordezkatuko du eta jakinarazpena egintzat joko da eta lege ondorioak izango ditu ebazpena argitaratu eta biharamunetik.

Isiltasun administratiboaren ondorioak

Eskaera ezetsitzat joko da.

Araudi aplikagarria

Kirol arloko dirulaguntzak emateko oinarri arautzaile orokorrak eta espezifikoak, eta 2025eko deialdia, Diputatuen Kontseiluak onartuak 2025eko maiatzaren 1ean egindako batzarraldian (GAO: 2025-05-26; 97. zenbakia)

Informazio osagarria

JARDUERA FISIKOKO ETA KIROLETAKO ZERBITZUA

Gisela Yoldi 943113713 / e-maila: kirolak@gipuzkoa.eus

Ander Etxabe 943112486 / e-maila: anderetxabe@gipuzkoa.eus

Departamentua/Zerbitzua Kirolak
Kontsultatu eta/edo kudeatu zure espedientea
Dokumentu edo ereduetara sarbidea
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.

Dirulaguntza programen diagnostikoa 2025 (PDF)


Itzuli