Menchu Gal beka, artistei zuzendua, jatorrizko obra sortzeko


  • Egoera: Epe barruan
  • Eskaera epea:  2026-09-25 - 2026-10-23
  • Arloa: Kulturaren sustapena

Deskribapena:

Helburua

Jatorrizko lanak sortzeko artistei zuzendutako beka.

Eskaerei buruzko kontsultak

KBULEGOA

Santa Teresa Komentua

Elbira Zipitria 1

20003 Donostia-San Sebastián

943 11 33 43

kbulegoa@gipuzkoa.eus

9:00 - 14:00

Deskribapena eta laguntza jaso dezaketen kontzeptu

Bekaren zenbatekoa jatorrizko lanak sortzeko eta ekoizteko gastuak ordaintzeko erabiliko da.

Laguntzen zenbatekoa

Bekaren zenbatekoa: 25.000€.

Hartzaileak

Beka honen onuraduna arte plastikoetako diziplina batean (hala nola marrazketa, pintura, eskultura, zeramika eta grabatua) aritzen den eta oinarri arautzaileetan ezarritako baldintzak betetzen dituen pertsona fisikoa.

Baldintzak

a) Gipuzkoako Lurralde Historikoa osatzen duten udalerrietako edozeinetan administrazio-auzotasuna izatea, gutxienez bost urtez, azken hamar urteetan.

b) Oinarri hauetan jasotako baldintzak onartzea.

c) Gipuzkoako Foru Aldundiak emandako "Menchu Gal" beka aldez aurretik jaso ez izana.

Aurkeztu behar diren agiriak

a) Sormen-proiektuaren dosierra, honako hauek jasoko dituena:

  • Egin beharreko lana azaltzeko proposamena.
  • Egutegia eta lan-plana.
  • Lanaren lagina. 

Proiektuaren dosierra modu anonimoan aurkeztu beharko da.

b) Curriculum pertsonala eta aurreko lanen lagina, honako hauek barne:

  • Prestakuntza.
  • Aurreko argitalpenen lagina.

c) Proiektu, programa edo jardueraren diru-sarreren eta gastuen aurrekontu xehatua.

Eskaerak aurkezteko epea

2026 urtean, eskaerak aurkezteko epea urriaren 23an amaituko da.

Eskaerak aurkezteko lekua

Eskaerak, Kultura Sustapeneko eta Gazteriako Zuzendaritza Nagusiak emandako formularioaren arabera, eta ezarritako dokumentazioarekin batera, Internet bidez aurkeztuko dira, ahal dela eta eskaeren ezaugarriek bide hori eragozten ez badute, Gipuzkoako Foru Aldundiaren egoitza elektronikoan (https://egoitza.gipuzkoa.eus/eu/dirulaguntzak), dirulaguntzen atarian sartuta eta horretarako eskuragarri dagoen berariazko inprimakia erabiliz.

Eskatzaileak ez badu sinadura elektronikorik, pasahitzik edo elektronikoki eskaera aurkezteko baliagarri den nortasuna egiaztatzeko beste edozein bitartekorik, aplikazio informatikoaren bidez betetako eskaera orria aurkeztu beharko du paperean sinatuta.

Halaber, badago aukera eskaerak eta dokumentazioa aurkezteko, Kultura, Lankidetza, Gazteria eta Kirol Departamentuari zuzenduta, Gipuzkoako Foru Aldundiaren Erregistro Zentralean (Gipuzkoa plaza z/k, behe solairua, 20004 Donostia).

Ebazpen Epea

Prozedura ebazteko erabakia eman eta jakinarazteko gehieneko epea sei hilabetekoa izango da. Epe hori kontatzen hasiko da, kasu bakoitzean, eskaerak aurkezteko epea hasten denetik aurrera.

Araudi aplikagarria

Bere oinarri arautzaileetan ezarritakoaz gain, beka hau Gipuzkoako Lurralde Historikoko dirulaguntzei buruzko martxoaren 27ko 3/2007 Foru Arauak eta hori garatzeko onartutako Erregelamenduak, apirilaren 29ko 24/2008 Foru Dekretuaren bidez onetsitakoak, arautuko dute.

Oinarriak eta deialdia: https://egoitza.gipuzkoa.eus/gao-bog/castell/bog/2026/09/24/c2606090.pdf

Oharrak

Hemen azaldutakoa laburpena besterik ez da; dirulaguntza hauen oinarriak eta deialdia ezagutzeko Gipuzkoako Aldizkari Ofizialera jo behar duzue.

Departamentua/Zerbitzua Kulturaren sustapena
Eska ezazu laguntza berri bat Kontsultatu eta/edo kudeatu zure espedientea
Dokumentu edo ereduetara sarbidea
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.

Dirulaguntza programen diagnostikoa 2025 (PDF)


Itzuli