Laguntzak, bekak eta dirulaguntzak

Sentsibilizazio eta prebentzio programak egiteko dirulaguntzak (2. lerroa)

• Eskaera epea: Epez kanpo
• Azken eguna: 2025
• Gizarte Politikak

Deskribapena:

Helburua

Irabazi asmorik gabeko gizarte ekimeneko entitateei (12/2008ko Legeak, 73. art.) gizarte zerbitzuen esparruan garatzen dituzten programa eta jarduerak finantzatzen laguntzeko dirulaguntzak.

Xedea eta diruz lagun daitezkeen jarduerak

Dirulaguntzen xedea da egoera eta arazo sozial jakin batzuekiko sentsibilizazio eta prebentzio programak egitea, Zainketa eta Gizarte Politiketako Departamentuaren  jardueren eremuan.

Dirulaguntzaren xede diren jarduerak:

• Egoera eta arazo sozial jakin batzuekiko sentsibilizazio-jardunaldiak eta -kanpainak egitea, aldizkariak argitaratzea eta plataforma digitaletan argitaratzea barne (webguneak, blogak eta sare sozialak...).
• Dibulgazio kanpainak egitea, aldizkariak editatzea eta plataforma digitaletan argitaratzea barne (webguneak, blogak eta sare sozialak...).
• Prebentziorako sentsibilizazio kanpainak egitea, aldizkariak editatzea eta plataforma digitaletan argitaratzea barne (webguneak, blogak eta sare sozialak...).
• Hitzaldiak, jardunaldiak, kongresuak, mintegiak edo antzekoak antolatzea, 1. oinarrian jasotako gairen batean sentsibilizatzeko eta horietara joateko.
• Lehen oinarrian jasotako helburua duten tailerrak eta bestelako jarduerak antolatzea.
• Boluntarioak erakartzeko eta prestatzeko kanpainak egitea.

Dirulaguntzaren gehienezko zenbatekoa: 10.000 euro entitateko.

 

Elkarte onuradunak

Gipuzkoako Lurralde Historikoan gizarte zerbitzuen eremuan diharduten irabazi asmorik gabeko gizarte ekimeneko entitate pribatuak.

 

Erakunde eskatzaileek bete beharreko baldintzak

1. Irabazi asmorik gabeko gizarte ekimeneko erakunde pribatua, legez behar bezala eratua, izatea.
2. Gipuzkoako Foru Aldundiko Gizarte Zerbitzuen Foru Erregistroan inskribatuta egotea.
3. Ez eragitea onuradun izateko debekuek: 2007ko martxoaren 27ko 3/2007 Foru Arauak, Gipuzkoako Lurralde Historikoko dirulaguntzei buruzkoak, 12. artikuluaren 2, 3 eta 4. ataletan aurreikusitakoek.
4. Zerga obligazioak eta Gizarte Segurantzarekikoak egunean edukitzea eta aurretik emandako dirulaguntzak itzultzeko betebeharrak egunean izatea.
5. Egitura nahikoa edukitzea programaren helburuak beteko direla bermatzeko.
6. Zainketa eta Gizarte Politiketako Departamentutik lehenago jasoak dituzten dirulaguntzei dagozkien gastuak behar den neurrian eta aurreikusitako epeetan zurituak izatea.
7. Estatuko araudiaren arabera behartuta egonez gero, indarrean dagoen berdintasun-plana baduela, eta 50 langile baino gehiagoko enpresen kasuan, sexu-jazarpena edo sexuan oinarritutako jazarpena prebenitzeko eta eragozteko neurriak ezarrita dituela, emakumeen eta gizonen berdintasunaren arloan Estatuak ezarritakoaren arabera.
8. Adingabeekin harremana izan ohi duten langile guztiek, bai kontratatuek bai boluntarioek, Sexu Delitugileen eta Gizakien Salerosketako Delitugileen Erregistro Zentralaren ziurtagiri negatiboa izan behar dute.

Berariaz baztertuta daude laguntza hauek eskuratzeko:

1. Estatuaren, Autonomia Erkidegoaren Administrazioaren, tokiko erakundeen eta aurrezki entitateen mendeko entitateak.
2. Sartzeko eta parte hartzeko askatasuna mugatzen duten entitateak.
3. Helburuei, onartze sistemari, funtzionamenduari, ibilbideari edo jarduerari dagokienez, emakume eta gizonen arteko aukera berdintasunaren printzipioaren kontra doazen entitateak. 

 

Eskaera aurkezteko epea

Hasiera: 2025eko  maiatzaren 1a

Bukaera: 2025eko maiatzaren 30eko 23:59etan

Eskaera bakar bat aurkeztu ahal izango da dirulaguntzen lerro bakoitzeko. Hala ere, eskaera bakoitzak programa bakarra edo gehiago bildu ahal izango ditu, gehienez lau.

 

Aurkeztu behar diren agiriak

Eskabideak Gipuzkoako Foru Aldundiaren egoitza elektronikoan eskuragarri dagoen eskabide-ereduaren bidez aurkeztu behar dira: egoitza elektronikoa

Eskabidearekin batera, aplikazio informatikoan eskuragarri dauden “Programaren datuak 2” eta "AURREKONTUA" dokumentuak eta “erantzukizunpeko adierazpena” ere bete behar dira.

Gainera, programaren edo jardueraren inguruko informazio garrantzitsua gehitu ahal izango da, baldin eta informazio hori eranskin bakoitzean jasotako balorazio irizpideekin lotuta badago. Irizpide horien balorazioan, erakundeak berariaz adierazi eta egiaztatzen duena bakarrik hartuko da kontuan.

 

Erabakitzeko epea

Sei hilabete,  gehienez ere.

 

Deialdiaren ebazpena

Deialdiaren ebazpena Gipuzkoako Aldizkari Ofizialean argitaratuko da. Argitalpen horrek banakako jakinarazpena ordeztuko du.

 

Isiltasun administratiboaren ondorioak

Ezespena.

 

Araudi aplikagarria

2025eko deialdia: GAO, 2025-04-30 (80)

Oinarri arautzaileak: GAO, 2024-07-24 (143)

 

Oharrak