Laguntzak, bekak eta dirulaguntzak

Gipuzkoako udalei gabonetako turismoa dinamizatzeko dirulaguntzak

• Eskaera epea: Epez kanpo
• Azken eguna: 2025
• Turismo

Deskribapena:

Helburua

Laguntzak ematea Gipuzkoako 10 jarduketa eskualde bakoitzeko biztanle gehien dituzten udalerriei, daukaten potentzial turistikoa Gabonetan sustatzeko.

Hartzaileak eta baldintzak

1. Laguntzak eskualdeen artean modu orekatuan banatuko direla ziurtatzeko, eskualde bakoitzean biztanle gehien duen udalerria bakarrik izan daiteke onuradun, Estatistikako Institutu Nazionalak (INEk) argitaratutako azken errolda ofizialeko datuen arabera.

2. Oinarri hauetan araututako dirulaguntzen onuradun izateko, udal eskatzaileek honako baldintza hauek bete beharko dituzte:

• Gipuzkoako Lurralde Historikoko dirulaguntzei buruzko martxoaren 27ko 3/2007 Foru Arauak 12. artikuluan ezarritako debekuen eraginpean ez egotea.
• Zigor administratiborik edo penalik ez izatea sexu diskriminazioa dela eta, Emakumeen eta Gizonen Berdintasunerako eta Emakumeen aurkako Indarkeria Matxistarik Gabe Bizitzeko Legearen testu bategina onartzen duen martxoaren 16ko 1/2023 Legegintzako Dekretuak aurreikusitakoaren arabera.

Baldintza horiek betetzen direla egiaztatzeko, eskatzaileak erantzukizunpeko aitorpen bat aurkeztuko du. 

Deskribapena eta laguntza jaso dezaketen kontzeptu

Laguntzak ematea Gipuzkoako mankomunitateek edo garapen agentziek jarduteko dituzten hamar eskualde-eremuetako (hiriburua alde batera utzita, turismoa erakartzeko ahalmen handia baitu) biztanle gehien dituzten udalerrien potentzial turistikoa bultzatzeko gabonetan. Dirulaguntza horiek Turismo Zuzendaritzaren lurralde-gobernantzaren ereduaren barruan sartzen dira eta hurbileko turismoa sustatzen duten ingurune erakargarrien sorrera sustatzea dute helburu.

Diruz lagundu daitezkeen gastutzat hartuko dira diruz lagundutako jardueraren izaerari zalantzarik gabe erantzuten diotenak. Diruz lagundu daitezkeen gastuak eskuratzeko kostua ezin izango da inola ere merkatuko balioa baino handiagoa izan. Hala, diruz lagunduko dira udalerriko gabonetako apainketa-gastuak, hala nola argiztapen apaingarria eta espazio publikoetako apaingarriak. BEZa ez da diruz laguntzeko moduko gastutzat hartuko, berreskuratu edo konpentsatu ezin den zatia izan ezik (kasu horretan, erantzukizunpeko adierazpen bidez adierazi beharko da).

Udal onuradunek beste batzuekin hitzartu dezakete dirulaguntzaren xedeko jarduera osoa edo zati bat beraiek egitea, baldin eta 3/2007 Foru Arauak, martxoaren 27koak, Gipuzkoako Lurralde Historikoko Dirulaguntzei buruzkoak, 28. artikuluan ezarritako beharkizunak betetzen badira. Ezin izango da inola ere birkontratatu diruz lagundutako jardueraren kostua gehitu eta haren edukiari balio eran tsi rik ez dakarkion jarduerarik.

Laguntzen zenbatekoa

1. Jasotako laguntzak ezin izango du gainditu diruz lagundutako jardueraren benetako kostuaren % 60.
2. Gehieneko dirulaguntza 10.000,00 eurokoa izango da udal onuradun bakoitzeko. Salbuespen gisa, aurrekontu soberakina badago, zenbateko hori zati berdinetan banatuko da onuradunen artean, eta inola ere ez da gaindituko finantzaketaren gehieneko ehunekoa. 

Aurkeztu behar diren agiriak

A. Eskaerarekin batera aurkeztu behar diren agiriak

• Diruz lagundutako jarduera deskribatzen duen memoria (erabiltzen diren datu guztiak sexuaren arabera bereiziko dira)
• Proiektuaren dirusarreren eta gastuen aurrekontu xehatua eta banakatua. 

B. Dirulaguntza zuritu eta ordaintzea

Udal onuradunek diruz lagundutako jarduera egin izana eta sortutako kostuak justifikatu beharko dituzte, beranduenez 2026ko otsailaren 28an.

Dirulaguntza ordainduko da zuriketa kontua aurkeztu ondoren, honako agiriak erantsiz:

• Jarduketa memoria: dirulaguntza ematean jarritako baldintzak bete izana frogatuko duena, garatutako jarduerak, lortutako emaitzak eta lortutako inpaktuak adierazita (erabiltzen diren datu guztiak sexuaren arabera bereiziko dira)
• Egindako jardueren kostua justifikatzeko memoria ekonomikoa, honako hauek jasoko dituena:
• Jardueraren gastuen zerrenda sailkatua, hartzekoduna eta dokumentua, zenbatekoa, jaulkipen-data eta, hala badagokio, ordainketa-data adierazita.
• Aurreko paragrafoan aipatutako zerrendan jasotako fakturak edo merkataritzako trafiko juridikoan baliokidea den froga balioa duten dokumentuak edo eraginkortasun administratiboa dutenak, eta, hala badagokio, egindako ordainketaren egiaztagiriak.
• Proiektu bererako eskatutako eta/edo lortutako beste dirusarrera edo dirulaguntza batzuen zerrenda xehatua, zenbatekoa eta jatorria adierazita.

Ebazpen epea

Laguntzak emateko prozedura ebazteko eta jakinarazteko gehieneko epea hiru hilabetekoa izango da, eskaerak aurkezteko epea amaitu eta hurrengo egunetik aurrera kontatzen hasita. 

Eskaerak aurkezteko epea

• Hasiera: 2025eko urriaren 16an
• Amaiera: 2025eko azaroaren 10ean (12:00tan)

Eskaerak aurkezteko lekua

Gipuzkoako Foru Aldundiaren egoitza elektronikoaren bitartez (Laguntzak, bekak eta dirulaguntzak - Turismoa 2025 - Egoitza elektronikoa - Gipuzkoako Foru Aldundia), dirulaguntzen atarian sartuz, eskuragarri dagoen eskabidea betez, proiektuaren memoria eta aurrekontua edo fakturak aurkeztuz.

Administrazio-isiltasunaren efektuak

Ezespena.

Gipuzkoako Aldizkari Ofizialean argitalpena

GAO 197 zk, 2025eko urriaren 15ekoa

Harremanetarako pertsonak

• Aitziber Echave: 943113956 - aitziberechave@gipuzkoa.eus
• Estibaliz Oiarzabal: 943112187 - eoiarzabal@gipuzkoa.eus
• Xabier Agirrezabala: 943112215 - xagirrezabala@gipuzkoa.eus