Laguntzak, bekak eta dirulaguntzak

Bizikleta bideen tokiko sarea garatzeko eta bizikletentzako azpiegitura erosi eta instalatzeko udalentzako diru laguntzak.

• Egoera: Epez kanpo
• Eskaera epea:  2025-01-01 - 2025-03-20 23:59
• Arloa: Ingurumena

Deskribapena:

Helburua

Bizikleta-bideen tokiko sarea garatzeko eta bizikletetarako azpiegiturak erosi eta instalatzeko udalentzako dirulaguntzak

Deskribapena

Oinarri hauen objektua da Gipuzkoako Lurralde Historikoko udalei dirulaguntzak ematea, bizikleta bideen tokiko sarea garatzeko eta bizikletentzako azpiegiturak erosi eta instalatzeko, baita udal bidegorrietan seinaleak erori eta instalatzeko.

Hartzaileak

Gipuzkoako Lurralde Historikoko udalak.

Laguntza jaso dezaketen kontzeptuak

A- Bizikleta bideen tokiko sarearen garapenetik eratorritako gastuak:

1.  Bizikleta eta oinezkoentzako bideak edo soilik bizikletentzakoak eraikitzeko eta hobetzeko obrak egiteko.
2. Bizikleta eta oinezkoentzako bideak edo soilik bizikletentzakoak eraikitzeko eta hobetzeko obren proiektu teknikoak idazteko.

B- Bizikletentzako azpiegiturak erosi, instalatu eta seinaleztatzearen ondoriozko gastuak:

1. Bizikletentzako erabilera publikoko aparkalekuak.
2. Bizikletak autokonpontzeko eta/edo puzteko azpiegiturak 

 C- Tokiko bidegorrietako seinaleztapena erostea eta instalatzearen ondoriozko gastuak

Eskaera egiteko aurkeztu behar diren agiriak

- Diruz lagundu daitekeen proiektua azaltzen duen memoria

- Banakatutako aurrekontua.

- Dirulaguntzaren xede diren jarduketen kontratazioa esleitzeko udal akordioaren edo akordioen ziurtagiria.

- Dirulaguntzetan genero-ikuspegia txertatzeko eskuragarri dagoen eredua, beteta.

Bizikleta-bideak eraikitzeko eta hobetzeko obrak egiteko eskaeretan, honako hauek ere aurkeztu beharko dira:

- Proiektua azaltzen duen memorian, proiektua zein planetan gauzatuko den adierazi behar du (Gipuzkoako Bizikleta Bideen Lurralde Plan Sektoriala, udal plana…).

- Bizikleta-bidea eraikitzeko edo hobetzeko proiektuaren kopia.

- Burutuko diren lanen denboraren plangintza.

Bizikletentzako azpiegiturak erosteko eta instalatzeko eskabideekin batera, honako hauek ere aurkeztu beharko dira:

- Dirulaguntzaren xede diren azpiegitura guzti-guztiak zehazten dituen koadroa.

- Diruz lagundu daitekeen azpiegituraren ezaugarriei buruzko txostena.

- Udalerrian dauden bizikletak aparkatzeko guneen, autokonpontzeko taldeen eta bizikletak puzteko taldeen inbentarioa

 

Eskaerak aurkezteko epea

Eskaerak aurkezteko epea HOGEI EGUNEKOA izango da, deialdia Gipuzkoako Aldizkari Ofizialean argitaratzen den egunaren biharamunetik hasita. 

Eskaerak aurkezteko lekua

Eskaerak eta erantsitako dokumentazioa bitarteko elektronikoak erabiliz aurkeztu behar dira, Gipuzkoako Foru Aldundiaren egoitza elektronikoaren bitartez, web orri honetan (https://egoitza.gipuzkoa.eus/es/dirulaguntzak),dirulaguntzen atarian sartuz eta horretarako eskuragarri dagoen eskabidea betez.

Ebazpen Epea

Ebazpena jakinarazteko gehieneko epea 3 hilabetekoa izango da, dirulaguntza aurkezten den egunaren biharamunetik.

Araudi aplikagarria

Oinarri hauetan aurreikusitakoaz gain, honako hauek xedatutakoa bete beharko da: 2007ko martxoaren 27ko 3/2007 Foru Arauak, Gipuzkoako Lurralde Historikoko dirulaguntzenak, eta foru arau hori garatzeko Erregelamenduak (2008ko apirilaren 29ko 24/2008 Foru Dekretuaz onartuak), bai eta dirulaguntzen arloan aplikatu beharreko gainerako araudia ere.

Oharrak

Diru laguntza jasoko bada, jarduketak hasi gabe egon behar du deialdiari dagokion urteko urtarrilaren 1ean, eta deialdiari dagokion urteko urriaren 31ren aurretik gauzatu eta zuritu beharko da.

Oinarri arautzaileak eta 2025eko deialdia

Gipuzkoako Aldizkari Ofiziala