Laguntzak, bekak eta dirulaguntzak

«Elkar-EKIN Lanean» dirulaguntzak: Ibilbide profesionalak

• Egoera: Epez kanpo
• Eskaera epea:  2025-05-17 - 2025-06-16 14:00
• Arloa: Proiektu Estrategikoak

Deskribapena:

Helburua

Enplegua sustatzeko eta gizarteratze eta laneratzeko dirulaguntzak.

Deskribapena eta laguntza jaso dezaketen kontzeptu

A) Diruz lagundu daitezkeen proiektuak:

• Lurralde osorako zeharkako proiektuak.
• Sektore hauei zuzendutako proiektuak: Industria, Eraikuntza, Ostalaritza eta Turismoa, Sukaldaritza eta Merkataritza; Mendekotasunaren zaintza eta arretaren sektorea, Gipuzkoako Foru Aldundiaren proiektu estrategikoekin lotutako sektoreak, Enplegu berdea, 1. sektorea.

16-25 urteko gazteen kolektiboari berariaz zuzendutako jarduera-ildoei emango zaie lehentasuna.

B) Dirulaguntzaren xede diren jarduerak:

• Gizarteratzeko ibilbide integratuak lantzen dituzten programak: oinarrizko eta zeharkako gaitasunetatik hasi (CP0) eta gaitasun teknikoetarainokoak (CP1, 2 eta 3), akonpainamendu eta tutoretza jarduerak sartuz, prospekzio eta bitartekaritza jarduerak edota lan-merkatuan benetan sartzeko beharrezkoak diren bestelakoak.
• Enplegu eta prestakuntzako programak, prestakuntza-zentroa eta lantokia konbinatzen dutenak.
• Aurreko paragrafoetan jaso gabe dauden jarduera berritzaileak, baldin eta gazteak laneratzeko helburua badute.
• Laneratzeko enpresen laguntza pertsonalizatua, enplegu arrunta lortzeko.

c) Diruz lagundu daitezkeen kostuak:

• Diruz lagungarriak izango dira erakunde eskatzaileak aurkezten duen aurrekontu banakatu eta xehatuan jasotako kostuak, jardueraren garapenari zalantzarik gabe lotuta daudenean.
• Prestakuntza ikastaroetara joan  izateagatik pertsonei ordaindutako zenbatekoen kostuak.
• Barneko langileen kostuak (proiektua osatzen duten entitateak barne, banaka edo lankidetzan) hautagarri izango dira, gehienez ere 35 euro/orduko. Proiektuari eskainitako orduen ziurtagiri bat aurkeztuko da.
• Kostu hautagarriak izango dira, zeharkako gastu edo gastu orokor gisa, justifikatu beharrik gabe, langileen zuzeneko kostu diruz lagungarrien % 5era bitartekoak.

Departamentuak kostu hautagarriak aztertu eta erabakiko ditu, honako hauek kontuan hartuta: proiektuaren konplexutasun maila, espero den inpaktua, entitateak esparru horretan duen gaitasun profesionala, lehiarik dagoen ala ez, eta, betiere, merkatuaren balioa gainditu gabe.

Laguntzen zenbatekoa

Gipuzkoako Foru Aldundiaren laguntzak baremo hauen arabera kalkulatuko dira:

• 10 eta 15 pertsona arteko prestakuntza-ikastaroak 123,36 €/orduko
• 10 pertsona baino gutxiagoko prestakuntza-ikastaroak 8,97 €/orduko eta pertsonako.
• Ikastarora joateko bekak: 9 €/eguneko.
• Laguntza eta prospekzioa 39 €/orduko.
• Zeharkako kostuen % 15

Eta kostu hautagarrien % 85 izango dira. Laguntzaren gehieneko muga, gutxienez 15 hilabeteko eta gehienez 24 hilabeteko iraupena duen proiektu bakoitzeko, 200.000 €-koa izango da, eta 50.000 €-tan handituko da gazteekin eta Gipuzkoako Foru Aldundiaren proiektu estrategiko sektoreekin lotutako proiektuetarako.

Laneratzeko enpresen laguntza pertsonalizatuari lotutako jarduerak, enplegu arrunta lortzeko gehienez ere 15.000 €-ko laguntza izan dezakete.

Nolanahi ere, onuradun bakoitzak ezin izango du  300.000 €-ko muga gainditu.

Erakunde onuradunak

Onuradun izan daitezke Gipuzkoan kokatuta dauden enpresak eta entitateak:

• Horrela kalifikatutako laneratze enpresak, dagokion erregistroan inskribatuta daudenak, 182/2008 Dekretuak, azaroaren 11koak, laneratze enpresen kalifikazioa arautzen duenak eta enpresa horietan sartzeko prozedura eta haien erregistroa ezartzen dituenak, xedatutakoaren arabera.
• Hirugarren sektoreko entitateak, halakotzat hartuta daudenak Euskadiko Hirugarren Sektore Sozialari buruzko maiatzaren 12ko 6/2016 Legearen 2. artikuluan, eta dagokien erregistroan inskribatuta daudenak.

Proiektuaren baldintzak

• Diruz lagundu daitezkeen jardueren hartzaileek, betiere, Gipuzkoako lurralde historikoan bizi direnak izan behar dute.
• Dirulaguntza jaso ahal izango duten jarduerak Gipuzkoako Lurralde Historikoan garatzen diren proiektuak izango dira.
• Proiektuek gehienez 21 hilabete iraungo dute, 2025eko urtarriletik 2026ko irailaren 30era. (deialdiaren 4. puntua zuzenduko da, atzemandako akatsaren ondorioz. 1. lerroa jartzen duen tokian Ibilbide profesionalak jarri behar du).

Aurkeztu behar diren agiriak

Eskaerak eta erantsitako dokumentazioa bitarteko elektronikoak erabiliz aurkeztu behar dira, Gipuzkoako Foru Aldundiaren egoitza elektronikoaren bitartez (https://egoitza.gipuzkoa.eus), dirulaguntzen atarian sartuz eta horretarako eskuragarri dagoen eskaera betez.  Eskaerak eta dokumentazio osagarria aurkeztuko dira Foru Administrazioaren eremuan bitarteko elektronikoen erabilera arautzen duten irailaren 28ko 23/2010 Foru Dekretuan eta Administrazio Publikoen Prozedura Administratibo Erkideari buruzko urriaren 1eko 39/2015 Legeko 14.2 eta 68.4 artikuluetan xedatutako eran.

Txostenaren eskaerari, behar bezala beteta, dokumentazio hau erantsiko zaio:

a) Gizarteratze arloko enpresen eta hirugarren sektoreko entitateen kasuan, erregistro eskudunean inskribatuta egotearen ziurtagiria, II. eranskineko 2.1 oinarri espezifikoa eta III. eranskineko 2.1 eta 2.2 oinarri espezifikoak.

b) Diruz lagundu daitekeen jardueraren deskribapen-memoria:

• Proiektuaren izena.
• Parte hartzen duten erakundeen datuak (erakundearen tipologia zehaztuta, 2.1 oinarri espezifikoen arabera).
• Proiektua koordinatzeko harremanetarako pertsonaren/en identifikazioa.
• Edukia.
• Formatua.
• Garatuko beharreko metodologia.
• Proiektuaren exekuzio kronograma.
• Jarduera egiteko lekua edo lekuak.
• Erakunde onuradun bakoitzak Gipuzkoako Lurralde Historikoan dituen jarduera zentroak.
• Inplikatutako pertsonak eta/edo materialak.
• Beste alderdi tekniko batzuk, proiektua II. eranskineko 5. oinarrian eta III. eranskineko 5. oinarrian ezarritako irizpideen arabera baloratzeko.

c) Diru sarreren eta gastuen aurrekontu banakatua. Diruz lagundu daitekeen jarduera batera finantzatzen bada, zenbatekoa, ehunekoa eta jatorria zehaztu beharko dira.

d) Aplikazioaren eskaera inprimakian sartutako erantzukizunpeko adierazpena.

e) Erakunde eskatzaile/onuradunen ordezkariaren identifikazioa. 

f) Era berean, eskatutako betekizunak egiaztatzeko egokitzat jotzen diren beste agiri osagarri batzuk ere aurkeztu ahal izango dira.

Eskaerak aurkezteko epea

Eskaerak aurkezteko epea 2025eko  maiatzaren 17an hasiko da eta 2025eko ekainaren  16an 13:00etan  amaituko da. 

Eskaerak aurkezteko lekua

https://egoitza.gipuzkoa.eus/eu/dirulaguntzak

Ebazpen epea

6 hilabete.

Jaso beharreko dokumentazioa Administrazio-isiltasunaren efektuak

Ezestekoa.

Araudi aplikagarria

https://egoitza.gipuzkoa.eus/gao-bog/castell/bog/2025/05/16/c2503380.pdf