Laguntzak, bekak eta dirulaguntzak

B eranskina. Gizartea eraldatzeko hezkuntza proiektuak

• Egoera: Epez kanpo
• Eskaera epea:  2025-03-08 - 2025-04-07 14:00
• Arloa: Lankidetza

Deskribapena:

Helburua

Gizartea eraldatzeko hezkuntza proiektuetarako dirulaguntzak.

Deskribapena eta laguntza jaso dezaketen gaiak

Gizarte-eraldaketako eta garapenerako hezkuntzako proiektuak aurrera eramateko laguntzen emakida arautzea da oinarri espezifiko hauen xedea. Proiektu hauek gizartearen baitan kontzientzia kritikoa sortzeko tresna egokia dira, erantzukidetasun eta hiritartasun unibertsaleko ideiatik abiatuz, herritarren mobilizazioa sustatuz eta herrien nahiz pertsonen emantzipaziora bideratutako ekimen eta esperientzia eraldatzaileak martxan jarriz.
Diruz lagundu daitezkeen ekimenak diru laguntza honen oinarri espezifikoetan azaltzen dira, 2. atalean.

Hartzaileak

Deialdi honen xede diren diru laguntzen onuraduntzat hartuko dira Diputatuen Kontseiluak 2025eko otsailaren 25an onartutako dirulaguntza modalitate bakoitzari dagozkion oinarri orokorretan eta oinarri espezifikoetan jasotako baldintzak betetzen dituzten onuradunak.

Laguntzen zenbatekoa

915.000,00 euro (gutxienez 15.000 €, gehienez 50.000€ proiektuko).

Baldintzak

• Entitate eskatzaileen betebeharrak  Dirulaguntzen oinarri espezifikoetako 3. oinarrian azaltzen dira, B. lerroan
• Proiektuen betebeharrak diru laguntza honen oinarri espezifikoetan azaltzen dira, 4. oinarrietan

Aurkeztu behar diren agiriak

a) Eskaera inprimakia, eskaera orri normalizatuan.
b) Aurrekontua
c) Partzuergoaren hitzarmena, hala egokitzean.
d) Erantzukizunpeko adierazpena, langile guztiek badutela urtarrilaren 15eko 1/1996 Lege Organikoak, Adingabearen Babes Juridikoari buruzkoak, 13.5 artikuluan eskatutako ziurtagiri negatiboa (adingabeekin ohiko kontaktua izatea eskatzen duten proiektuak direnean)
e) Gipuzkoako Foru Aldundiarekiko ordainketak egunean daudela ziurtatzen duen agiria.
f) Gizarte Segurantzarekiko ordainketak egunean daudela ziurtatzen duen agiria.
g) Erantzukizunpeko adierazpena, Gipuzkoako lurralde historikoko dirulaguntzei buruzko 3/2007 Foru Arauak, martxoaren 27koak, 12. artikuluaren 2, 3 eta 4 apartatuetan aipatutako debekurik ez duela adieraziz.

Eskaerak aurkezteko epea

• Hasiera: 2025ko martxoaren 08a
• Amaiera: 2025ko apirilaren 07, 14:00tan

Eskaerak aurkezteko modua

Urriaren 1eko 39/2015 Legeak, administrazio publikoen administrazio prozedura erkidearenak, 14.2 a) artikuluan xedatutakoaren arabera, Gipuzkoako Foru Aldundiaren erregistro elektronikoaren bidez soilik (https://egoitza.gipuzkoa.eus) aurkeztuko dira eskaerak, aurreko atalean adierazitako nahitaezko dokumentazioarekin batera dirulaguntzen atarian  sartuz.

Eskaera eta harekin joan behar duen dokumentazioa Internet bidez aurkezterakoan, foru araudi hauek bete behar dira: irailaren 28ko 23/2010 Foru Dekretua, Foru Administrazioaren eremuan bitarteko elektronikoen erabilera arautzen duena, eta dirulaguntzei buruzko espedienteen hainbat tramite bitarteko elektronikoen bidez egiteko obligazioa arautzen duen abenduaren 30eko 131/2011 Foru Agindua, (Gipuzkoako Aldizkari Ofiziala 10 zk. 2012ko urtarrilaren 16koa).

Eskaeren gehieneko muga, entitate bakoitzeko.

1.- Ezein entitatek ezingo du, ez banaka ezta partzuergo moduan ere, eskaera bat baino gehiago aurkeztu diru laguntzen modalitate bakoitzean.

2.- Oinarri arautzaileetako A. eta B. lerroetan araututako diru laguntzen modalitateetan eskaera egiten duten entitateek ezingo dute eskaerarik aurkeztu C. lerroan.

Ebazpen epea

Sei hilabete,  diru laguntzen deialdia argitaratzen den unetik kontatzen hasita.

Isiltasun administratiboaren ondorioak

Ezespena

Araudi aplikagarria

Diputatuen Kontseiluak, 2025eko otsailaren 25ean egindako batzarraldian, besteak beste, honako erabaki hau hartu du: GAO 45, 2025ko martxoaren 07koa.

Diru laguntzen ordainketa

 

   Lehen ordainketa:

     ·  Zenbatekoa: Lehenengo ordainketa ehuneko bera izango da erakunde onuradun guztientzat, ekitaldiko           aurrekontu-kredituaren arabera zehaztuko da.

     ·  Izapidea: Dirulaguntza ematen denean (zuzenean, izapiderik gabe)

  Bigarren ordainketa:

     ·  Zenbatekoa: emandako gainerako dirulaguntza.

     ·  Izapidea: Beharrezkoa da “Ordaintzeko eskaera” aurkeztea, dirulaguntzen atarian.

     ·  Justifikazioa: emandako dirulaguntzaren lehen ordainketaren zenbatekoaren % 40. Eredu ofizialen bidez         (Txosten finantzarioa LANA.xls + Txosten narratiboa LANA.doc)

     ·  Aurkezteko epea: urtebete, gehienez, dirulaguntza eman dela jakinarazten edo argitaratzen denetik.

Informazio osagarria

Kultura, Lankidetza, Gazteria eta Kirol Departamentua
Nazioarteko Lankidetzako Zuzendaritza Nagusia
Gipuzkoa plaza z.g. - 20004 - San Sebastián
Tel.: 943 113755 / 943 112527
lankidetza@gipuzkoa.eus