Enpresentzako laguntzak uholdeengatik: Tolosaldea, Goierri eta Urola Garaia


  • Egoera: Epez kanpo
  • Eskaera epea:  2025-11-21 - 2025-11-26 13:00
  • Arloa: Ekonomia Sustapena

Deskribapena:

Helburua

Tolosaldea, Goierri eta Urola Garaiko enpresei laguntzak ematea, maiatzaren 19ko eta ekainaren 14ko uholdeek eragindako kalteak ordaintzeko, aseguruek estaltzen ez badituzte.

Hartzaileak

Onuradunak izango dira nortasun juridiko propioa duten enpresak, baldintza hauek betetzen badituzte:

  • Tolosaldean, Goierrin edo Urola Garaian izan behar dute eraginpeko ekoizpen-zentroa edo establezimendua.
  • Aldez aurretik inskribatuta egon behar dute maiatzaren 19ko eta ekainaren 14ko uholdeek eragindako enpresa gisa, 433/2025 Foru Aginduan ezarritako kalteak ordaintzeko prozeduraren arabera, eta Ekonomia Sustapeneko zuzendariaren ebazpen bidez onartutako enpresa gisa agertu.
Laguntza jaso dezaketen kontzeptuak

Maiatzaren 19ko eta ekainaren 14ko uholdeek eragindako enpresa gisa inskribatzeko prozesuan zehaztu eta onartu diren estali gabeko kalteak. Inskripzio hori 433/2025 Foru Aginduan ezarritako prozeduraren arabera egindakoa.

Laguntzen zenbatekoa

Aseguru-polizek edo bestelako dirulaguntzek estaltzen ez dituzten kalteak konpontzeko, ordezteko edo birjartzeko gastuen % 50eraino lagunduko da diruz. Gastu horiek jasota egon behar dute uholdeek eragindako enpresak inskribatzeko maiatzaren 19ko eta ekainaren 14ko formulario bakar sinplifikatuan. Formulario hori Gipuzkoako Foru Aldundiaren 433/2025 Foru Aginduaren bidez onartu zen.

Enpresa bakoitzak 10.000 euroko laguntza jaso ahal izango du gehienez. Muga hori 15.000 euroraino handitu ahal izango da enpresak ezbeharraren ondorioak arintzeko kostuarekin finantzaketa eskatu eta jaso badu.

Aurkeztu behar diren agiriak

Erantzukizuneko adierazpena ereduari jarraituz.

Eskaerak aurkezteko epea

Gipuzkoako Aldizkari Ofizialean argitaratu eta hurrengo egunetik aurrera hasiko da epea eta 2025eko azaroaren 26an 13:00etan amaituko da.

Araudi aplikagarria

Tolosaldea, Goierri eta Urola Garaiko enpresei 2025eko maiatzaren 19ko eta ekainaren 14ko uholdeengatik estali gabeko kalteak ordaintzeko laguntza programako dirulaguntzen eta 2025eko deialdia.

Aldizkaria 2025-11-20, 223 Zenbakia

Departamentua/Zerbitzua Ekonomia Sustapena
Kontsultatu eta/edo kudeatu zure espedientea
Dokumentu edo ereduetara sarbidea
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.

Dirulaguntza programen diagnostikoa 2025 (PDF)


Itzuli