Laguntzak, bekak eta dirulaguntzak

"Enpresak Berritzen: Ekonomia Berdea" laguntza programa

• Eskaera epea: Epez kanpo
• Azken eguna: 2025
• Ekonomia Sustapena

Deskribapena:

Helburua

Ekonomia berdearen irizpideak jarraituz Gipuzkoako enpresen lehiakortasuna hobetuko duten inbertsioak bultzatzeko

Erakunde onuradunak

• Gipuzkoan kokatuta egotea.
• Enpresa txiki eta ertaina izatea
• 5 langiletik 250 baino langile gutxiago artean izatea. 

Dirulaguntzaren xede diren jarduerak

• Egungo ekipamenduaren ordez, efizientzia handiagoko beste bat jartzea, ekonomia berdearen irizpideak jarraituz. Ordezkatutako ekipoen balio-bizitza amaitu beharko da, berrerabili ezin izateko moduan.

• Ez dira diruz lagunduko:
• Finantza errentamenduan erostea.
• Ekipamendua egokitzea edo ordeztea, indarrean dagoen ingurumen araudiari egokitzeko.
• Tresnak eta material suntsikorra.
• Ibilgailuak, barne erabilerakoak izan ezik, hala nola orga jasotzaileak eta pala kargatzaileak.
• Eraikinak eraberritzea, eraikinen inguratzailearen isolamendua hobetzea (leihoak, itxiturak…) eta eraikinen energia ziurtapena.
• Gipuzkoako Lurralde Historikoko zentro batean aplikatzekoak ez diren proiektuak.

Dirulaguntzaren ehunekoa eta gehieneko zenbatekoak

• Diruz lagundu daitezkeen proiektuko kostuen % 50 lagunduko da diruz.
• Eskaera bat onartuko da enpresa bakoitzeko, eta dirulaguntza, gehienez, 40.000,00 eurokoa izango da.
• Proiektu bakoitzeko gutxieneko inbertsioa 3.000,00 eurokoa izango da (BEZik gabe), eta ez dira onartuko 1.000,00 eurotik beherako zerga oinarria duten fakturak.

Aurkeztu behar diren agiriak

• Memoria_Aurrekontua_batez besteko plantilla (nahitaezkoa, ereduaren arabera)
• Enpresa-kategoriaren adierazpena (nahitaezkoa, ereduaren arabera)
• Eskaeraren kopia/proformako faktura (nahitaezkoa)
• Batez besteko plantillaren ziurtagiria (nahitaezkoa)
• Ogasuna eta Gizarte Segurantza ziurtagiriak (nahitaezkoa, egiaztapen automatikoari uko eginez gero)

Betetzeko epeak

• Eskaerak aurkezteko epea: deialdia Gipuzkoako Aldizkari Ofizialean argitaratu eta hurrengo egunetik aurrera zenbatzen hasiko da. Epe hori amaituko da 2025eko urriaren 30ean 13:00etan (aurrekontua agortzen bada, epea lehenago itxiko da).
• Hasteko epea: Proiektuak 2025eko uztailaren 1etik aurrera hasiak izan ahalko dira.
• Proiektuak justifikatzeko data:  Era berean, proiektuak justifikatzeko data ez da inola ere izango 2026ko ekainaren 30a baino geroagokoa.

Araudi aplikagarria

Enpreak Berritzen: Ekonomia Berdea programaren 2025eko oinarri arautzaileak eta deialdia (2025/09/23ko Diputatuen Kontseiluaren erabakiz onartu zen - 2025/09/29ko GAO 185 zk.).

Dirulaguntzak emateko prozedura

Dirulaguntzak elkarren arteko lehiarik gabeko prozeduraren bidez emango dira.

Bateragarritasuna edo bateraezintasuna

• Oinarri arautzaile hauetan ematen diren dirulaguntzak bateraezinak izango dira helburu bererako Gipuzkoako Foru Aldundiko beste laguntza batzuekin, eta bateragarriak helburu bererako beste dirulaguntza, laguntza, diru-sarrera edo baliabide batzuekin, Estatuko, Europar Batasuneko edo nazioarteko edozein administrazio edo erakunde publiko edo pribatuk emandakoekin, baldin eta proiektuaren kostu osoa gainditzen ez badute.
• Entitate onuradunak oinarri arautzaile hauen babesean emandako dirulaguntzekin bateragarri den beste dirulaguntzaren bat lortzen badu, modu frogagarrian jakinarazi beharko dio dirulaguntza ematen duen organoari.

Aurrekontua

Aurrekontua guztira: 1.500.000 €

• 2025 partida:    1.000.000 €
• 2026ko partida:   500.000 €

Edozein zalantza izanez gero, kontsultatu

Ekonomia Sustapeneko zerebitzua:

• Kudeaketa administratiboa: 943.112009
• kudeaketa teknikoa: 943.112217
• sustapena.eraldaketa@gipuzkoa.eus