Gipuzkoako Lurralde Historikoko 2.500 biztanle baino gutxiagoko udalerrietan Banda Zabal Ultralasterra hedatzeko diru laguntzak


  • Eskaera epea: Epez kanpo
  • Azken eguna: 2020
  • Lurralde oreka

Deskribapena:

Xedea eta jarduketa esparrua

Laguntzaren helburua da 2018 deialdian dirulaguntzarik eman ez zitzaien Gipuzkoako 2.500 biztanle baino gutxiagoko udalerrietan hirigunetik aparte eta sakabanatuta dauden unitate higiezinetara Banda Zabal Ultralasterra hedatzea.

Ekonomia Sustapeneko, Turismoko eta Landa Inguruneko Departamentuak laguntza horiei dagokien atalean diru laguntzak jaso ditzaketen jarduera eremuen zerrenda sartuko du LandaGipuzkoa+ web orrian (http://www.gipuzkoa.eus/eu/web/landa-gipuzkoa/banda-ultra-azkarra).

 

Diruz lagundu daitezkeen jarduketak

Diruz lagundu daitezkeen gastu eta inbertsiotzat hartuko dira azpiegituraren hedapenaren inbertsioarekin zuzenean lotuta daudenak.

Jardueraren aurrekontua

Jardueraren aurrekontua 2.000.000 € da.

Diru laguntzen onuradunak

Diru laguntza honen onuradunak izan daitezke, alde batetik, sektore pribatuko pertsona fisikoak edo juridikoak, behar bezala gaitutako operadorearen izaera badute, eta bestetik, aipatutako pertsona fisikoen edo juridikoen elkarteak.

Eskaerak aurkezteko modua

Nahitaez, Gipuzkoako Foru Aldundiko egoitza elektronikoan aurkeztuko da (https://egoitza.gipuzkoa.eus), diru laguntzen atarira sartuta sinadura elektronikoaren edo pasahitzaren bidez, eta ondorio horretarako bertan eskuragarri jarritako berariazko inprimakia erabiliz.

Laguntza hauei buruzko informazio guztia eskuragarri izango da LandaGipuzkoa+ web orrian (http://www.gipuzkoa.eus/eu/web/landa-gipuzkoa/banda-ultra-azkarra); halaber, laguntzak eskatu nahi dituzten operadoreek jakin dezaten, diruz lagundu daitezkeen edo dagoeneko diruz lagundutako unitate higiezinei buruzko informazio eguneratua izango da orri horretan, eta bertatik sartu ahal izango da aurreko paragrafoan aipatutako egoitza elektronikora, dagokion eskaera egiteko.

Emateko prozedura

Diru laguntzak elkarren arteko lehiako prozeduraren bidez emango dira, dauden kreditu mugen barruan.

Eskaerak aurkezteko epea

2020ko abenduaren 22tik 2021ko urtarrilaren 25era.

Oinarri arautzaileak eta deialdia

2020ko deialdia

Informazio osagarria

Eider Amezua / Aloña Otero: 943 337555

 

Aurkeztu behar diren agiriak
Egin ezazu zure eskaera webgune honen bidez
Ziriborro bat osatu webgune honen bidez
Kontsultak, ordainketak, kudeaketak, etab. webgune honen bidez
Dokumentuak deskargatu
Dokumentu edo ereduetara sarbidea

Edozein zalantza izanez gero, kontsultatu

Departamentua/Zerbitzua Lurralde oreka
KONTSULTAK, KEXAK ETA IRADOKIZUNAK
Jar zaitez harremanetan Foru Aldundiko edozein departamenturekin eta egiozu zure kontsulta.
 

Dokumentuak deskargatu

Gipuzkoako Foru Aldundiaren eta haren sektore publikoaren laguntzei eta diru laguntzei aplikatu beharreko Jokabide kodea eta zuzentasun instituzionaleko esparrua (PDF)

Integritatearen kultura sendotzea eta azpiegitura etiko bat eraikitzea du helburu, bai Foru Aldundiaren eta haren sektore publikoaren kasuan, bai laguntza eta dirulaguntza horien onuradun diren entitate, enpresa edo organismoen kasuan.


Itzuli